AKLAN NIYANIG NG LINDOL?

Kinumpirma ni Jo Arlo Zabar ng Phivolcs-Aklan na nakaranas ng mahinang pagyanig ng lupa ang ilang bayan sa Aklan.

Kabilang umano sa mga ito ang Isla ng Boracay, Malay, Buruanga, Ibajay at Nabas.

Anya epekto ito ng lindol na naransan sa Romblon alas-5:28 ng umaga ngayong araw na may lakas na 4.0 magnitude.

Ang mga lugar na nabanggit anya ay malapit o daanan ng fault line.

Wala nama anyang naiulat na nasaktan sa nasabing paggalaw ng lupa sa Aklan.

21 ANYOS NA BABAE HINOLD-UP UMANO SA KALIBO; MGA ALAHAS AT PERA NATANGAY

Dumulog sa Kalibo PNP ang 21 anyos na babae kahapon upang isumbong ang naganap na panghohold- up sa kanya ng tatlong mga lalaki na sakay raw ng tricycle.

Naganap ang insidente sa Calachuchi Road, Brgy. Andagao, Kalibo bandang alas-8:00 ng umaga.

Sumakay raw ang biktima sa tricycle kasama ang 2-anyos na anak ngunit iniliko raw sila ng driber sa Calachuchi road at doon tinutukan ng kutsilyo ng isa sa mga pasahero.

Nakuha umano sa biktima ang anim na gintong alahas at P4,000.00.

Duda ang biktima na magkasabwat raw ang driber at mga suspek.

Naganap ito noon pang Marso 29, 2018 kaya nagtataka ang pulisya na nitong Byernes lang siya dumulog sa kanilang tanggapan.

Iniimbestigahan na ng PNP ang nasabing insidente./ Archie Hilario, Energy FM Kalibo

DSWD 6 RELEASES P19.8M FOR FIRST BATCH OF SLP BENEFICIARIES IN BORACAY

The Department of Social Welfare and Development 6 has released a total of P19.8 million as livelihood assistance to Boracay residents and workers affected by the closure on Thursday, May 31.

The 1,323 recipients were among the first batch of recipients for DSWD’s sustainable livelihood program (SLP) in Boracay.

Each recipient received P15,000 each.

Among the recipients were the 429 residents of Barangay Balabag, 169 from Manocmanoc and 115 from Yapak.

Also given livelihood grants were 283 members of Malay Sailing Boat Owner Association Inc. (MASBOI), 194 members of Malay Boracay Vendors Association (MABOVEN), 63 tour guides from Boracay Mabuhay Host Association, 28 massage therapist who are members of iPHiLMA Skilled Association (ISA), 32 from Boracay Ladies Caddies Association, and 10 members of Malay Tour Operators Association (MALTOA) Tour Guides.

Secretary Virginia Orogo said a total P250 million was allocated by DSWD for the implementation of SLP in Boracay.

She said the second round of releasing for another 1,000 recipients is already underway and expected to be released by early June.

Among the livelihood proposed by residents includes accessory making, sari-sari store, bakery, souvenir making, among others.

The DSWD is likewise targeting to release SLP grant to at least 11,000 households in Boracay.

For its Assistance to Individual in Crisis Situation (AICS) program, the DSWD has also released a total of P25.07 million with 10,397 clients served as of May 30.

Under AICS, a total of 9,405 were provided with transportation assistance with a total of P22.7 million amount disbursed.

For educational assistance, the DSWD has provided assistance to 832 clients with a total amount disbursed of P1.7 million. The DSWD has also provided P593,500 medical assistance to 155 clients and P25,000 to five clients for burial assistance.

The DSWD has also already enlisted 1,381 participants for its cash for work program.

The agency is expected to start its implementation of cash for work by early June./dswd6

BULALACAO, BAGONG REGIONAL DIRECTOR NG KAPULISAN SA WESTERN VISAYAS

PCSupt Bulalacao

(BREAKING) Epektibo ngayong araw, June 1, itinalaga bilang bagong hepe ng kapulisan sa Western Visayas ang dating tagapagsalita ng Philippine National Police na si Chief Supt. John Bulalacao.

Pinalitan ni Bulalacao sa Region 6 si P/CSupt. Cesar Binag na itinalaga bilang bagong pinuno ng Directorate for Information and Communication Technology Management ng PNP.

Bahagi ito ng balasahan sa Philippine National Police (PNP) para sa mga pangunahing posisyon sa pambansang pulisya batay sa kautusan ni PNP Chief Oscar Albayalde.

