3 motorsiko nadisgrasya sa karerahan sa Numancia, 2 sugatan

photo: Lykshe Villanueva

NUMANCIA, AKLAN - Nadisgrasya ang tatlong motorsiklo sa kahabaan ng national highway sa Brgy. Laguinbanwa East, Numancia matapos makipagkarerahan.

Dalawa ang nasugatan sa nasabing aksidente na kinilalang sina JR Jude Lota, 14-anyos, residente ng Brgy. Pusiw, Numancia, at Jonel Bayog, 16, residente ng Brgy. Albasan pawang mga driver ng motorsiklo.

Ayon sa paunang imbestigasyon ng Numancia PNP, nagkakarera ang tatlo Linggo ng umaga nang may lumikong van sa kanilang unahan.

Biglang nagpreno umano si Bayog dahilan para madisgrasya at matumba sa sementadong kalsada.

Nasagi naman ni Lota ang isa pang motorsiklo bago ito sumalpok sa likuran ng sinusundang van. Parehong natumba sa kalsada ang mga nasabing motorsiklo.

Agad isinugod ang mga sugatang driver sa Dr. Rafael S. Tumbokon Memorial Hospital para magamot habang patuloy pang iniimbestigahan ng kapulisan ang insidente.##

- Kasimanwang Darwin Tapayan, Energy Fm 107.7 Kalibo

Lalaki balik-kulungan matapos mahulihan ng iligal na droga sa buy bust operation

NUMANCIA, AKLAN - BALIK-KULUNGAN ang isang 37-anyos na lalaki matapos mahulihan ng iligal na droga sa buy bust operation sa Brgy. Aliputos, Numancia hapon ng Miyerkules.

Kinilala sa ulat ng Numancia PNP ang suspek na si Michael Briones, isang kristo sa sabungan, residente ng Brgy. Laguinbanwa West, Numancia.

Nasabat sa kanya ang dalawang sachet na may lamang pinaniniwalaang shabu sa buy bust operation kapalit ng Php10,000 buy bust money.

Kinumpiska ng kapulisan ang kanyang cellphone na pinaniniwalaang naglalaman ng transaksyon sa iligal na droga.

Mariin namang itinanggi ng suspek ang mga narekober sa na droga at buy bust money mula sa kanya.

Nabatid na dati nang nakulong ang suspek matapos mahuli rin sa buy bust operation noong mga nakalipas na taon. Nakalabas ito dahil sa plea bargaining.

Pansamantalang ikinulong sa Numancia PNP Station at nakatakdang sampahan ng kasong paglabag sa Republic Act 9165.##

- Kasimanwang Darwin Tapayan, Energy FM Kalibo

25-anyo na babae hinold-up sa Numancia; bag at cellphone natangay

Numancia PNP Station / Kas Darwin Tapayan photo

ISANG BABAE ang hinold-up sa Brgy. Bubog, Numancia kagabi habang naglalakad sa madilim na bahagi ng kalye.

Salaysay 25-anyos na biktima sa Numancia PNP, hinintuan umano siya ng isang motorsiklo sakay ang dalawang hindi pa nakikilalang mga lalaki.

Pawang nakasuot umano ng helmet ang dalawa. Isa umano rito ang bumaba at lumapit sa kanya at tinutukan siya ng kutsilyo sabay hablot sa kanyang bag at cellphone.

Mabilis umanong sumakay ng motorsiklo ang lalaki at umalis sa lugar.

Laman ng kanyang bag ang pera, ATM card, at iba pang mga dokumento.

Patuloy pa ang imbestigasyon ng Numancia PNP sa insidente para matukoy ang mga suspek at madakip ang mga ito.

- Kasimanwang Darwin Tapayan, Energy FM Kalibo

Alagang aso inakalang aswang ng kapitbahay pinagpapalo patay

[2nd update] NUMANCIA, AKLAN - Isang alagang aso sa Brgy. Laguinbanwa West, Numancia ang pinatay ng kapitbahay matapos umanong mapagkamalang aswang.

Ang aso na isang eight-month old na husky ay alaga ni Kenneth Ang, isang negosyante.

