Misis na una nang naibalitang nawawala natagpuang wala nang buhay sa Malay

NAAAGNAS NA na bangkay nang matagpuan si Evelyn Sombilon ng Brgy. San Isidro, Ibajay matapos itong mawala noon pang Hunyo 25.

Ayon sa kanyang anak na si Roque Sombilon, natagpuan ng mga residente ang bangkay ng kanyang ina sa Brgy. Sambiray sa bayan ng Malay hapon ng Martes.

Sinabi niya na isasailalim pa sa post mortem ang bangkay ng ina para malaman kung ano ang sanhi ng kanyang pagkamatay.

Nabatid na umalis noong Hunyo 25 ang 59-anyos na misis sakay umano ng van patungong Brgy. Caticlan, Malay saka sumakay ng tricycle patungong bayan.

Huli umano siyang nakita ng mga tao Hunyo 26 sa Brgy. Caticlan.

Ayon sa anak, pinatingin umano nila ang ina sa Manila at sinabi ng doktor na mayroon itong Alzheimer's disease o maagang pagkawala ng memorya.

Ayon sa kanyang anak, dalawa lamang silang mag-asawa sa kanilang bahay.##

- Kasimanwang Darwin Tapayan, Energy Fm 107.7 Kalibo

70-anyos na lalaki patay matapos madisgrasya sa Ibajay

PATAY ANG isang 70-anyos na lalaki sa Brgy. Naisud, Ibajay matapos makabanggaan niya sa menamanehong motorsiklo ang isa pang motorsiklo hapon ng Lunes.

Kinilala ang namatay na si Manuel Pelayo, 70-anyos, ng nabanggit na lugar habang nakilala naman ang nakabanggaan nito na si Jocopido Sanchez Jr., 38, ng San Jose, Ibajay.

Batay sa ulat ng Ibajay PNP, binaybay ni Sanchez ang kalsadahin mula Brgy. Naisud patungong Brgy. Poblacion nang nag-cross umano sa kalsada si Pelayo dahilan ng kanilang banggaan.

Unang isinigod ang dalawa sa Ibajay District Hospital. Idineklarang outpatient si Sanchez habang inilipat naman sa isang pribadong ospital sa Kalibo si Pelayo dahil sa malubha nitong sugat sa ulo.

Binawian ng buhay si Pelayo ilang oras matapos itong ilipat sa ng ospital. Inaresto naman ng kapulisan ang suspek at nakatakdang sampahan ng kaukulang kaso.##

- Kasimanwang Darwin Tapayan, Energy Fm 107.7 Kalibo

Dalawa sugatan matapos mabali ang inaakyatang palosebo sa Ibajay

ISINUGOD SA Dr. Rafael S. Tumbokon Memorial Hospital ang dalawang lalaki matapos na sila ay madisgrasya sa larong palosebo sa Brgy. Naisud, Ibajay Lunes ng hapon.

Nabali kasi ang kanilang inaakyatang kawayan. Ang aktibidad na isinagawa sa beach ay bahagi ng taunang selebrasyon ng Barangay Council sa kapyestahan ng #SanJuan2019.

Kinilala ang mga biktima na sina Joven Claud, 34-anyos, at pinsan na si Jackie Jon Claud, 19, parehong mga residente ng Brgy. Buenavista, Ibajay.

Sa eklusibong panayam ng Energy FM Kalibo kay Brgy. Naisud Punong Barangay Edgar Pelayo, nasa walo na kasi umano ang umaakyat sa kawayan kaya bumigay ito.

Aniya bumagsak sa sa malaking putol na kahoy ang mga biktima. Agad silang isinugod sa ospital.
Na-confine sa ospital si Jackie Jon matapos umanong mabalian sa katawan.

Ayon naman kay Punong Barangay Pelayo, tumutulong na ang Barangay Council sa gamutan sa mga mag-pinsan.

