Empleyado ng gobyerno probinsiyal nagbigti, patay sa bayan ng Makato

Energy FM Kalibo photo

PATAY ANG isang empleyado ng gobyerno probinsiyal ng Aklan na makaraang magbigti sa loob ng kanilang bahay sa Brgy. Poblacion, Makato.

Kinilala sa report ng kapulisan ang empleyado na si Manuel Timtiman III, 36 anyos, residenjte ng nabanggit na lugar, at nagtratrabaho sa Caticlan Jetty Port sa ilalim ng Provincial Treasurer’s Office.

Una siyang natagpuan ng kanilang katulong na nakabitin sa kusina ng bahay gamit ang kawad ng kuryente na nakatali sa kanyang leeg.

Sa pagsisiyasat ng mga tauhan ng Provincial Crime Laboratory, natagpuan ang isang suicide note na nagsasabing, “Sori nay di ko na kaya.”

Sinabi naman ni PCInsp Ulysses Ortiz, hepe ng Crime Laboratory, wala silang nakitang palatandaan na may foul play sa insidente.

Hindi pa malaman kung ano ang sanhi ng pagpapakamatay ng empleyado.

Ang misis ng lalaki ay nagtratrabaho bilang nurse sa District Hospital sa Ibajay at doon narin nakatira kasama ang tatlo nilang mga anak.

Patuloy pa ang imbestigasyon sa kaso.##

- Kasimanwang Darwin Tapayan, Energy FM Kalibo

ROOM BOY NA TUMALON MULA SA IKAAPAT NA PALAPAG NG HOTEL, BINAWIAN NA NG BUHAY

BINAWIAN NA ng buhay ang room boy na una nang naiulat na tumalon mula sa ikaapat na palapag ng hotel na pinagtratrabahuhan sa Roxas Avenue, Kalibo.

Naganap ang insidente gabi ng Lunes habang nasa trabaho ang biktima na kinilalang si Gemwill Fernadez, 23-anyos, residente ng Aranas, Balete.

Ayon sa panayam ng Energy FM Kalibo sa guwardiya ng hotel, una siyang napansin ng mga katrabaho na naglalaslas.

Nang mapansin umano siya ay agad itong tumalon sa gusali. Sinubukan pa umano ng mga kasama na pigilan siya pero naging mabilis umano ang pangyayari.

Nabalian ng mga paa at kamay ang biktima. Agad siyang isinugod sa Provincial Hospital at kalaunan ay inilipat sa isang pribadong ospital kung saan siya binawian ng buhay umaga ng Martes habang ginagamot.

Hindi pa malinaw sa pahayag ng pamilya at katrabaho kung ano ang malalim na dahilan ng pagpapakamatay ng biktima.

Napag-alaman ng Energy FM Kalibo na huling nagpost ang biktima sa kanyang facebook account gabi ng Linggo na nagsasaad ng kanyang problema sa pag-ibig.##

37-ANYOS NA LALAKI SA BANGA NAGBIGTI, PATAY

PATAY ANG isang lalaki sa bayan ng Banga makaraang magbigti sa Brgy. Jumarap umaga ngayong Lunes.

Kinilala ang biktima na si Jonel Dolfa, 37-anyos, residente ng nabanggit na lugar.

Dinala pa ng rumespondeng mga tauhan ng MDRRMO-Banga sa Dr. Rafael S. Tumbukon Memorial Hospital ang biktima pero hindi umabot ng buhay.

Napag-alaman na naabutan nalang ng kanyang pamilya na nakabigti na ito sa gilid ng kanilang bahay gamit ang kawad ng kuryente.

Ayon sa Banga PNP, hindi umano naireport sa kanila ang insidenteng ito.

Tumanggi naman ang pamilya na magbigay ng pahayag sa media sa dahilan ng pagpapakamatay ng biktima.##

- Darwin Tapayan, Energy FM Kalibo

BARANGAY KAGAWAD SA BALETE, NAGBARIL SA SARILI PATAY

PATAY ANG isang barangay kagawad makaraang magbaril umano ng sarili sa Brgy. Aranas, Balete madaling araw ng Linggo.

