Lola nabundol ng motorsiklo sa Numancia, patay

hindi aktwal na larawan / mula sa web

PATAY ANG isang lola makaraang mabundol ng motorsiklo sa Brgy. Poblacion, Numancia hapon ng Sabado.

Kinilala sa ulat ng Numancia PNP ang biktima na si Marilou Dacara, 69-anyos, residente ng Brgy. Bulwang, Numancia.

Ang driver ng motorsiklo na nakabundol sa kanya ay kinilala naman na si Mark Nabalde, 24, residente ng Ma. Cristina, Madalag.

Sa paunang imbestigasyon, sinabi ni PO3 Marlon Del Rosario, imbestigador, bigla umanong tumawid sa kalsada ang matanda dahilan para mabundol ng motorsiklo.

Nagtamo ng malubhang sugat sa ulo ang matanda. Mabilis itong isinugod sa Dr. Rafael S. Tumbokon Memorial Hospital subalit binawian rin ito ng buhay maghahating gabi habang ginagamot dito.

Nagtamo lamang ng kaunting sugat sa kamay at paa ang driver ng motor.

Nabatid ayons sa imbestigador na susunduin lang sana umano niya ang apo na gumagawa ng proyekto sa paaralan. Habang ang driver ng motor ay papauwi naman sana sa Madalag.

Nasa pangangalaga naman na ng kapulisan ang driver at ang motorsiko at hinihintay nalang ang magiging desisyon ng pamilya ng biktima.##

- ulat ni Kasimanwang Darwin Tapayan, Energy FM Kalibo

RIDER KRITIKAL MAKARAANG BUMANGGA SA TRICYCLE NA TINUTULAK SA KALSADA

KRITIKAL ANG isang motorcycle rider makaraang bumangga sa tricycle na tinutulak sa kalsada sa kahabaan ng Cardinal Sin Avenue madaling araw ng Linggo.

Kinilala ang driver ng motor na si James Andrew Belloc, 30-anyos, residente ng San Jose, Antique.

Samantala sugatan rin ang kanyang backrider na si Isidro Hersane, 45, New Buswang, Kalibo.

Ayon sa report ng Kalibo PNP, ang tricycle ay tinutulak ng magkakapatid na sina Erwin Sardon, 42, ng Poblacion, New Washington at Jerwin Sardon, 31, ng Brgy. Estancia, Kalibo.

Magpapagasolina sana ang magkakapatid nang habang tinutulak ang tricycle ay nabangga ito ng motorsiklo na sumusunod sa kanila.

Makikita sa CCTV footage na mabilis ang patakbo ng motorsiklo at nasa inner (center) right lane ang tricycle nang tinutulak ito ng magkakapatid.

Agad dinala sa provincial hospital ang dalawa. Nakatakdang dalhin sa ospital sa Iloilo ang driver ng motor dahil sa malubha na lagay niya.

Patuloy pa ang imbestigasyon sa aksidente.##

- Darwin Tapayan, Energy FM Kalibo

KOTSE BUMALIKTAD SA BAYAN NG IBAJAY, APAT SUGATAN

BUMALIKTAD ANG kotse na ito sa kahabaan ng national highway sa Bry. Polo, Ibajay umaga ng Biyernes matapos bumangga sa railing.

Sugatan ang driver nito na si Enrique Riego, 46-anyos ng Brgy. Aslum, Ibajay. Sugatan din ang tatlo niyang mga sakay.

Kinilala ang mga ito na sina Aaron Yves, 20, ng Bugtong-Bato, Ibajay; Gj Requillo, 16, ng Libtong Estancia; at Jonathan Dela Cruz, 17, ng Poblacion, Ibajay.

Sa imbestigasyon ng kapulisan, mabilis ang takbo ng kotse na patungo sanang Poblacion, Ibajay nang bumangga ito sa railing, bumaliktad at tumilapon ng 15 metro.