Sa panayam ng Energy FM Kalibo nagising umano siya kaninang umaga at napag-alamang nawawala na sa kulungan ang aso.

Hinanap umano niya ito sa kapitbahay at sinabing inatake umano ng aso na si "Bella" ang mga alaga niyang manok at nagwawala roon.

Napagkamalan umano ito ng kapitbahay na aswang kaya niya ito pinagpapalo ng makailang ulit hanggang sa mapatay.

Ayon kay Raymar Española, nagising umano siya at naabutang nilalapa ng aso ang mga alagang pansabong na manok.

Sinubukan niya itong awatin subalit nanlaban umano ang aso. Inakala umano niya na isa itong aswang dahil sa mabangis at hindi pangkaraniwan niyang kilos.

Nanlaban din umano ang aso sa kuya nitong si John. Inamin naman ni John ang paghambalos ng bara de kabra sa aso ng makalawang beses.

Ipinakita ng magkakapatid na nagbabantay lamang sa mga manok ang tatlong pansabong na manok na may mga sugat sa likod. Nawawala rin ang pitong sisiw na posible umanong kinain ng aso.

Inilibing nila ang aso sa likod na bahagi ng kanilang bakuran bago pa naabutan nalaman ng may-ari na napatay nila ito.

Plano naman nilang makipag-ayos sa nag-alalaga ng aso.##

- Kasimanwang Darwin Tapayan, Energy FM Kalibo

Motorsiklo bumangga sa sangka saeakyan sa Numancia; driver ninahon

photo Marcelino Tanghian to Energy FM Kalibo

NINAHON RO sangka eaki matapos nga bumangga ro ana nga ginasakyan nga motorsiklo sa sangka pajero sa Brgy. Laguinbanwa East, Numancia rayang gabii.

Ginkilaea ro driver it motorsiklo nga si Danilo Serino, 54-anyos, taga-Brgy. Laguinbanwa East, Numancia.

Samtang ro driver man t-a it pajero nga anang nabanggaan hay nakilaea nga si Jenerson Magallanes, taga-Linabuan Norte, Kalibo.

Ginapahayag suno sa inisyal nga imbestigasyon ni PO3 Felizardo Navarra Jr. nga ro motorsiklo ro bumangga sa likod it ginasundan na nga awto nga paadto sa Kalibo.

Nasayuran nga una sa impluwensiya it makahieilong nga ilimnon ro driver it motor tag matabu ro insidente.

Nag-angkon it lastro sa ueo ag iba pa nga parte it eawas ro driver it motor ag gin-admit sa Dr. Rafael S. Tumbukon Memorial Hospital.

Samtang una man sa pagtatap it Numancia PNP ro driver it pajero.

Padayon pa nga ginaimbestigahan ro insidente.##

- Kasimanwang Darwin Tapayan, Energy FM Kalibo

Motorsiklo bumangga sa sangka elf truck; angkas patay

PATAY RO sangka eaki matapos bumangga ro ana nga ginasakyan nga motorsiklo sa sangka elf truck sa Brgy. Laguinbanwa West, Numancia kabii.

Ginkilaea ro biktima nga si Jerold Ituriaga, 27-anyos, residente it Brgy. Bogasongan, Lezo.

Imaw hay angkas sa motorsiklo nga ginamaneho ni Romeo Cuare, 38, taga-Bugasongan, tag matabu ro insidente banda alas-10:00 it gabii.

Suno sa imbestigasyon it Numancia PNP, umagaw it linya ro motorsiklo tag bumunggo sa kasubeang nga elf truck nga genamaneho ni Edmund Dela Cruz, 40.

Insigida man nga gindaea sa Provincial Hospital ro mga sakay it motorsiklo pero matapos ro pilang minuto hay ginbawian man it kabuhi ro angkas.

Nasayuran nga si Jerold hay nakaangkon it grabe nga lastro sa ueo samtang nabilian man it siki ro driver it motor nga si Romeo.