Humingi naman ng pasensya sa pamilya ng mga biktima at sinabing disgrasya ang nangyari.##

- Kasimanwang Darwin Tapayan, Energy Fm 107.7 Kalibo

Tricycle nahueog sa bangin sa Ibajay, ap-at ka pasahero naninahan

photo Jay-r Sabino

APAT KA pasahero ro nanihan matapos mahueog sa bangin ro ginasakyan nanda nga tricycle sa paduehugon nga parte it karsada sa Brgy. Tul-ang, Ibajay kainang agahon.

Suno sa report it Ibajay PNP, halin ro pampasahero nga tricycle ngara sa Brgy. Poblacion paadto kunta it Brgy. San Jose sa parehong banwa tag matabu ro aksidente.

Nadueaan sigun it kontrol sa ginamaneho nga tricycle ro driver rason nga eumagpas raya sa concrete barrier ag nahueog sa bangin.

Ginpadaea ro ap-at ka mga pasahero sa Ibajay District Hospital para mabueong ag gindeklara nga mga outpatient matapos nga makaangkon eamang it sangkiri nga lastro sa eawas.

Nag-ayu ro mga eakot sa aksidente nga indi eon sanda paghingaeanan. Posible man nga pagahusayan lang it driver at ku mga pasahero sa andang dugalingon ro aksidente.##

- Kasimanwang Darwin Tapayan, Energy FM Kalibo

Bus bumangga sa punong kahoy sa Ibajay, mga pasahero sugatan

KALIBO, AKLAN – Sugatan ang walo lahat na pasahero ng isang bus liner matapos itong bumgga sa punong kahoy sa kahabaan ng national highway sa Brgy. Colong-Colong, Ibajay kaninang umaga.

Batay sa paunang ulat ng Ibajay Municipal Police Station, ang nasabing bus ay byaheng Culasi, Antique patungong Kalibo na direksyon nang bumangga ito sa puno.

Batay sa paunang imbestigasyon ng kapulisan may iniwasan umanong tricycle ang bus at nawalan ito ng kontrol sa menamanehong sasakyan.

Ang mga nasugatan ay kinilalang sina Paterna Rones, 62-anyos; Divine Elizabeth Rones, 15; parehong residente ng Brgy. Agbago, Ibajay; Gina Pelispuro, 37; Adelydie Bacaluna, 59; parehong residente ng Brgy. Bat-batan, Culasi, Antique; Juan Zoreen, 28 ng Sta. Fe, Romblon; Jovelyn Solomon, 24 ng Patnongon, Antique; Oliver Bugoy, 26 ng Brgy. Nauring, Pandan, Antique at Joseph Pateño, 51 ng Candari, Antique.

Ang mga nasagutan ay agad dinala sa Ibajay District Hospital para sa kaukulang paggamot.

Tumakas umano ang driver at ang konduktor sa takot na kuyugin ng mga tao.

Nagpapatuloy pa ang imbestigasyon ng kapulisan sa aksidente.##

Sunflower farm sa Ibajay palalawakin, pagagandahin

photo Joesol Jazz Aragon

KALIBO, AKLAN - Dinarayo ngayon araw-araw sa probinsiya ng Aklan ang sunflower farm sa Sitio Agbaliw, Brgy. San Jose, Ibajay kasunod ng pagviral nito sa social media.

Ayon kay Jesry Maquirang, may-ari ng farm, hindi umano niya inakala na dadagsain ito ng mga lokal at maging ng mga banyaga.

photo Joesol Jazz Aragon

Katunayan nitong Linggo mahigit isang 1800 ang bumisita sa kanyang farm. Humihingi siya ng paumanhin sa mga bisita dahil sa kakulangan pa ng pasilidad doon gaya ng comfort room.

Sinabi niya na di pa sila nangongolekta ngayon ng entrance fee sa halip ay donasyon lamang para gamitin sa pagpapanitili sa lugar at sa sunflower.

Galing pa umano sa bansang Japan ang mga sunflower na ito na Japanese at American Giant variety.

Paliwanag ni Maquirang sa panayam ng Energy FM Kalibo, nagsimula lamang siya sa pagtatanim ng sunflower para mapaganda ang lugar papunta sa kanilang silk cocoon production.