Ang ilan pang apektado ng balasahan ang mga sumusunod na opisyal:

-Si P/Dir. Federico Dulay Jr., na inalis sa Civil Security Group (CSG) para ilipat sa Office of the Chief PNP.

-Si P/Dir. Camilo Cascolan ay inalis sa National Capital Region Police Office (NCRPO) inilipat sa CSG.

-Si P/CSupt. Guillermo Eleazar ay inalis sa PRO CALBARZON at ipinalit bilang hepe ng NCRPO.

-Si P/CSupt. Edward Carranza naman ay inalis na sa PRO Cordillera at ipinalit kay Eleazar sa PRO CALABARZON.

-Si P/CSupt. Rolando Nana inalis din sa NCRPO para dalhin sa PRO Cordillera.

-At si P/CSupt. Rolando Anduyan naman ng PRO ARMM ay inilipat sa NCRPO.

MGA MAHUHUSAY NA AKLANON KINILALA NG SANGGUNIANG PANLALAWIGAN

May Adel Salman ginawaran ng komendasyon ng SP-Aklan
photo (c) SP-Aklan

Kinilala ng Sangguniang Panlalawigan ang ilang Aklanon sa kanilang ipinamalas na kahusayan sa larangan ng isport at pageantry.

Nitong Lunes ginawaran ng komendasyon ng Sanggunian si May Adel Ahmad Salman ng New Washington sa pagbibigay karangalan nito sa probinsiya sa mga beauty pageant.

Kinatawan ni Salman ang Aklan sa Miss Earth Philippines noong 2017. Ang Fil-Arabian beauty ay sumikat rin sa mga lokal at mga regional pageant.

Sa parehong araw sa regular session ng Sanggunian, ilang komendasyon pa ang kanilang ipinasa para sa mga Aklanon na nagbigay karangalan sa probinsiya:

*Edwin Villanueva ng Malay na nag-uwi ng 2 golds at 1 bronze medal sa 6th Philippines National Para Games competition sa Marikina nitong Mayo;

*Claire Calizo ng Ibajay na nag-uwi ng 3 gold medals sa parehong kompetisyon;

*magkakapatid na Myka Sidney at Shaun Kiefer Lacanaria ng Kalibo na humakot ng mga medalya sa katatapos lang 25th International Taekwondo Festival sa California, USA; at

*mga coaches ng Aklan delegation sa Batang Pinoy - Visayas Games Nobyembre ng nakaraang taon.

Nakaugalian na ng 17th SP sa pangunguna ni Vice Governor Reynaldo Quimpo na bigyan ng komendasyon ang mga Aklanon na nagbibigay karangalan sa probinsiya. | Darwin Tapayan, EFM Kalibo

BORACAY ISINAILALIM SA LAND REFORM NI PANGULONG DUTERTE

Idineklara ni Pangulong Rodrigo Duterte ang buong isla ng Boracay sa ilalim ng land reform.

Ang deklarasyon ng pangulo ay mahigit isang buwan matapos ang pagpapasara nito sa isla dahil sa problema sa kalinisan.

Sa kanyang talumpati sa Bureau of Customs (BOC), sinabi ni Pangulong Duterte na dapat ng sagarin ang pagsasailalim sa Boracay sa land reform.

Pero para aniya mapanatili ang commercial quality ng lugar, iminungkahi nito sa Kongreso na magtakda ng kaukulang laki na pwedeng gawing commercial gaya ng tatlumpung metro.

Ayon pa sa pangulo, kung magtatayo ng bahay sa Boracay ay kailangan na mayroong adjustment./ Radyo INQUIRER

P200K KADA ARAW MULTA SA POLLUTANTS NG BORACAY

Matinding parusa ang igagawad ng Department of the Environment and Natural Resources (DENR) sa mga pollutants ng Boracay island na nagsipaglabag sa Philippine Clean Water Act of 2004.

Ito ang sinabi ni Environment Secretary Roy A. Cimatu nang madiskubre ng mga tauhan ng DENR kasama ng mga elemento ng Philippine Army ang mga illegal pipelines na nakakonekta sa karagatan ng Boracay.

Alinsunod sa naturang batas, ang bawat establishment owners na mapapatunayang may illegal pipe­lines ay magmumulta ng P200,000 kada isang araw ng paglabag sa batas mula nang mailagay ito hanggang sa kasalukuyan.