Padayon pa ro imbestigasyon it kapulisan sa natabu.##

- Kasimanwang Darwin Tapayan, Energy Fm 107.7 Kalibo

Suspek sa pagpatay sa alagang aso sa Numancia umamin, itinuro 2 kasama

UMAMIN SA mediation ng Barangay Council ng Tabangka, Numancia ang suspek na pumatay sa alagang aso ng kapitbahay at itinuro ang dalawa nitong kasama.

Batay sa mediation report, sinabi ng suspek na si Joemar Sorilla hinabol umano niya at pinalo ang dachshund gamit ang pinutol na kawayan na naging dahilan ng pagkamatay.

Dinala umano niya ito sa bahay ni Meejay Masallo kung saan sila nag-iinuman sa Brgy. Tabangka. Gayunman sinabi ni Sorilla na bago niya pinalo ang aso ay sinaksak na ito ng isa pa niyang kasama sa inuman na si certain Edison.

Pagkatapos umanong mapatay ang aso ay hindi na alam ni Sorilla ang sunod na nangyari dahil umalis ito para umuwi sa kanilang bahay sa Brgy. Cabayugan sa bayan ng Malinao.

Walang nangyaring pagkaayos sa pagitan ng suspek at nagrereklamo na si Desiderio Isturis ayon sa mediation ng barangay council nitong Miyerkules na pinangunahan ni Punong Barangay officer in charge Geneva Permison.

Ipapatawag pa sa susunod na mediation ang ang dalawa na itinuturo ni Sorilla na kasama niya sa pagpatay sa nasabing aso para hingin ang kanilang panig.

Samantala, napag-alaman na na-trauma ang mga bata sa bahay ni Isturis dahil sa pagkawala ng kanilang alagang aso noong Pebrero 8.

Nagbigay ng isang aso ang kanilang kapitbahay kapalit ng pinatay na aso para maibsan ang kalungkutan ng mga bata.##

- Kasimanwang Darwin Tapayan, Energy FM Kalibo

Nawawalang alagang aso sa Numancia nadiskubre pulutan pala ng kapitbahay

Hindi aktwal na larawan / mula sa Google

NAGREKLAMO SA Numancia PNP ang isang lalaki makaraang mapag-alaman na ang nawawala nilang aso ay ginawang pulutan ng kanilang kapitbahay.

Ayon sa salaysay ni Desiderio Isturis, 77-anyos, sa kapulisan naganap ang insidente sa Brgy. Tabangka nitong Huwebes matapos umanong mawala ang aso na alaga ng kanyang anak na si Clark Dee Isturis.

Ang aso ay isang dachshund, kulay itim at apat na taon-gulang at may pangalang "Madiqs". Nabili umano nila ito sa Maynila noong Pebrero 8, 2015 at kompleto sa vaccination batay sa kanyang Pet Health Record.

Pinaghahanap umano nila ang aso sa mga kapitbahay at napag-alaman kalaunan na ang aso ay kinatay at ginawang pulutan ni Joemar Sorilla at ng kasama.

Base pa sa salaysay ni Isturis, nakitaan umano ng mga bakas ng dugo ng aso sa likod ng bahay ng suspek. Inamin rin umano ng ina ng suspek na pinatay niya ang aso.

Nagkakahalag umano ng Php15,000 ang aso.

Inirefer ng kapulisan ang kaso sa barangay justuce system ng Brgy. Tabangka.##

- ulat ni Kasimanwang Darwin Tapayan, Energy FM Kalibo

Eaki patay matapos bunaean it tubo sa banwa it Numancia; suspek arestado

PATAY RO sangka eaki matapos bunaean it tubo sa ueo sa Brgy. Joyao-joyao kainang hapon.

Ginkilaea sa report it Numancia PNP ro biktima nga si Richard Torres y Cichon, 46-anyos, residente it nasambit nga lugar.

Samtang ginkilaea man t-a ro supek nga si Jessie Naingue y Asiong alyas "Paki", residente man parehos nga barangay.

Sa alegasyon it kaibahan it suspek nga si Lorenze Bisate, ginbantayan kuno sanda it biktima sa daean. Inunahan kuno it biktima nga bunaean ro suspek.