Si Maquirang ay isang sericulture technician consultant ng Philippine Fiber Industry Development Authority (PhilFIDA) sa ilalim ng Department of Agriculture.

Miyembro siya ng Ibajay Sericulture Farmer's Association. Naisip umano niya na pagandahin ang lugar para sa  mga bumibisita nilang department head mula sa DA at sa Department of Trade and Industry.

Kaugnay rito naghahanda ngayon ang grupo ni Maquirang na mas pa nilang pagagandahin at palalawakin ang nasabing farm mula sa sangkapat lamang na ektarya at para bigyan ng komportableng pasyalan.

photo Joesol Jazz Aragon

"May amon nga preparasyon April, May, o June nga panamion pa gid namon [ro sunflower farm]. Tamnan pa gid namon it abu nga sunflower dahil naila t-a gali ro mga Aklanon ag maging sa region 6," sabi niya.

Nagpapasalamat rin siya sa mga guro at estudaynte ng Naisud National High School na tumulong sa paglandscape sa lugar.

Nabatid na nagsimulang maging viral ang sunflower farm matapos isang guro ng nasabing paaralan sabi niya ay nagpost ng mga larawan nito sa facebook.

Nakikipag-ugnayan ngayon si Maquirang sa lokal na pamahalaan para ma-develop ang lugar bilang isang agri-farm tourist area.

Hinikayat naman niya ang mga nais pa na pumunta hanggang Abril dahil matatapos na ang pamumulak ng mga sunnflower. Pwede aniyang pumunta doon tuwing alas-8:00 ng umaga haggang alas-5:00 ng hapon Lunes hanggang Linggo.

Maliban sa sunflower farm, atraksiyon din dito ang wind mill at ang silk cocoon production.##

- Kasimanwang Darwin Tapayan, Energy FM Kalibo

Lalaki arestado sa Ibajay matapos manghimas ng dalaga, mahulihan ng baril

ARESTADO ANG isang lalaki sa bayan ng Ibajay makaraang manghimas ng dalaga at mahulihan ng baril kahapon sa Brgy. Aquino.

Kinilala ang suspek na si Jay Tilos, 48-anyos, tubong Tigbauan, Iloilo at kasalukuyang nakatira sa Brgy. Balusbos, Malay. Aniya operatiba siya ng Philippine Army

Batay sa salaysay ng 20-anyos na babae sa kapulisan, nakatulog ito sa van na mula Kalibo patungong Caticlan nang maramdaman nito na may nanghihimas sa sa pribadong bahagi ng kanyang katawan.

Sumigaw umano ang biktima dahilan para mabulubog ang suspek. Mabilis na tumalon ang suspek mula sa sasakyan sa Brgy. Aquino, Ibajay.

Nahuli ng mga tanod ng barangay ang suspek at sa pagrikisa sa kanya ay nakitaan ito ng isang 45 pistol ng baril. Wala itong maipakitang dokumento.

Posibleng maharao sa kasong paglabag sa Comelec gun ban ang suspek.##

- Kasimanwang Darwin Tapayan, Energy FM Kalibo

Lalaking natagpuang patay sa Ibajay nakitaang may sugat dulot ng pagbaril

Natagpuang patay at may sugat sa dibdib dulot ng pagbaril ang isang 53- anyos na lalaki sa Regador Ibajay, Aklan, kahapon.

Kinilala ang biktima sa pangalang Luvimin Perucho ng Sitio atason, Naisud, Ibajay.

Sa inisyal na pagsisiyasat ng PNP sa kasunod na Barangay nakita ang bangkay, sa mabangin na bahagi ng sitio Itigban Regador, may kalayuan sa tirahan ng biktima.

Narecover din ng pulisya sa lugar ang isang baril.

Magpapatuloy pa raw ang imbestigasyon  ng PNP para matukoy kung binaril ba ang biktima o nagsuicide ito.##

Mga plakard na may bastos na mensahe ipinagbabawal sa Ati-ati festival sa Ibajay

hindi amin ang mga larawan / kredit sa mga may-ari

MAHIGPIT NA ipinagbabawal sa sanglinggong selebrasyon ng Ati-ati festival sa bayan ng Ibajay ang pagbitbit ng mga plakard na naglalaman ng mga bastos na mensahe.

