MGA BAGONG AABANGAN SA KALIBO ATI-ATIHAN FESTIVAL SA ENERO INILATAG

Ulat ni Darwin Tapaya, Energy FM 107.7 Kalibo

Siguradong aabangan at mag-eenjoy na naman ang mga taga-Aklan at mga bisita sa panibagong aktibidad at contest sa nalalapit na Kalibo Ati-atihan Festival.

Ayon kay Albert Meñez, chairman ng Kalibo Sto. Niño Ati-atihan Festival Inc., pagtutuoan umano nila sa susunod na selebrasyon ang tunog kumpara sa kostyum.

Sa darating na Enero 16 ng susunod na taon, magpapasiklaban ang iba-ibang grupo gamit ang iba-ibang sound instrument na makakalikha ng magandang tunog.

Sa gabi ay iikot ang grupo sa Pastrana Park kung saan maglalagay ang apat na kilalang sound system company ng kani-kanilang disco light sa mga lansangan ng Archbishop, Mabini, C. Laserna at 19 Martyrs.

Ayon kay Meñez ito ay magdamagang street party na bago sa pagdiriwang na ito na ayon ay bukas sa lahat ng gustong ‘magsadsad’ o magstreet dance. Plano ng organizer na makapasok sa world record ang naturang aktibidad.

Sa linggo ng pagdiriwang, hindi parin mawawala ang inaabangang mga aktibidad gaya ng float parade, Sinaot sa Kalye ng DepEd, at ang contest proper ng iba-ibang grupo. 

Samantala, naka-set na ang opening salvo ng Ati-atihan sa darating na Oktubre 20-21.

BAKU-BAKONG KALSADA SA ISLA NG BORACAY, PINUNA SA PUBLIC HEARING NG TAX ORDINANCE

Ulat ni Darwin Tapayan, Energy FM 107.7 Kalibo

Pinuna ng lokal na opisyal ang baku-bakong kalsada sa isla ng Boracay at kawalan ng express lane para sa mga senior citizens na sumasakay-baba sa mga pumpboat sa Caticlan at nasabing isla.

Ito ay mariing binanggit ni Malay Sangguniang Bayan member Nenette Aguirre-Graf sa kanyang naging sentimyento sa ginanap na public hearing kaugnay ng isinusulong na tax ordinance ng probinsiya.

Ayon kay Graf, na siya ring presidente ng Boracay Foundation Inc., ilang beses na umano siyang sumulat sa mga kinauukulan para bigyang tugon ang nasabing problema pero wala parin anyang nakikitang pagbabago rito. 

Naawawa rin siya sa mga senior citizen na sumasakay at baba sa mga pumpboat sa mga pantalan ng Boracay at Caticlan na wala umanong express lane para sa kanila.

Binigyang diin ng opisyal na dapat ay malutas ang mga suliraning ito dahil ang Boracay ang may pinakamalaking ibinabayad na buwis sa probinsiya at dahil sa ito ay sentro ng turismo sa Aklan.

Bilang sagot, sinabi ni vice governor Reynaldo Quimpo na gumagawa na ng paraan ang lokal na pamahalaan ng probinsiya para mapaayos ang nasabing kalsada sa Boracay. Ang kalsada kasing ito ay nasa hurisdiksyon ng pamahalaang lokal ng probinsiya.

Samantala, ayon kay Graf, nakatakdang maghain ng resolusyon at position paper ang SB-Malay na huwag biglain ang pagpapataas sa tax kaugnay ng isinusulong na tax ordinance sa mga real properties.

LALAKI NATAGPUANG PATAY SA ILOG SA BAYAN NG NUMANCIA

Ulat ni Archie Hilario / Darwin Tapayan, Energy FM 107.7 Kalibo

Natagpuang patay na ang lalaking ito ngayong umaga sa ilalim ng tulay ng Navitas sa Numancia. 

Kinilala ang biktima sa pangalang Arestides Magnabijon Jr., residente ng Brgy. Libang, Makato.

Nagpaalam raw sa misis ang biktima na mananalaba ito sa Numancia kahapon pa ng umaga. 

