Motorista kritikal matapos maaksidente sa bayan ng New Washington

photo credited to the owner

MALUBHA ANG lagay ng isang motorista matapos madisgrasya sa kalsada Huwebes ng umaga sa Brgy. Tambak, New Washington.

Batay sa ulat ng New Washington PNP, nakilala ang biktima na si Nestor Desol Dalida Jr., 25-anyos, at residente ng Brgy. Linabuan Sur, Banga.

Lumabas sa paunang imbestigasyon ng kapulisan na nag-overtake umano sa isa pang motorsiklo ang biktima at nawalan ito ng kontrol dahilan para bumangga sa gutter ng tulay.

Nabatid na mabuhangina ang kalsada sa lugar na pinangyarihan ng aksidente.

Nabalian ng kanang paa ang biktima at nagtamo ng malubhang sugat sa ulo.

Agad na rumesponde ang mga tauhan ng MDRRMO sa lugar at isinugod ang biktima sa ospital at naka-confine ngayon sa intensive care unit.

Samantala, napag-alaman na noong Mayo 29 ay nasangkot rin sa aksidente ang isa niyang kapatid matapos masagasaan ag isang 15-anyos na batang babaeng tumatawid sa kalsada sa Brgy. Estancia, Kalibo.

Doble ang kargo ngayon ng pamilya dahil sa panibagong aksidente habang tinutulungan rin nilang mapagamot ang 15-anyos na batang babae na malubha rin ang lagay sa Iloilo.##

- Kasimanwang Darwin Tapayan, Energy FM Kalibo

Eaki binuno patay it manak sa banwa it New Washington

PATAY RO sangka eaeaki matapos nga bun-on it anang manak sa Brgy. Pinamuk-an, New Washington kaina it hapon.

Ginkilae sa report it kapulisan ro biktima nga si Elisio Barlas, 62-anyos, samtang ro hay ginkilaea nga si Arjon Kenji Abella, 27, parehong mga residente it nasambit nga lugar.

Sa paunang imbestigasgon it New Washington PNP, napan-uhan eamang it mga pumueoyo ro suspek sa guwa ku andang baeay nga may bitbit nga siyaw ag dimos it dugo.

Napan-uhan ku ulihi it mga tawo ro ana kara nga stepfather nga nagapaligos sa dugalingon nga dugo ag owa eon it kabuhi. Nag-angkon ra it grabeng lastro it pagbuno sa tiyan.

Nasayuran nga nagabatyag it nervous breakdown ro suspek.

Sa paghinakop eon it kapulisan ro suspek samtang nagapadayon pa ro imbestigasyon sa kaso.##

- Kasimanwang Darwin Tapayan, Energy FM Kalibo

17-anyos nga baye nag-inom it chlorine sa banwa it New Washington, naospital

CONFINE SA Dr. Rafael S. Tumbokon Memorial Hospital ro sangka baye matapos nga imaw ra hay mag-inom it chlorine sa andang baeay sa Brgy. Tambak, New Washington makaron nga gabii.

Suno sa recorded statement it tiya sa Energy FM Kalibo napan-uhan eon lang sigon nanda nga nagapaeanuka eon ta ro 17-anyos nga baye ag nagsugid kanda nga imaw ra hay nag-inom it chlorine.

Dugang kara ginpahayag it tiya nga pinanisgan it nanay ro Grade 10 student bangud nagab-ihan it pag-uli halin sa eskwelahan. Ginpabuoe sigon ro anang cellphone kana ag einampos ku anang magueang.

Nagpahayag pagid ro tiya nga ku mga nagtaliwan nga buean nagkahambae eon kuno ro unga ngara nga maga-inom it bleach bangod permi imaw ginapanisgan sa anda.

Nalipong pa ro unga samtang ginadaea sa hospital.##

APAT HINULI NG KAPULISAN SA NEW WASHINGTON DAHIL SA PAGLALARO NG POOL

Hinuli ng kapulisan ang apat na kalalakihan sa bayan ng New Washington kabilang na ang isang menor de edad dahil sa paglalaro ng Pinoy pool hapon ng Linggo.