Ito ay batay sa ipinalabas na executive order ng alkalde ng Ibajay na si Jose Enrique Miraflores ngayong araw ng Lunes, Enero 21. Epektibo simula Enero 21 hanggang Enero 27 ang nasabing atas.

Ipagbabawal rin ang mga plakard na nakakasira sa iba at mga may kaugnayan sa politika.

"The gaiety and solemnity of the festival during the week-long celebration has always been sustained, with devotees and pilgrims experiencing a unique way of appreciating the Ati-ati festival at Ibajay, Aklan," saad sa E.O. no. 03.

"The carrying of obscene, indecent, offensive, and politically-related placards will destroy the solemnity of the festival and will create a great disrespect to our Patron Saints, Sto. Niño".

Inatasan ng alkalde ang kapulisan, mga tanod at mga force multiplier na binigyan ng otoridad ng munisipyo na magbantay at pagsabihan ang mga lalabag rito at kumpiskahin ang kanilang mga plakard.

Ang naiibang selebrasyon ng Ati-ati festival sa Ibajay ay bumibighani ng libu-libong mga bisita at mga deboto.##

- ulat ni Kasimanwang Darwin Tapayan, Energy FM Kalibo

Lalaki tinatad ng taga sa Ibajay dahil umano sa away sa lupa; suspek arestado

NAKARATAY NGAYON sa ospital ang isang lalaki na tinadtad ng taga sa Brgy. Naisud, Ibajay hapon ng Lunes.

Kinilala ang biktima na si Ricky Sastre habang ang suspek ay kinilala namang si Joeben Olid, pawang mga residente ng nasabing lugar.

Batay sa ulat ni Kasimanwang Joefel Magpusao, nagtamo ng ilang sugat ng taga sa ulo, sa mga kamay, at iba pang bahagi ng katawan ang biktima.

Ayon sa asawa, binantayan umano ng suspek ang biktima at tinaga ng makailang beses. Away sa lupa ang nakikita niyang motibo sa insidente.

Unang dinala sa Ibajay District Hospital ang biktima pero inilipat din sa Dr. Rafael S. Tumbokon Memorial Hospital sa Kalibo.

Naaresto ng kapulisan ang suspek sa tulong ng mga opisyal ng barangay. Kulong ito sa Ibjay PNP Station at nakatakdang samapahan ng kaukulang kaso.##

Lalaki binaril ng nakailitan sa lupa sa bayan ng Ibajay

SUGATAN ANG isang lalaki sa Brgy. Yawan Ibajay makaraang barilin ng nakailitan sa lupa hapon ng Sabado.

Kinilala ang biktima na si Ricky Tayco y Pelayo, 26-anyos, habang ang suspek ay kinilalang si Rodencio Tenorio y Paulino, nasa legal na edad, parehong mga residente ng nabanggit na lugar.

Lumabas sa paunang pagsisiyasat ng Ibajay PNP na nag-ugat ang pamamaril dahil sa hindi umano nagkasundo ang dalawa sa hangganan ng kanilang mga lupa.

Nagkaroon umano ng mainit na pagtatalo ang dalawa at kalaunan ay binantayan ng suspek ang biktima sa daanan at binaril.

Nagtamo ng sugat ng pamamaril ang biktima sa panga at sa dibdib at agad isinugod sa ospital. Nakaratay ito ngayon sa Dr. Rafael S. Tumbokon Memorial Hospital.

Tinutugis pa ng kapulisan ang tumakas na suspek.##

- ulat ni Kasimanwang Darwin Tapayan, Energy FM Kalibo

Lalaki patay matapos mabundol ng sasakyan sa Ibajay

PATAY ANG isang lalaki matapos mabundol umano ng di pa nalalamang sasakyan sa Brgy. Regador, Ibajay gabi ng Sabado.