Hindi ito nakauwi at inakala lang ng misis na nakitulog lang ito sa mga kakilala.

May sakit umano ang biktima na posibleng naging dahilan ng pagkalunod.

Sa imbestigasyon ng SOCO wala namang nakitang indikasyon na may foul play at pininiwalaang pagkalunod lamang ang ikinamatay ng biktima.

PUBLIC CONSULTATION SA KALIBO ISASAGAWA KAUGNAY NG ISINUSULONG NA TAX ORDINANCE NG PROBINSIYA

Ulat ni Darwin Tapayan, Energy FM 107.7 Kalibo

Magsasagawa ng public consultation ang Sangguniang Bayan kaugnay ng isinusulong na tax ordinance ng probinsiya sa mga real property.

Ito ay napagkasunduan ng Sanggunian sa kanilang regular session ngayong araw.

Ayon kay SB member Cynthia Dela Cruz, nais nilang i-presenta sa publiko ang mas mababang schedule of market value sa mga real properties base sa revision ng municipal assessor. 

Napagkasunduan sa Sanggunian na isasagawa ang konsultasyon sa darating na Setyembre 12, Martes, alas-2:00 ng hapon sa 3rd floor ng munisipyo.

Iimbitahan sa konsultasyon ang mga real property owners. Ang municipal assessor ay magprepresenta ng proposed revision na mas mababa kumpara sa nauna na siyang nailathala sa national newspaper.

Ipapaliwanag rin ng tresorero sa konsultasyon kung saan napupunta ang buwis na ibinabayad ng taumbayan.

Ang panukalang ito ay sumailalim na sa pampublikong pagdinig sa Sangguniang Panlalawigan. Nagtakda ang SP ng sampung araw sa nais maghain ng kanilang position paper kaugnay sa naturang panukala.

NAWAWALANG BABOY SA SLAUGHTER HOUSE NG KALIBO PINAIIMBESTIGAHAN

Ulat ni Archie Hilario, Energy FM 107.7 Kalibo

Pinaiimbestigahan ni Mr. Abel Policarpio, officer in charge ng Kalibo slaughter house, ang ulat na may nawawalang baboy sa loob ng kanilang slaughter house.

Sa report ng isang negosyante sa Kalibo PNP, dinala nila ang mga baboy para ipakatay sa slaughter house. 

Kinabukasan nagsagawa umano ng inventory ang negosyante ngunit napag-alaman na nawawala ang isang baboy na may bigat na mahigit 80 kilo.

Sa panayam kay Policarpio maaari umanong nagkaroon lamang ng problema sa pagmarka sa nasabing baboy . 

Nang malaman ni Policarpio ang problema agad nitong inimbestigahan ang mga nakaduty na empleyado at gwardiya. 

Lumabas sa imbestigasyon na may isang pang baboy na sobra sa listahan. Maaari anya na ito ang isa sa mga nawawala na iniulat ng negosyante. 

Susuriin pa raw ito ng pamunuan para masiguro kung ito nga ang baboy na hinahanap nila.

TATLONG METRONG AHAS NAHULI SA ISANG BAHAY SA BAYAN NG KALIBO

Ulat ni Archie Hilario, Energy FM 107.7 Kalibo

Nahuli ang isang ahas na ito sa isang bahay sa Lambingan boundary ng Andagao at Pook, Kalibo  Miyerkules ng umaga.

Sa pagsusuri ng mga tauhan ng DENR ito ay may haba na 3 metro at bigat na 15 kilo.

Ang ahas ay nahuli ni Roy Yap ng Crossing Buswang Kalibo. 

Binantayan niya raw ang pagsulpot ng ahas dahil limang manok na raw ang nawawala sa kulungan nito. 

Mag-aalas dos ng madaling araw kanina tinuklaw ng ahas ang manok na makikita sa larawan. 

Hinuili ito ni Roy at isinilid sa sako, nasa bunganga pa raw ng ahas ang manok na ito.

Pagkatapos ay nagpatulong ito sa Energy FM Kalibo para maiturn-over sa DENR . 

Nang buksan ulit ang sako iniluwal na ng ahas ang manok kaya nilagyan nalang ng tape ang Bunganga ng ahas pagkatapos ay dinala na sa DENR.

