7-anyos na bata sa Lilo-an, Malinao nirape ng 21-anyos na suspek

MALINAO, AKLAN - Patuloy pa ang paghahanap sa 21 anyos na lalaki sa Malinao, Aklan matapos gahasain ang pitong taong gulang na bata kahapon.

Sa impormasyon na nakalap ng news team, naiwan umano sa bahay ang biktima dahil umattend ng meeting ang nanay nito, nagtratrabaho din ang tatay nito sa kalapit na lugar.

Naglalaro raw sa ilog ang bata kasama ang kuya nito. Nanghuhuli raw ng isda ang kuya kaya nagpalayo ito sa kapatid at di nito napansin ang suspek.

Sa salaysay ng bata napadaan raw sa lugar ang suspek tinakpak raw siya sa bibig at binuhat saka dinala sa CR. at doon ginawa ang panghahalay.

Matapos halayin iniwan ng suspek ang biktima.

Pag-uwi ng nanay doon na nagsumbong ang biktima.

Agad silang nagsumbong sa Malinao PNP kaya nagsagawa naman ng operation ang kapulisan para mahanap ang suspek. Dinala naman sa Hospital ang biktima dahil ni lagnat ito kaya hanggang ngayon ay nakaconfine parin ito.

Ngayong umaga kahit malakas ang ulan ay nagpatuloy ang kapulisan sa paghahanap sa suspek.##

- Kasimanwang Archie Hilario, Energy FM Kalibo

Nasunugan sa bayan ng Malinao binigyan ng tulong sa pamamagitan ng Energy FM Kalibo

Iniaabot ni Kasimanwang Archie Hilario ang tulong kay Tatay Danilo.

INABUTAN NG Energy FM Kalibo ng tulong ang nasunugan ng bahay na si Danilo Balangat, 58-anyos, sa Brgy. Rosario, Malinao.

Ngayong umaga ay dinala namin Php10,000 pinansiyal na tulong kay Tatay Danilo. Mula ito sa Ibabao Family na nagmamay-ari ng Ibabao Pharmacy sa Malinao.

Naabutan namin si Tatay Danilo na nasa loob ng maliit na kubo na ginawa niya pansamantalag tirahan katabi lang ng nasunog nilang bahay.

Halos lahat ng kanilang gamit ay nasunog. Sa kabila nito ayon sa kaniya ay pinapasok na niya sa paaralan ang dalawa niyang mga menor de edad na mga anak para mag-aral kahit kulang pa umano ang kanilang mga gamit.

Napag-alaman pa na umalis umano ang kaniyang asawang babae para magtrabaho sa Manila kaya mag-isa nalang niyang tinataguyod ang mga maliliit na anak.

Aniya malaking tulong na ang kaniyang natanggap. Gagamitin umano niya ito sa muling pagpapatayo ng kanilang bahay.

Matatandaan na nasunog ang kanilang buong bahay noong Mayo 30 dahil sa nagshort-circuit na kuryente sa kanilang bahay.

Emosyonal naman siyang nagpasalamat sa nagbigay ng tulong at sa Energy FM Kalibo.##

- Kasimanwang Darwin Tapayan, Energy FM Kalibo

Bahay sa Malinao naabo sa sunog

photo: BFP-Numancia

NAABO SA sunog ang bahay na ito na pagmamay-ari ni Danilo Balangat, 58-anyos, sa Brgy. Rosario, Malinao kahapon ng hapon.

Batay sa ulat ng Bureau of Fire and Protection (BFP) - Numancia, mabilis na nilamon ng apoy ang bahay na yari lamang sa light materials.
Ayon kay FO1 John Daryll Irabon, imbestigador, tinatayang aabot ng Php30,000 ang pinsalang iniwang ng sunog.

Nabatid na nasa labas ng bahay ang may-ari nang mapansin nitong umuusok na ang kanilang bahay.

Dahil sa malayo ang lugar, abo na ang bahay bago pa man makarating ang mga rumespondeng tauhan ng BFP-Numancia.

Tinitingnan naman niya ang pag-short-circuit ng service drop sa nasabing bahay na pinagmulan ng sunog.

Walang naisalbang gamit ang may-ari maliban lamang sa kaunting bigas at telebisyon.

Wala namang nasagutan sa insidente.##

- Kasimanwang Darwin Tapayan, Energy FM Kalibo

Lalaki natagpuang patay sa bayan ng Malinao

ISANG LALAKI sa Brgy. Manhanip, Malinao ang natagpuang patay sa isang sapa hapon ng Biyernes.

