NAKUMPISKANG OPEN-MUFFLER SA KALIBO UMABOT NA SA 170

ulat ni Darwin Tapayan, Energy FM 107.7 Kalibo

Kalibo PNP FB

Mahigpit paring ipinapatupad ng Kalibo police station ang kanilang operasyon kontra sa mga open-muffler motorcycle sa Kalibo.

Sa unang tatlong buwan ng taon, umabot na sa mahigit 170 modified o open mufflers ang nakumpiska ng mga kapulisan.

Ayon sa ulat ng Kalibo police station, nakapagtala sila ng nasa 68 na na nakumpiskang motorsiklong may open muffler ngayong buwan ng Marso.

Sa buwan ng Enero ay nakakumpiska ang mga awtoridad ng 11 muffler samantalang sa Pebrero ay 91.

Nabatid ayon sa municipal ordinance no. 2016-003, ang mga mahuhuling gumagamit ng maiingay na muffler ay posibleng mapatawan ng Php2,500 penalidad.

Bago maibalik ang sasakyan ay kinakailangan munang mapalitan ng may-ari ang muffler nito.

Sa kabilang banda, sa loob rin ng tatlong buwan ay 136 “colorum” na na tricycle na bumibiyahe sa Kalibo ang inimpound ng pulisya.

BORACAY PASOK SA ASIA’S 2017 TOP 10 ISLAND - TRIP ADVISOR

ulat ni Darwin Tapayan, Energy FM 107.7 Kalibo

Pasok ang isla ng Boracay sa ikapitong pwesto sa Asia’s top ten island ng 2017 Travelers’ Choice Awards.

Ang Bali Indonesia ang nanguna sa listahan. Sinundan ito ng tatlong isla sa Thailand, ayon sa pagkakasunud-sunod: Phuket island, Ko Samul at Koh Tao. Panglima naman sa listahan ang Lomok sa West Nusa Tenggara, Indonesia.

Ang iba pang mga nakapasok ay Gili Trawangan sa Gili Islands, Indonesia; Langkawi, Malaysia, Havelock island sa Andaman and Nicobar Islands at; Taketomicho Iriomote-Jima sa Yaeyama-gun, Japan.

Samantala anim na hotel sa Boracay ang pasok sa Top 25 hotels sa bansa.

Ang report ay inilabas ng isang sikat na travel site na TripAdvisor nitong Marso 21.

TUBIG SA BORACAY LIGTAS PARIN PARA PALIGUAN AYON SA ECOTOURISM BODY

ulat ni Darwin Tapayan, Energy FM 107.7 Kalibo

Ligtas parin ang baybayin ng isla ng Boracay base sa water quality assessment ng environmental management bureau.

Ito ang sinabi ni Department of Tourism-VI director Helen Catalbas sa isinagawang pagpupulong ng regional ecotourism committee (REC) kaugnay sa isyu ng naglalabasang mga lumot dito.

Sinabi pa ni Catalbas na isa umanong “blessing” ang mga lumot sa isla ng Boracay at hindi umano hadlang sa industriya ng turismo.

Paliwanang ni DOT 6 at dating REC chair, ang mga lumot ay biyaya dahil nakakapag-ambag ito sa pagiging puti ng buhangin sa Boracay.

Ayon naman kay Arjunn Calvo, Chief, EMB Planning and Programming Division, na wala umano silang nakitang pollutants sa mga baybayin ng isla.

Una nang ikinabahala ang paglabasan ng mga lumot lalu na ng mga turista dahil narin sa mga balitang dahil ito sa polusyon sa tubig.

Nanindigan naman ang Boracay Foundation Incorporated (BFI) na normal lamang ang paglalabasan ng kadalasan tuwing Pebrero hanggang Mayo tuwing summer season.

EKSPANSYON NG KALIBO AIRPORT MULING SUMAILALIM SA PAGDINIG SA SP-AKLAN

ulat ni Darwin Tapayan, Energy FM 107.7 Kalibo

Muling sumailalim sa pagdinig ang estado ng pagbili ng lupa para sa ekspansyon ng Kalibo International Airport (KIA) sa Sanggnuniang Panlalawigan.

Base sa committee report, napag-alaman na ang 79 na mga may-ari ng lupa ay nabayaran na ng husto at sampu pa ang parsyal na nabayaran ng project implementor.

Napag-alaman rin sa pagdinig na hinihintay pa ng project implementor ang individual certification ng mga tenant na kasama sa Department of Agrarian Reform (DAR) para sa kanila na maibigay ang bayad.