Ang illegal pipelines ang daanan ng wastewater na nagtutungo sa karagatan ng Boracay na nagmumula sa mga establisimyento sa isla.

Sinabi ni Cimatu na maaari ring maipasara ng tuluyan o makasuhan ng criminal ang mga establishment owners na ‘di sumusunod sa batas.

Sa ngayon, may 26 illegal pipelines ang nakita sa may 16 establisimyento na nasa tabing dagat ng Boracay. | philstar.com

SIMBAHANG KATOLIKO MAY BABALA SA MGA GUMAGAMIT NG ANTING-ANTING

Ito ang ilang mga anting-anting na kinumpiska ng Simbahang Katoliko sa Aklan na may impluwensiya umano ng demonyo.

Mapapansin na gumagamit ito ng mga imahe ng Katolikong pananampalataya pero mayroon umano itong sekreto.

Paliwanag ni Bro. Ramon Tarantan ng Diocesan Ministry of Exorcism, ito ay pamamaraan anya ng demonyo upang malinlang ang mga tao.

Ilan anya sa mga ito ay binibenta ng mga albularyo para gamitin pananggalang sa mga sakit o kaaway.

Anya, humihikayat ito ng masasamang espiritu at minsan ay sumasanib pa sa mga gumagamit nito.

Inihalimbawa ng exorcist ang anting-anting na narekober nila sa isang 18-anyos na babae na unang naiulat na sinaniban dito sa Kalibo.

Ang mga ganitong bagay anya ay ipinagbabawal ng Simbahan. Ang mga nakukumpiska nila ay dinadasalan, sinisira at sinusunog para maalis ang kapangyarihan nito.

Hinikayat niya ang tao na manampalataya sa Panginoon at magsimba para maiwasan ang mga masasamang espiritu. | Darwin Tapayan, EFM Kalibo

EVACUATION AREA NG MGA APEKTADONG RESIDENTE SA BORACAY BINISITA NI SEC. CIMATU

photo (c) LGU Malay

Nag-inspeksyon si Department of Environment and Natural Resources (DENR) Sec. Roy Cimatu sa newly constructed Malay Evacuation Center sa Barangay Balusbos.

Kasama ni Sec. Cimatu si Malay Mayor Ceciron Cawaling sa pagbisita sa lugar.

Ang gusali ay magiging pansamantalang tirahan ng mga displaced settlers na iligal na tumitira sa mga protected wetland areas sa Isla ng Boracay.

Nanindigan si Cimatu na walang demolition kung walang relokasyon.

Ang pagtukoy ng evacuation area na ito ay kasunod ng pagpupulong ng mga alkalde at ng kalihim ng DENR nitong Mayo 25.

Last May 29, 2018 (Tuesday), an unknown caller was trying to book a flight with a certain travel agency by using the name of the Municipal Mayor.

For related instances, you may report them through the number (036) 288-8772.

Due to cases of swindling of posers using the name of the Municipal Mayor and other government officials; the Mayor issued a statement asking for the people to be cautious in their transactions especially when it involves monetary deals. - LGU Malay

DAHIL SA SELOS MISIS SA MAKATO NAGBIGTI

Pinaniniwalaang dahil sa selos kaya umano nagbigti ang isang misis sa bayan ng Makato umaga ng Miyerkules.

Laking gulat ng ilang anak na madatanan ang kanilang ina na nakabitin at wala nang malay sa loob ng kanilang bahay.

Dali-dali nilang inalis sa pagkakabigti ang biktima at isinugod sa ospital.

Maswerteng naagapan ang buhay ng biktima pero hindi naman ito makausap ng matino at may beses na nagwawala ito.

Nabatid na gabi bago ang insidente ay nagkaroon umano ng pagtatalo ang mag-asawa dahil sa pagseselos umano ng babae.

Itinaon ng biktima na nasa palayan ang asawa at nasa labas naman ang mga anak nito nang siya ay magbigti.
Patuloy na inoobserbahan sa provincial hospital ang biktima.

BABAENG PRESO SA KALIBO POLICE STATION PINAGHIHINALAANG SINAPIAN

Pinaniniwalaang sinapian ng masamang espiritu ang 18-anyos na babaeng ito na nakulong dahil sa kasong qualified theft.

Naganap ang insidente ngayong Miyerkules ng gabi sa Kalibo Police Station.

Nagsisigawan nalang ang ilang preso matapos ang babaeng ito ay napansin nilang nanlilisik ang kanyang mga mata.

