DOCU-FILM ON THE ATI OF BORACAY MAKES IT TO BUSAN INTERNATIONAL FILM FESTIVAL

LUGTA KE Tamama (Land from God) is set to have its world premiere at the Busan International Film Festival, the biggest film festival in Asia from October 7-11, 2018.

The Docu film tackles plight of Ati tribe in Boracay. Boracay Island, Philippines, is a tourist destination loved by people all over the world. But, the Ati, the aborigines of the island, are losing their traditional home. This film shows the lives of the underprivileged and those helping them in the shadow of splendid development.

Congratulations to the team behind the movie as follows: Kevin Piamonte (director); Susan Mila Alvarez-Tosalem, Maria Regina Montevirgen, Robert Rodriguez (producer); Kevin Piamonte (screenplay); Emmanuel Lerona, Ruperto Quitag (cinematography); Ruperto Quitag (editor); Maria Christine Muyco (music); Division of Humanities, and University of the Philippines Visayas (production company).

The same team is behind Daang Patungong Tawaya, the XIX Martyrs of Aklan docu-film that is currently being filmed for Pista ng Pelikulang Pilipino next year.

http://www.biff.kr/eng/html/program/prog_view.asp…##

- Ro Akeanon

3 PAWIKAN PINAKAWALAN SA BORACAY SA GITNA NG REHABILITASYON

Tatlong juvenile hawksbill turtles (eretmochelys imbricata) o uri ng pawikan ang pinakawalan pabalik sa kanilang natural habitat umaga ng Biyernes sa Station 1 sa Isla ng Boracay.

Ang mga highly endangered species na mga sea turtles na ito ay narescue umano noong March 9, 10 at 12.

Ang rehabilitation effort na ito ay naging posible sa pamamagitan ng by Environmental Management Services Unit ng pamahalaang lokal ng Malay.

PAGSARA NG BORACAY ISA SA MGA DAHILAN NG PAGTAAS NG SINGIL SA KURYENTE SA AKLAN - AKELCO

"In this June billing, the actual effect of Boracay closure could now be felt."

Ito ay bahagi ng inilabas na pahayag ng Aklan Electric Cooperative (Akelco) kaugnay ng pagtaas nila ng singil sa bayarin sa kuryente ngayong buwan ng Hunyo.

Kumpara sa buwan ng Mayo, ang power rate sa buwang ito ay tumaas ng 0.2402 centavos per kilowatt ayon sa Akelco.

Ang rate para sa mga residential customers na kumukunsumo ng 21Kwh-up ay P11.2403/kWh kumpara sa P11.0001/kWh nong Mayo.

"When Boracay was closed for business, overall power demand dropped drastically resulting to inevitability of increase in power rate," paliwanag ng Akelco.

Sinabi pa ng Akelco na nagtaas sila ng singil ngayong buwan dahil sa pagbababa ng power consumption. Ito ay para mabawi umano nila ang babayarang transmission charge sa National Grid Corporation of the Philippines.

Dagdag pa umano sa pagtaas ng power rate ang Feed-in-tariff (FIT) na isang karagdagang tariff para ipambayad sa producers na gumagamit ng renewable energy (RE) bilang insentibo sa RE development.

Samantala, sinabi naman ng Akelco na walang paggalaw sa bayarin sa kanilang araw-araw na operasyon gaya ng distribution system charge, supply system charge at metering. | EFM Kalibo

BORACAY POSIBLENG MAGBUKAS NA SA SETYEMBRE

Posibleng sa Setyembre na ang “soft opening” isla ng Boracay kapag naabot ang ilang kondisyon.

Ayon kay Department of Interior and Local Government (DILG) Assistant Secretary Epimaco Densing, magiging posible ito kapag natanggal na ang lahat ng establisyimyento na lumampas sa easement zone at kalahati ng mga istrukturang itinayo sa wetlands.

Kinakailangan ding mailatag na ang 70% ng road at drainage systems, at lima sa siyam na wetlands sa isla ay dapat ma-reclaim.

Dapat din na malinis na ang tambakan ng basura sa isla.

Maliban dito, oobligahin din ng task force na pasok sa pamantayan ang waste water na inilalabas sa isla sa loob ng 30 magkakasunod na raw.

Sinabi ni Densing na isusumite sa Inter-Agency Boracay Task Force ang mga kundisyon para sa soft opening ng Boracay.