Ibabase umano ng project implementor ang land value sa isinumite ng independent appraiser.

Nangako rin si Engr. Arturo Balderas, project manager ng KIA na makikipag-ugnayan sa Nationa Irigation Administration (NIA) para maayos ang apektadong irrigation canal sa nasabing ekpansyon.

Kaugnay rito, iminungkahi ng komitiba na  isama ang DAR at ang NIA sa management committee.

Hiniling ng mga miyembro ng komitiba sa project implementor na magtakda ng panahon para sa pagbayad ng mga apektadong tenant.

Nabatid ayon kay KIA-Civil Aviation area manager na ang Kalibo airport ay may average na 17 international at 30 domestic flights bawat araw.

SMOKING BAN SA BAYAN NG KALIBO IPINAPATUPAD NA

ulat ni Darwin Tapayan, Energy FM 107.7 Kalibo

Nagsimula na kahapon, Marso 23 ang smoking ban sa mga pampublikong lugar sa bayan ng Kalibo. Ito ang  kinumpirma ni konsehala Cynthia dela Cruz, committee chair on health sa Energy FM Kalibo.

Ang soft implementation umano ay magtatagal nang 90 araw bago ito ganap na maipatupad. Posible anyang sa Hunyo 23 ay strikto nang maipatupad ang batas na ito.

Tinatakda sa ordinance no. 2016-004 ang pagbabawal sa paggamit, pagbenta, pagdi-distribute at pag-a-advertise ng sigarilyo at iba pang mga produktong tabako, maging ang electronic cigarettes, sa mga pampublikong lugar. 

Ang mga lalabag sa batas na ito ay papatawan ng kaukulang penalidad na hindi tataas sa 2, 500 pesos at pagkakulong ng limang araw o pagpapasara sa establisyemento.

Una nang sinabi ni Dela Cruz na ipapatupad ang batas na ito sa lahat ng mga pampublikong lugar maliban sa bahay, at mga designated area sa mga terminal, hotel, at airport.

VIDEOKEH BARS SA BORACAY BALAK I-BAN NG SB MALAY

ulat ni Darwin Tapayan, Energy FM 107.7 Kalibo

Dahil sa mga kaguluhan at gambalang dulot ng magdamagang videoke bars sa isla ng Boracay at maging sa mainland Malay, nagpahayag ang miyembro ng Sanggunian ng Malay na i-ban ang mga ito.

Sa ginanap na 10th regular session ng Sanggunian, sinabi ni konsehala Nenette Graf nais umano niyang i-ban ang videoke bars na inaabot ng madaling araw.

Ayon naman kay Abraham Sualog, gusto niyang ipasara nalang ang mga videoke bars dahil maliban sa mga ito ang sanhi ng gulo at ingay ay pinagmumulan rin umano ito ng prostitusyon.

Tutol naman sa mga pahayag na ito si SB member Jupiter Gallenero kung saan sinabi niyang dapat lamang iregulate ang mga videoke bars dahil naging bahagi na ng kulturang Pilipino ang pagkanta tuwing may mga okasyon.

Pag-aaralan pang maigi ang nasabing usapin sa joint committee ng laws, tourism at environment.

DAPAT SIMPLE LANG ANG GRADUATION, PAALALA NG DEPED-AKLAN

ulat ni Darwin Tapayan, Energy FM 107.7 Kalibo

Nagpaalang muli ang Department of Education (DepEd) - Aklan sa mga guro, magulang at mga estudyante na dapat simple lang ngunit makabuluhan ang graduation ngayong taon kapwa sa pribado at pampublikong paaralan.

Sa panayam ng Energy FM Kalibo kay DepEd-Aklan Superintendent dr. Jesse Gomez, sinabi niyang dapat simple at hindi dapat magastos ang graduation, kabilang na ang damit na susuotin at pagkaing ihahanda.

Pinaalala rin niya ang “no collection policy” sa mga paaralan at kung may karagdagan mang gagastusin ay dapat boluntaryo lamang at napagkasunduan sa parents-teachers association.

Nabatid ayon kay Gomez na ang graduation ay para lamang sa kindergarten; recognition naman mula grade 1 hanggang grade 5 at grade 7 hanggang 9; preparation ceremony sa grade 6 at closing exercise sa grade 7. Gagawin umano ang mga ito sa Abril 6 at 7 maliban lamang sa hindi maisasantabing kadahilanan. 

Ang tema ngayong taon ay “Sabay-Sabay na Hakbang Tungo sa Maunlad na Kinabukasan.” 