Kinilala sa ulat ng Malinao PNP ang lalaki na si Bernaldo Ibisate y Nabor, 61 anyos, may asawa, self employed, residente ng nasabing lugar.

Batay sa pahayag ni SPO2 Icayan, imbestigador, tumatawid umano sa tulay na yari sa kawayan ang lalaki nang ito ay mahulog.

Pinaniniwalaan na nalunod ang lalaki sa sapa nasa dalawang oras na ang nakalilipas bago ito natagpuan.

Nabatid na nakainom umano ito nang maganap ang aksidente.

Kumbinsido naman ang pamilya na walang foul play sa nasabing pangyayari. Mabait at wala umanong kaaway ito sa kanilang lugar.##

Bayan ng Malinao magdiriwang din ng Ati-atihan Festival

MAGDIRIWANG ng Ati-atihan Festival ang bayan ng Malinao sa darating na Biyernes bilang pagpupugay kay Sr. Sto. Niño, patron ng Katoliko.

Ayon kay Mayor Ariel Igoy "a total of sixty three (63) participating groups and tribes will join and compete in this year's festival in Malinao, Aklan."

Batay sa kanyang facebook post, narito ang skedyul ng mga aktibidad sa Biyernes: Misa sa Plaza (7:30am); Procession (9:00am); Sadsad it Pagdayaw (10:00am-5:00pm).

Sa gabi ay mayroon namang Masquarade Ball at Presentation of Candidates ng Ms. Malinao Eco Tourism (7:00pm-12:00mn).

Ang iba pang mga bayan na magdiriwang ng Ati-atihan Festival ay ang Batan (Enero 19-20); Altavas (Enero 21-22); at Ibajay (Enero 26-27).

Katatapos lang ng Isla ng Boracay magdiwang ng Ati-atihan (Enero 12-13) at Makato (Enero 14-15).
Sa Enero 20 ay magtatapos naman ang mahabang selebrasyon ng Kalibo ng Ati-atihan Festival na nagsimula nitong Enero 2.##

- ulat ni Kasimanwang Darwin Tapayan, Energy Fm 107.7 Kalibo
- mga larawan mula kay Rose Eclevia Candelario / file

Babae na natagpuang patay sa Malinao ililibing na; pamilya sumisigaw ng hustisya

MAILAP PARIN ang hustiya para kay Eva Colantes Adan na natagpuan hubo’t hubad at wala nang buhay sa masukal na bahagi sa Brgy. Dangcalan, Malinao.

Ayon kay SPO3 Jim Villaruel, imbestigador ng Malinao PNP, hanggang ngayon ay nangangalap parin sila ng ebedensiya para matukoy ang suspek insidente.

Patuloy pa ang kanilang imbestigasyon sa mga person of interest sa kaso pati na ang motibo sa likod ng sa karumaldumal na pagpatay sa 41-anyos na babae.

Hirap umano sila dahil sa kakulangan ng saksi sa kaso.

Sa ngayon ay hinihintay pa ng kapulisan ang imbestigasyon ng Cybercrime Division ng kapulisan sa rehiyon sa cellphone ng biktima na natagpuan sa lugar kung saan ito nakitang patay noong Disyembre 29.

Ngayong araw ng Martes, Enero 8, ay nakatakda ang libing ng biktima. Isang misa ang gaganapin sa Parish Church ng Malinao bago ito ilibing. Sigaw ng pamilya hustiya para sa biktima.

Matatandaan na natagpuang patay at may malubhang sugat sa ulo na posibleng pinalo ng matigas na bagay.

Nanawagan ang kapulisan sa mga saksi o nakakaalam sa insidente na makipagtulungan sa kapulisan sa ikalulutas ng kaso.##

- ulat ni Kasimanwang Darwin Tapayan, Energy FM Kalibo

Babae natagpuang patay, hubo't hubad; pinaniniwalaang ginahasa pa

PATULOY NGAYON ang imbestigasyon ng kapulisan ng Malinao sa karumaldumal na pagpatay kay Eva Adan Collantes ng Brgy. Dangcalan sa nabanggit na bayan.

Natagpuan nalang ang katawan ng 41-anyos na babae umaga ng Sabado na hubo't hubad at wala nang buhay sa masukal na bahagi ng Sitio Capisi ng nasabing barangay.