Nakalikaw ro suspek ag naagaw ro tubo dayon binunaean ro biktima nga naigo sa ana nga ueo. Nakatikang pa ro biktima hasta nga natabangan imaw.

Suno kay Rolando Niño nakasugid pa kuno ro biktima kana nga nagdiskuyon sanda it suspek ag binunaean imaw it tubo bago imaw ra namatay sa ospital.

Naaresto man ta ro suspek. Nakakulong imaw makaron sa Numancia PNP ag nakataeana nga pagapasakaan it kaso nga homicide.##

15-anyos na dalaga tinangkang gahasain sa Numancia, nagreklamo sa kapulisan

photo not actual / from web

NAGREKLAMO SA kapulisan ang isang 15-anyos na dalaga makaraang tinangka umanong gahasain sa bayan ng Numancia.

Ayon kay SPO1 Babylyn Daylusan, hepe ng Women and Children Protection Desk ng Numancia PNP, nglalakad umano sa kalsada ang biktima pauwi ng kanilang bahay nang madaanan siya ng suspek.

Inalok umano niya ang dalaga na ihatid sa kanilang bahay sa Brgy. Poblacion, Kalibo pero dinala niya ito sa isang pension house na sa bayan ng Numancia kung saan sila nag-check-in.

Doon sa isang kuwarto hinubaran ng suspek ang dalaga at hinipuan sa mga masisilang bahagi ng katawan. Nagdahilan umano ang dalaga na iihi lang, bumihis at tumakas.

Naabutan din ng suspek ang dalaga sa labas ng pension house at inihatid rin ng suspek sa kanilang bahay sa Kalibo.

Sa una ay hindi agad nagsumbong sa kanyang ina ang biktima pero ikunuwento rin kalaunan ang insidente at nagdesisyon na ireklamo sa kapulisan. Nakikilala naman ng ina ng biktima ang suspek.

Hindi agad naaresto ang suspek nong araw ng Sabado kung kelan naganap ang insidente at naiulat sa kapulisan dahil hindi pa nasisiguro ang pagkakakilalan niya.

Sinabi ni SPO1 Daylusan na posibleng isampa ang kasong attempted rape sa pamamagitan ng regular filing.

Samantala, nagpaalala siya sa mga kababaehan kabilang na ang mga menor de edad na huwag basta magtitiwala lalo na sa mga hindi kakilala.##

Mga rescuers, divers bigo paring matagpuan ang batang nalunod sa Aklan River

BIGO PARIN ang mga rescuers, divers na matagpuan ang batang nalunod sa Aklan river noong Disyembre 29.

photo MDRRMO Numancia

Ayon sa MDRRMO Numancia, muli silang nagsagawa ng search and retrieval operation sa ika-siyam na araw kung saan naging mabuti na ang lagay ng ilog.

Matatandaan na simula nang araw ng malunod ang bata ay naging pahirap sa mga rescuers ang malakas na agos ng tubig, malalim at malabong ilog.

Ang mga divers ng pamahalaang lokal ng Numancia at Fishery Division ng probinsiya ay nakasisid na sa lugar kung saan posibleng nasabit ang bata.

Matapos ang ilang oras na paghahanap ay hindi parin natagpuan ang anim-na-taon-gulang na bata na si Feona Obamos ng Brgy. Bulwang, Numancia.

Nagpaabot naman ng pasasalamat ang mga MDRRMO Numancia sa mga tumulong sa operasyon sa PDRRMO, mga MDRRMO ng Kalibo at Makato, Coast Guard mula Caticlan at New Washington.

Tumulong din sa paghahanap ang 611th Aux. PCGA Squadron, Numancia SEALS, kapulisan ng Numancia, mga mangingisda at lahat ng mga coastal municipalities.##

- ulat ni Kasimanwang Darwin Tapayan, Energy FM Kalibo

Lola nabundol ng motorsiklo sa Numancia, patay

hindi aktwal na larawan / mula sa web

PATAY ANG isang lola makaraang mabundol ng motorsiklo sa Brgy. Poblacion, Numancia hapon ng Sabado.