IKA-120 TAON NG KAMATAYAN NG 19 MARTIRES, NI HEN. CASTILLO GINUNITA

 ulat ni Darwin Tapayan, Energy FM 107.7 Kalibo

Ginugunita ngayon ng Aklan ang ika-120 taon ng kamatayan ng 19 martires at ni hen. Francisco del Castillo, mga rebolusyonaryong nakipagdigma sa mga mananakop para makamit ang kasarinlan.

Isinagawa ang programa sa pagbibigay-pugay sa mga lokal na bayani sa Aklan Freedom Shrine ngayong umaga. Dinaluhan ito ng mga lokal na mga opisyal, mga guro, mga estudyante, mga pamilya ng mga bayani at iba pa.

Ang Aklanong katipunerong si heneral Castillo ay napatay ng mga kaaway noong Marso 17, 1897 sa ngayon ay Pastrana Park. Kasunod rito, ang kanyang mga kasamang mga sundalo ay pwenersa na isuko ang kanilang mga armas, ang ilan dahil sa pangakong makakatanggap ng amnestiya. Pero ito ay bigla ring nasira at noong Marso 23, 1897, ang 19 martires ng Aklan ay pinaslang.

Ang mga 19 martires ay sina Roman Aguirre, Tomas Briones, Valeriano Dalida, Domingo dela Cruz, Claro Delgado, Angelo Fernandez, Benito Iban, Candido Iban, Simeon Inocencio, Isidro Jimenez, Catalino Mangat, Lamberto Mangat, Valeriano Masinda, Maximo Mationg, Simplicio Reyes, Canuto Segovia, Gavino Sucgang, Francisco Villorente, at Gavino Yunsal.

Para gunitain ang kamatayan ng 19 Martires ng Aklan, ang Batas Pambansa blg. 7806 ay nagtatakda na bawat ika-23 ng Marso ng taon bilang isang special public holiday sa lalawigan ng Aklan.

AKLAN PNP NAGHAHANDA NA SA SEMANA SANTA AT SUMMER VACATION

ulat ni Darwin Tapayan, Energy FM 107.7 Kalibo

Naghahanda na ang Aklan Police Provincial Office (APPO) para sa seguridad sa nalalapit na semana santa at summer vacation.

Kaugnay rito, sinabi ni APPO public information officer SPO1 Nida Gregas, inatasan na ang pwersa ng mga kapulisan sa lalawigan upang maglaan ng sapat na police presence, mobile o beat patrol, intelligence gathering operations at public safety para sa semana santa.

Maliban sa paghahanda para sa Lenten season, pinalalawig na rin ng Aklan PNP ang operational plan para sa summer vacation. Kasama rito ang maxim

um deployment ng PNP personnel sa provincial at sa mga municipal police stations at maging sa mga mobile patrol.

Kabilang rin sa ipapatupad ang pagakakaroon ng Police Motorists’ Assistance Centers sa mga matataong lugar at ang pag-iinspeksyon sa lahat ng mga terminal sa probinsiya.

Maglalagay rin umano sila ng mga information desk sa mga bus terminal, mga pier at mga paliparan, mga lugar ng pagsamba at sa mga resort at tourist spot.

Makikipag-ugnayan rin umano ang lahat ng mga field unit commander sa mga organizer ng mga aktibidad ng simbahan at sa mga kinauukulan.

MASANGSANG NA TAMBAKAN NG BASURA SA BORACAY SINUSULUSYUNAN NA

Ginagamit na ngayon ang isang organic mineral technology upang maalis ang masangsang na amoy ng mga basurang nakatambak sa centralized material recovery facility (MRF) sa Isla ng Boracay.

Ayon sa bagong upong executive assistant ng solid waste management na si Jose Macavinta, ang pagspray ay gagawin habang ang mga basura mula sa brgy. Manocmanoc sa Boracay ay inililipat sa brgy. Cabulihan, Malay.

Nabatid na ang nasabing white organic powder ay una nang ginamit noong Asia Pacific Economic Cooperation conference noong Mayo 2015. 

Kamakailan lang ay nangako ang lokal na pamahalaan ng Malay na matapos ang paglilipat ng mga basura sa MRF sa Abril 10. 

Ito ay kasunod ng atas ng Provincial Environment and Natural Resources-Aklan dahil narin sa mga reklamo sa mabahong amoy na nagmumula rito.