Agad silang isinugod sa district hospital ng Ibajay at matapos magamot ay idineklara rin lahat na outpatient.##

- Darwin Tapayan, Energy FM Kalibo

TRICYCLE NAHULOG SA PALAYAN SA BAYAN NG MADALAG, 11 SUGATAN

LABING-ISA ANG sugatan sa bayan ng Madalag tanghali ngayong Miyerkules makaraang mahulog ang sinasakyan nilang tricycle sa isang matarik na bahagi sa Brgy. Paningayan.

Ayon sa ulat ng Madalag PNP, galing umano sa Madalag National Highschool ang mga sakay ng tricycle na pawang mga estudyante kabilang na ang driver at maliban sa isa.

Dadalo sana sa compli año sa Brgy. Napnot ang mga ito nang pagdating sa kurbada at pababang bahagi ng kalsada ay nawalan umano ng kontrol ang driver.

Sinabi pa umano ng 17-anyos na driver na sinubukan niyang magpreno pero hindi umano ito kumagat dahilan para mahulog sila sa tinatayang 10 metro ang taas.

Bumaliktad ang tricyle at dumiretso sa palayan. Nagtamo ng sugat sa iba-ibang bahagi ng katawan ang mga sakay at ang ilan ay isinugod sa provincial hospital at dalawa sa kanila ang nai-confine dito.

Nagkasundo na ang pamilya ng mga menor de edad na ayusin ang nasabing problema.##

- Darwin Tapayan, Energy FM Kalibo

KOLUROM NA TRICYCLE TUMAKAS SA POLICE CHECKPOINT, NADISGRASYA 3 PASAHERO NASUGATAN

Sugatan ang tatlong pasahero kasama ang isang taong gulang na bata matapos tumaob ang tricycle na ito.

Sa imbestigasyon ng traffic division ng Kalibo PNP nagsasagawa raw ng checkpoint ang mga otoridad sa Mabini St. nang mapadaan sa lugar ang tricycle, sa halip huminto ay pinaharurot nito ang tricycle.

Hinabol siya ng PNP hanggang sa makarating sa bahagi ng M. Laserna kung saan tumaob ang tricycle.

Pagkataob ay sinubukan pa raw ng driver na si Leofe Mijarez na takasan ulit ang mga pulis.

Naisugod naman agad sa hospital ang mga pasahero.

Nakakulong naman sa Kalibo PNP ang suspek.##

- Archie Hilario, Energy FM Kalibo

9-ANYOS NA BATA PATAY NANG MABUNDOL NG AMBULANSIYA SA BAYAN NG IBAJAY

Hindi na umabot ng buhay sa ospital ang isang 9-anyos na batang lalaki matapos mabundol ng ambulansiya sa Brgy. Poblacion, Ibajay ngayong hapon ng Sabado.

Kinilala ang biktima na si Kenneth Delos Santos y Abayon, residente ng nasabing lugar.

Ayon kay PO1 Denmark Tiel, imbestigador, nanghuhuli umano ng isda sa kanal ang biktima nang mahulog ang ambulansiya roon sa kinaroroonan niya.

Pinaandar umano ng driver na si John Bautista y Mombay, 67, residente ng parehong barangay, ang ambulansiya nang bigla itong tumakbo. Paniwala ng iba ay nag-"wild" ito.

Nasa labas umano siya ng paandarin niya ito sa motorpool. Nagsasagawa umano siya ng maintenance nang maganap ang aksidente. Paniwala ng driver nakaneutral ito nang paandarin niya.

Tinataya ng imbestigador na nakatakbo ng nasa 30 metros ang nasabing sasakyan bago tuluyang mahulog sa kanal sa gilid ng kalsada.

Nagtamo ng malubhang sugat sa ulo ang bata dahilan ng agaran niyang kamatayan.