Nakilala ang biktima na si Joselito Sison Nicolas, 52-anyos, at residente ng parehong lugar.

Ayon sa inisyal na ulat ng Balete PNP, nagtamo umano ng tama ng bala sa ulo ang biktima, dahilan ng kanyang agarang pagkamatay.

Naglalaba umano sa kusina ang misis nang marinig niya ang isang putok ng baril mula sa kanilang kuwarto.

Kaagad umano niya itong inalam at laking gulat na ang duguang mister ang kanyang naabutan na nakadapa sa kama.

Narekober ng mga tauhan ng Scene of the Crime Operatives ang isang 357 na baril, isang fired cartridge, tatlong live ammunition, at isang metal fragment sa pinangyarihan ng insidente.

Isang suicide note ang narekober kung saan nakasulat "Palangga ko kamo Tanan".

Napag-alaman na kakalabas lang ng biktima sa hospital araw ng Sabado dahil sa sakit na diabetes.##

- Darwin Tapayan, Energy FM Kalibo

MISTER SA NABAS NAGBIGTI, KRITIKAL

Isang mister ang nagbigti sa bayan ng Nabas ang kritikal parin ang kondisyon sa provincial hospital.

Ayon sa ulat ng Nabas PNP, naabutan ng 11-anyos na anak ang kanyang tatay na nakabitin sa loob ng CR.

Agad umanong humingi ng tulong ang bata sa tito niya para maialis sa pagkakabigti ang biktima.

Unang dinala sa district hospital ng Ibajay ang 41-anyos na lalaki at kalaunan ay dinala sa Kalibo para sa intensibong paggamot.

Napag-alaman na naganap ang insidente noong pang Agosto 16. Nananatiling naka-ICU ang biktima.

Problema sa pamilya ang tinitingnang dahilan sa tangkang pagpapakamatay ng mister.##

- Darwin Tapayan, Energy FM Kalibo

16-ANYOS NA DALAGA NAGBIGTI PATAY SA ALTAVAS

Isang dalagita ang naabutan ng pamilya na nakabigti at wala nang buhay sa Brgy. Talon, Altavas ngayong araw ng Sabado.

Kinilala sa report ng Altavas PNP ang biktima na si Jahaziel Donguines Catalan, 16-anyos, residente ng nasabing lugar.

Nabatid na nakabigti na sa loob ng kanilang kubo ang Grade 11 student gamit ang nylon rope nang matagpuan ito ng pamilya.

Ang pamilya rin ang nag-alis sa dalaga sa pagkakabigti.

Ayon sa miyembro ng pamilya, posibleng problema sa pag-aaral at hindi sa pag-ibig ang rason ng kanyang pagpapakamatay.##

- Darwin Tapayan, Energy FM Kalibo

18 ANYOS NA ESTUDYANTE SA IBAJAY NAGBIGTI PATAY!

Nagbigti, patay ang 18-anyos na lalaki sa Barangay Naligusan, Ibajay, Aklan.

Kinilala ang biktima sa pangalang Bryan Etac Gaira, Grade 12, residente rin ng nabanggit na lugar.

Natagpuang patay at nakabigti sa loob ng bahay ang biktima bandang alas singko na ng hapon.

Sa imbestigasyon ng Pulisya lumalabas na bago ang pagbigti,nag-usap pa raw sila ng kanyang tatay at lola tungkol sa tuition nito.

Mukhang nagtampo raw ito at na misinterpret ang sinabi ng ama.

Pagkatapos ay sinabi raw ng biktima na wag ng dagdagan ang kanyang problema, dahil marami na raw itong pinuproblema.

Pagkatapos raw na mapaliwangan ay naging maayos naman ang pagtanggap nito.

Pagkatapos ay naiwan sa bahay ang biktima dahil may pinuntahan ang lola at tatay nito.

Pagbalik ng lola, nakabigti na ang biktima.##

- Archie Hilario, Energy FM Kalibo

24-ANYOS NA LALAKI SA BAYAN NG ALTAVAS NAGBIGTI, PATAY

Patay ang isang 24-anyos na lalaki matapos umano itong magbigti sa CR ng pinagtratrabahuhan niyang bahay sa Brgy. Poblacion, Altavas bilang houseboy.