Isinara sa mga turista ang isla sa loob ng anim na buwan mula Abril para isailalim sa rehabilitasyon. | Radyo INQUIRER

DENR, NAG-ISYU NG SHOW CAUSE ORDER LABAN SA 900 BORACAY ESTABLISHMENTS

Aabot sa mahigit 900 estbalishment sa Boracay island na nakitaan ng paglabag ang inisyuhan na ng show cause order ng Department of Environment and Natural Resources.

Ayon kay Environmental Undersecretary Jonas Leones, sakop nito ang mga resorts at hotels sa forestlands at wetlands. Under evaluation na umano ang mga ito at kung hindi susunod ay mahaharap sa posibleng demolition.

Nilinaw naman ni Leones na sa loob ng 6 buwan lang din ang pagsasara ng mga establisyemento.

Humingi na rin umano sila ng paliwanag at mga kinakailangang dokumento sa mga ‘violator’ kaugnay dito.

Dagdag pa ni Leones, na namomroblema ang ahensya kung paano ilalabas ang mga basura sa isla. Nasa 90 hanggang 115 tons ang dami ng mga basura sa Boracay pero nasa 30 hanggang 50 tons lang ang nakukuha dito.

Nabatid na hindi uubra ang phase by phase approach kaya 6-month closure ang nirekomenda sa Boracay.

Samantala, Iniimbestigahan din ang ahensya ang kanilang sariling hanay para malaman kung may kailangan bang managot dahil sa alegasyon ng katiwalian at kapabayaan sa ahensiya.

Nito lang Pebrero, matatandaang tinawag ni Pangulong Rodrigo Duterte na “cesspool” o imbakan ng dumi ang islang dinarayo ng mga turista mula sa iba’t ibang panig ng mundo./ Radyo INQUIRER

CIMATU TUTOL SA CASINO PROJECT SA BORACAY

Hindi aprubado ni Environment Secretary Roy Cimatu ang planong pagpapatayo ng 23 ektaryang casino sa Boracay.

Ayon kay Cimatu, maraming ibang lugar na pwedeng pagtayuan ng casino.

Ang Boracay anya ay hindi ang uri ng lugar para sa casino dahil limitado ang kapasidad ng isla.

Iginiit din ng kalihim ang layon ng gobyerno partikular ang Department of Environment and Natural Resources (DENR) na maibalik ang sikat na tourist destination sa dati nitong ganda.

Sinabi pa ni Cimatu na wala silang natatanggap na hiling sa permit para sa konstruksyon ng casino sa Boracay at nagulat sila sa balita na sinimulan na umano ang pagtatayo nito.

Sa ngayon ay wala pang opisyal na pahayag si Cimatu sa nasabing plano dahil wala naming lumalapit sa kanilang mga negosyanteng Chinese.

Gayunman, ayon sa kalihim, kapag natuloy ang plano ay kailangang sumunod ang casino project sa environmental regulations.

Una rito ay nagbigay ang Philippine Amusement and Gaming Corporation (PAGCOR) ng provisional license sa Macau-based company Galaxy Entertainment at Filipino partner nito na Leisure and Resorts World Corp./ Radyo INQUIRER

DRAFT GUIDLINES INILABAS NG GOBYERNO KAUGNAY NG PAGSASARA SA BORACAY

Wala pang final guidelines ang gobyerno kung paano ipatutupad ang shutdown [ng Boracay] pero sa kanilang draft, nakasaad na simula Abril 26 ay haharangin na ang mga turista sa Jetty Port.

Kakailanganin din ng mga residente at empleyado na magpakita ng official ID na may address para makalabas-masok sa isla.

Bawal na rin ang swimming sa beach sa loob ng shutdown.

Papayagan naman ang media na pumasok pero may prior approval dapat at sigurado ang petsa kung hanggang kailan lang nasa isla.

Ire-revalidate ng Bureau of Immigration ang mga foreign residents at iisa lang din ang gagawing entry at exit point ng Boracay.

"We are serious on this...What’s the use of closing Boracay if you allow one, two or three persons to violate?" ani Department of the Interior and Local Government officer-in-charge Eduardo Año.

Handa naman ang gobyerno sakaling umabot sa korte ang naturang pagpapasara sa isla./ ABS-CBN News

P2B CALAMITY FUND, ILALAAN PARA SA MAAAPEKTUHANG BORACAY WORKERS

Maglalaan ang administrasyong Duterte ng calamity fund na aabot sa P2 bilyong piso para sa mga manggagawa na maaapektuhan ng nakatakdang pagpapasara sa isla ng Boracay mula April 26.