Nasa pangangalaga na ngayon ng kapulisan ang suspek at habang hinihintay pa ang desisyon ng pamilya kung magsasampa ng kaso kontra sa driver. | EFM Kalibo

MOTORISTA SA NABAS NABUNDOL NG TRUCK, PATAY

Patay ang isang 28-anyos na lalaki sa bayan ng Nabas matapos mabundol ng rumaragasang dump truck hapon ng Miyerkules sa national highway ng Brgy. Rizal.

Kinilala ni PO2 Melvin Alba, imbestigador ng Nabas PNP, ang biktima na si Elgern Torres, tubong Caloocan at kasalukuyang residente nang nabanggit na barangay.

Binabaybay umano ng biktima ang kahabaan ng national highway sakay sa kanyang motorsiklo nang pagdating sa kurbdang bahagi ay nabundol siya ng kasalubong na truck.

Tumilapon umano ang biktima at kinaladkad pa ng truck ng nasa 20 talampakan ang kanyang motorsiklo.

Isinugod ng mga residente ang biktima sa Baptist Hospital sa Malay pero idineklara rin ng doktor na wala nang buhay dahil sa malubhang sugat sa ulo at sa iba pang bahagi ng katawan.

Inaresto naman ng kapulisan ang driver ng truck na si Jesus Belontidos, 25-anyos, ng Brgy. Rizal, Ibajay at posibleng sampahan ng kaukulang kaso. | Darwin Tapayan, EFM Kalibo

MOTORSIKLO AT TOPDOWN TRICYCLE NAGBANGGAAN SA KALIBO; 2 KRITIKAL

photos © MDRRMO-Kalibo

Dalawang katao ang kritikal habang apat ang sugatan matapos magbanggaan ang isang topdown at motorsiklo sa Brgy. Caano, Kalibo gabi ng Martes.

Ayon sa imbestigasyon ng Kalibo PNP, ang motorsiklo ay menamaneho ni Elmer Umbao, 23-anyos kasama ang sakay na si Carlo John Alaban, mga residente ng Polo, New Washington.

Patungo ang kanilang direksyon sa New Washington nang aksidente itong bumangga sa topdown na tricycle na menamaneho ni Mark Anthony Francisco. Sakay nito sina Joven Froilan Negrosa, Noel Loquisan at Rialyn Antonio na patungo naman ng Kalibo.

Confine sa intensive care unit sa isang pribadong ospital ang sakay ng motor na si Alaban na nagtamo ng malubhang sugat sa ulo at bali sa kanyang paa.

Nasa ICU rin ng Provincial Hospital ang driver ng topdown na si Francisco na nagtamo rin ng malubhang sugat sa ulo at unconscious umano nang isugod dito.

Nagtamo naman ng sugat sa iba-ibang bahagi ng katawan ang iba pang sangkot sa aksidente. Patuloy pa ang imbestigasyon ng kapulisan sa nangyari. | Darwin Tapayan, EFM Kalibo

KOTSE BUMANGGA SA PADER SA BAYAN NG IBAJAY, DALAWA SUGATAN

Bumangga ang kotse na ito sa isang konkretong pader sa Brgy Colong-colong, Ibajay gabi ng Linggo.

Sugatan si Adrian Alag, driver, 25-anyos at kasama niyang si Randy Fernandez, 24, parehong mga taga-Brgy. Laguinbanwa sa nasabing bayan.

Ayon sa report ng Ibajay PNP, binabaybay umano ng dalawa ang kahabaan ng national highway nang pagdating sa kurbadang bahagi sa Brgy. Colong-colong ay lumagpas ito sa kalsada at bumangga sa pader.

Isinugod naman agad ang dalawa sa ospital para malapatan ng kaukulang paggamot.

Sinabi ng imbestigador na nakainom umano ang driver.

Samantala, kinumpirma ng kapulisan na nasabat nila ang dalawang baril mula sa mga sakay ng kotse. Biniberipeka pa umano kung rehistrado ang mga ito. | Darwin Tapayan, EFM Kalibo

LALAKI NASAGI NG MOTOR SA NUMANCIA

Nasagi ng motorsiklo ang tumatawid na lalaki sa kalsada na sakop ng Joyao-Joyao, Numancia, Aklan pasado alas 8:30 ng gabi.