Kinilala ang biktima na si Ronel Sarita, 24-anyos, tubong San Joaquin, Iloilo at nabatid na nasa dalawang taon nang nagtratrabaho sa pamilya Isonza.

Kahapon ay ipinagdiwang pa ng pamilya ang kanyang kaarawan. Pero hindi na ito umano nakitang lumabas ng kanyang kuwarto gabi ng Martes para maghapunan.

Umaga ngayong Miyerkules ay kinatok umano ng mag-asawa Isonza ang biktima sa kanyang kuwarto pero hindi umano ito sumasagot dahilan para hanapin nila.

Hanggang sa nadatnan nalang umano ito na nakabitin na sa loob ng CR gamit ang sintas at isa nang malamig na bangkay.

Humingi ng tulong ang pamilya sa kapulisan para magsagawa ng inisyal na pagsisiyasat. Narekober sa kwarto ng biktima ang isang notebook na may mga “hugot notes.”

Nabatid na nag-aaral ang biktima bilang Grade 2 sa Alternative Learning System sa Altavas.

Nakatakdang isailalim sa autopsy examination ang bangkay ng biktima upang matukoy ang sanhi ng kanyang pagkamatay.

Isa sa tinitingnang dahilan ng pagpapakamatay ng lalaki ay dahil sa kabiguan sa pag-ibig. | EFM Kalibo

51-ANYOS NA LALAKI NAGBIGTI, PATAY SA BAYAN NG BANGA

Patay na nang madatnan ng kanyang pamilya ang isang 51-anyos na lalaki sa loob ng bahay sa bayan ng Banga hapon ng Sabado matapos magbigti.

Kinilala sa report ng Banga PNP ang biktima na si Richard Dela Rosa, residente ng Brgy. Venturanza sa nabanggit na bayan.

Salaysay ng imbestigador ng pulisya, unang nakakita sa biktima ang pinsan niyang si Gyril Renz Dela Rosa. Nakabitin umano ito gamit ang electrical cord at wala nang buhay.

Wala namang palatandaan na may foul play sa pagkamatay ng lalaki.

Kumbinsido ang pamilya na sinadya niya ang nangyari lalu at nakaranas umano ito ng depresyon nitong mga nakalipas na araw. | EFM Kalibo

51 ANYOS MAGSASAKA NAGBIGTI SA NEW WASHINGTON DAHIL SA KAHIRAPAN

Kritikal ngayon ang lagay ng isang magsasaka matapos magbigti sa kanilang tahanan sa Brgy. Lawaan, New Washington.

Ayon sa misis, pagpasok nya ng banyo bumulaga sa kanya sa loob ang nakabitin na katawan ng kanyang 51-anyos na asawa.

Humingi ng tulong ang misis sa kapitbahay at agad na isinugod sa ospital ang biktima.

Dagdag pa ng asawa, posibleng dahil umano sa kahirapan kaya nagawa ng biktima ang tangkang pagpapakamatay.

Pitong taon na umanong nakakaranas ng iba't-ibang sakit ang kanyang mister at hindi na gaanong nakakapagtrabaho.

Merong apat na mga anak na binubuhay ang biktima at tanging pagsasaka ang ikinabubuhay ng pamilya.

Patuloy pang ginagamot sa Dr. Rafael S. Tumbukon Memorial Hospital ang nasabing biktima.

SA ISLA NG BORACAY, 19 ANYOS NA LALAKI NAGBIGTI, PATAY

Patay ang isang 19 anyos na lalaki sa brgy. Balabag sa isla ng Boracay matapos itong magbigti sa loob ng sariling kuwarto kagabi.

Kinilala ng Boracay Tourist Assistance Center ang biktima na si Norman Broncano alyas “Boboy”, residente ng nasabing barangay.

photo (c) Manilyn Broncano f

Una rito, nagtaka umano ang ina matapos ilang beses siyang nagtatawag at kumakatok sa kuwarto ng anak para anyayahang kumain pero hindi ito sumasagot.

Dito pwersahan niyang sinira ang pinto ng kuwarto at tumamabad sa kanya ang malamig nang bangkay ng anak na nakabigi gamit ang electrical cord. 