Ayon kay PO1 Raul Reña, imbestigador, naaktuhan umano ng New Washington PNP ang apat na nagsusugal sa gilid ng kalsada sa Brgy. Puis.

Kinilala ang mga nahuli na sina Jun Magno, 38-anyos, Arnold Salvador, 34, Lemuel Lorenzo, 19, at isang 17-anyos na menor de edad.

Nasabat sa kanila ang mga kagamitan sa larong pool at perang taya na Php741.00.

Sinampahan na ng kaukulang kaso ang mga suspek maliban sa menor de edad. Nakalaya rin pansamantala ang tatlo matapos magpyansa sa halaga Php20,000 bawat-isa.

Mainit parin ngayon ang kampanya ng mga kapulisan sa iligal na sugal sa probinsiya. Mababatid na bumuo na ng Task Group ang Aklan PNP para matutukan at masawata ang iligalidad na ito. | Darwin Tapayan, EFM Kalibo

BAHAY SA NEW WASHINGTON NASUNOG

Nasunog ang bahagi ng bahay na ito sa boundary ng Brgy. Polo-Cawayan, New Washington ngayong gabi.

Ang bahay na ito ay pagmamay-ari ni Geraldine Francisco Oliveros.

Salaysay niya, nakipanood umano sila ng TV sa kapitbahay ilang metro ang layo nang masunog ang kanilang bahay.

Paniwala niya, naiwang baga sa kanilang kalan ang sanhi ng sunog.

Naagapan naman agad ito matapos pagtulungan ng pamilya at ng mga kapitbahay na apulahin ang apoy.
Nasunog ang kanilang kusina na gawa sa mga light materials.

Samantala, simula bukas, Marso 1 ay ipagdiriwang ang National Fire Prevention Month.

9-ANYOS NA BABAE NALUNOD SA BAYBAYIN NG NEW WASHINGTON, PATAY

Ulat ni Darwin Tapayan, Energy FM 107.7 Kalibo

Hindi na umabot ng buhay ang batang ito sa ospital makaraang malunod ngayong hapon (Nov. 28) sa baybaying sakop ng Brgy. Mabilo, New Washington.

Kinilala ang biktima na si Clarise Timbas y Dalida, 9-anyos at residente ng Brgy. Andagao, Kalibo.

Sa panayam ng Energy FM Kalibo sa ina ng bata, nagkaroon umano sila ng outing sa isang resort kasama ang iba pa nilang kamag-anak nang maganap ang insidente.

Naliligo umano ang bata nang mapansin nalang ng iba nilang kasamahan na nawawala ang dalawang bata – ang biktima at ang isa pa niyang pinsan.

Nailigtas naman umano agad ang isang bata pero tumagal pa ng ilang minuto bago nila natagpuan si Clarise matapos tangayin ng malakas na alon.

Agad na nilapatan ng paunang lunas ng mga rumespondeng rescuer ang biktima at mabilis na isinugod sa provincial hospital pero dineklara ring dead on arrival.

Samantala, napag-alaman ng ina na laman ng dalang bag ni Clarise ang itim at puting damit na matagal na umano niyang hindi sinusuot.

Nasa mabuting kalagayan naman na ang kanyang pinsang babae na mutikan ring matangay ng alon.

LOLO ARESTADO SA BAYAN NG NEW WASHINGTON SA KASONG RAPE

ulat ni Darwin Tapayan, Energy FM 107.7 Kalibo

Arestado ang isang 75-anyos na lolo sa brgy. Mabilo, New Washington sa kasong rape.

Sa report ng pulisya, kinilala ang akusado na si Teofelo Andrade y De Pedro alias Ate, single, laborer, tubong brgy. Palay, Batan pero kasalukuyang nakatira sa brgy. Mabilo.