Ayon kay P03 Felizardo Navarra ng Numancia PNP, tumatawid raw ng kalsada ang biktimang si Reynaldo Vega, 55-anyos, nang masagi ng motorsiklo.

Kinilala ang driber ng motor sa pangalang Jerald Badilles, 38-anyos, na taga-Aliputos, Numancia.
Isinugod ang dalawa sa ospital dahil sa tinamong minor injury.

Nakalabas naman agad sila ng hospital matapos malapatan ng kaukulang paggamot.

Nagkaayos naman raw ang dalawa, kaya't hindi na nagsampa ng reklamo ang biktima dahil magkaibigan rin pala ang dalawa./ Archie Hilario, EFM Kalibo

84 ANYOS LOLA NA TUMATAWID NG KALSADA NASAGI NG MOTORSIKLO SA POOK, KALIBO!

Nasagi ng motorsiklo ang isang lola habang tumatawid ng kalsada, sa Pook, Kalibo, malapit sa Kalibo International Airport.

Naganap ang aksidente pasado ala sais ngayong umaga.

Kinilala ang biktima sa pangalang Angelina Mendoza na residente ng Pook, Kalibo. Isinugod na sa ospital ang biktima.

Ang driber ng motorsiklo ay kinilala sa pangalang Larry Caburong na taga Camaligan, Batan, Aklan./ Archie Hilario, EFM Kalibo

MOTORISTA NADISGRASYA SA OSMEÑA AVENUE KALIBO PATAY

Ideneklarang DEAD on arrival sa Aklan Provincial ang motoristang ito na nadisgrasya sa kahabaan ng national highway ng Osmeña Avenue Kalibo. 

Naganap ang aksidente bandang ala-una ng hapon (Oct. 29). 

Kinilala ang biktima sa pangalang Libert Maayon 26-anyos na taga Pudiot, Tangalan. 

Si Maayon ay pauwi na sana mula sa kanyang trabaho sa Estancia nang maganap ang aksidente.

Iniimbestigahan pa ng PNP ang pangyayari.

1 SUGATAN MATAPOS BUMANGGA ANG ISANG TRICYCLE SA SINUSUNDANG MOTOR SA CAANO, KALIBO

Ulat ni Archie Hilario, Energy FM 107.7 Kalibo

Sugatan ang backrider ng isang motorsiklo matapos banggaan ng sumusunod na tricycle sa Provincial Road sa Brgy. Caano, Kalibo. 

Kinilala ang nasugatan sa pangalang Marilyn Pastor y Nillosa, anak ng driver ng motor na si Elmor Pastor, 44-anyos na taga-Baybay, Andagao.

Pauwi na raw ang dalawa sa Baybay, Andagao nang mabangga ng tricycle na menamaneho ni Redito Yecla, 70-anyos na taga-Bayanihan Road, Pook. 

Natumba ang motorsiklo sa rough road kaya nasugatan ang backrider. Agad naman itong isinugod sa Aklan Mission Hospital kung saan nakaconfine ito ngayon.

Nasa kustodiya naman ng PNP Kalibo ang dalawang sasakyan.

63 ANYOS NA BABAE NABUNDOL NG VAN SA BALETE, PATAY

Patay ang isang 63-anyos na babae nang mabundol ng van sa bayan ng Balete Lunes ng umaga.

Kinilala ang biktima na si Hebe Salabante, residente ng brgy. Fulgencio, Balete at midwife sa rural health unit ng nasabing bayan.

Ayon sa report ng Balete PNP, dakong alas-6:00 ng umaga naglalakad umano ang biktima sa gilid ng kalsada nang mabundol ito nang van.

Menamaneho ang van na ito ni Keith Philip Garcia, 33-anyos, tubong Davao at kasalukuyang nakatira sa Iloilo at nagtratrabaho bilang project manager. Bumibiyahe siya mula Iloilo patungong Kalibo.