Humingi rin ng kooperasyon sa tatlong punong barangay sa Boracay at mga stakeholder sa paglutas sa suliranin ng basura sa isla. (PNA)

PANG-7 NEGOSYO CENTER SA AKLAN INILUNSAD NG DTI SA LIBACAO

ni Darwin Tapayan, Energy FM 107.7 Kalibo

photo (c) Dicof Diaz Cofrero FB

Inilunsad ng Department of Trade and Industry (DTI) – Aklan at ng lokal na pamahalaan ang pangpitong Negosyo Center sa probinsiya sa bayan ng Libacao.

Ang nasabing Negosyo Center ay binuksan sa senior citizens building ng munisipyo umaga ng Miyerkules.

Kilala ang Libacao bilang pangunahing prodyuser ng aba

ca fiber at iba pang mga produktong pang-agrikultura.

Una nang inilunsad ng ang mga Negosyo Center sa mga bayan ng Kalibo, Ibajay, Altavas, Numancia, Lezo at Makato. 

Ngayong taon, nakatakda na ring ilunsad ng DTI-Aklan ang mga Negosyo Center sa mga bayan ng Malinao at Malay.

Ayon sa DTI, sa pamamagitan ng mga center na ito ay makapagsasagawa sila ng training at micro, small and medium enterprise development sa mga stakeholder sa mga nasabing bayan. 

Samantala, napag-alaman na sa pamamagitan ng mga Negosyo Center sa Kalibo, Ibajay at Altavas sa nakalipas na taon ay nasa 6,000 na kliyente na ang nabigyan nila ng business registratrion at business advisory services. 

DROGA, SUGAL AT WANTED PERSON, SUSUPILIN NG BAGONG OIC NG AKLAN PNP

ulat ni Darwin Tapayan, Energy FM Kalibo

photo by APPO 

Striktong ipapatupad ng bagong officer-in-charge ng Aklan police provincial office (APPO) ang mga batas laban sa wanted person, illegal drugs, at illegal gambling sa kanyang panunungkulan.

Sa panayam ng Energy FM Kalibo sinabi ni PSSupt. Lope Manlapaz, na ang mga atas na ito bilang OIC ng police force sa lalawigan ay mula sa regional director.

Ipapagpapatuloy rin umano niya ang mga sinimulan ng dating administrasyon lalu na sa pagpapanatili ng peace and order at pagsupil sa mga kriminalidad sa probinsiya.

Kaugnay rito hiniling niya ang kooperasyon ng mga Aklanon para sa kaayusan at katahimikan ng Aklan. Paliwanag ni Manlapaz, hindi nila matutupad ang kanilang atas at mapanatili ang kaayusan kung walang aktibong suporta mula sa mamamayan.

Si Manlapaz ay opisyal na umupo noong Lunes bilang bagong OIC ng Aklan PNP kapalit ni dating acting provincial director PSSupt. John Mitchell Jamili matapos siyang ilipat sa Campo Crame.

Ang kasalukuyang OIC ay una nang naglingkod bilang hepe ng regional logistic division ng police regional office 6.

MGA PANIBAGONG FLIGHTS BINUKSAN SA CATICLAN

Nagbukas ang ilang airline companies ng mga panibagong flight sa Caticlan na magdurugtong sa Boracay sa iba pang mga tourism destination sa bansa kabilang na ang El Nido, Iloilo.

Isang bagong flight mula Iloilo ay inilunsad ng Lunes ng isang Filipino Airline Company na AirJuan Corp.  Ang flight na ito sa pagitan ng Caticlan at Iloilo ay 45 minutos lang kumpara sa lima hanggang pitong oras na land travel.

Ang airline na ito ay bibiyahe ng Iloilo-Caticlan tuwing Lunes at Huwebes.

Noong nakaraang linggo, isa pang Filipino airline ang nagbukas ng ruta na nagkokonekta sa El Nido, Palawan. Ang AirSWIFT ay nagsagaw ng inaugural flight noong Marso 17 mula Lio Airport sa El Nido gamit ang 48-seater na aircraft.

 

Ang airline ay may flight sa Boracay apat na beses tuwing linggo, tuwing Linggo, Miyerkules, Byernes at Linggo.

Samantala, maliban sa Iloilo at El Nido, a panibagong flight connection sa Davao ay nakatakdang ilunsad sa Abril 22.

YUMAONG PULIS BINIGYAN NG MEDAL OF HEROISM AT WREATH MULA KAY DU30

Ginawaran ng medal of heroism o medalya ng kadakilaan at wreath mula kay Pangulong Rodrigo Duterte ang yumaong pulis na nasagasaan ng van habang nasa kanyang katungkulan.