Samantala ang manok na iniluwal ay ginawang pulutan ng kakilala ni

MGA STAKEHOLDERS NANAWAGAN NA HUWAG AGARANG TAASAN ANG MARKET VALUE AT TAXATION NG MGA REAL PROPERTIES

Nanawagan ang ilang stakeholders at property owners na huwag agaran at masyadong taasan ang valuation at taxation ng mga real properties sa probinsiya.

Ang mga hinaing na ito ay kasunod ng ginawang public hearing ngayong araw sa Training Center sa Old Buswang, Kalibo kaugnay ng isinusulong na tax ordinance ng pamahalaang lokal sa mga real properties sa 17 munisipalidad. 

Nais ng ilan na naghayag ng kanilang mga posisyon na kung maaari ay huwag agaran ang pagtaas ng market value ng mga real properties pati na ang buwis dahil malaki umano ang proposed kumpara sa umiiral na valuation at taxation.

Sa kabilang banda, kapansin-pansin na sa 12 bayan (Altavas, Batan, Balete, Madalag, Libacao, New Washington, Banga, Kalibo, Makato, Numancia, Lezo at Malinao), nasa 100 lamang rito ang dumalo kumpara sa mahigit 500 na inimbitahan at inaasahang dadalo.

Nabatid na ang umiiral na tax ordinance ng probinsiya ay simula pa noong 2005 at pinangangambahan ng ilan na dahil sa matagal na hindi nabago ang nasabing ordenansa ay babawiin ito sa ipapatupad na batas sa darating na taon.

Pinasiguro naman ni vice governor Reynaldo Quimpo na ikokonsidera ng Sanggunian ang lahat ng mga punto para sa kapakanan ng lahat. Bukas umano sila sa pagtanggap ng position paper sa nais maghayag ng kanilang hinaing ukol sa panukalang batas.

Sa darating na Setyembre 7 ay magsasagawa naman ng pagdinig ang Sangguniang Panlalawigan sa covered court ng Nabas kaugnay sa isinusulong na ordenansa. Ito ay para sa mga bayan ng Malay, Nabas, Buruanga, Tangalan at Ibajay.

MISIS HINAHANAP NI MISTER DAHIL HINDI NA NAKAUWI SA BAHAY

ulat ni Darwin Tapayan, Energy FM 107.7 Kalibo

Hinahanap ngayon ni mister ang kanyang 28-anyos na misis matapos ilang araw nang hindi nakauwi sa kanilang bahay.

Ang babae ay kinilalang si Joena May Estomata-Fernandez, tubong Brgy. Subra-subra, Pandan, Antique.

Ayon sa asawang si Niño Jeyssie Fernandez, 31, residente ng brgy. Camanci Norte, umalis umano ng bahay ang asawang babae noon pang August 18.

Paalam umano ng asawa na uuwi lang sa Pandan para sa bisitahin ang kanyang lola na sa ilalim ng medikasyon.

Simula umano nito ay hindi na sumasagot sa text at tawag ang babae sa kanyang mister. Binisitahan rin umano niya ito sa kanilang bahay sa Pandan pero wala ito roon.

Ayon sa lalaki, noong Agosto 20 nagpaalam umano ang babae sa kanyang lola na pupuntang Iloilo para kunin ang mga naiwang gamit sa dati niyang trabaho.

Nabatis na mahigit isang taon palang na kasado ang mag-asawa at wala pang anak. 

Aminado ang mister na may mga hindi sila pagkakaintidihan at may 'trouble' sa kanilang relasyon.

Nanawagan siya sa kanyang misis na bumalik na ito o magcommunicate manlang sa kanya.

Nakablotter ito sa Numancia PNP at naka-flash alarm narin sa mga iba pang police station sa probinsiya at mga karatig lugar.

MOTORSIKLO NG ISANG GURO SA KALIBO, NINAKAW

ulat ni Archie Hilario, Energy FM 107.7 Kalibo

Tulungan po natin na makita itong motorsiklo ng highschool teacher na si Charisse Cipriano ng Brgy.

Tigayon Kalibo. 