Isinugod pa sa provincial hospital ang biktima pero dineklara ring dead on arrival.

Dahilan ng driver, nakaidlip umano ito kaya nawalan siya ng kontrol sa kanyang menamanehong van dahilan para mabangga niya ang babae.

Ikinulong ang driver ng van sa Balete police station at posibleng maharap sa kaukulang kaso.

2 PATAY SA AKSIDENTE SA MOTORSIKLO SA LINABUAN NORTE, KALIBO

ulat ni Archie Hilario, Energy FM 107.7 Kalibo

Patay na nang isugod sa ospital ang driver ng motorsiklong ito matapos bumangga sa poste ng kuryente sa brgy. Linabuan Norte, Kalibo alas-12:15 ng madaling araw. 

Kinilala ang biktima sa pangalang Jovy Francisco Ili, 20-anyos, taga-Janlud, Libacao.

Naisugod pa sa Provincial Hospital ang driver pero ideneklarang patay .

Samantala isinugod naman ang back rider nito sa Panay Health Care pero binawian din ng buhay. 

Kinilala ang biktima sa pangalang Maryniel Ili Zausa,19, taga-Julita, Libacao. 

Sa imbestigasyon ng PNP, pauwi raw sa Libacao ang mga biktima, pagdating sa Linabuan Norte nag-over-take daw ang dalawa sa isa pang motorsiklo.

 Nawalan ito ng kontrol hanggang sa nagtuloy-tuloy at bumangga sa isang poste. 

Nagtamo ng malalaking sugat sa ulo ang mga biktima na naging dahilan ng pagkamatay.

MOTOR BUMANGGA SA TRICYCLE SA BAYAN NG NUMANCIA, ISA PATAY

ulat ni Darwin Tapayan, Energy FM 107.7 Kalibo

Patay ang isang 45 anyos na lalaki nang bumangga ang sinasakyan niyang motorsiklo sa isang tricycle sa bayan ng Numancia.

Kinilala ang biktima na si Freddie Apolinario y Narce, 45 anyos, residente ng brgy. Tinigaw, Kalibo.

Naganap ang insidente Biyernes pasado alas-10:00 ng gabi sa kahabaan ng national highway sa brgy. Laguinbanwa West.

Sa report ng pulisya, bumangga umano ang motorsiklo sa sinusundan nitong tricycl dahilan para tumilapon ang driver nito at nauntog sa bubong ng tricycle.

Parehong patungong Kalibo ang motor at ang tricycle na menamaneho ni John Rey Regotea, 24, residente rin ng brgy. Tinigaw.

Nawalan naman ng kontrol ang driver ng tricycle bagay na natumba ang sinasakyan.

Dinala pa ng rescue ambulance ng PDRRMO sa provincial hospital ang driver ng motor pero dineklara itong dead on arrival.

Maswerte namang walang gaanong sugat ang driver ng tricycle at wala ring dalang pasahero.

Ayon kay PO3 Eric Lachica, chief investigator, nasa impluwensiya ng nakalalasing na inumin ang motorista at mabilis ang patakbo.

Samantala, matapos mapag-usapan ay napagkasunduan ng pamilya ng namatay at driver ng tricycle na i-settle ang nasabing kaso.

MOTORSIKLO BUMANGGA SA SINUSUNDANG TRICYCLE SA BAYAN NG BANGA, 3 SUGATAN

ulat ni Archie Hilario, Energy FM 107.7 Kalibo

Sugatan ang tatlo katao sa panibagong aksidente sa Linabuan Sur, Banga kaninang alas-12:20 ng madaling araw.

Sa imbestigasyon ng PNP Banga papauwi na raw ang guro na si Jonathan Redizon, 38-anyos na taga-Palali Banga, sakay ng kanyang tricycle nang bigla nalang sinalpok ng sumusunod na motorsiklo.