Nahaharap ang lalaki sa kasong paglabag sa paragraph 1, Article 266 o rape.

Nilabas ang warrant ng Regional Trial Court aa Kalibo laban sa akusado noon pang Pebrero 2013.

Walang itinakdang pyansa ang korte para sa pansamantalang kalayaan ng akusado.

Ikinasa ang pag-aresto sa lolo ng pinagsamang pwersa ng New Washington at Batan PNP Lunes ng gabi.

Pansamantalang nakakulong ngayon sa Batan PNP station ang naturang akusado.

MGA CONSTRUCTION SUPPLY PARA SA PABAHAY PROGRAM NG GOBYERNO NINANAKAW AT BINEBENTA SA JUNKSHOP

ulat ni Archie Hilario, Energy FM 107.7 Kalibo

Nadiskubre ng mga otoridad ang anomalyang nangyayari sa loob ng NHA Project sa brgy. Ochando, New Washington matapos mahuli ang dalawang babae na magbebenta sana ng mga frame ng bintana sa isang junk shop sa Kalibo.

Una nito sumakay ang dalawa sa isang tricycle na sinasabi nilang kasabwat rin sa pagnanakaw, mula sa sa construction site na inilagay nila sa sako ang mga frame saka ikinarga sa tricycle papuntang Kalibo.

Nang makarating sa Kalibo sarado umano ang junk shop pero nakaalis na ang naunang tricycle na sinakyan. Kaya naghanap sila ng tricycle na maghahatid patungo sa iba pang junk shop. 

Napadaan sa lugar ang isang Kalibo Auxillary Police na nakatricycle. Pumara ang dalawa at nagsabi na aarkilahin nila ang tricycle dahil ibebenta raw nila ang mga frame sa junk shop. 

Dito na nagtaka ang KAP dahil sa napansin nito na mukhang bago ang mga gamit kaya nagduda na nakaw ang mga ito.

Kaya sa halip sa junk shop , dinala ng KAP sa Kalibo PNP ang dalawa.

Sa pag- imbestiga ng PNP umamin ang dalawa na mula sa housing project ng gobyerno ang mga ibenebentang gamit.

Agad nagtungo sa New Washington ang PNP Kalibo kasama ang Energy fm newsteam at doon napag-alaman na doon pala nagtatrabaho ang mga asawa ng dalawang suspek.

Pahayag ng dalawang lalaki na hindi raw nila alam ang ginagawa ng kanilang mga asawa. 

Nagtataka raw sila kung bakit nailabas ang mga gamit sa kabila ng mahigpit na pagbabantay ng gwardiya at mga tanod.

Inimbitahan na Kalibo PNP ang dalawang constuction worker at tricycle driver na unang sinakyan ng mga suspek.

36 ANYOS NA LALAKI PATAY MATAPOS BARILIN SA BAYAN NG NEW WASHINGTON, SUSPEK ARESTADO

Patay ang isang 36-anyos na lalaki makaraang barilin sa so. Kamangahan, brgy. Tambak, New Washington pasado alas-6:00 kagabi.

Kinilala sa report ng New Washington PNP ang biktima na si Ruperto Marquez y Rasgo, residente ng nasabing lugar.

Sa pagresponde ng mga kapulisan sa lugar, positibong itinuro ng mga testigo ang suspek sa insidente na nakorner ng mga awtoridad sa kanyang compound.

Kinilala ang suspek na si Jeffrey Bautista y Francisco, 32-anyos, isang sekyu at residente ng parehong barangay.

Narekober ng mga kapulisan sa posisyon ng suspek ang isang .38 revolver at dalawang fire cartridge na nakuha sa kanilang compound.

Nagtamo ng sugat sa kaliwang bahagi ng kanyang tiyan.

Agad na isinugod ng mga kapulisan ang biktima sa provincial hospital pero kalaunan ay binawian rin ng buhay habang ginagamot sa intensive care unit.

Pansamantala namang ikinulong sa New Washington PNP station at nakatakdang sampahan ng kaukulang kaso.