Personal na natanggap ng pamilya ni PO2 Kynch Parce ang nasabing nasabing medalya at wreath mula kay police regional 6 director PCSupt. Jose Gentiles.

Si Parce ay binawian ng buhay habang ginagamot sa isang pribadong hospital sa Iloilo Marso 16 ng madaling araw.

Magugunitang nasagasaan ng rumaragasang van ang pulis habang nagsasagawa ng imbestigasyon sa nangyaring vehicular accident sa national highway ng Makato gabi ng Marso 6.

Nakatakdang ihatid sa kanyang huling hantungan ang yumaong pulis sa Sabado, Marso 25 sa New Washington Catholic Cemetery pagkatapos ng alas-10:00 na misa sa Most Holy Rosary Parish Church sa New Washington.

PCSO IPAPATAWAG NG SP-AKLAN RE: PAGBUBUKAS NG STL SA PROBINSIYA

ulat ni Darwin Tapayan, Energy FM Kalibo

Nakatakdang ipatawag ng Sangguniang Panlalawigan ng Aklan ang pamunuan ng Philippine Charity Sweepstakes Office (PCSO) kaugnay ng takdang pagbubukas ng expanded small-town lottery (STL) sa probinsiya.

Ito ay matapos ipaabot ni SP member Lilian Tirol sa regular session ng Sanggunian ang kanyang pagkabahala kaugnay sa narinig niyang oposisyon ng simbahang Katoliko sa nasabing sugal.

Matatandaan na una nang naglabas ng pastoral letter ang diocese of Kalibo upang tutulan ang operasyon ng STL sa probinsiya sa kabila ng legalidad nito. Binasa ang nasabing pahayag sa mga misa sa lahat ng simbahang sakop ng dayoseso noong Linggo. 

Sang-ayon naman ng konseho na ipatawag ang PCSO para sa isang pagdinig na pangungunahan ng committee on games and amusement ngayong linggo upang ipaliwanag ang operasyon ng STL. Kukuwestiyunin rin kung paano magkakaroon ng bahagi ng kita ang mga lokal na pamahalaan sa operasyong ito.

Naniniwala naman si SP member Harry Sucgang na “premature” kung ipapatawag kaagad sa Sanggunian ang authorized operator ng STL. Makakabuti umano na maobserbahan muna ang kanilang operasyon simula ngayong Marso 25 saka ito ipatawag.

Una nang naireport na ang Yetbo Gaming Corporation ang nabigyan ng awtoridad na mag-operate ng nasabing number game sa probinsiya at may opisina sa N. Roldan St., Poblacion, Kalibo.

SP-AKLAN HIHINGI NG PONDO PARA SA KONSTRUKSIYON NG DEPED DIVISON OFFICE

ulat ni Darwin Tapayan, Energy FM 107.7 Kalibo

Nagpasa ng resolusyon ang Sangguniang Panlalawigan ng Aklan na humihingi ng karagdagang pondo kay education secretary Leonor Briones para sa pagtapos ng konstruksiyon ng Department of Education (DepEd) division office.

Sa regular session ng Sanggunian, sinabi ni SP member Soviet Russia Dela Cruz, kailangang matapos agad ang konstruksiyon ng bagong division office sa Numancia para magamit na ng mga estudyante ang kasalukuyang division office sa Kalibo.

Paliwanag ng lokal na mambabatas, ang kasalukuyang division office na umuukupa sa Gabaldon building ay kalapit lamang ng Kalibo Elementary School. Iginiit niya na dahil sa patuloy na pagdami ng mga estudyante, kailangan pati ang gusaling ito ay ilaan narin para sa mga mag-aaral.

Nabatid sa resolusyong inihain ni Dela Cruz na una nang naglaan ng pondo ang lokal na pamahalaan ng Aklan sa halagang mahigit Php11 milyon para dito at karagdagang Php2,700,000 mula kay dating bise gobernador Calizo Quimpo pero hindi umano ito naging sapat.

Magugunitang kamakailan lang ay una nang isinama ng gobernador ang Php25 milyong pondo na uutangin sa bangko para sa proyektong ito pero inalis rin ng Sanggunian matapos mapagkasunduan na dapat ay sa DepEd central office ito manggagaling. 

SP-AKLAN HIHINGI NG PONDO PARA SA KONSTRUKSIYON NG DEPED DIVISON OFFICE

ulat ni Darwin Tapayan, Energy FM 107.7 Kalibo

Nagpasa ng resolusyon ang Sangguniang Panlalawigan ng Aklan na humihingi ng karagdagang pondo kay education secretary Leonor Briones para sa pagtapos ng konstruksiyon ng Department of Education (DepEd) division office.