Nakitaan ito ng malubhang sugat sa noo na pinaniniwalaang hambalos ng tubo. Paniwala ng kapulisan ginahasa rin ng di pa nakikilalang suspek ang babae.

Umaga ng Biyernes nang madaanan ng isang saksi ang biktima na nakasubsob sa kalsada ng barangay kasama ang isang lalaki na may hawak umanong tubo.

Sa takot umano niya na pagdiskitahan rin ng lalaki iniwasan niya ito habang sakay sa motorsiklo at dumiretso sa himpilan ng pulisya para magsumbong.

Sa pagresponde ng kapulisan sa lugar ay wala na silang naabutan.

Kinagabihan ay nagsumbong naman sa kapulisan ang live-in partner ng biktima nag-alala na hindi pa ito nakakauwi ng kanilang bahay.

Hinanap nila ito sa parehong lugar pero hindi rin natagpuan ng gabing iyon. Sa patuloy na paghahanap kasama ang mga opisyal at tanod ng barangay ay natagpuan ang biktima kinabukasan.

Natagpuan sa lugar ang kanyang bag laman ang lahat ng gamit habang nawawala naman ang kanyang cellphone.

Nakatakdang i-utopsiya ang bangkay ng biktima habang tinitingnan ngayon ng kapulisan ang motibong third-party relationship.##

- ulat ni Kasimanwang Darwin Tapayan, Energy FM Kalibo

Lalaki sinaksak sa bisperas ng Pasko sa bayan ng Malinao

NAGTAMO NG sugat sa kili-kili si Jasper Inamac ng Brgy. Poblacion, Malinao makaraang saksakin ng di pa nakikilalang suspek gabi bisperas ng Pasko sa Brgy. Poblacion sa nabanggit na bayan.

Ayon sa paunang ulat ng kapulisan ng Malinao umiinom lamang ng softdrink ang 20-anyos na lalaki kasama ang mga kaibigan sa isang tindahan nang may nambato di umano ng ice water sa kanila.

Nagtanong umano ang biktima sa grupo ng nag-iinuman doon din sa lugar pero dito na umano nag-ugat ang komosyon at sinaksak ang biktima.

Matapos ang insidente ay agad tumakas ang mga suspek pero sa follow-up investigation ng kapulisan ay nakilala nila ang dalawang person of interest.

Nakaratay naman ang biktima sa Dr. Rafael S. Tumbokon Memorial Hospital para gamutin.

Patuloy pa ang imbestigasyon sa insidente para matukoy ang suspek at para malaman ang tunay na motibo.##

- ulat ni Kasimanwang Darwin Tapayan, Energy FM Kalibo

Restored Malinao church reopens to public

REDEDICATION RITES was held by representatives of the National Historical Commission of the Philippines, Parish of Malinao headed by Fr. Hermino 'Junjun' Felipe and the Local Government of Malinao led by Mayor Ariel Igoy to signal the official reopening  to the public of the St. Joseph the Worker Parish Church in Malinao today, December 15, 2018.

The reopening of the restored Akeanon heritage church is one of highlights of this year's Pascua sa Malinao Festival which is already on its 7th year.  This church was the place where  the centuries old Christmas tradition of 'misa de pastorelle' is held featuring the flight of the cometa (comet) and the two giant bitoon  sa eangit (heavenly stars) as well as the opening of the iconic granada amid the angelic voices of the pastora, a tradition that inspired the festival.

Inaugurated in the year 1889, the St. Joseph the Worker Church in Malinao, Aklan has undergone restoration under the auspices of the National Historical Commission of the Philippines (NHCP). The  restoration project cost is at Php 18 million.##

photo credits: Raymon Inolino Ileto

- report and text from Ro Akeanon FB

LALAKI NATAGPUANG PATAY AT TADTAD NG TAGA SA BAYAN NG MALINAO

PATAY AT tadtad ng taga ang isang lalaki sa Brgy. Navitas, Malinao nang matagpuan sa bungad ng kanilang bahay.

Kinilala ang nasabing biktima na si Jose Johann Remetio, 50-anyos at residente ng naturang lugar.

Pinaniniwalaang naganap ang insidente gabi bago ito natagpuan ng kamag-anak kinabukasan ng hapon, araw na ng Martes.

Sa inisyal na pagsisiyasat ng SOCO sa lugar at sa bangkay ng biktima, nasa siyam ang taga nito sa katawan kabilang na sa mukha, dibdib at mga kamay.