Dinala pa nila ito sa isang klinika pero deneklara ring dead on arrival.

Ayon kay PO2 Marvin Garino, dakong alas-3:00 ng madaling araw kahapon nang umuwi ang biktima na nakainom at nakasagutan ang ama sa kanilang bahay.

Bago pumasok sa kuwarto ay nagsabi pa umano ito sa nakababatang kapatid na babae na “manami magpakamatay” at hindi na muling narinig at lumabas pa ng kuwarto.

Sinabi pa ni Garino na ganito rin ang binitiwang salita ng biktima sa kanyang mga barkada sa kanilang inuman bago umuwi ng madaling araw na iyon.

Wala namang nakikitang iba pang motibo ang imbestigador sa nasabing insidente. Wala rin umanong foul play sa insidente.

26 ANYOS NA KARPENTERO NAGBIGTI PATAY SA NAVITAS, NUMANCIA

Patay ang isang 26 anyos na karpentero matapos magbigti sa brgy. Navitas, Numancia.

Kinilala ang biktima na si Ariel Villanueva y Delos Reyes, residente ng nasabing lugar.

Sa report ng Numancia PNP, dakong alas-3:00 ng madaling araw nang makatanggap sila ng report hinggil sa naturang insidente.

Sa inisyal na imbestigasyon ng pulisya, dakong alas-2:55 nang makitang nakabitin na sa loob ng bahay-kubo ang biktima.

Una siyang nakita ng kanyang kapatid na si Anthony na umuwi galing sa inuman.

Makailang beses umanong nagtawag ang kapatid sa biktima pero hindi ito sumasagot.

Pwersahan niyang sinira ang pinto ng bahay kubo at tumambad sa kanya ang naninigas na na katawan ng biktima.

Huling nakasama ng pamilya ang biktima na kasama nilang kumain pero hindi rin niya inubos.

Ang biktima ay dumiretso sa bahay-kubo (payag) kalapit ng kanilang bahay kung saan siya natutulog.

Ayon kay PO2 Felizardo Navarra Jr., dati na umanong nagtangkang magpakamatay ang biktima sa pamamagitan ng pagsaksak sa sarili.

Nitong mga nakalipas na araw ay naobserbahan rin umanong nanghihina ang katawan ng biktima.

Hindi pa malaman ng mga kapulisan ang motibo hinggil sa pagpapakamatay ng biktima.

53-ANYOS NA LALAKI NAGBARIL SA SARILI SA NEW WASHINTON PATAY

ulat ni Archie Hilario, Energy FM 107.7 Kalibo

Idineklarang dead on arrival ang lalaking ito matapos barilin ang sarili sa loob ng kanilang bahay sa Mabilo New Washington Aklan alas-9:00 pasado ng umaga.

Kinilala ang biktima sa Pangalang Rafael Mijarez, 53 anyos residente rin ng nabanggit na lugar. Nagtamo ng tama ng baril sa kanang bahagi ng ulo ang biktima.

Ayon kay P03 Peter Umitin imbestigador ng New Washington PNP Station. Kasama umano ng biktima sa bahay ang anak na babae bago maganap ang pagbaril.

Habang nasa loob ng CR si April Mijarez nakarinig ito ng isang putok na nagmula sa kwarto ng ama. Kaya mabilis itong lumabas ng CR at tinungo ang kwarto ng ama.

Doon na nakita ang duguang ama kaya agad itong humingi ng tulong sa mga kapitbahay para maisugod ito sa ospital.

Samantala ibinigay naman ng pamilya sa pulisya ang ginamit na baril ng biktima kasama ang pitong bala ng caliber 45 at isang baril.

Maysakit raw sa baga ang biktima na posibleng naging dahilan ng pagsuicide.

PULIS NATAGPUANG PATAY SA LOOB NG KANYANG BAHAY SA BAYAN NG BALETE

Patay na nang matagpuan ang isang pulis sa loob ng kanyang bahay sa brgy.Fulgencio, Balete kagabi.

Kinilala ang biktima na si SPO2 Ferdinand De Mateo, at kasalukuyang nakadestino sa Aklan Public Safety Company.