Kumuha po siya ng motorsiklong hulugan para magamit sa pang-araw araw na pagtuturo. 

Naging emosyonal si Maam Cipriano sa kanyang panawagan, kwento nito naglalakad lang raw siya noon para makapagturo kaya nagsumikap na makakuha ng motor, pagkatapos ay nanakawin lamang ng di pa nakikilalang suspek.

Please share po natin at tulungan natin si teacher na mahanap kanyang motorsiklo:

MOTOR NA EURO SPORT 110 

Color: Apple Green 

Plate number: FC 35369

2 PATAY SA AKSIDENTE SA MOTORSIKLO SA LINABUAN NORTE, KALIBO

ulat ni Archie Hilario, Energy FM 107.7 Kalibo

Patay na nang isugod sa ospital ang driver ng motorsiklong ito matapos bumangga sa poste ng kuryente sa brgy. Linabuan Norte, Kalibo alas-12:15 ng madaling araw. 

Kinilala ang biktima sa pangalang Jovy Francisco Ili, 20-anyos, taga-Janlud, Libacao.

Naisugod pa sa Provincial Hospital ang driver pero ideneklarang patay .

Samantala isinugod naman ang back rider nito sa Panay Health Care pero binawian din ng buhay. 

Kinilala ang biktima sa pangalang Maryniel Ili Zausa,19, taga-Julita, Libacao. 

Sa imbestigasyon ng PNP, pauwi raw sa Libacao ang mga biktima, pagdating sa Linabuan Norte nag-over-take daw ang dalawa sa isa pang motorsiklo.

 Nawalan ito ng kontrol hanggang sa nagtuloy-tuloy at bumangga sa isang poste. 

Nagtamo ng malalaking sugat sa ulo ang mga biktima na naging dahilan ng pagkamatay.

LOLO ARESTADO SA BAYAN NG NEW WASHINGTON SA KASONG RAPE

ulat ni Darwin Tapayan, Energy FM 107.7 Kalibo

Arestado ang isang 75-anyos na lolo sa brgy. Mabilo, New Washington sa kasong rape.

Sa report ng pulisya, kinilala ang akusado na si Teofelo Andrade y De Pedro alias Ate, single, laborer, tubong brgy. Palay, Batan pero kasalukuyang nakatira sa brgy. Mabilo.

Nahaharap ang lalaki sa kasong paglabag sa paragraph 1, Article 266 o rape.

Nilabas ang warrant ng Regional Trial Court aa Kalibo laban sa akusado noon pang Pebrero 2013.

Walang itinakdang pyansa ang korte para sa pansamantalang kalayaan ng akusado.

Ikinasa ang pag-aresto sa lolo ng pinagsamang pwersa ng New Washington at Batan PNP Lunes ng gabi.

Pansamantalang nakakulong ngayon sa Batan PNP station ang naturang akusado.

LOLO SA BAYAN NG BANGA BINUGBOG, PATAY ; SUSPEK KALABOSO

ulat ni Darwin Tapayan, Energy FM 107.7 Kalibo

Patay ang isang 67-anyos na lalaki matapos bugbugin ng suspek sa brgy. Jumarap, Banga , Aklan Lunes ng umaga.

Kinilala ang biktima sa pangalang Merlito Restar, residente rin ng nabanggit na lugar.

Kinilala naman ang suspek sa pangalang Harvey Restino, 50, residente ng parehong lugar.

Ayon kay PO3 Mario Sestorias, imbestigador ng Banga PNP station, tinirador umano ng biktima ang suspek at binunutan ng itak habang nagvivideoke sa birthday party ng kapitbahay.

Dito umano nanlaban ang suspek hanggang sa magpagulong-gulong sila sa lupa.

Sinabi ni Sestorias na away sa lupa ang dahilan ng matagal na nilang alitan.

Isinugod pa umano ng pamilya ang biktima sa ospital pero dineklara rin itong dead on arrival. Nabatid mula sa imbestigador na may history ng high blood ang biktima.

Sa panayam ng Energy FM Kalibo, buhay pa raw ang biktima nang iiwan ito ng suspek sa lugar. Nagulat nalang umano siya nang arestuhin ito ng pulisya sa kanilang bahay.