Nabatid na mag-isa lang ang biktima sa kanilang bahay. Hiwalay umano ito sa asawa at ang isang anak ay hindi rin niya kasama.

Huling nakitang nakipag-inuman ang biktima sa kanilang lugar bago ito natagpuang patay kinabukasan.

Dinala na sa isang punerarya ang bangkay ng lalaki at posibleng isailalim ng mga otoridad sa otopsiya para matiyak ang sanhi ng pagkamatay.

Nangangalap naman na ng mga impormasyon ang Malinao PNP para matukoy ang nasa likod ng krimen at kung ano ang motibo sa pagpatay.##

-Kasimanwang Darwin Tapayan, Energy Fm 107.7 Kalibo

LALAKI PATAY MATAPOS TAGAIN NG KAINUMAN SA BAYAN NG MALINAO

PATAY ANG isang lalaki sa bayan ng Malinao makaraang tagain ng kainuman madaling araw ng Linggo sa Brgy. Kinalangay Viejo.

Kinilala sa ulat ng kapulisan ang biktima na si Nilo Bacayo, 48-anyos habang ang suspek ay si Roland Fernando, 36, pawang mga residente ng nabanggit na lugar.

Sa paunang imbestigasyon ng Malinao PNP, nag-inuman umano ang dalawa nang magkaroon sila ng mainit na pagtatalo.

Nagkasuntukan umano ang dalawa. Pinag-uuntog umano ng suspek ang biktima bago niya tinaga na tumama sa leeg.

Agad binawian ng buhay ang biktima habang naaresto naman ng kapulisan ang suspek sa Brgy. Manhanip sa parehong bayan.

Nasabat mula sa suspek ang itak na ginamit sa pananaga habang aminado siya sa nagawang krimen.

Nakapiit na ngayon ang suspek sa Malinao PNP Station at nakatakdang sampahan ng kasong homicide.##

- Darwin Tapayan, Energy FM Kalibo

BAHAY SA MALINAO NATUPOK NG APOY

photo © BFP-Numancia

Natupok ng apoy ang isang bahay sa Brgy. Liloan, Malinao hapon ngayong araw ng Lunes.

Ang bahay ay pagmamay-ari ni Romeo Villaresto, 53-anyos, may live-in at residente ng nasabing lugar.

Mabilis na natupok ang bahay na yari sa mga light materials. Nagkataon na walang tao rito.

Nasaksihan ito ng kapitbahay at humingi ng tulong sa mga taga-roon at sa mga otoridad.

Sa imbestigasyon ni FO1 Enrico Nam-ay ng Numancia Bureu of Fire Protection (BFP), pinaniniwalaang nagmula ang sunog sa napabayaan apoy sa kalan.

Aminado ang 19-anyos na si Melvin, manak ng may-ari ng bahay, na bago ang insidente nagpakulo siya ng tubig at iniwan ito para magbasketbol.

Tinatayang Php30,000 ang pinsalang dulot ng nasabing sunog. Pansamantalang makikituloy ang pamilya sa kanilang kapitbahay.##

- Darwin Tapayan, Energy FM Kalibo

LALAKI PATAY MATAPOS SAKSAKIN SA BAYAN NG MALINAO; MGA SUSPEK SARILING KAPATID

PATAY ANG isang lalaki sa bayan ng Malinao matapos saksakin sa Brgy. Manhanip gabi ng Biyernes
Kinilala ang biktima na si Rolando Yabut, 46-anyos, residente ng parehong lugar. Samantalang ang mga itinuturong suspek ay sarili niyang mga kapatid.

Sa imbestigasyon ng Malinao PNP, ang biktima ay nakipag-inuman sa mga suspek at iba pang kamag-anak bago naganap ang insidente.

Nagkaroon umano nang mainit na pagtatalo ang magkabilang panig at habang nasa daan papauwi ay patuloy unano ang kanilang diskusyon.

Napag-alaman nalang kalaunan ng ilang kapitbahay na may tama na nang pananaksak sa kanyang tiyan samantalang tumakas naman ang dalawa niyang kapatid.

Dinala sa provincial hospital ang biktima pero pagkalipas ng nasa dalawang oras ay binawian rin ng buhay habang ginagamot dito.