Ayon sa report ng Balete PNP, dakong alas-6:00 ng gabi nang makatanggap sila ng tawag na may naganap umanong suicide sa nabanggit na lugar.

Agad namang nagresponde ang mga awtoridad at naabutan nilang nakabulagta sa sahig ang biktima at duguan. 

Hawak pa ng pulis ang issiued firearm at narekober din ang isang fire cartridge malapit sa kanyang katawan.

Kalaunan, nilinaw ng Balete PNP base sa kanilang imbestigasyon, namatay ang biktima dulot ng accidental firing at hindi nagbaril sa sarili kagaya nang unang impormasyon.

Pinabulaanan rin ng pulisya na may narekober na suicide note sa pinangyariha ng insidente taliwas sa mga kumakalat na report.

Nagtamo ng sugat ng pagbaril ang biktima sa kanan at kaliwang bahagi ng kanyang ulo.

Humingi naman ng privacy ang pamilya sa nangyari.

60-ANYOS NA BABAE PATAY NANG MAGBIGTI SA LAGUINBANWA EAST, NUMANCIA

Patay ang isang 60 anyos na babae makaraang magbigti sa kwarto ng kanilang bahay sa Laguinbanwa East, Numancia, Aklan ngayong hapon.

Kinilala ang nasabing biktima sa pangalang Helen Placido y Francisco, tubong Mercedes, Madalag.

Sa panayam sa kanyang anak na si Jorelyn, 19, dakong alas-5:00 ng hapon nang matagpuang nakabigti ang biktima gamit ang isang lubid.

Agad namang rumesponde ang mga kapulisan at isinakay sa patrol ang biktima para isugod sa ospital gayunman dineklara ring dead on arrival.

Ayon sa pamilya, posible umanong nagpakamatay ito dahil sa iniindang na sakit.

TRICYCLE DRIVER NATAGPUANG NAKABITAY SA SAGINGAN SA BRGY. TINIGAW, KALIBO

ulat ni Archie Hilario, Energy FM 107.7 Kalibo

Patay na nang matagpuan ang isang lalaki na nakabitay sa puno ng kawati sa sagingan sa brgy. Tinigaw, Kalibo.

Kinilala ang biktima sa pangalang Leandro Villanueva alyas “Oto” at “Poto”, isang tricycle driver at residente ng brgy. Estancia, Kalibo. 

Una rito, dakong alas-6:00 ng gabi, isang concern citizen ang dumulog kay Tinigaw punong barangay Rolando  “Toto” Reyes na may natagpuang nakabigting lalaki sa sagingan sa Purok 2.

Agad namang humingi ng tulong ang kapitan sa Kalibo police station para magsagawa ng imbestigasyon sa lugar. 

Ayon kay  PCInsp. Ulysses Ortiz  ng SOCO-Aklan, narekober sa  bulsa ng biktima ang kanyang cellphone, pera, at susi ng motorsiklo at wala anyang palatandaan na nikawan ito.

Ayon sa mga residente, nakita pa umano nila ang biktima dakong alas-8:00 ng umaga nang  iparada niya ang kanyang pampasaherong tricycle, mahigit 500 metro ang layo sa lugar kung saan ito nakitang nakabigti. 

Ayon naman sa pamilya, wala silang nakikitang malalim na dahilan para magpakamatay ang biktima. 

Nagpapatuloy pa ang imbestigasyon ng pulisya hinggil sa nasabing kaso.

18 ANYOS NA LALAKI NAGSAKSAK NG SARILI SA BAYAN NG BATAN

Ulat ni Joefel Magpusao / Darwin Tapayan, Energy FM 107.7 Kalibo

Binawian ng buhay ang isang 18-anyos na lalaki makaraang saksakin ang sarili sa loob ng kanilang bahay sa brgy. Lalab, Batan.

Sinabi ng ina ng binata sa panayam ng Energy FM Kalibo, nagsaksak umano sa tiyan ang anak na si Ricky Bartolome matapos tuksuhin siya ng kuya.

Ayon sa ina, gabi nitong Lunes, umuwi umano ng bahay ang binata kasama ang ama at kuya na nakainom.

