Mga pakete ng 'marijuana' nasabat ng PDEA sa mall sa Kalibo

NASABAT NG mga tauhan ng Philippine Drug Enforcement Agency ang mga pakete ng pinaghihinalaang marijuana sa loob ng isang mall sa Kalibo gabi ng Huwebes.

Kinumpirma ni Police Lt. Col. Richard Mepania, hepe ng Kalibo PNP, ang insidente sa panayam ng Energy FM Kalibo.

Napag-alaman na ang mga nasabat na marijuana ay nakasilid sa isang bag at iniwan ng mga suspek sa baggage counter ng City Mall.

Ikinadismaya ni Lt. Col. Mepania ang mabagal na kooperasyon ng pamunuan ng mall dahil hindi agad sila nagbigay ng kuha ng CCTV footage sa insidente.

Naniniwala ang hepe na kapag naipakita sana agad ng pamunuan ang kuha ng CCTV sa kapulisan noong mga sandaling iyon ay posibleng nahuli pa ng mga otoridad ang mga suspek.

Ito ang dahilan kung bakit nagpatawag ng emergency dialogue si Lt. Col. Mepania sa mga establishment owner nananawagan na mag-coordinate at mag-cooperate sa kapulisan.

Nagbabala ito na posibleng sampahan nila ng mga kaukulang kaso kapag hindi agad nagbigay ng kuha ng CCTV sa kapulisan ang mga establishment para sa imbestigasyon.

Habang iniimbestigahan pa ng kapulisan at ng PDEA ang insidente.##

- Kasimanwang Darwin Tapayan, Enegy FM Kalibl

Mga menor de edad nahuling nagko-computer sa oras ng klase sa Kalibo

DINALA SA Kalibo PNP Station at pinangaralan ng hepe ang nasa 20 kabataan na nahuli ng kapulisan Martes ng hapon na nagko-computer sa oras ng klase.

Ipinaitindi ni PSupt. Richard Mepania, hepe ng Kalibo PNP, ang pagpapahalaga ng mga bata sa kanilang pag-aaral at pagsisikap ng kanilang magulang para mapagtapos aila.

Habang binalaan naman ng hepe ang mga may-ari ng mga kompyuteran na nagpapasok ng mga menor de edad na mga estudyante sa kanilang mga shop sa oras ng klase.

Nakasaad sa Code of General Ordinance ng Kalibo na bawal na manatili ang mga estudyante sa mga internet shops 7:30am-11:30am at 1:30pm-4:30pm maliban lamang kapag walang pasok at tuwing weekend.

Sinumang lalabag sa ordenansang ito ay pagmumultahin ng hanggang sa Php2500 o revocation, maging non-renewal of license. Sa Code of General Ordinance naman aabot rin sa Php2500 ang pwedeng multa o pagkakulong ng dalawang linggo.##

Mga negosyante sa Aklan umaangal dahil sa mahinang suplay ng tubig ng MKWD

UMAANGAL NGAYON ang ilang negosyante sa probinsiya ng Aklan na apektado ng ilang buwan nang mahinang suplay ng tubig ng Metro Kalibo Water District (MKWD).

Kaugnay rito isang resolusyon ang ipinasa ng Philippine Chamber of Commerce (PCCI) - Aklan Chapter upang ipetisyon sa Sangguniang Panlalawigan ang pag-imbestiga sa problema.

Saad ng PCCI sa kanilang Resolution 2019-02-12-01, Hulyo pa ng 2018 nararanasan ng mga miyembro at opisyal ng organisasyon ang low pressure sa suplay ng tubig ng MKWD.

Dahil sa epekto nito sa kanilang negosyo nanawagan ang organisayon ng mga negosyante sa Sangguniang Panlalawigan na alamin at bigyan ng solusyon ang problema.

Sa regular session ng SP araw ng Martes napagkasunduan na pag-usapan ang problema sa committee level para ipapatawag ang MKWD para pagpaliwanagin.