Sa regular session ng Sanggunian, sinabi ni SP member Soviet Russia Dela Cruz, kailangang matapos agad ang konstruksiyon ng bagong division office sa Numancia para magamit na ng mga estudyante ang kasalukuyang division office sa Kalibo.

Paliwanag ng lokal na mambabatas, ang kasalukuyang division office na umuukupa sa Gabaldon building ay kalapit lamang ng Kalibo Elementary School. Iginiit niya na dahil sa patuloy na pagdami ng mga estudyante, kailangan pati ang gusaling ito ay ilaan narin para sa mga mag-aaral.

Nabatid sa resolusyong inihain ni Dela Cruz na una nang naglaan ng pondo ang lokal na pamahalaan ng Aklan sa halagang mahigit Php11 milyon para dito at karagdagang Php2,700,000 mula kay dating bise gobernador Calizo Quimpo pero hindi umano ito naging sapat.

Magugunitang kamakailan lang ay una nang isinama ng gobernador ang Php25 milyong pondo na uutangin sa bangko para sa proyektong ito pero inalis rin ng Sanggunian matapos mapagkasunduan na dapat ay sa DepEd central office ito manggagaling. 

SP-AKLAN HIHINGI NG PONDO PARA SA KONSTRUKSIYON NG DEPED DIVISON OFFICE

ulat ni Darwin Tapayan, Energy FM 107.7 Kalibo

Nagpasa ng resolusyon ang Sangguniang Panlalawigan ng Aklan na humihingi ng karagdagang pondo kay education secretary Leonor Briones para sa pagtapos ng konstruksiyon ng Department of Education (DepEd) division office.

Sa regular session ng Sanggunian, sinabi ni SP member Soviet Russia Dela Cruz, kailangang matapos agad ang konstruksiyon ng bagong division office sa Numancia para magamit na ng mga estudyante ang kasalukuyang division office sa Kalibo.

Paliwanag ng lokal na mambabatas, ang kasalukuyang division office na umuukupa sa Gabaldon building ay kalapit lamang ng Kalibo Elementary School. Iginiit niya na dahil sa patuloy na pagdami ng mga estudyante, kailangan pati ang gusaling ito ay ilaan narin para sa mga mag-aaral.

Nabatid sa resolusyong inihain ni Dela Cruz na una nang naglaan ng pondo ang lokal na pamahalaan ng Aklan sa halagang mahigit Php11 milyon para dito at karagdagang Php2,700,000 mula kay dating bise gobernador Calizo Quimpo pero hindi umano ito naging sapat.

Magugunitang kamakailan lang ay una nang isinama ng gobernador ang Php25 milyong pondo na uutangin sa bangko para sa proyektong ito pero inalis rin ng Sanggunian matapos mapagkasunduan na dapat ay sa DepEd central office ito manggagaling. 

AKLAN, ISA NANG RETIREMENT-FRIENDLY AREA

ulat ni Darwin Tapayan, Energy FM 107.7 Kalibo

Isa nang retire-friendly province or retirement area ang lalawigan ng Aklan kasunod ng pag-apruba sa resolusyong inihain kaugnay rito sa Sangguniang Panlalawigan.

Nakasaad sa draft resolution nina vice governor Reynaldo Quimpo at SP member Immanuel Sodusta, ang pagdedeklara sa probinsiya bilang retirement area ay magiging daan para maisama ng Philippine Retirement Authority (PRA) sa kanilang mga promosyon.

Sinabi rin sa resolusyong ito na sa pamamagitan rin nito ay posibleng magtayo ng satellite office ang PRA sa probinsiya.

Naniniwala ang mga lokal na mambabatas na makakahikayat ito ng mas maraming imbestor at magbubukas ng maraming trabaho sa lalawigan.

Iginiit rin na ang Aklan ay may mga pinalalawig nang imprastraktura at pasilidad, isang kakaibang kultura, at sapat na tao para tumugon sa mga pangangailangan ng mga retiree.

US CRUISE LINE MAMUMUHUNAN SA PAGTATAYO NG BORACAY TERMINAL -DOT

ulat ni Darwin Tapayan, Energy FM 107.7 Kalibo

Isang Miami-based international cruise line ang nakaktadang maglaan ng teknikal at pinansiyal na tulong sa pagtatayo ng terminal sa Caticlan o sa Boracay ayon sa Department of Tourism (DOT).