Kinilala sa report ng Ibajay PNP ang biktima na si Arvel Parohinog y Villanueva, 41-anyos, residente ng Brgy. Bugtong-bato sa nasabing bayan.

Nakipag-inuman umano ang biktima sa Brgy. Regador. Pagkatapos ay nagtungo umano sa kalsada ang biktima kasama ang isa pa para umuwi.

Bumalik ang kasama nito sa bahay na pinag-inuman nila malapit lang sa kalsada para kunin ang susi ng motor na naiwan umano.

Pagbalik ng kanyang kasama na si Johnny Dalumpines ay nakahandusay na sa kalsada ang biktima at duguan na ang kanyang ulo.

Paniwala ni Dalumpines, nabundol o nahagip ito ng di pa nalalamang sasakyan.

Agad nila itong isinugod sa District Hospital ng Ibajay at kalaunan ay inirefer sa Dr. Rafael S. Tumbokon Memorial Hospital sa Kalibo pero binawian rin ito ng buhay.

Patuloy pa ang imbestigasyon ng kapulisan para matukoy ang nakabundol sa biktima.##

- Kasimanwang Darwin Tapayan, Energy FM Kalibo

DALAWA PATAY NANG SUMALPOK SA PUNO NG MAHOGANY ANG ISANG MOTORSIKLO SA BAYAN NG IBAJAY

PATAY ANG dalawang estudyante sa bayan ng Ibajay makaraang sumalpok sa puno ang sinasakyan nilang motorsiklo sa Brgy. Naile hapon ng Martes.

Kinilala ang mga namatay na sina Wencis Evangelio, 17-anyos, ng Brgy. Malindog at John Eric Magsael, 19, ng Brgy. Monlaque sa nasabing bayan, pawang Grade 12 students.

Ayon sa report ng Ibajay PNP, sakay umano ang dalawa sa motorsiklo na menamaneho ng kaklase nila na si Bryan Joseph Belinario, 19, ng San Jose Ibajay.

Binabaybay umano ng magkaklase ang provincial road ng Naile nang mawalan ng kontrol ang driver sa menamanehong motorsiklo. Lumagpas ito sa kalsada saka sumalpok sa mahogany.

Agad isinugod ang tatlo sa Ibajay District Hospital pero hindi na umabot pa ng buhay ang dalawang backrider. Nagtamo ang mga ito ng malubhang sugat sa ulo at sa iba-ibang bahagi ng katawan.

Nakalabas naman ng ospital ang driver at nasa pangangalaga na ngayon ng kapulisan. Nabatid na nasa impluwensiya ito ng nakalalasing na inumin.##

KOTSE BUMALIKTAD SA BAYAN NG IBAJAY, APAT SUGATAN

BUMALIKTAD ANG kotse na ito sa kahabaan ng national highway sa Bry. Polo, Ibajay umaga ng Biyernes matapos bumangga sa railing.

Sugatan ang driver nito na si Enrique Riego, 46-anyos ng Brgy. Aslum, Ibajay. Sugatan din ang tatlo niyang mga sakay.

Kinilala ang mga ito na sina Aaron Yves, 20, ng Bugtong-Bato, Ibajay; Gj Requillo, 16, ng Libtong Estancia; at Jonathan Dela Cruz, 17, ng Poblacion, Ibajay.

Sa imbestigasyon ng kapulisan, mabilis ang takbo ng kotse na patungo sanang Poblacion, Ibajay nang bumangga ito sa railing, bumaliktad at tumilapon ng 15 metro.

Agad silang isinugod sa district hospital ng Ibajay at matapos magamot ay idineklara rin lahat na outpatient.##

- Darwin Tapayan, Energy FM Kalibo

18 ANYOS NA ESTUDYANTE SA IBAJAY NAGBIGTI PATAY!

Nagbigti, patay ang 18-anyos na lalaki sa Barangay Naligusan, Ibajay, Aklan.

Kinilala ang biktima sa pangalang Bryan Etac Gaira, Grade 12, residente rin ng nabanggit na lugar.