Nabatid na may pending pang inquiry ang Sanggunian sa reklamo ng mga taga-Balete sa mahinang suplay ng tubig ng MKWD sa kanilang bayan.

Ang MKWD ay nagsusuplay ng tubig sa mga bayan ng Kalibo, New Washington, Banga, Balete, Batan at Numancia.##

- ulat ni Kasimanwang Darwin Tapayan, Energy FM Kalibo

12 bahay naabo sa sunog sa Isla ng Boracay

 

NAABO SA sunog ang 12 bahay at isang bodega ng kite boarding resort sa Sitio Bolabog, Brgy. Balabag sa Isla ng Boracay kagabi.

Ayon kay FSInsp. Lorna Parcellano, hepe ng Bureau of Fire Protection (BFP) - Malay, nagsimula ang sunog dakong 7:45 at tumagal hanggang 8:43 ng gabi.

Mabilis umanong kumalat ang apoy dahil sa malakas ang hangin at yari sa mga light materials ang mga nasunog na bahay.

Tinitingnan ngayon na dahil sa upos ng sigarilyo na itinapon sa isang bahay mula sa kalapit na resort nagmula ang sunog.

Tinatayang aabot sa Php1.5 million ang pinsalang iniwan ng sunog wala namang naiulat na nasugutan sa insidente.

Patuloy pa ang imbestigasyon sa insidente.

Sinabi ni Parcellano, ito na ang ikalawang sunog na naganap sa Isla sa taong ito. Ang nauna ay noong Enero 26 sa Sitio Tulubhan, Brgy. Manocmanoc.##

- ulat ni Kasimanwang Darwin Tapayan, Energy FM Kalibo

11 persons died daily in Aklan according to 2018 statistic

DEATH INCIDENCE in Aklan contracted by almost 2 percent in 2018 based on the record of the Philippine Statistics Authority.

A total of 3, 981 deaths were reported last year, lower by 75 corpses compared to 2017 record of 4, 056.

The biggest decline in death was recorded in Banga with 21 percent (from 198 in 2017 to 157 in 2018), followed by Malay with 12 percent (from 204 in 2017 to 179 in 2018), and Batan with 11 percent (from 183 in 2017 to 162 in 2018).

On the other hand, the highest increase was registered in Lezo with 25%, followed by Madalag and Numancia with 16% and 15%, respectively.

Among the 17 municipalities, Kalibo, the capital town, recorded the highest number of deaths with 1, 786 (or 44%), Ibajay with 310 (or 8%), and New Washington with 182 (or 5%).

On the average, a total of 11 persons died daily in Aklan last year.

Most deaths took place in January with 406, translating to a daily average of 13 death occurrences.

This is followed by month of October with 373, April with 355, May with 346, and February with 344.

Meanwhile, most of those who died last year reside in Kalibo with 610 comprising about 15 percent of the total deaths, followed by Ibajay with 368 (or 9.3 percent), and New Washington with 316 (or 8 percent), and Banga with 273 (or 7 percent).

According to Provincial Statistics Officer Antonet Catubuan, data on death were taken from certificate of death submitted to PSA by local civil registry offices every end of the month. (Peter Mangilog / PSA-Aklan)

Bantay-salakay: hotel sa Boracay ninakawan ng guwardiya

photo Malay PNP

KALIBO, AKLAN – Pinaghahanap ngayon ng kapulisan ang isang guwardiya makaraang pagnakawan ang pinagtratrabahuhang hotel sa Station 3 sa Brgy. Manocmanoc, Isla ng Boracay.

Kinilala sa ulat ng kapulisan ang suspek na si Albert Dahil-Dahil tubong Bacolod, Negros Occidental.

Batay sa salaysay ni Joefrey Layto, 24-anyos, front officer ng hotel, naganap ang insidente mag-aalas-dos ng madaling araw ng Lunes.

Aniya nag-CR lamang siya nang pagbalik nito ay napag-alamang nawawala na ang pera sa loob ng drawer. Natangay umano ang Php46,500; 170 Renminbi; at 200 US dollar.