Nakakulong ngayon ang suspek sa Banga PNP station at posibleng maharap sa kasong homicide.

14 ANYOS NA BINATILYO SA ILOILO NI-RAPE AT PINATAY NG ISANG BADING

ulat ni Archie Hilario, Energy FM 107.7 Kalibo

Inaresto na ng PNP ang bading na ito na kinilala sa pangalang Radin Gonzales alyas Smile matapos gahasain at patayin ang isang 14 anyos na lalaki sa Balasan Iloilo.

Napikon raw ang suspek sa biktima matapos sabihan na malaki ang katawan pero bakit naging bakla. 

Kaya ito raw ang dahilan kung bakit nagawa niya ang krimen. 

Aminado rin ito na bangag siya ipinagbabawal na droga nang gawin ang pagpatay sa biktima.

‘DI WASTONG’ LYRICS SA AKLAN HYMN PINUNA SA SANGGUNIANG PANLALAWIGAN

ulat ni Darwin Tapayan, Energy FM 107.7 Kalibo

Pinuna ng miyembro ng Sangguniang Panlalawigan ang umano’y hindi wastong lyrics sa Aklan hymn sa sesyon ng Sanggunian ngayon araw.

Partikular na pinuna ni SP member Harry Sucgang ang linyang “May ati ka, bantog sa kalibutan / Ag kulturang ginapabugae, eabi sa tanan.” (May ati ka, tanyag sa mundo / At kulturang ipinagmamalaki, higit sa lahat). 

Ani Sucgang, kung tutuusin ay hindi ati ang sikat sa mundo kundi ang “ati-atihan”, isang taunang selebrasyon sa Kalibo at sa iba pang bayan sa probinsiya. 

Binigyang diin pa ng opisyal na sa halip na ipinagmamalaki ay dini-discriminate pa nga ang mga Ati sa probinsiya na katunayan ay mga unang naninirahan sa Aklan.

Nais ipa-summon ni Sucgang ang may akda ng awit upang pagpaliwanagin sa partikular na linya. Sinabi naman ni vice governor Reynaldo Quimpo na kailangang maghain muna siya ng amendatory ordinance.

Walang pang pahayag si Sucgang kung maghahain ito ng ordinansa upang amyendahan ang “Among Akean” na sinulat ni Dr. Jesse Gomez.

Ang “Among Akean” ay dineklarang opisyal na provincial hymn base sa provincial ordinance no. 2010-005.

DALAWA HULI SA ILIGAL NA PAGPUTOL NG MGA KAHOY SA BAYAN NG MALINAO

Photo (c) Malinao PNP

Hinuli ng Malinao PNP ang dalawang lalaki dahil sa iligal na pagputol ng mga kahoy.

Nagtangka pang tumakas sa checkpoint ng pukisya sa boundary ng brgy. Bigaa at brgy. Poblacion, Malinao ang dalawa sakay ng motorsiklo.

Kinilala ang mga suspek na sina Casiano Tacud, 30-anyos, driver ng motor at ang Arnold De Quiroz, 18, pawang mga residente ng brgy. Osman sa nasabing bayan.

Ayon sa report ng Malinao PNP, nahuli ang mga suspek sa brgy. Sta Cruz Bigaa, Lezo sa isang hot pursuit operation.

Nasabat ng mga awtoridad ang kanilang motorsiklo at anim na nilagaring kahoy na may kabuuang 121.33 board feet.

Pansamantalang nasa kostudiya ngayon ng Malinao PNP ang mga suspek kasama ang mga narekober.

Posibleng maharap sa kasong paglabag sa section 68, Presidential Decree 705 ang dalawa o Revised Forestry Code of the Philippines.

Nakatakda itong dalhin sa DENR-PENRO para sa kaukulang disposisyon.

Naganap ang insidenteng ito kahapon ng madaling araw.

MOTOR BUMANGGA SA TRICYCLE SA BAYAN NG NUMANCIA, ISA PATAY

ulat ni Darwin Tapayan, Energy FM 107.7 Kalibo

Patay ang isang 45 anyos na lalaki nang bumangga ang sinasakyan niyang motorsiklo sa isang tricycle sa bayan ng Numancia.