Ito ang inihayag ni Presidential Spokesperson Harry Roque sa pulong balitaan sa Malacañang.
Ani Roque, ang halagang ito ay batay sa binanggit mismo ng Department of Finance.

Samantala, sinabi rin ni Roque na inaasahan ang pagdedeklara ng pangulo ng state of calamity sa isla.
Gayunman anya, iginigiit ng pangulo na ang perang ilalabas para sa calamity fund ay hindi dapat mapakinabangan ng resort owners kundi para lamang sa mga manggagawa.

Ayon pa kay Roque, nasa 35,000 manggagawa mula sa iba’t ibang establisyimento ang kasalukuyang nagtatrabaho sa Boracay ngunit hindi naman lahat ay mawawalan ng trabaho.

Ang iba ay kailangan lamang magpalit ng hanapbuhay o trabaho sa ngayon.

Iginiit naman ng kalihim na tutulong ang Department of Labor and Employment (DOLE) at Department of Social Welfare and Development (DSWD) sa mga maaapektuhang manggagawa./ Radyo INQUIRER

STATEMENT IN RESPONSE TO SEC. HARRY ROQUE JR.’S ANNOUNCEMENT

For Immediate Release
April 5, 2018

STATEMENT IN RESPONSE TO SEC. HARRY ROQUE JR.’S ANNOUNCEMENT

BORACAY ISLAND, MALAY - The haze of uncertainty for the past weeks has now been replaced by a grim realization that closure is indeed happening; sooner than expected and with less than a month to prepare. For too many members of the Boracay community, life has gone from confusing to disappointing, to despairing.

In the absence of clear guidelines communicated to us, we believe it is too premature for us to issue specific statements pertaining to the closure. The reality is that the BFI is just as confused as everyone else, because the pronouncement came too soon with no clear and specific guidelines presented to us. We have sought an opportunity to dialogue with the concerned agencies in an effort to seek help and guidance, with the following questions in mind:

1) What are the specific closure and rehabilitation plan and timeline?
2) The government is looking after the welfare of all the employees – formal or informal, who inevitably will be affected by the closure of Boracay, how will the government identify who are qualified to receive support? What identification or specific documentation do they need to present to avail of this? When will this support be made available? What will be the basis of the amount of support to be provided to each worker?
3) Will the government intervene for small or big businesses that have availed of loans by mandating banks to relax their terms/moratorium as businesses will be unable to pay their loans due to loss of income?
4) Regarding taxes, will the government temporarily suspend the collection of taxes of island tourism establishments due to the stoppage of commercial operations?
5) How will they regulate the entry and exit of residents to and from the island, which is home to more than fifty thousand (50,000) residents?
6) During the rehabilitation, will the utilities continue to service the community?
7) Are there safeguards in place to prevent any possible abuse in the distribution of assistance by the government?
8) With the limited access into and out of the island, will the residents be assured of a stable supply of basic necessities such as rice, food, toiletries, etc?
9) Once sanctions are applied to the LGUs, who will be in charge of Boracay? What is the extent of their authority?
10) It was mentioned that there is a chance of re-opening earlier than six months, what benchmark should be met so this can be achieved?

The BFI believes that the key issues of Boracay will be addressed even less than six months with the help and cooperation of all sectors concerned, with proper planning and sufficient funding.

Again, we thank PRRD for listening and taking the lead in addressing decades-old problems; problems such as this “cesspool” issue that, for years, the BFI has been in the forefront of bringing to light. We all want the same thing; we all agree that rehabilitating Boracay is a must. We should all see ourselves as working side by side, attacking the problems constructively, instead of confronting each other. We are optimistic that all the uncertainties that we are currently facing will soon be resolved.

For more information, please contact us:
Tel No: (036) 288 3971 (Office Hours: 9 am – 5:30 pm)
E-mail: boracayfoundation@yahoo.com
Facebook: Boracay Foundation Inc

ACTION PLAN PARA SA MGA MAAPEKTUHANG RESIDENTE NG REHAB SA BORACAY ISLAND, INIHAHANDA NA NG DSWD

Inihahanda na ng Department of Social Welfare and Development (DSWD) ang kanilang action plan upang makatugon sa posibleng magiging epekto ng pagsasara sa isla ng Boracay sa ilang mga residente.