Nagsasalita rin ito ng hindi malamang lengwahe na tila latin.

Agad inilabas ng mga kapulisan ang babae sa kulungan pero nahirapan ang mga kapulisan na magapi ang babae dahil tila pwersado ito.

Nasa sampung pulis ang umalalay sa kanya para maisakay sa patrol. Makikita sa video na ito ang pag-transport sa kanya sakay sa patrol ng pulis.

Pagdating sa provincial hospital tinurukan ito ng pampakalma pero nasaksihan ng news team na hindi ito tumalab at patuloy na nagsisigaw at nais makawala.

watch video here: https://www.facebook.com/energyfmkalibo107.7/videos/1755466404501432/

May tali ang kanyang mga kamay, paa at bantay sarado ng mga kapulisan ang nasabing babae. | Darwin Tapayan, EFM Kalibo

BAGONG HIRED NA YAYA ARESTADO MATAPOS PAGNAKAWAN ANG AMO

Arestado ang babae na ito na bagong hire na yaya matapos umanong pagnakawan ang kanyang amo.

Kinilala sa report ng kapulisan ang suspek na si Jessica Bautista, 18-anyos, residente ng Poblacion, Malinao.

Ayon sa biktima na si Iris Caiña, 28, tubong Cagayan De Oro, inirekomenda lamang sa kanya ang nasabing suspek para magbantay sa kanyang 1 year old na anak.

Miyerkules ng hapon ay sandali umanong iniwan ng biktima sa inuupahang apartment sa Brgy. Andagao, Kalibo ang suspek kasama ang anak niya at isa pang bata.

Pagbalik niya sa apartment ay nawawala na ang kanyang tablet, relo at pera. Dahil ay agad siyang humingi ng tulong sa mga kapulisan.

Nang usisain ng rumespondeng pulis ang bag ng suspek, tumambad ang mga nasabing nawawalang gamit ng biktima.

Ayon sa kanyang amo, nasa dalawang oras palang na naihire ang suspek nang magawa ang krimen.

Inamin naman ng suspek ang naggawang kasalanan sa panayam ng Energy FM Kalibo. Dahilan nya, may sakit umano ang kanyang ate at nangangailangan siya ng pera.

Pareho narin anyang patay ang kanyang nanay at tatay at ang ibang mga kapatid ay may mga asawa na.
Desidido naman ang biktima na magsampa ng kaukulang kaso laban sa suspek./ Darwin Tapayan, EFM Kalibo

BORACAY WATER, READY TO ACCEPT AND TREAT SEWAGE FROM NON-BIWC CUSTOMERS

In support of President Duterte’s Executive Order No. 53 directing the mandatory connection of all establishments in Boracay to the island’s central wastewater facilities, Boracay Water began fast tracking the implementation of wastewater expansion projects to accommodate all establishments in the island including non-Boracay Water customers or those who are currently being served by island’s other water service provider.

In Photo:: One of the two used water treatment plants of Boracay Water, the Manocmanoc Sewage Treatment Plant that treats up to 5 million liters of used water per day.

Boracay Water started its aggressive campaign to encourage connection to the company’s sewer network in March. To date, about 120 establishments and residences have signified their intention to be connected to the company’s sewer system.

The company is expecting to receive more applications as it has recently standardized the cost for sewer connection even for non-Boracay Water customers within the duration of the closure period.  This will allow more commercial and residential establishments to discharge their wastewater into a reliable sewer system and ensure that wastewater discharges are fully compliant with existing effluent standards of the Department of Environment and Natural Resources. More than 500 establishments have yet to be connected in areas where Boracay Water has an established sewer network.

Currently, more than 1,200 establishments and residences are directly connected to Boracay Water’s sewer network. For unsewered areas or areas with no existing sewer network, regular desludging or siphoning services are being done through the company’s desludging trucks which collect wastewater for treatment in the two sewage treatment plants of the Boracay Water located in barangays Manocmanoc and Balabag.

To support the need for the speedy rehabilitation of the island, Boracay Water is accelerating its sewer system projects in accordance with the used water masterplan approved by the Regulatory Office of the Tourism Infrastructure and Enterprise Zone Authority (TIEZA) to further expand the capacity of its existing wastewater treatment plants and expand its sewer network to immediately connect establishments and residences that continue to discharge their untreated wastewater into drainage lines.

