DENR ISSUES LATEST MEMORANDUM ON BORACAY ISLAND STPS

Establishments can now connect to Concessionaires

THE DEPARTMENT of Natural Resources (DENR) released its recent memorandum order, which detailed the guidelines on the installation or construction of Sewage Treatment Plants (STPs) in Boracay Island.

The Memorandum Order No. 2018-04—dated September 18 and signed by Secretary Roy Cimatu—states that hotels, resort, and similar establishments can now connect to Concessionaires, such as BoracayIsland Water Company, ordering the said Concessionaires to collect and treat the wastewater of their own respective clients.

The Memorandum directs the Concessionaires to issue certifications that their respective customers are either connected to the sewer line or have their own compliant individuals STPs. This certification will serve as a requirement for the hotel or establishment to operate.

As part of this directive, the Concessionairesare also asked to provide DENR with data on water billed volume and volume of wastewater received for treatment for monitoring and planning purposes.

In relation to this Order, DENR strictly requires all hotels and similar establishments along the White / Long beachfront with 40 rooms and above to establish or construct their own STPs that are fully operational with capability of full treatment for Class-SB effluent not later than October 28, 2018.

Hotels, which are unable to comply, will not be allowed to open and operate their business until they have established their own compliant STPs.

Other STP Requirements

All other hotels outside the White / Long beachfront with 50 rooms and above are ordered to establish or construct their own STPs that are fully operational with capability of full treatment for Class-SB effluent not later than November 30, 2018.

While the STP establishment is ongoing, these hotels are directed to connect to the existing sewer line or if not available, avail of the existing sewerage services of the concessionaires until completion of their compliant STPs.

These hotels, according to the Order, will be issued provisional Environmental Compliance Certificates (ECCs) by EMB and may be allowed to operate upon the re-opening of the Boracay Island provided that the establishment of their STPs has commenced as of October 26, 2018.

The Memorandum further stated that hotels, which failed to comply with the STP requirement by November 30, 2018,would be ordered to stop operation and its provisional ECC cancelled. Such hotel will only be allowed to resume operation upon compliance of the STP requirement and securing of all necessary permits from EMB.

As for hotels and similar establishments along the White / Long beachfront with 39 rooms and below and those outside White/Long beachfront with 49 rooms and below, they are given the option to establish their own STPs that are fully operational with capability of full treatment Class SB effluent or connect to existing centralized sewer system.

But given this, the Memorandum required existing concessionaires to provide sewerage services to their respective clients in places where there are no existing sewer lines.

For hotels with their own individual STPs, they are requested to only discharge their treated effluents through the underground lines of their water providers for eventual proper disposal. The local government unit of Malay is said to provide the site of the needed communal STP facility.##

KALIBO VICE MAYOR REGALADO KINUMPIRMA ANG PAGTAKBO BILANG MAYOR

KINUMPIRMA NGAYON ni Kalibo Vice Mayor Madeline Regalado na tatakbo siya sa pagka-Mayor sa 2019 election kaya hindi umano totoo ang usap-usapang Board Member ang tatakbuhan niya.

Sa panayam ng Energy FM Kalibo, sinabi ng three-termer vice mayor na magiging running mate niya si ngayon ay Kalibo first councilor Cynthia Dela Cruz.

Tumanggi munang sabihin ng opisyal ang partido na tatakbuhan niya at mga makakasama kabilang si first termer Sangguniang Bayan member Buen Joy French na nagkumpirma naman ng pagpapa-reelect.

Malalaman umano ang iba pang makakasama niya at ang kanilang magiging partido kapag nakapaghain na sila ng certificate of candidacy halos isang buwan na lang ngayon.

Si Regalado ay kapartido ni Kalibo Mayor William Lachica na kapatid ni Kalibo Engineering Office head Engr. Emerson Lachica na tatakbo rin sa pagka-Mayor.

Sa kabila ng komplektong ito, sinabi ni Regalado na buo na ang kanyang pasya na tumakbo sa pagka-alkalde bagaman ang suporta ni Mayor Lachica ay sa kanyang kapatid.