Ito ay kasunod ng pag-apruba ni Pangulong Rodrigo Duterte sa pagsasara sa isla mula April 26.

Ayon kay DSWD Officer-in-Charge Emmanuel Leyco, makikipag-ugnayan ang kagawaran sa iba’t ibang ahensya ng gobyerno na makabuo ng action plan upang hindi maging pawang negatibo lamang ang epekto ng nakatakdang pagsasara sa isla.

Ayon kay Leyco ilan sa mga posibleng problema na kaharapin ng mga residente partikular ang mga benepisyaryo ng DSWD at senior citizens ay ang pagkawala ng kanilang bahay na tinitirhan at ng kabuhayan.
Inaalam na anya ng kagawaran ang bilang ng tao na posibleng mangailangan ng tulong.

Maari namang magamit ng mga maaapektuhang pamilya ang ilan sa mga serbisyo at programa ng DSWD kabilang ang Sustainable Livelihood Program (SLP), Cash-for-Work (CFW), at Assistance to Individuals in Crisis Situation (AICS)./ Radyo INQUIRER

PAL AT CEBU PAC, NIREBISA ANG BIYAHE PA CATICLAN AT KALIBO MULA ABRIL HANGGANG OKTUBRE

Inanunsyo na ng Philippine Airlines (PAL) at Cebu Pacific Air sa pamamagitan ng kanilang mga social media accounts ang kanselasyon ng kanilang mga biyahe mula sa huling bahagi ng Abril hanggang sa Oktubre.

Ito ay bunsod ng pag-apruba ni Pangulong Rodrigo Duterte sa rekomendasyon ng Department of Interior and Local Government (DILG), Department of Environment and Natural Resources (DENR) at ng Department of Tourism (DOT) na isara ang Boracay Island sa loob ng anim na buwan na magsisimula na sa Abril 26.

Sa isang pahayag, sinabi ng PAL na suportado nito ang naging desisyon ng gobyerno na pansamantalang isara ang isla ngunit ipagpapatuloy pa rin ang serbisyo patungong Boracay at lalawigan ng Aklan.

Dahil dito, babawasan ng airline company ang kanilang mga biyahe patungong Caticlan at Kalibo habang paparamihin naman ang flights sa iba pang lalawigan sa nasabing mga petsa upang masiguro ang domestic tourism.

Magkakaroon ang PAL ng siyam na weekly flights sa pagitan ng Maynila at Kalibo habang pito naman sa pagitan ng Maynila at Caticlan.

Ang iba pang biyahe pa Caticlan at Kalibo mula Maynila ay suspendido na epektibo mula April 20 hanggang October 27 habang ang biyahe pa-Caticlan mula Clark at Cebu ay suspendido na rin mula April 26 hanggang October 27.

Simula April 20 ay magdedeploy ng karagdagang flights ang PAL sa pagitan ng Maynila at Cebu, Iloilo, Puerto Princesa at Bacolod.

Nagkansela na rin ang Cebu Pacific ng maraming biyahe pa-Caticlan at Kalibo mula naman April 26 hanggang October 25.

Gayunman, may mga flights pa ring inilaan sa piling mga schedule upang maserbisyuhan ang mga lokal na residente at masiguro pa rin ang estado ng pagnenegosyo sa hilagang bahagi ng lalawigan ng Panay.
Nag-abiso na rin ang dalawang major airlines sa rebooking at refund ng mga pasahero kasunod ng kanselasyon ng mga biyahe./ Radyo INQUIRER

IPASASARADO NA ANG BORACAY

Tuloy ang pagpapasara sa Isla ng Boracay!

Ito ay kinumpirma ni Presidential Spokesperson Harry Roque matapos umanong aprubahan ni Pangulong Duterte ang rekomendasyon ng DENR, DOT at DILG.

Magsisimula ang closure Abril 26 sa loob ng anim na buwan./ source: ABS-CBN News

PAL POSIBLENG MAGPATUPAD NG ADJUSTMENT SA OPERASYON KAPAG NAGSIMULA NA ANG CLOSURE SA BORACAY

Posibleng magpatupad ng adjustment sa kanilang operasyon sa Caticlan Airport at Kalibo International Airport ang Philippine Airlines (PAL).

Ayon kay PAL spokesperson Ciel Villaluna, sa sandaling matuloy na ang shutdown sa Boracay, magpapatupad ang PAL ng adjustment sa kanilang operasyon at dedepende ito sa itatagal ng closure ng isla.

