Cruise ship na Legend of the Sea, dumaong sa Boracay; mahigit 2,000 na turista, namasyal sa isla

NI DARWIN TAPAYAN, ENERGY FM 107.7 KALIBO

Dumaong na sa isla ng Boracay ang cruise ship na Legend of the Sea kaninang dakong alas-sais ng umaga lulan ang nasa 2,070 na mga turista na karamihan ay mga Tsino at nasa 700 na mga crew.

Sinalubong ang mga ito ng makulay at maingay na Ati-Atihan performance at nakatakdang maglibot sa isla ng Boracay ang mga naturang bisita.

Sa panayam ng Energy FM Kalibo kay Caticlan Jetty Port Administrator Nieven Macquirang, pinaigting na umano nila ang mahigpit na seguridad para sa mga bisita.

Nagkaroon na rin ng pagbabago sa ruta ng mga sasakyan upang maiwasan ang pagsikip ng trapiko sa mga lugar na dadaanan ng mga bisita.

Ayon din kay Macquirang, tinatayang nasa tatlo pang mga cruise ships ang bibisita sa isla bago magtapos ang taon.

Kumpiyansa rin siyang maabot ng probinsiya ang target na 1.7 million na bilang ng mga turista ngayong taon. Nasa 1.3 million na umano ang bilang ng mga bumisita sa probinsya mula noong Enero hanggang katapusan ng Setyembre.

Samantala, ipinahayag rin ni Maquirang na magagamit na ang reclamation area sa Caticlan sa Disyembre para daungan ng mga bangka at mga bihikulong hatid-sundo sa lugar upang maiwasan na ang siksikan sa port.

Crime rate sa Aklan, bumaba

Bumaba umano ng 13.5% ang crime rate sa probinsya ng Aklan.

Ayon sa Aklan Police Provincial Office (APPO), mula sa Enero hanggang Agosto 2016, ay umabot sa 7,615 ang mga naitalang krimen.

Mas mababa ito sa 8,808 na bilang ng mga naitalang krimen sa kaparehong buwan noong nakaraang 2015.

Ngunit sa kabila ng pagbaba ng bilang ng mga krimeng nagaganap ay nananatiling mahigpit na nagbabantay ang kapulisan sa mga maaaring mangyari sa probinsya.

Ang nasabing pagbaba ng bilang ng mga krimen na nagaganap sa probinsya ay sanhi ng pinaigting na pagpapatupad ng “Project Double Barrel” ng Philippine National Police (PNP).

Tinda Turismo ng Aklan Provincial Tourism Office, bukas na sa puliko

Ni Darwin Tapayan, Energy FM 107.7 Kalibo

Binuksan na sa publiko ngayong araw ang Tinda Turismo ng Aklan Provincial Tourism Office sa isang mall dito sa bayan ng Kalibo. Tampok rito ang mga produktong likha ng 10 kalahok mula sa iba-ibang bayan ng Aklan.

Idinisplay ng bayan ng Buruanga ang ilan sa kanilang mga produkto tulad ng mga bags na yari sa buri at mga pagkaing gaya ng puto at minatamis na niyog o bukarilyo.

Nagdala din ang bayan ng Malinao ng mga produktong yari sa abaka gaya ng mga bags, sandals, wallets, at iba pa.

Ibinida naman ng mga taga-Lezo ang dragon fruit na karaniwang matatagpuan sa Brgy. Poblacion ng nasabing munisipalidad.

Iba’t-ibang mga local delicacies at mga gamit tulad ng bags na gawa sa mga inipong used plastic bags ng mga miyembro ng samahan ng mga kababaihan at hinabi ang ipinakita ng Kalibo.

Atsarang gutaw, chicharong baboy, at mga produktong yari sa nito naman ang ipinagmamalaki ng Madalag sa puwesto.

Naging panauhing pandangal sa nasabing pagpapasinaya ay si Officer-in-Charge Ma. Carmen Ituralde ng Department of Trade ang Industry-Aklan.

Binigyang pugay rin sa maiksing programa ang tatlong photographers na ang mga larawang kuha na nagtatampok ng mga magagandang tanawin ng probinsiya ay ginawang commemorative post card ng Aklan. Ang mga ito ay sina Lowell Rogan, Bart Baylon, at Arnold Peralta.

Ayon kay Roselle Ruiz, Tourism Officer ng Aklan, ang layunin ng aktibidad na ito ay mapayabong at maiangat ang mga small at micro businesses ng mga kababayang Aklanon.

Ang proyektong ito ay bahagi ng selebrasyon ng Provincial Tourism ngayong Tourism Week at magtatagal hanggang sa Linggo.

Principal's office ng Tinigaw Elementary School, pinasok ng magnanakaw

Ni Archie Hilario, Energy FM 107.7 Kalibo

Pinasok ng magnanakaw ang principal's office ng Tinigaw Elementary Shcool sa Brgy. Tinigaw, Kalibo, Aklan.

Kasama sa mga nawawalang gamit ay isang computer projector.

Isang cellphone na nahulog sa crime scene ang nakita at pinaniniwalaang pagmamay-ari ito ng suspek.

Nag-iimbestiga pa ngayon ang Kalibo PNP sa nasabing area.

Principal na nakabundol sa 3 bata sa Ibajay, kinasuhan na

Ni Darwin Tapayan, Energy FM 107.7 Kalibo

Sinampahan na ng kaso ang prinsipal na nakabundol sa tatlong bata sa Brgy. Naisud, Ibajay.

Ayon sa imbestigador na si PO1 George Regalado, isang kaso ng reckless imprudence resulting to homicide at dalawang kaso ng reckless imprudence resulting to serious physical injury ang isinampa sa suspek na kinilalang si Auradora Tabal ng Ibajay.

Napag-alaman sa imbestigasyon ng pulisya na mariing itinanggi ng prinsipal na tinakasan niya ang mga naaksidente.

Iginiit ng suspek na lingid umano sa kanyang kaalaman na may nabundol ito nitong Sabado, dakong alas-10:00 ng gabi. Anya, nakaramdam lamang ito na binato ang kanyang sasakyan at hindi na ito inusisa at sa halip
atan ang magkakapatid na Abby, 8, at Christian Jake, 14. Nabundol at tumilapon ang mga ito habang sakay ng bisikleta.

Samantala, nagbayad agad ng P30,000.00 na piyansa ang suspek para sa pansamantala nitong kalayaan. Naka-impound naman sa himpilan ng Ibajay PNP ang van na nakabundol sa mga bata.