Paniwala ng Vice Mayor na patunay lamang na ang 15 taon niyang paglilingkod na suportado siya ng taumbayan. Ipagpapatuloy umano niya ang paglilingkod sa mga Kalibonhon.##

- Darwin Tapayan, Energy FM Kalibo

15 BARANGAYS IN BURUANGA DECLARED AS “DRUG-CLEARED BARANGAYS”

The Municipality of Buruanga was the first LGU declared by the Regional Oversight Committee on Barangay Drug-Clearing Operation as “Drug-Cleared” in the entire Province of Aklan.

Out of 15 Barangays, 7 are Unaffected Barangays composed: Bagongbayan, Bel-is, Cabugan, El Progreso, Habana, Panilongan and Tag-osip as Drug Unaffected Barangays and 8 Affected Barangays composed: Alegria, Balusbos, Katipunan, Mayapay, Poblacion, Nazareth, Santander and Tigum as Drug-Cleared Barangays after the deliberation of Regional Oversight Committee in Iloilo last April 19, 2018.

Hon. Concepcion P. Labindao, Municipal Mayor, Buruanga, Aklan released copies of the certification last September 17, 2018 to all Barangay Captains showing that each barangay in the Municipality of Buruanga has complied with the parameters on drug-cleared barangays provided in Section 8 of the Dangerous Drugs Board Regulation No. 3, Series of 2017, otherwise known as “Strengthening the Implementation of the Barangay Drug-Clearing Program”.

The certifications, issued by the Region 6 (Western Visayas) Oversight Committee on Barangay Drug Clearing Operation, were officially released by the PDEA Region 6 to the municipal government on April 19, 2018.

In a statement, PSI WILLIAN N AGUIRRE, Chief of Police of Buruanga MPS said, that he is glad that municipality’s efforts to curb the proliferation of illegal drugs, with the help of the MADAC, BADAC and Buruanganon in coordination with PDEA, have paid off. Bannering the Station’s initiative dubbed: BAKLAD (Buruanganon At Katokhang Laban at Ayaw sa Droga). Buruanga MPS together with MLGOO, MSWDO, MHO were able to facilitate an effective and efficient Community Based Rehabilitation Program.

“Yet, I encourage all local community to be watchful in safeguarding our barangay in order to maintain the present status”, PSI Aguirre quoted.

A barangay is declared drug-cleared based on the following parameters: non-availability of drug supply; absence of drug transit/transshipment activity; absence of clandestine drug laboratory; absence of clandestine drug warehouse; absence of clandestine chemical warehouse; absence of marijuana cultivation site; absence of drug den, dive, or resort; absence of drug pusher; absence of drug user/dependent; and absence of protector/coddler and financier; active involvement of barangay officials in anti-drug activities; active involvement of Sangguniang Kabataan to help maintain drug-liberated status of the barangay; existence of drug awareness, preventive education and information and other related programs; and existence of voluntary and compulsory drug treatment and rehabilitation processing desk.

SPO3 Crisjofel P Albacite
PCR PNCO

LALAKI BINARIL PATAY SA BAYAN NG MAKATO

Patay ang isang lalaki sa pagbaril sa Brgy. Tibiawan, Makato ng gabi Miyerkules.

Kinilala sa report ng Makato PNP ang biktima na si Jennifer Trayco y Taladro, 42-anyos, laborer at tubong Brgy. Tamokoe, Tangalan.

Sa paunang pagsisiyasat ng kapulisan nabatid na nag-iinuman ang biktima kasama ang dalawa niyang pinsan ng maganap ang nasabing insidente.

Naglakad umano sa kalsada ang biktima nasa limang metro ang layo ng barilin siya ng suspek sa kanyang tiyan.

Agad isinugod sa ospital sa Kalibo ang biktima pero ilang oras lang ang lumipas ay binawian rin ng buhay.

Samantala, sa follow-up investigation ng Makato PNP isang basiyo ng 12 gauge ang narekober sa lugar.