Kinilala sa ulat ng Numancia PNP ang biktima na si Marilou Dacara, 69-anyos, residente ng Brgy. Bulwang, Numancia.

Ang driver ng motorsiklo na nakabundol sa kanya ay kinilala naman na si Mark Nabalde, 24, residente ng Ma. Cristina, Madalag.

Sa paunang imbestigasyon, sinabi ni PO3 Marlon Del Rosario, imbestigador, bigla umanong tumawid sa kalsada ang matanda dahilan para mabundol ng motorsiklo.

Nagtamo ng malubhang sugat sa ulo ang matanda. Mabilis itong isinugod sa Dr. Rafael S. Tumbokon Memorial Hospital subalit binawian rin ito ng buhay maghahating gabi habang ginagamot dito.

Nagtamo lamang ng kaunting sugat sa kamay at paa ang driver ng motor.

Nabatid ayons sa imbestigador na susunduin lang sana umano niya ang apo na gumagawa ng proyekto sa paaralan. Habang ang driver ng motor ay papauwi naman sana sa Madalag.

Nasa pangangalaga naman na ng kapulisan ang driver at ang motorsiko at hinihintay nalang ang magiging desisyon ng pamilya ng biktima.##

- ulat ni Kasimanwang Darwin Tapayan, Energy FM Kalibo

Batang nalunod sa Aklan River isang linggo nang pinaghahanap

ISANG LINGGO na ngayong araw ng Sabado na hindi parin natatagpuan ang anim na taon-gulang na bata na si Feona Obamos ng Brgy. Bulwang, Numancia.

Matatandaan na ayon sa kuwento ng kaniyang lola, nahulog umano sa revetment wall ng Aklan River sa Brgy. Bulwang hapon ng Disyembre 29.

Naglalaro lamang umano ang bata nang madulas ito, nahulog at mabilis na tinangay ng agos ng ilog habang nalulunod at kumakaway ang bata.

Simula noon tuluy-tuloy ang isinagawang search and rescue operation ng mga tauhan ng MDRRMO Numancia at Kalibo pati ang PDRRMO.

Tumulong narin sa retrieval operation ang mga tauhan ng Coast Guard, Bureau of Fisheries and Aquatic Resources, ilang rescue volunteer at mga mangingisda.

Ayon kay MDRRMO-Numancia OIC Rosana Sim na ginalugad na nila ang Aklan River simula nang maganap ang insidente maging ang ilang coastal areas na posibleng mapapad ang bata.

Aniya malalim, malakas ang agos ng ilog at malabo pa ang tubig mga bagay na nagpapahirap sa kanilang operasyon.

Sa kabila nito, ginagawa umano ng kanilang team sa tulong ng iba pang mga rescue group na matagpuan ang bata. Ipagpapatuloy umano nila ang paghahanap sa bata.

Hindi parin mapakali at makatulog ng maayos ang mga magulang ng bata. Katunayan sinabi rin nila na hindi na umano sila nagdiwang ng Bagong Taon dahil sa nangyari.

Pinahulaan umano ng mga magulang kung saan naroroon ang bata. Ayon sa mga manghuhula nasa ilalim lamang ito ng tubig at nasabit sa isang malaking sanga ng kahoy.

Malakas naman ang kutob ng ina na nasa ilalim lamang ito ng tulay ng Kalibo-Numancia bridge.##

Motorista nadisgrasya sa Numancia dahil sa kalasingan, patay

PATAY ANG isang lalaki makaraang madisgrasya sa sinasakyang niyang motorsiklo sa bayan ng Numancia.

Naganap ang aksidente sa kahabaan ng national highway sa tulay ng Marianos at Laguinbanwa West, Numancia madaling araw ng Miyerkules.

Kinilala ang lalaki na si Rey Jay Legaspi, 25-anyos, residente ng Brgy. Poblacion, Makato.

Ayon sa kapulisan, naabutan nalang nila ang biktima na nakahiga sa kalsada at wala umanong malay. Agad itong isinugod sa Dr. Rafael S. Tumbokon Memorial Hospital para gamutin.