Pinaghahanap na ngayon ng Malinao PNP Station ang dalawang suspek.##

- Darwin Tapayan, Energy FM Kalibo

SUSPEK SA PAGSAKSAK-PATAY SA ISANG LALAKI SA BAYAN NG MALINAO HAWAK NA NG KAPULISAN

(update) HAWAK NA ngayon ng Malinao municipal police station ang suspek sa pagsaksak-patay sa sarili niyang kapatid sa Brgy. Manhanip, Malinao gabi ng Biyernes.

Ang itinuturong suspek na sumaksak sa kay Rolando Yabut, 46-anyos, ay kapatid niyang si Christopher, 33, parehong mga residente ng nasabing barangay.

Matatandaan na ang dalawa at ang isa pa nilang kapatid na si Wilmer ay nakipag-inuman kasama ang ilang kamag-anak nang magkaroon sila ng mainit na pagtatalo dahil umano sa lupa.

Habang nasa daan papauwi ng bahay ay sinaksak ng suspek ang kuya niya na tinamaan sa tiyan. Saksi sa nasabing insidente ang live-in ng biktima.

Agad na isinugod sa ospital ang biktima pero binawian rin ng buhay habang ginagamot doon. Samantalang agad nakapagtago sa mga otoriadd ang dalawa.

Ngayong umaga ng Sabado ay sumuko umano sa kapulisan si Christopher at inamin ang nagawang krimen.
Matapos imbitahin ng pulisya ay pinakawalan din si Wilmer matapos mapatunayang wala siyang partisipasyon sa krimen.

Nabatid na ang suspek ay nakulong na sa kasong frustrated murder at arson at ngayon ay posibleng maharap ngayon sa kasong homicide.##

- Darwin Tapayan, Energy FM Kalibo

ANTI-SMOKING ORDINANCE SA BAYAN NG MALINAO MAHIGPIT NA IPAPATUPAD

Mahigpit nang ipapatupad sa Malinao ang lokal na ordenansa na nagbabawal sa paninigarilyo sa mga pampublikong lugar.

Kaugnay rito isang Anti-Smoking Enforcers ang binuo ng lokal na pamahalaan para ipatupad ang municipal ordinance 2016-06.

Nagsimula nang mag-ikot ang mga enforcers kasama ang mga municipal health staff at kapulisan para magsagawa ng public awareness.

Nagdikit na ng mga signages ang grupo sa mga tindahan at mga sasakyan kaugnay sa ipinatutupad na batas.
Layunin ng pamahalaang lokal na maging isang smoke-free municipality ang Malinao.

Ang mga mahuhuling lumabag sa anti-smoking ordinance ng munisipyo ay posibleng pagmultahin ng mula Php500-Php2,500.

Nag-aalok naman ang munisipyo ng smoking cessation program sa mga taong gusto nang huminto sa paninigarilyo. | Darwin Tapayan, EFM Kalibo

PASCUA SA MALINAO ITINANGHAL SA PAGBISITA NG ALIW AWARDS SCREENING COMMITTEE SA BAYAN NG MALINAO

Ito ang pagtatanghal ng Pascua sa Malinao Festival na ipinakita sa pagbisita ng Aliw Award Foundation Inc. sa bayan ng Malinao araw ng Lunes.

Ito ay pagtatanghal ng Artisano Dance Troupe ng Malinao School for Philippine Craftsmen sa pangunguna ni Jomer Protacio.

Ang dance troupe ay kabilang sa Aklan Performing Arts Network (APAN) na pinarangalan bilang Best Cultural Group sa 30th Aliw Awards noong nakaraang taon.


Lingid sa kaalaman ng iba, ang Pascua sa Malinao ay taunang pagdiriwang ng bayan tuwing Disyembre na inoorganisa ng pamahalaang lokal at ng parokya.

Ang mga bisita ay mainit na sinalubong ng mga opisyal ng bayan sa pangunguna ni Mayor Ariel Igoy.

Isang maikling programa rin ang ginawa ng pamahalaang lokal kung saan ipinakita rito ang mayamang kasaysayan at kultura ng Malinao.

Ang Aliw Award screening committee ay naglilibot sa buong Panay para makahanap ng inonominate para sa iba-ibang mga parangal.

Ang grupo ay binubuo nina Luciano "Sonny" Valencia, Frank Rivera at Danilo Salcedo. Si Peter Macrohon isang Aliw awardee at siya ring artistic director ng APAN ang nagfacilitate sa pagbisita ng grupo sa probinsiya.