Isang testigo rin ang nagsabi sa kapulisan na ang suspek sa pamamaril ay si Victor Tropa alias “Butsoy”.

Patuloy pa ang imbestigasyon ng kapulisan sa nasabing insidente.##

- Darwin Tapayan, Energy FM Kalibo

read more >> http://energyfmkalibo.blogspot.com
email us >> energyfm107.7kalibo@gmail.com

MGA NEGOSYANTE SA BANGA AT NEW WASHINGTON, AKLAN NILUKO NG NAGPAPAKILALANG DEALER AT SUPPLIER NG BIGAS, MAHIGIT P3 MILYON NAKULIMBAT NG SUSPEK

Dumulog na sa PNP station ang mahigit anim na negosyante sa Banga, Aklan na nabiktima ng pangluluko o scam.

Tinangay raw ng suspek ang mahigit tatlong milyong piso na investment ng mga magkakaibang negosyante.

Ang modus ng suspek na si Carlito Ramirez, hinihikayat raw ang mga negosyante na mag-invest sa negosyo nitong bigas na halos 50 percent ang tubo.

Nitong Marso ay nakiusap raw ito sa 70 anyos na babae na rentahan ang bahagi ng building nito sa Margarita St. Poblacion Banga para magsilbing pwesto at opisina.

Maging ang may-ari ng nabanggit na building ay nabiktima rin at nakapag-invest ng mahigit dalawang milyon, at naghikayat pa ng ibang negosyante dahil sa sobrang tiwala.

Nag-umpisa raw ang panghihikayat ng suspek noong Marso at maganda naman ang naging takbo ng negosyo.

Lahat ng nag-invest ay kumita raw ng 50 percent sa unang transaksiyon kaya nahikayat ang mga ito na taasan pa ang kanilang investment.

Makalipas ang mga buwan naglaho raw na parang bula ang mga pangakong tubo.

Nagsara na rin daw ang pwesto nito at hindi na alam ng mga negosyante kung nasaan ito ngayon.

Kinausap ng PNP Banga ang nanay nito sa Jugas New Washington, ayon sa nanay umalis na raw ang suspek kasama ang pamilya nito at wala raw bilin kung saan sila tutungo.

Sasampahan na ng kasong ESTAFA ang suspek ngayong araw.

"ONE BACK RIDER POLICY" SA MGA MOTORSIKLO IPAPATUPAD NG PAMAHALAANG LOKAL NG LEZO

NAKATAKDANG IPATUPAD ng pamahalaang lokal ng Lezo ang "one back rider policy" sa lahat ng mga motorcycle rider sa kanilang bayan.

Ang batas na ito ay alinsunod sa municipal ordinance no. 5 series of 2018 na inaprubahan ng Sangguniang Bayan kamakailan.

Base sa ordinansa, para umano ito sa kaligtasan ng mga motorista. Kailangan rin na ang driver ay nakahelmet at maging ang backrider.

Maliban rito, sinasaad sa parehong ordinansa na dapat ay half face lamang ang gagamiting helmet ng mga motorista at nakabukas ang harapan.

Ireregulate rin ang paggamit ng modified muffler, horn at lights. Dapat rin na nakalagay ang mga plate number at nasa ayos ang ito.

Ipagbabawal rin ang mga bata na sumakay sa mga motorsiklo kapag hindi abot ang paa sa foot peg ng motorsiklo at abot ang parehong kamay kapag nakayakap sa driver.

Posibleng pagmultahin ng mula Php2,000 hanggang Php2,500 ang mga lalabag sa nasabing ordinansa.

Sa kabilang banda, sasailalim pa sa pag-aaral at pag-apruba ng Sangguniang Panlalawigan ang ordinansang ito.##

- Darwin Tapayan, Energy FM Kalibo

AKLANON BUS DRIVER PINARANGALAN NG LTFRB DAHIL SA PAGSAULI NG PHP200K CASH SA ISANG KOREANO

PINARANGALAN NG Land Transportation Franchising and Regulatory Board (LTFRB) 7 ang Aklanon tourist bus driver na si Ricardo Ratay dahil sa kanyang katapan.