Sa pagsisiyasat mula Kalibo na direksyon at papauwi na ang lalaki nang mawalan ito ng kontrol sa sasakyan dahilan ng kanyang pagkatilapon sa kalsada.

Pagsapit ng hapon ay binawian ito ng kanyang buhay makaraang magtamo ng malubhang sugat sa ulo at iba pang. bahagi ng katawan.

Sinabi ni SPO1 Eric Lachica, chief investigator ng Numancia PNP, lasing umano ang lalaki nang siya ay maaksidente.

Maituturing umano na self-accident ang nangyari.##

Lalaki at menor de edad na live-in partner huli sa pagtutulak ng marijuana

INARESTO NG kapulisan ang isang lalaki at ang menor de edad na live-in partner sa bayan ng Numancia dahil sa pagtutulak ng paniniwalaang marijuana.

Kinilala ang mga suspek na si Rolando Egaña y Jesalva, 20-anyos at ang 17-anyos na live-in partner, pawang mga residente ng Brgy. Navitas sa nasabing bayan.

Ayon sa ulat ng kapulisan, si Rolando ay nabilhan ng operatiba ng isang sachet ng pinaniniwalaang marijuana kapalit ng Php1000 marked money.

Nasabat din sa pagrikisa sa lalaki ang isa pang sachet ng umano'y marijuana.

Nabatid na parehong newly identified lang ng kapulisan ang maglive-in.

Pansamantalang ikinulong ang dalawa sa Numancia Municipal Police Station.

Isasailalim sa mandatory drug test ang dalawa at posibleng maharap sa kasong paglabag sa Republic Act 9165 o Comprehensive Dangerous Drugs Act of 2002.

Ikinasa ng pinagsamang pwersa ng Numancia PNP at ng Provincial Drug Enforcement Unit ang operasyon gabi ng Martes sa Brgy. Albasan.##

- Kasimanwang Darwin Tapayan, Energy FM Kalibo

Bahay sa Numancia ninakawan; mga alahas natangay ng suspek

ISANG BAHAY sa bayan ng Numancia ang naiulat na nilooban umano ng di pa nakikilalang magnanakaw tangay ang mga alahas.

Salaysay ng may-ari na si Llanie Aguirre-Almazan, naganap umano ang insidente ng iwan nila ang bahay sa Brgy. Tabangka kasama ang pamilya para umano maligo sa beach.

Pinagkatiwala umano niya ito sa isa niyang pamangking lalaki pero umalis din ng bahay bago pa dumating ang magpamilya.

Sinuguro naman umano ng pamangkin na naka-lock ang mga pinto at bintana at nasa loob ng bahay ang aso.

Laking gulat ng may-ari na pagdating nito ay nakabukas na ang bintana at nakaunlock na ang pinto ng bahay. Nasa labas narin ang kanilang aso.

Dito na napag-alaman ng may-ari na nawawala na ang dalawa niyang singsing na nagkakahalaga ng Php10,000 at isang branded na relo.

Patuloy pa ang imbestigasyon ng kapulisan sa insidente.##

SORBETERO NAHULIHAN NG BARIL SA BULWANG, NUMANCIA

ARESTADO ANG lalaking ito sa Brgy. Bulwang, Numancia umaga ng Huwebes makaraang mahulihan ng baril sa kanilang bahay.

Kinilala ang suspek na si Invenzor Nervar y Rampola, 40-anyos, residente ng nabanggit na lugar.

Ikinasa ng Numancia PNP ang operasyon laban sa suspek sa bisa ng search warrant.

Nasabat sa kanilang bahay ang isang 38 revolver at 11 live ammunition.

Inako naman ng suspek na kanya ang baril at wala itong mga kaukulang dokumento. Aniya, minana pa niya ito sa kanyang lolo na yumao na.

Ayon kay Punong Barangay Ferry Templonuevo may mga reklamo umano sa barangay na nagpapaputok ito ng baril.

Inireklamo rin siya sa kapulisan na may tinutukan siya ng baril. Mga dahilan bakit siya binabaan ng search warrant.