Kinilala ang driver ng motorsiklo sa pangalang John Alter Navarra, 25-anyos, residente ng brgy. Polocate, sa parehong bayan kasama ang back rider na si Ems Villanueva, 22, residente rin ng kaparehong barangay.

Naisugod agad sa hospital ang mga biktima sa tulong ng Aklan Response Team ( ART).

Confine sa provincial hospital ang mga ito.

MOTOR BUMANGGA SA ISANG BAHAY SA BAYAN NG KALIBO

ulat ni Archie Hilario, Energy FM 107.7 Kalibo

Bumangga sa bahay na ito ang isang lasing na motorista sa Barangay Pook, Kalibo.

Sa kwento ng motorista nakainom ito kaya mabiliis ang kanyang pagpapatakbo sa motorsiklo.

Inakala umano nito na tuwid ang kalsada kaya hindi nito nailiko ang motor at bumangga ito sa isang bahay at nagtuloy-tuloy ito sa loob.

Bali ang haligi ng bahay bali rin ang daliri ng biktima. Maswerte naman at walang nasugatan sa mga natutulog sa loob.

Matapos ang pag-uusap sa opisina ng Kalibo PNP ay nagkaroon ng settlement ang may-ari ng bahay at ang motorista.

Ipapaayos na lamang daw ng lalaki ang nasirang bahay.

SEKYU PATAY NANG BUMANGGA ANG MOTORSIKLO SA STOCKPILE SA BRGY. NAILE, IBAJAY

Patay ang isang 24-anyos na sekyu matapos bumangga ang sinasakyang motorsiklo sa stockpile sa brgy. Naile, Ibajay Sabado ng gabi.

Kinilala ng pulisya ang biktima na si Jesther Tagle y Florenso, residente ng Sta. Cruz, Ibajay at nagtratrabaho bilang sekyu sa isla ng Boracay.

Ayon kay PO1 George Regalado, imbestigador ng Ibajay PNP, bumangga sa stockpile sa gilid ng kalsada ang motorsiklo ng biktima.

Paliwanag ni Regalado, medyo madilim ang lugar at kasalukuyang ginagawa ang drainage sa gilid ng kalsada. Mabilis rin umano ang patakbo ng biktima.

Tumilapon umano ang biktima ilang metro mula sa kanyang motorsiklo at sumubsob sa kalsada.

Pinagtulungan naman ng mga opisyal ng barangay at ilang residente ang biktima at isinugod sa district ospital sa Ibajay pero dineklara rin itong dead on arrival.

Nabatid na papunta sana sa brgy. Monlaque, Ibajay ang biktima sa kanyang livein partner dakong alas-9:00 ng gabi nang maganap ang insidente.

MAG-AMA NA NANGTRIP, NANUNTOK SA LABAS NG BAR NADISGRASYA SA MOTORSIKLO

ulat ni Archie Hilario, Energy FM 107.7 Kalibo

photo © Aklan Response Team Art

Sugatan ang mag-ama matapos bumangga sa sinusundang tricycle sa Pook, Kalibo alas-8:55 ng gabi.

Sa imbestigasyon ng PNP, sinuntok umano ni Jerick Meren, 20-anyos na taga-Guinbaliwan, New Washington ang biktimang si Pablo Retubis, 39-anyos na residente rin ng Barangay Pook Kalibo.

Nakatayo raw sa labas ng Starlight Bar si Retubis nang biglang pinagsusuntok ng suspek. 

Matapos ang panununtok agad itong sumakay sa matorsiklo na menamaneho ng kanyang tatay na si Joel at may kapatid na si Jenard na agad nilang tinakasan ang sinuntok na biktima.

Sa pagmamadali at sa bilis ng pagpapatakbo sa motorsiklo bumangga ito sa sinusundang tricycle malapit sa Kalibo Airport.

Natumba ang motorsiklo kaya agad na nahuli ng rumespondeng pulis ang suspek.

Nakakulong na si Jerick Meren sa Kalibo PNP Station sa ngayon. Nasa kustodiya na rin ng PNP ang motorsiklo nito.