Kinilala ang biktima na si Freddie Apolinario y Narce, 45 anyos, residente ng brgy. Tinigaw, Kalibo.

Naganap ang insidente Biyernes pasado alas-10:00 ng gabi sa kahabaan ng national highway sa brgy. Laguinbanwa West.

Sa report ng pulisya, bumangga umano ang motorsiklo sa sinusundan nitong tricycl dahilan para tumilapon ang driver nito at nauntog sa bubong ng tricycle.

Parehong patungong Kalibo ang motor at ang tricycle na menamaneho ni John Rey Regotea, 24, residente rin ng brgy. Tinigaw.

Nawalan naman ng kontrol ang driver ng tricycle bagay na natumba ang sinasakyan.

Dinala pa ng rescue ambulance ng PDRRMO sa provincial hospital ang driver ng motor pero dineklara itong dead on arrival.

Maswerte namang walang gaanong sugat ang driver ng tricycle at wala ring dalang pasahero.

Ayon kay PO3 Eric Lachica, chief investigator, nasa impluwensiya ng nakalalasing na inumin ang motorista at mabilis ang patakbo.

Samantala, matapos mapag-usapan ay napagkasunduan ng pamilya ng namatay at driver ng tricycle na i-settle ang nasabing kaso.

LALAKI INARESTO MATAPOS IREKLAMO NG PANINILIP SA 28-ANYOS NA BABAE

ulat ni Archie Hilario, Energy FM 107.7 Kalibo

Arestado ang lalaking ito matapos ireklamo ng paninilip sa ka-boardmate na 28-anyos na babae.

Kinilala ang suspek sa pangalang Marvin Nadayao, 28-anyos, construction worker na taga brgy. Tabon, Batan.

Kwento ng biktima, nakahubad siya habang naliligo sa loob ng banyo nang mapansin ang naninilip na suspek na nakanganga pa raw.

 Agad itong humingi ng tulong sa mga kasama na nagresulta bagay na nanireporrt sa kapulisan at naaresto ang suspek.

MOTORSIKLO BUMANGGA SA SINUSUNDANG TRICYCLE SA BAYAN NG BANGA, 3 SUGATAN

ulat ni Archie Hilario, Energy FM 107.7 Kalibo

Sugatan ang tatlo katao sa panibagong aksidente sa Linabuan Sur, Banga kaninang alas-12:20 ng madaling araw.

Sa imbestigasyon ng PNP Banga papauwi na raw ang guro na si Jonathan Redizon, 38-anyos na taga-Palali Banga, sakay ng kanyang tricycle nang bigla nalang sinalpok ng sumusunod na motorsiklo.

Kinilala ang driver ng motorsiklo sa pangalang John Alter Navarra, 25-anyos, residente ng brgy. Polocate, sa parehong bayan kasama ang back rider na si Ems Villanueva, 22, residente rin ng kaparehong barangay.

Naisugod agad sa hospital ang mga biktima sa tulong ng Aklan Response Team ( ART).

Confine sa provincial hospital ang mga ito.

WANTED SA BAYAN NG KALIBO SA KASONG HOMICIDE NAARESTO SA ILOILO

ulat ni Darwin Tapayan, Energy FM 107.7 Kalibo

Arestado sa Manduriao, Iloilo City ang isang 35-anyos na lalaki na wanted sa bayan ng Kalibo matapos ang mahigit sampung taong pagtatago.

Kinilala ang akusado na si Arc Ruiz y Laurente, 35 anyos, residente ng brgy. Bakhaw Norte, Kalibo.

Ang lalaki ay naaresto ng mga kapulisan sa bisa ng warrant of arrest sa kasong three counts of homicide.

Ang warrant ay nilabas ng Regional Trial Court sa Kalibo noon pang Setyembre 2006 at may tig-Php40,000 itinakdang pyansa sa bawat kaso.

Ikinasa ang operasyong ito ng pinagsamang pwersa ng Iloilo City police station 5 at ng Kalibo PNP hapon ng Sabado sa Megaworld, brgy. Buhang Taft North.