Nakakulong na ngayon ang suspek sa Numancia Municipal Politice Station at nakatakdang sampahan ng kasong paglabag sa Republic Act 10591.##

- Kasimanwang Darwin Tapayan, Energy FM 107.7 Kalibo

TULAK NG DROGA KALABOSO SA BUY BUST OPERATION SA NUMANCIA

BILANGGUAN ANG bagsak ng lalaking ito makaraang mahulihan ng droga sa isang buy bust operation hapon ng Martes sa Brgy. Dongon East, Numancia.

Kinilala ang suspek na si James Cipriano, 24-anyos, karpentero, tubong Quezon City at residente ng Brgy. Andagao, Kalibo.

Nasabat sa kanya ang dalawang sachet na pinaghihinalaang shabu pati na ang Php4,000 na ginamit sa buy bust operation. Kinumpiska ng kapulisan ang cellphone at pera.

Itinaggi naman ng suspek ang pagkakasangkot sa iligal na droga. Bagaman gumagamit umano siya noon, matagal na niya itong tinigilan.

Ayon kay PCInsp. Frenzy Andrade, hepe ng Provincial Drug Enforcement Agency, tatlong buwan na nilang minamanmanan ang suspek hanggang sa matimbog nila.

Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang naturanf lalaki.##

- Kasimanwang Darwin Tapayan, Energy FM 107.7 Kalibo

LALAKI ARESTADO SA NUMANCIA SA PAKIKIPAGTALIK SA MENOR DE EDAD

ARESTADO ANG isang lalaki sa bayan ng Numancia hapon ng Huwebes makaraang ireklamo ng nakarelasyong menor de edad.

Kinilala ang akusado na si Eutiquio Ombajen Jr., 43-anyos, residente ng Brgy. Camanci Norte sa nasabing bayan.

Inaresto siya ng kapulisan sa kanyang residensiya sa bisa ng warrant of arrest sa krimeng paglabag sa Republic Act 7610 o Children's Welfare Act.

Sa panayam ng Energy FM Kalibo, sinabi ng akusado na naganap ang insidente Hulyo 2017 ilang araw lang makaraang makilala niya ang babae.

Inamin niya na nakipagtalik siya sa biktima pero idenepensa na hindi niya alam na menor de edad ito. Iginiit niya rin na mayroon silang relasyon ng babae.

Sa mga sumunod na araw ang babae ay nakipaghiwalay uamano sa kanya dahilan para ihinto ang anumang komunikasyon sa biktima.

Nagbuntis umano ang biktima at nagkaanak.

Pansamantalang ikinulong sa Numancia Police Station ang akusado at nakatakdang dalhin sa korte. Php200,000 ang piyansang itinakda sa kaso.##

- Darwin Tapayan, Energy FM Kalibo

LALAKI INIREKLAMO NG RAPE NG EX-GIRLFRIEND, KULONG

KULONG ANG isang 19-anyos na lalaki makaraang ireklamo ng rape ng kanya umanong ex-girlfriend.

Kinilala ang suspek na si Arjay Rota residente ng Brgy. Bakhaw Sur, Kalibo at ang 16-anyos na babae ay taga-Bakhaw Norte, Kalibo.

Ayon sa suspek naganap ang insidente sa bahay ng kanyang pinsan sa Brgy. Camanci Norte, Numancia makaraang mag-inuman umano sila.

Ayon sa suspek pareho umano nilang ginusto ang nangyari kaya laking gulat niya nang hulihin siya ng mga kapulisan.

Naaresto ang suspek kinabukasan sa kanilang residensiya makaraang maganap ang insidente.
Giit pa niya, ilang beses na umano na may nangyari sa kanila.

Sinabi pa niya na hindi sila totally break-up bagaman sinasabing may iba nang boyfriend ang babae.
Nasa isang buwan lamang ang kanilang relasyon at nagcall-off nang nasa tatlong linggo na.

Kulong sa Numancia Municipal Police Station ang suspek at nakatakdang sampahan ng kasong seduction.##

- Darwin Tapayan, Energy FM Kalibo