Ang Aliw Award ay parangal sa mga natatanging pagtatanghal kagaya ng theatre, opera, dance, live vocal at instrumental shows. | Darwin Tapayan, EFM Kalibo

photos © Jeff Darvin Igoy Repedro

LALAKI BINARIL PATAY NG KAINUMAN SA BAYAN NG MALINAO; ISA SA MGA SUSPEK ARESTADO

Patay ang isang 33-anyos na lalaki sa Brgy. Cabayugan, Malinao makaraang barilin ng kanyang kainuman.

Kinilala sa report ng pulisya ang biktima na si Jeferson Berdandino, laborer, residente ng parehong lugar.

Arestado naman ang suspek sa pagbaril na si Basilio Ildisa, 46, residente ng nabanggit na barangay samantalang at large ang isa
pa na si Jay R Isuga.

Base sa imbestigasyon Sabado nang mag-inuman umano ang biktima at ang mga suspek at ang kapatid ng biktima na si Carmelo Berdadino.

Umuwi umano saglit sa kanilang bahay si Carmelo para kumain nang makarinig siya ng putok sa labas.
Nadatnan na lang niya ang biktima na nakahandusay at may tama na ng pagbaril sa dibdib.

Namataan umano niya ang suspek na si Ildisa na mabilis na tumakbo papalayo at sumakay sa motorsiklo na menamaneho ng isa pang suspek na si Isuga.

Kinabukasan ay sumuko sa punong barangay ng Poblacion, Malinao ang suspek na si Ildisa at inaresto ng kapulisan.

Hindi pa tiyak kung ano ang malalim na motibo sa pagbaril pero ayon sa imbestigador dahil umano sa kalasingan kaya nagawa ng suspek ang krimen.

Sinampahan na ng kasong homicide ang mga suspek ang isa sa pamamagitan ng inquest proceeding at isa sa pamamagitan ng regular filing./ Darwin Tapayan, EFM Kalibo

MUNISIPYO NG MALINAO MUNTIK MASUNOG

Muntik nang masunog ang extension building na ito ng munisipyo ng Malinao ngayong umaga nang bahagyang nasunog ang dental clinic dito.

Nasunog ang aircon at circuit breaker sa clinic.

Agad namang naapula ang apoy gamit ang fire extinguisher ng mga rumespondeng miyembro ng MDRRMO.

Iniimbestigahan na ng BFP ang insidente upang matukoy ang sanhi ng sunog. Wala namang nasaktan sa insidente.

LOLO NAKURYENTE SA BAYAN NG MALINAO, PATAY

Dead on the spot ang isang 73-anyos na lolo matapos siyang makuryente sa kanilang barangay sa Manhanip, Malinao Biyernes ng umaga (Nov. 17).

Kinilala sa report ng Malinao PNP ang biktima na si Renato Imperial y Icabandi.

Salaysay ng asawa, nagtungo umano ang biktima sa bahay ng kanyang  pinsan kalapit lamang ng kanilang bahay nang makuryente siya sa daan.

Hindi umano napansin ng kanyang asawa ang patuloy na linya ng kuryente ng Akelco at aksidente niya itong nahawakan na nagresulta ng kanyang pagkakuryente.

Nabatid na isang puno ang natumba sa lugar matapos na dumaan ang malakas na hangin sa nabanggit na lugar.

Iniimbestigahan narin ng Akelco ang nasabing insidente.

NABIGO SA PAG-IBIG: 20-ANYOS NA LALAKI UMINOM NG LASON SA DAGA

Dahil nabigo sa pag-ibig, uminom ng lason sa daga ang isang 20-anyos na panadero sa bayan ng Malinao, Byernes ng tanghali (Nov. 17).

Ayon sa report ng Malinao PNP, nakita umano ng ilang mga estudyante ang nasabing lalaki sa plaza ng bayan na nangingisay at nakita sa lugar ang bote ng mineral water na pinaglagyan niya ng lason.

Agad namang pinagtulungan ng mga rescuer at ng mga rumespondeng pulis ang nasabing biktima na maisugod sa provincial hospital kung saan patuloy siyang inoobserbahan.

Kinumpirma naman ni PSInsp. Alfonso Manuba, hepe ng Malinao PNP, na pag-ibig ang dahilan ng tangkang pagpapakamatay ng binata.

Nabatid na nagtratrabaho ito sa Brgy. Poblacion kung saan siya gumagawa ng siopao at umuwi lamang paminsan-misan sa kanilang barangay sa Tigpalas.