Matatandaan na unang naibalita sa Energy FM Kalibo na ang 44-anyos na driver na taga-Kinalangay Viejo, Malinao ay nagsauli ng nasa Php200,000 na pera ng Koreano niyang pasahero.

Setyembre 3 nang makita ni Ratay ang wallet ng dayuhan sa kanyang menamanehong coaster. Ang foriegner ay nagbabakasyon sa Bohol kasama ang asawa kung saan nangyari ang insidente.

Agad na inireport ni Ratay ang insidente sa kanyang supervisor na si Daniel Pastrana para makontak ang foriegner bagay na naibalik sa may-ari na si Mark Dae Hyun ang nasabing wallet.

Bilang pasasalamat binigyan ng dayuhan ng Php1,000 ang coaster driver na pansamantalang inilipat ng Southwest sa Bohol mula sa Aklan dahil sa pagsasara ng Isla ng Boracay.

Nitong Lunes iginawad ni LTFRB 7 Director Eduardo Montealto Jr ang certificate of commendation sa Aklanon driver bilang pagkilala sa kanyang katapatan.##

- Darwin Tapayan, Energy FM Kalibo

PUBLIC MARKET NG LEZO PINAGIGIBA NG PAMAHALAANG LOKAL

PINAGIGIBA NGAYON ng pamahalaang lokal ng Lezo ang kasalukuyang pampublikong palengke sa Brgy. Poblacion.

Kasunod ito ng municipal ordinance no. 7 series of 2018 na inaprubahan ng Sangguniang Bayan na nagpapasara sa nasabing palengke para gibain.

Base sa ordinansa dekada 1970 pa itinayo ang palengke at hindi na napaayos ng mabuti sa matagal na panahon.

Kaugnay rito, kailangan umanong gibain ang nasabing palengke para tayuan ng panibagong at modernong gusali ng pampublikong palengke.

Sa pamamagitan umano nito ay magkakaroon ng "standardized market systems at professionalized market services" ang nasabing bayan.

Sa obserbasyon ng Energy FM Kalibo, unti-unti nang ginigiba ang palengke at ilan sa mga negosyante ang naglipat na sa inilaang lugar ng pamahalaang lokal malapit sa kanilang plaza.

Napag-alaman na umutang pa ng mahigit Php32 million ang pamahalaang lokal sa Land Bank of the Philippines para sa kontruksyon ng bagong palengke.##

- Darwin Tapayan, Energy FM Kalibo

MGA APEKTADO NG KALIBO AIRPORT EXPANSION SUMUGOD AT NAGKAINITAN SA TANGGAPAN NG DAR

SUMUGOD SA tanggapan ng Department of Agrarian Reform (DAR) - Aklan ang mga apektado ng Kalibo International Airport Expansion kaugnay ng kabayaran sa kanilang mga lupa.

Inabot pa ng alas-8:00 ng gabi sa tanggapan ng DAR ang ilang mga land owners at tenant na nagsimulang sumugod sa tanggapan ala-1:00 ng hapon.

Ayon kay German Baltazar, presidente ng Nalook-Pook-Caano-Estancia (Napocacia) Small Farmers and Homeowners Association, nasa 80 katao ang sumugod sa tanggapan ng DAR.

Panawagan nila na taasan ang financial assistance katumbas ng disturbance compensation. Nagulat kasi ang mga apektado na sa halip na disturbance compensation ang ibayad sa kanika ay financial assistance nalang na mababa kumpara sa inaasahan nila.

Nabatid na nagkaroon pa ng mainitang pagtatalo ang presidente ng Napocacia at ang legal officer ng DAR na si Dominador Briones.

Hindi kumpormi sa paliwanag ng DAR ang mga apektado ng phase I, II, at III ng airport expansion mula sa mga kabarangayan ng Brgy. Puis, New Washington; mga Brgy ng Nalook, Pook, Tigayon, Caano, at Estancia, Kalibo.