Tiniyak naman ni Villaluna na aasistihan nila ang mga pasaherong maaapektuhan ng closure para sa rebooking ng kanilang flights o refund ng kanilang pamasahe.

Ani Villaluna, hindi naman sila tuluyang mag-aalis ng biyahe sa dalawang paliparan dahil mayroon pa namang mga residente at negosyante na bibiyahe sa Kalibo at sa iba pang bahagi ng Aklan.

Tiniyak naman ni Villaluna na maglalabas sila ng abiso sa mga biyahero sa sandaling magkaroon ng pagbabago sa kanilang operasyon bunsod ng closure ng Boracay./ Radyo Inquirer

MGA TURISTA NAGSIMULA NG MAGKANSELA NG BIYAHE NILA SA BORACAY

Nagsimula nang magkansela ng kanilang mga biyahe patungong Boracay Island ang mga turista.

Ito ay bago pa man aprubahan ni Pangulong Rodrigo Duterte ang April 26, 2018 na simula ng closure ng isla para sa rehabilitasyon.

Ayon sa isang resort operator sa Boracay, 25 guests na nila ang nagkansela ng reservations.

Ang nasabing mga turista sana ay dadalo sa event na “Laboracay” para sa long weekend sa May 1 holiday na Labor Day.

Ayon kay Malay municipal executive assistant for Boracay affairs Rowen Aguirre, nag-back out na rin ang mga corporate sponsors para sa nasabing event dahil nga sa napipintong pagsasara ng isla.

Una nang sinabi ng Malakanyang na maari pang ituloy ng mga turista ang kanilang pagpunta sa Boracay ngayong Holy Week dahil mananatili pa naman itong bukas./ Radyo INQUIRER

REKOMENDASYON NA SIMULAN SA APR. 26 ANG BORACAY CLOSURE, PAGPAPASYAHAN PA NI PANGULONG DUTERTE

Si Pangulong Rodrigo Duterte ang may “last say” sa petsa kung kailan magsisimula ang closure ng Boaracay island.

Sa panayam ng Radyo Inquirer kay Department of Interior and Local Government (DILG) Asec. Epimaco Densing III, sinabi nito na Huwebes ng gabi ay nagsagawa ng pagpupulong ang DILG, Department of Tourism (DOT) at Department of Environment and Natural Resources (DENR).

Sa nasabing pulong, nabuo na ang written recommendation na isusumite kay Pangulong Duterte at nakasaad na April 26 ang simula ng closure sa Boracay na tatagal ng anim na buwan.

Ani Densing, kung ang mga turista ay may biyahe patungong Boracay ngayong Semana Santa o hanggang bago mag April 26, maari pa rin nilang ituloy ang kanilang mga biyahe.

Kung ang nakatakdang biyahe naman ay lagpas ng April 26, mas mabuting humanap na ng ibang pagbabakasyunan. Aniya, handa naman ang mga airline companies na mag-refund ng pamasahe sa mga maaapektuhang biyahero.

Sa sandaling magsimula na ang closure, agad tututukan ng DILG, DENR at DOT ang drainage system at sewer lines sa Boracay.

Ani Densing, hindi biro ang rehabilitasyon na kailangang gawin sa Boracay at papanagutin nila ang lahat ng establisyimento na mapatutunayang lumabag at dinumihan ang karagatan./ Radyo INQUIRER

ILLEGAL STRUCTURES SA BORACAY PASASABUGIN NG PHILIPPINE MARINES

Hindi mag-aatubili si Pangulong Rodrigo Duterte na magpadala ng mga miyembro ng Philippine Marines at pasabugan ng dinamita ang mga ilegal na istruktura sa Boracay island.

Ayon kay Presidential Spokesman Harry Roque, tiyak na gagamitan ng puwersa ng pangulo ang isyu sa Boracay kapag patuloy na nagmatigas ang mga may-ari ng resort at hindi tatalima sa kung anuman ang magiging kautusan ng national government.

Mismong ang lokal na pamahalaan na aniya ng Aklan ang nagpasaklolo sa pangulo.

Dagdag pa ni Roque, “The last that I heard is that the local government may even ask the president for assistance to call in the marines if need be. So when I heard that report, I told them, send the letter because I’m sure the president will not hesitate to send in the Marines and even use dynamites to blow up that illegal structure there”.