Nagtampo umano ang binata at nagsaksak ng sarili matapos siyang tuksuhin ng kuya na kaya sila ginabi ng pag-uwi ay dahil sa nakatulog ito sa inuman.

Agad namang naisugod sa provincial hospital ang biktima at na-confine sa intensive care unit.

Matapos ang mahigit isang araw ay binawian rin ng buhay ang binata pasado alas-3:00 Miyerkules ng madaling araw sa naturang ospital.

BABAE NAGTANGKANG TUMALON SA 2-STOREY BUILDING SA BRGY. CATICLAN, MALAY

ulat ni Darwin Tapayan, Energy FM 107.7 Kalibo

Naalarma ang mga tao sa brgy. Caticlan, Malay dakong alas-8:00 ng gabi nang may isang babae sa taas ng bubungan ng 2-storey building na nagtatangkang tumalon.

Sa report ng Malay police station, nakatanggap umano sila ng tawag na may babaeng nagtatangkang tumalon sa  nasabing lugar.

Naabutan pa nila ang babae sa rooftop na umiiyak, kinakausap ang sarili at gustong tumalon.

Ikinagulat rin ng mga kaibigan niyang ati ang ginawa ng nasabing babae. Sa mga nakalipas na araw ay wala naman silang nakitang pinoproblema ang nasabing babae.

Matapos ang mahigit isang oras na negosasyon ay nadakip rin mga awtoridad ang babae at dinala sa tanggapan ng social welfare and development para isailalim sa counseling.

Nabatid na ang babae ay tubong Guimbal, Iloilo, at kasalukuyang nanunuluyan sa isang boardinghouse sa nabanggit na lugar.

BUNTIS NAGBIGTI MATAPOS MAGTAMPOS SA MISTER

Nagbigti sa kanilang bahay sa brgy. Bakhaw Sur, Kalibo ang isang 27 anyos na misis dahil lamang sa umano’y tampuhan nila ng kanyang mister.

Nabatid na ang nasabing babae ay buntis ng dalawang buwan.

Ayon sa mister, posible umanong nagtampo sa kanya ang misis matapos na dumating ito ng lasing sa kanilang bahay. Nagkasagutan pa umano sila at kalaunan ay lumayong kunti sa labas ng bahay para magpalamig ng ulo.

Hindi umano niya naisip na magbibigti ang misis hanggang sa may dumaan na lamang na ambulansiya patungo sa kanilang bahay.

Una rito, maswerte anyang nakita ng kanyang 11-anyos na anak sa dating karelasyon ang nagbigti niyang misis.

Agad na humingi ang tulong ang bata sa magulang ng biktima at naalis sa pagkakabigti gamit ang lubid.

Naagapan naman ang buhay ng misis at naka-confine na sa intensive care unit ng provincial hospital.

21 ANYOS NA LALAKI NAGBIGTI MATAPOS IPAGPAPALIT NG KARELASYON, PATAY

ulat ni Darwin Tapayan, Energy FM 107.7 Kalibo

Patay ang isang 21 anyos na lalaki makaraang magbigti sa loob ng kuwarto sa kanilang bahay sa Sta. Cruz-Bigaa, Lezo; isa sa tinuturong motibo ay kabiguan sa pag-ibig.

Kinilala ang biktima na si "Romeo", residente ng nasabing lugar.

Sa panayam ng Energy FM Kalibo sa ama, natagpuan nalamang niya kaninang umaga na nakabitin na sa kanyang kuwarto ang biktima gamit ang lubid at wala ng buhay.

Narekober sa higaan ng biktima ang isang notebook na naglalaman ng kanyang sulat-kamay sa 18-anyos na nobya. Nakasaad rito ang kanyang sama ng loob sa pagpalit umano sa kanya ng babae sa iba.

Ayon sa pamilya ng biktima, nasa tatlong taon narin umanong magkarelasyon ang biktima at ang nasabing babae.

Burado naman ang lahat ng text messages sa cellphone ng lalaki maging ang mga tawag rito.

Wala namang iba pang nakikitang dahilan ang pamilya para gawin ito ng biktima. Katunayan ay mabait umano ang lalaki at wala namang problema sa bahay.

Kinumperma naman ng Lezo municipal police station na walang foul play sa nasabing insidente.