Minabuti ng DAR na irefer ang reklamo ng mga apektado sa project manager sa Aklan Provincial Capitol para sa isang dayalogo para talakayin ang pagbuo ng Social Development Plan.

Ipapatawag sa nasabing dayalogo ang mga kinatawan ng iba-ibang ahensiya ng gobyerno para matugunan ang reklamo ng mga apektadong tenant at mga may-ari ng lupa.##

- Darwin Tapayan, Energy FM Kalibo

SUSPEK NA NANGGAHASA UMANO SA PAMANGKIN SINAMPAHAN NA NG KASONG RAPE

[UPDATE] SINAMPAHAN NA ng kasong rape ngayong araw ng Martes ang suspek na umano'y nanggahasa sa menor de edad na pamangkin sa bayan ng Kalibo.

Una nang naibalita na batay sa nanay, umaga ng Lunes nang pinasok umano ng suspek ang bata sa banyo habang naliligo at doon ito pinagsamantalahan.

Agad nagsumbong ang mag-ina sa kapulisan. Agad inaresto ng Kalibo PNP ang 40-anyos na suspek na nasa trabaho na sa isang construction site.

Mariin namang pinabulaanan ng suspek ang nasabing alegasyon.

Nabatid na minsan naring nakulong ang suspek sa kasong murder pero pinalaya rin matapos madismiss ang kaso.

Nakakulong na ngayon sa Aklan Rehabilitation Center ang suspek. Walang itinakdang piyansa ang korte para sa kanyang pansamantalang paglaya.##

- Darwin Tapayan, Energy FM Kalibo

8-ANYOS NA BATANG BABAE GINAHASA UMANO NG TIYUHIN SA KALIBO; SUSPEK ARESTADO

HIMAS RIHAS ngayon ang isang lalaki makaraang ireklamo ng panggagahasa sa menor de edad na pamangkin sa bayan ng Kalibo umaga ng Lunes.

Ayon sa ina ng walong taong gulang na bata, pinasok di umano ng suspek ang bata sa banyo habang naliligo at doon umano ito pinagsamantalahan.

Wala umano ang ina sa bahay nong mga oras na iyon dahil namalengke samantalang ang ama ay abala sa kanilang karenderya ilang metro pa ang layo sa bahay.

Unang nagsumbong sa ina ang apat na taong gulang na babae na kapatid ng biktima na siyang nakasaksi sa nangyari. Inamin naman ito ng biktima sa ina.

Agad nagsumbong ang mag-ina sa kapulisan at inaresto ng pulis Kalibo ang 40-anyos na suspek habang nasa trabaho sa isang construction site.

Mariin namang pinabulaanan ng suspek ang nasabing alegasyon ng ina. Inamin niya na malapit siya sa bata pero hindi umano niya magagawa ang paratang sa kanya.

Nabatid na hiwalay sa live-in partner ang lalaki na tubong Malinao at kasalukuyang nakatira sa Kalibo. Minsan narin siyang nakulong sa kasong murder pero pinalaya rin matapos madismiss ang kaso.

Hinihintay nalang ng Women and Children Protection Desk ng Kalibo PNP ang resulta ng medico legal habang patuloy rin ang imbestigasyon sa kaso.##

- Darwin Tapayan, Energy FM Kalibo

PLANONG PAG-DEVELOP NG PRIBADONG GRUPO SA CAGBAN JETTY PORT SA BORACAY APRUBADO NA

INAPRUBAHAN NA ng Sangguniang Panlalawigan ang planong pag-develop ng pribadong grupo sa Cagban Jetty Port sa Isla ng Boracay.

Isang resolusyon ang pinasa ng Sanggunian na nagbibigay otoridad kay Gov. Florencio Miraflores na lumagda sa Lease and Development Agreement sa Mabuhay Maritime Express Inc. kaugnay sa nasabing proyekto.