Ito ay kasunod ng paglagda ng kasunduan ng DOT, ng lokal na pamahalaan ng Aklan at ng Royal Caribbean Cruise Ltd. (RCCL) noong nakaraang linggo para palakasin ang global cruising market sa Western Visayas.

Ayon sa report ng Philippine News Agency, sinabi ni DOT Usec. Benito Bengzon, Jr na ang kasunduan ay sa ilalim parin ng negosasyon. Plano kasi na ang homeport na itatayo ng RCCL ay magiging bukas rin sa iba pang commercial vessels. 

Hindi naman nabanggit kung magkano ang halaga na ipupuhunan rito.

Nabatid na ang Boracay ay pangatlo sa pinakamalaking cruise destination sa buong Pilipinas na may 29 pagbisita ng cruiseship sa nakalipas na apat na taon. 

MISTER TUMALON SA TOWER NG TELCO SA BAYAN NG LEZO, PATAY

ulat ni Joefel Magpusao, Energy FM 107.7 Kalibo

Patay na nang isugod sa provincial hospital ang isang lalaki matapos tumalon sa cell tower ng isang telco sa Poblacion, Lezo, mag-aalas-4:00 ng madaling araw.

Kinilala ang biktima sa pangalang Ferdinand Serano alyas Boboy, 42 anyos, at residente ng brgy. Mina, Lezo.

Bigla umanong umakyat sa tower ang biktima saka tumalon.

Nakarating pa sa lugar ang mga pulis na tinawagan ng gwardiya ng nasabing cell site, pero nag-uumpisa pa lang ang negosasyon ay tumalon agad ito.

Napag-alaman na may hiwalay na sa asawa ang mister at may tatlo nang anak. Napag-alaman na dumaranas rin ito ng nervous breakdown na posibleng dahilan ng kanyang pagpapakamatay.

LALAKI SA ALTAVAS NAGBIGTI, PATAY

ulat ni Archie Guray Hilario, Energy FM 107.7 Kalibo

Patay na nang matagpuan ng kanyang ina ang 20 anyos na lalaki sa Ginictan, Altavas umaga ng Linggo.

Kinilala ang biktima sa pangalang Jen Mark Geroy, residente ng nabanggit na lugar.

Mag-aalas 7:00 raw ng umaga nang makitang nakabitay na ang biktima sa nakapahalang na Kawayan sa bahay kubo, na may mahigit 50 metro ang layo mula sa kanilang bahay.

Lumabas sa imbestigasyon ng Altavas PNP at ayon na rin sa pahayag ng nanay, matagal na raw nagsasabi ang biktima patungkol sa mga bagay at kababalaghan na nagpapakita umano sa kanya simula pa raw noong Oktubre 2016.

Hanggang sa nagbigti na nga ang biktima.

Samantala naisugod pa ito sa Altavas District Hospital pero ideneklarang dead on arrival.

LALAKI SINAKSAK, PATAY SA ANTIQUE

Patay ang 16 anyos na lalaki sa brgy. Pandanan, Valderrama, Antique matapos saksakin ng hindi pa nakikilalang suspek.

Kinilala ang biktima sa pangalang Robert Rico Roquero, residente rin ng nabanggit na lugar.

Nakatalikod raw ang biktima nang saksakin ng hindi pa nakikilalang suspek.

Nagtamo ito ng sugat sa likod na bahagi ng katawan.

Naisugod pa sa hospital ang biktima pero binawian ito ng buhay.

Nagpapatuloy naman ang imbestigasyon ng Valderrama PNP para matukoy ang suspek.

MGA TRICYCLE DRIVERS MULING PINAALALAHANAN NA SUMUNOD SA BATAS-TRAPIKO

ulat ni Darwin Tapayan, Energy FM 107.7 Kalibo

Muling pinaalalahanan ng lokal na pamahalaan ng Kalibo ang mga motorista na sumunod sa mga traffic rules and regulations para maiwasan ang mga aksidente at maprotektatahan ang mga sarili.

Ito ang binigyang diin sa mga sunod-sunod na seminar na isinagawa ng Sangguniang Bayan sa mga tricycle drivers and operators  bago sila mabigyan ng motorized tricycle operators permit (MTOP).

Nabatid ayon sa rekord ng Kalibo police station, ang kabuuang bilang ng mga aksidente sa kalsada mula Enero hanggang Marso 16, 2017 sa Kalibo ay umabot na sa 150; 52  dito ang nagresulta sa physical injuries; 95 sa damage properties; at 3 ang naiulat na namatay.