Ayon sa kalihim, hindi mababago ang desisyon ng Department of Interior and Local Government at Department of Environment and Natural Resources na ipatupad ang environmental laws pati na ang pagdemolish sa illegal structure ng partikular na sa West Cove Resort. - Radyo Inquirer

TOTAL CLOSURE NG BORACAY INIREKOMENDA NG DENR, DOT AT DILG

Nagpulong kanina ang mga opisyal ng Department of Environment and Natural resources (DENR), Department of Tourism (DOT) at Department of Interior and Local Government (DILG) kaugnay sa planong paglilinis sa Boracay island.

Inirekomenda nina DENR Sec. Roy Cimatu, DOT Sec. Wanda Teo at Interior Sec. Eduardo Año ang complete closure ng nasabing tourists’ destination habang isinasailalim ito sa rehabilitasyon.

Ipinanukala ni Cimatu ang pagpapatupad ng one-year total clousure ng buong Boracay dahil kinakailangan umanong ayusin ang sewerage system ng buong isla.

Para kay Teo, kailangan umano ang anim na buwang pagsasara ng Boracay sa lahat ng mga turista.

Tinalakay rin sa pulong ng mga opisyal ang planong pag-aaral sa kundisyon ng mga tourists’ destinations sa Palawan, Mindoro provinces, Ilocos at Bohol para mapangalagaan ito sa pagkasira.

Sa Marso 26 ay magsusumite ang mga pinuno ng DENR, DOT at DILG ng kanilang rekomendasyon kay Pangulong Rodrigo Duterte.

Una na ring inilarawan ng pangulo ang Boracay bilang “cesspool” dahil sa pagtatapon ng dumi direkta sa dagat ng ilang mga establishimento sa lugar. - Radyo Inquirer

DENR: LOCAL OFFICIALS SA BORACAY BIGONG IPATUPAD ANG SEWERAGE ORDINANCE

Nagpaalala ang Department of Environment and Natural Resources o DENR sa lokal na pamahalaan ng Malay, Aklan na mahigpit nilang ipinapatupad ang ordinansa na nag-aatas sa lahat ng mga residente at mga establisyimento sa Boracay Island na kumunekta sa isang sewerage system.

Ayon kay DENR Secretary Roy Cimatu, taong 2012 pa ay mayroong Ordinance 307 ang Malay Local Government pero hindi naman ito naipatutupad.

Sa ilalim ng nasabing ordinansa, ang mga residente at establisyimento na may layong 61 meters mula sa sewerage pipes ay dapat nakakonekta sa sewerage treatment plants at septic tanks.

Ayon kay Cimatu, sa kabila ng umiiral na ordinansa, napabayaan ang Boracay dahil sa dumi na naitatapon sa nasabing tourist spot.

Lumilitaw na 195 sa 578 business customers ng Boracay Island Water Corp. ang hindi hindi nakakonekta sa sewerage infrastructure ng isla.

Habang limang porsiento lamang ng kabuuang 4,331 ng residential customers nito ang konektado sa sewerage infrastructure. - Radyo Inquirer

“BORACAY” HINDI DAPAT GAMITIN KAPAG IDINEKLARA ANG STATE OF CALAMITY SA ISLA

Umaapela ang lokal na pamahalaan ng Malay na huwag gamitin ang pangalang Boracay sakaling isailalim man sa state of calamity ang isla.

Isinusulong ng Sangguniang Bayan ng bayan ang isang resolusyon kaugnay nito.

Ayon kay Sangguniang Bayan Memer Neneth Graf, ito ay para maiwasan ang posibleng masamang epekto sa turismo ng Boracay.

Sa halip, iminungkahi ni Graf na gamitin ang pangalan ng mga barangay ng Balabag, Manocmanoc at Yapak na makatatanggap ng pondo kapag itinaas ang state of calamity.

Ayon kay Graf, ilan sa mga nakitaan ng mga paglabag sa batas-kalikasan ang D’Mall sa Barangay Balabag, Crown Regency Convention Center sa Barangay Manocmanoc, at 7 Seas sa Barangay Yapak. - Radyo INQUIRER

Boracay stakeholders will turn their lights off to show what Boracay would look like if it was closed down.

Individuals are encouraged to shine small lights to show the number of concerned stakeholders that are against the closure of Boracay.

This event will also show the solidarity between Malaynons, Local and Foreign Workers, tourists and their pledge to do their part to protect Boracay.

The gathering will be on March 17, 2018 at 8:08PM.

Mayor's Office - LGU Malay
Boracay United