BAHAY SA NEW WASHINGTON SINUNOG; SUSPEK SINAMPAHAN NG KASONG ARSON

ulat ni Archie Hilario, Energy FM 107.7 Kalibo

Sinampahan ng kasong arson ang lalaking ito dahil sa tangkang pagsunog sa isang bahay sa brgy. Tambak, New Washington.

Kinilala ang suspek sa pangalang Allan Fernadez na residente ng nasabing barangay.

Sa panayam ng Energy FM Kalibo sa kapatid ng suspek may problema raw sa pag-iisip ang suspek at hindi niya naman sinasadya ang panununog.

Sinindiham raw nito ang mga tuyong dahon sa bakanteng lote nga nagrereklamo hanggang sa kumalat ang apoy at nasunog ang bahagi ng bahay.

Mabilis na nakaresponde sa lugar ang BFP at naapula agad ang apoy.

Naisampa na ang kasong arson kahapon ng tanghali sa kabila ng pahayag ng pamilya na may deperensiya ito sa pag-iisip ay wala naman silang maipakitang dukumento sa piskalya.

Nasa Aklan Rehabilitation Center na ang suspek.

3 BATA NABAGSAKAN NG PADER SA BRGY. CAWAYAN, NEW WASHINGTON, ISA PATAY

Patay ang isang 7-anyos na batang babae matapos mabagsakan ng konkretong pader sa brgy. Cawayan, New Washington kahapon ng hapon.

Sugatan rin ang dalawa pa niyang kalaro na kasabay na nabagsakan ng pader.

Kinilala ang biktima na si Ria Mae Francisco, residente ng nasabing lugar.

Kinilala naman ang dalawang iba pa na nasugatan na sina Ryza at kapatid na si Rizy Francisco, 6 anyos at 4 anyos.

Kakarating lang ng bata galing sa paaralan nang makipaglaro ito sa kanyang mga pinsan dakong alas-5:00 ng hapon.

Ayon sa pamilya ng mga biktima lumapit umano ang tatlo sa nasabing pader at dahil sa hindi matibay ang pundasyon ay bumigay ito.

Ang pader ay bahagi umano ng bahay na nasira ng bagyong Yolanda.

Agad namang tumulong ang isang tiyo ng mga biktima para maalis ang tatlo sa bumagsak na pader.

Agad na isinugod ang tatlo sa provincial hospital pero dineklarang patay ang isa sa kanila matapos magtamo ng malubhang sugat sa ulo.

Hindi naman lubos matanggap ng single mother ng biktima ang nagyari lalu at nag-iisa niya itong anak.

53-ANYOS NA LALAKI NAGBARIL SA SARILI SA NEW WASHINTON PATAY

ulat ni Archie Hilario, Energy FM 107.7 Kalibo

Idineklarang dead on arrival ang lalaking ito matapos barilin ang sarili sa loob ng kanilang bahay sa Mabilo New Washington Aklan alas-9:00 pasado ng umaga.

Kinilala ang biktima sa Pangalang Rafael Mijarez, 53 anyos residente rin ng nabanggit na lugar. Nagtamo ng tama ng baril sa kanang bahagi ng ulo ang biktima.

Ayon kay P03 Peter Umitin imbestigador ng New Washington PNP Station. Kasama umano ng biktima sa bahay ang anak na babae bago maganap ang pagbaril.

Habang nasa loob ng CR si April Mijarez nakarinig ito ng isang putok na nagmula sa kwarto ng ama. Kaya mabilis itong lumabas ng CR at tinungo ang kwarto ng ama.

Doon na nakita ang duguang ama kaya agad itong humingi ng tulong sa mga kapitbahay para maisugod ito sa ospital.

Samantala ibinigay naman ng pamilya sa pulisya ang ginamit na baril ng biktima kasama ang pitong bala ng caliber 45 at isang baril.

Maysakit raw sa baga ang biktima na posibleng naging dahilan ng pagsuicide.