Sinabi ni Kalibo PNP traffic division chief SPO2 James Bantigue na ang tumataas na bilang ng mga aksidente sa kalsadahin dito ay dahil sa dumaraming bilang ng mga sasakyan na labas-pasok sa sentrong ito ng probinsiya.

Nitong Marso, kabuuang 2,988 permit na inilabas ng lokal na pamahalaan sa mga may-ari at drayber ng mga tricycle para legal na makapag-operate.

Maliban sa mga batas trapiko, itinuro rin ang mga environmental concern, personal hygiene at tamang pag-uugali ng mga drayber, at

takdang pagpapatupad ng no smoking policy.

SEGURIDAD SA BORACAY HIHIGPITAN SA SEMANA SANTA AT SUMMER

Hihigpitan ang seguridad sa parehong Caticlan at Cagban port bilang paghahanda sa pagbuhos ng mga turista sa isla ng Boracay sa nalalapit na semana santa at summer vacation.

Sa isang panayam, sinabi ni Aklan jetty port administration special operation officer Jean Pontero, pinaghahandaan na ng inter-agency ang seguridad sa lahat ng entry point sa isla.

Sinabi pa ni Pontero na makikipag-ugnayan ang port authority sa Boracay Tourist Assistance Center (BTAC), Malay police station, Philippine Coastguard, Philippine Army, Maritime Police, Malay Auxiliary Police, at

Municipal Disaster Risk Reduction Center.

Maglalagay rin ng mga tourist assistance desks sa Caticlan at Cagban ports.

Ang semana santa na natuon sa Abril 9-16 ay isa sa mga pinakaabalang linggo sa isla dala ng inaasahang buhos ng mga turista. 

Sa kabilang dako, nagsimula na ang  BTAC sa pagpapatupad ng Oplan Summer Vacation (SumVac), na naglalayong itaas ang mga police visibility sa mga matataong lugar. (PNA)

MGA ATLETANG LUMAHOK SA WVRAA BIBIGYAN NG PAGKILALA NG SANGGUNIAN NG KALIBO

Binigyan ng pagkilala ng Sangguniang Bayan ng Kalibo ang mga atletang lumahok sa West Visayas Regional Athletic Association Meet (WVRAA) makaraang mag-uwi ng karangalan mula sa nasabing patimpalak.

Nabatid na sa over-all medal tally, pumangalawa ang Aklan sa regional sports competition na ito kasunod ng Iloilo.

Ang pagkilalang ito ay base sa resolusyong inihain nina SB member Philip Kimp

o Jr. at Buen Joy French.

Iminungkahi naman ni SB member Daisy Briones na kung maari ay isama ang lahat ng pangalan ng mahigit isang daang atleta mula sa Kalibo sa nasabing resolusyon.

Isa si multi-awarded swimmer Kyla Ong Suguilon sa mga atletang mula sa Kalibo ang nakapag-ambag sa karangalang ito sa probinsya humakot ng mga medalya sa swimming competition sa elementary level.

Ang WVRAA ay idinaos sa San Jose de Buenavista, Antique noong Pebrero 5 hanggang 11.

MGA LIFE GUARD SA BORACAY PUSPUSANG ANG TRAINING PARA SA PEAK SEASON

Nagpapatuloy ang puspusang pagsasanay ng lokal na pamahalaan ng Malay sa mga lifeguard sa isla bilang paghahanda sa nalalapit na peak season.

Ayon kay executive assistant IV at island administrator Rowen Aguirre, ang training na ito ay naglalayong masanay ang ang kanilang response capacity sa oras ng emerhensiya.

Nabatid na mula 17 noong nakaraang taon, mayroon nalamang na siyam na lifeguard ang lokal na pamahalan na nagbabantay lalu na sa front beach ng Boracay.

Sa kabila ng kaunting bilang ng mga lifeguard, pinasiguro ni Aguirre ang seguridad ng mga turista na naliligo sa baybayin. Sinabi niya na maliban sa mga lifeguard, ang mga guwardiya ng lokal na pamahalaan ay sinasanay rin nila bilang lifesavers.

Sinabi rin ni Agguire na inatasan narin ang mga lumalabag sa mga ordinansa sa isla.

Kinokonsidera ang Abril at Mayo bilang peak season sa Boracy dahil sa malaking bilang ng mga aktibidad na isinasagawa rito. Kabilang na ang Labor Day weekend o “LaBoracay”, international dragon boat festival at semana santa. (PNA)