As the leading water and wastewater operator in the Island, Boracay Water is the only service provider in the Island that has worked in close coordination with the Regulatory Office of TIEZA and the various local stakeholder groups to continuously provide and expand centralized wastewater systems in the Island.

With the recent closure of the island, Boracay Water, in coordination with TIEZA and the LGU, is actively reinforcing measures to help identify, detect and eliminate illegal connections and identify establishments releasing untreated wastewater and sub-standard treated water to the government’s drainage or rain water discharge system, causing pollution or heightened coliform levels in the waters of the Island.

SIMBAHAN AT MGA GUSALI NG GOBYERNO SA KALIBO BINANDAL

"Justice for the victims of terrorist CPP-NPA-NDF"

Ang mga katagang ito ang bumulaga sa mga Kalibonhon ngayong umaga.

Apat na lugar dito sa Kalibo ang napansin ng mga kapulisan na merong vandalism. Pastrana Park Grand Stand, Kalibo Cathedral, Kalibo Magsaysay Park at malapit sa Kalibo Fire Station.

Patuloy pang inaalam ng PNP Kalibo kung sino ang may gawa nito. / Joefel Magpusao, EFM Kalibo

PAGPAPATUPAD NG ANTI-SMOKING ORDINANCE SA KALIBO PAIIGTINGIN PA

Para mapaigting pa ang pagpapatupad ng anti-smoking ordinance sa Kalibo, isang enforcers seminar and workshop ang muling isinagawa araw ng Martes.

Ayon kay Ramel Buncalan, chairman ng Kalibo Anti-Smoking Task Force (KAST), ang aktibidad ay dinaluhan ng 52 katao kabilang na ang ilang punong barangay.

Bahagi ng isang araw na seminar at workshop ang background patungkol sa epekto ng paninigarilyo, orientation ng ordinance 2016-008, at kung paano hulihin ang mga violators.

Umaasa si Buncalan na sa pamamagitan ng aktibidad na ito ay mapapatupad pa nila ng maigi ang ordenansa at makahikayat ng mga bagong itatalagang enforcers.

Sa ngayon ay mayroon lamang 15 deputized enforcer ang task force ayon pa sa chairman ng KAST.

Napag-alaman na mula ng ipatupad ang lokal na batas noong Mayo 7 umabot na sa 60 ang kanilang nabigyan ng ticket dahil sa mga paglabag.

Tinatakda sa ordinance no. 2016-004 ang pagbabawal sa paggamit, pagbenta, pagdi-distribute at pag-a-advertise ng sigarilyo at iba pang mga produktong tabako, maging ang electronic cigarettes, sa mga pampublikong lugar.

Ang mga lalabag sa batas na ito ay papatawan ng kaukulang penalidad na hindi tataas sa 2, 500 pesos at pagkakulong ng limang araw o pagpapasara sa establisyemento./ Darwin Tapayan, EFM Kalibo

VICE GOVERNOR QUIMPO SA STL PANAY: MAGSAMPA NG KASO KONTRA KAY MAYOR LACHICA

Iminungkahi ni vice governor Reynaldo Quimpo sa isang kinatawan ng STL Panay Resources Co. Ltd na magsampa ng kaukulang kaso laban kay Kalibo mayor William Lachica.

Ito ang sagot ng bise gobernador sa sulat-reklamo ni Pablo Ocampo na inirefer ng Presidential Complaint Center sa Sangguniang Panlalawigan para sa kaukulang aksiyon.

Matatandaan na sumulat si Ocampo kay pangulong Rodrigo Duterte na humihingi ng tulong sa umano’y panggigipit ng alkalde sa kanilang dredging project sa Aklan river.

Kinuwestiyon niya kung mayroon bang jurisdiction ang mayor na maglabas ng “cease and desit order” para pahintuin ang sinasabing flood mitigation project ng gobyerno probinsiyal.

Gusto rin ni Ocampo na maipaliwanag sa Sangguniang Bayan ng Kalibo na makakatulong sa mamamayan ng Aklan ang kanilang proyekto at hindi umano para sa STL.

Tugon ni Quimpo, maaring magsampa ng kaso administratibo o kriminal sa Ombudsman, sa Sangguniang Panlalawigan o sa regular courts ang STL laban kay Lachica.

Binanggit din ni Quimpo sa kanyang sulat-tugon na kasalukuyan pang dinidinig sa Regional Trial Court ang hiling ni dating Sangguniang Panlalawigan member Rodson Mayor na pahintuin ang dredging project ng STL./ Darwin Tapayan, EFM Kalibo