Una nang naireport na mag-iinvest umano ng Php180 million ang grupo ng negosyanteng si Lucio Tan para sa development ng nasabing port sa pamamagitan ng Public-Private Partnership.

Maglalagay umano ng 2nd floor ang kompanya sa jetty port kung saan uupuhan nila ang 1596.15 sq meters ng port kapalit ng Php125 per square meter bawat buwan sa loob ng 25 taon.

Sa kabilang banda, mag-ooperate ng dalawang ferry mula Pook, Kalibo patungong Cagban ang parehong kompanya.

Nabatid na ipagpapatuloy parin ng gobyerno probinsiyal ang koleksyon ng terminal fee at ng munisipyo ng Malay ang koleksiyon ng environmental fee.##

- Darwin Tapayan, Energy FM Kalibo

PHP1.53 BILLION LOAN FACILITY NG PROBINSIYA KINUKUWESTIYON NI BOARD MEMBER SUCGANG

IPAPATAWAG UMANO ni Board Member Hary Sucgang ang mga kinatawan ng Development Bank of the Philippines kaugnay ng Php1.53 billion loan facility ng pamahalaang lokal ng Aklan.

Ito ang mariing sinabi ng opisyal sa panayam ng Energy FM Kalibo araw ng Huwebes. Aniya, nais umano niyang pagpaliwanagin ang bangko sa naturang usapin.

Kinukuwestiyon ni Sucgang bakit umabot sa ganito kalaki ang uutangin ng probinsiya samantalang ang hiling lamang aniya ni Gov. Florencio Miraflores sa Sanggunian na aprubahan ay Php153 million.

Mababatid na lumagda sa kasunduan ang pamahalaang panlalawigan sa pamamagitan ng gobernador at ang nasabing bangko para sa Php1.53 billion loan facility.

Ipinagkaloob rin sa gobyerno probinsyal ang Php153 million initial availment para gamitin umano sa mga iba-ibang proyekto at gastusin.

Ang reklamo na ito ni Sucgang ay sinagot na ni Vice Governor Boy Quimpo sa isang press conference na hindi dinagdagan ng Sanggunian ang uutangin.

Aniya bago ipagkaloob ng bangko ang Php153 million na uutangin ay kailangang maaprubahan muna ang Php1.53 billion loan facility. Pinaliwanag ni Quimpo na hindi pa utang ang loan facility.

Sinabi pa ng bise gobernador na ang usapin sa Php1.53 billion loan facility ay lumabas umano sa pagdinig ng komitiba sa Sanggunian kung saan ipinatawag ang DBP. Wala umano sa pagdinig si Sucgang.

Nang isalang rin sa plenaryo ang pag-apruba nito ay hindi rin nagkuwestiyon ang board member.

Pinuna ni Quimpo ang umano'y mga misinformation na pinalalabas ni Sucgang sa mga radio station sa probinsiya. Pag-aaralan pa umano ng Sanggunian kung pwedeng ma-sunction ang board member.

Inaasahan na sa Lunes sa regular session ng Sanggunian ay bubuksan ni Sucgang ang nasabing usapin at ang kanyang pakay na ipatawag ang mga kinatawan ng nasabing bangko.##

- Energy FM Kalibo

2 BABAE NADISGRASYA SA MOTOR DAHIL SA ASONG GALA!

Natumba ang sinasakyang motorsiklo ng dalawang babaeng ito dahil sa tumawid na aso sa kahabaan ng National Highway ng Brgy Pook, kagabi.

Nagtamo ng mga gasgas at sugat sa katawan ang mga biktima na kinilala sa pangalang Girlyn Buante, 32 anyos (driver) at backrider nito na si Pauline Therese Reyes, 21 anyos na taga Mabilo, New Washington, Aklan.

Papauwi na raw ang dalawa mula sa Poblacion, Kalibo, pagdating sa lugar bigla umanong tumawid ang isang aso na nagresulta sa aksidente.

Agad naisugod sa Hospital ang dalawa ng mga rumespondeng miyembro ng MDRRMO KALIBO.


- Archie Hilario, Energy FM Kalibo