Nang usisain ang kuha ng CCTV ay nakita roon ang suspek.

Agad namang nagsagawa ng hot pursuit operation ang Malay PNP pero napag-alaman na nakatawid na mula sa Isla ang suspek batay sa kuha ng CCTV sa Cagban Jetty Port.##

- Kasimanwang Darwin Tapayan, Energy FM Kalibo

Mga lokal na ordinansa mahigpit nang ipinatutupad sa Boracay

MAHIGPIT NGAYONG ipinatutupad ng Inter-Agency Rehabilitation Management Group ang iba-ibang mga lokal na ordinansa sa Boracay.

Ang operasyon na tinawag nilang Project Boracay Enhanced Security Strategy and Tactics (BESST) ay naglalayong gawing "disciplined zone" ang buong Isla.

Kabilang sa bumubuo sa grupo ay ang Tourism Regulatory Enforcement Unit, Metro Boracay Police Task Force, at Malay Auxiliary Police.

Ayon kay PLtCol. Ryan Manongdo ng Metro Boracay Police Task Force, sa ngayon ang tinutukan muna nila ay ang front beach mula sa Station 1 hanggang Station 3.

Kabilang sa ipanatutupad ay ang pagbabawal sa mga iligal na commissioner at mga ambulant vendors sa front beach, pagbabawal sa pagkain sa beach, paninigarilyo, pag-inom, pag-ihi at pagdumi.

Hinihigpitan rin ng mga otoridad ang iligal na pagpapalipad ng mga unmanned vehicle o drone sa Boracay.

Sinabi pa ni Manongdo na 24/7 ang kanilang panghuhuli. Vinivideo nila ang panghuhuli para sa transparensiya. Binibigyan nila ng mga kaukulang violation ticket ang mga lumalabag.

Wala naman umanong umaangal at nagiging maayos ang ginagawa nilang panghuhuli.

Sa mga susunod na araw umano ay pagtutuonan naman nila ng pansin ang main road ng Isla.##

- Kasimanwang Darwin Tapayan, Energy FM Kalibo

Mamamahala sa Kalibo Ati-atihan Festival palaisipan pa

SINO NA ang mamamahala sa Kalibo Ati-atihan Festival sa susunod na taon? Ito ang tanong ng mga media sa financial report ng Kalibo Sto. Niño Ati-atihan Festival Inc. (Kasafi) araw ng Sabado.

Kasunod ito ng pag-amyenda ng foundation ng kanilang pangalan bilang Aklan Cultural Association Foundation Inc. (ACAF) at maging ng kanilang layunin.

Ipinakita ni dating Kasafi Chairman Albert Meñez sa mga media at mga stakeholder sa nasabing okasyon ang sertipiko ng rehistro ng foundation sa SEC na pinirmahan noong Pebrero 15.

Ipinaliwanag ni Meñez na ang kanilang desisyon ay kasunod ng pag-expire ng siyam na taong Memorandum of Agreement ng foundation at ng pamahalaang lokal ng Kalibo.

Sinabi pa niya na ang layunin ngayon ng foundation ay ang pagbutihin ang kulturang Aklanon para makilala sa bansa at maging sa buong mundo.

Sa kabila nito sinabi ni Meñez na aalalay parin sila sa kung sino man ang hahawak ng Ati-atihan festival ng Kalibo sa mga susunod na taon.

Inaasahan na kung walang kaparehong pribadong organisasyon na hahawak sa festival ay ang munisipyo muna ang magpapalakad ng itinuturing na "The Mother of All Philippines Festivals".

Samantala, sa financial report sinabi ni Meñez na nakalikom sila ng Php5,518,005 nitong Ati-atihan 2019. Pinakamalaki rito ang mula sa sponsorship na mahigit Php4 million.

As of January 31 ang cash on hand ng foundation ay Php2,200,031. Mananatili umano ang perang ito sa ngayon ay ACAF Inc pati na ang mga kagamitan nila sa dating Kasafi.##

- Kasimanwang Darwin Tapayan, Energy FM Kalibo