Natagpuang patay at nakabigti sa loob ng bahay ang biktima bandang alas singko na ng hapon.

Sa imbestigasyon ng Pulisya lumalabas na bago ang pagbigti,nag-usap pa raw sila ng kanyang tatay at lola tungkol sa tuition nito.

Mukhang nagtampo raw ito at na misinterpret ang sinabi ng ama.

Pagkatapos ay sinabi raw ng biktima na wag ng dagdagan ang kanyang problema, dahil marami na raw itong pinuproblema.

Pagkatapos raw na mapaliwangan ay naging maayos naman ang pagtanggap nito.

Pagkatapos ay naiwan sa bahay ang biktima dahil may pinuntahan ang lola at tatay nito.

Pagbalik ng lola, nakabigti na ang biktima.##

- Archie Hilario, Energy FM Kalibo

MAGLIVE-IN NA MGA MIYEMBRO NG SALISI ARESTADO SA IBAJAY

ARESTADO ANG umano'y maglive-in sa bayan ng Ibajay hapon ng Miyerkules matapos pagnakawan ang isang sari-sari store sa Brgy. Regador.

Kinilala ng Ibajay PNP ang mga suspek na sina Ritchie Ramos, 32-anyos, at Stephanie Gabayuren, 26, pawang mga taga-Antique.

Pumasok umano ang dalawa sa sari-sari store kunwari bibili ng soft drinks pero naaktuhan ng bantay ang babae na dinudukot ang pera sa counter.

Ang tindahan ay pagmamay-ari ni Joan Cobrador. Tinatayang nasa Php5,000 ang natangay na pera.
Mabilis umanong nakatakas ang babae sakay ng motorsiklo habang ang lalaki ay agad naaresto ng mga residente sa lugar.

Kalaunan ay nahuli rin ang babae sa Brgy. Poblacion sa parehong bayan sa follow-up operation. Nasabat sa kanya ang motorsiklo, cellphone, bag at pera na mahigit Php1,000.

Sinampahan na ng kasong theft ang dalawa at nakakulong na ngayon sa Aklan Rehabilitation Center. Php3,000 ang piyansang itinakda sa bawat isa sa kanila.##

- Darwin Tapayan, Energy FM Kalibo

DALAWANG GRANADA NATAGPUAN NG NAGPAPASTOL NG BAKA SA BAYAN NG IBAJAY

Dalawang aktibong granada ang natagpuan sa Brgy. San Isidro, Ibajay umaga ng Martes.

Ayon sa report ng Ibajay PNP, ang mga granada na nakasilid sa isang bag ay unang nakita ng isang nagpapastol ng baka.

Kuwento ni Tonny Batoy, maglilipat umano siya ng baka nang matagpuan niya ang nasabing sling bag.

Nang usisain ng rumespondeng mga miyembro ng Explosive Ordnance Disposal (EOD) ng Philippine Army, ang mga granada ay pawang mga aktibong hand grenade.

Ang mga ito ay MK2 grenade at PRKB423 grenade.

Minabuting i-dispose ng mga otoridad ang nasabing granada doon. Patuloy pa ang imbestigasyon sa insidente.

- Darwin Tapayan, Energy FM Kalibo

9-ANYOS NA BATA PATAY NANG MABUNDOL NG AMBULANSIYA SA BAYAN NG IBAJAY

Hindi na umabot ng buhay sa ospital ang isang 9-anyos na batang lalaki matapos mabundol ng ambulansiya sa Brgy. Poblacion, Ibajay ngayong hapon ng Sabado.

Kinilala ang biktima na si Kenneth Delos Santos y Abayon, residente ng nasabing lugar.

Ayon kay PO1 Denmark Tiel, imbestigador, nanghuhuli umano ng isda sa kanal ang biktima nang mahulog ang ambulansiya roon sa kinaroroonan niya.

Pinaandar umano ng driver na si John Bautista y Mombay, 67, residente ng parehong barangay, ang ambulansiya nang bigla itong tumakbo. Paniwala ng iba ay nag-"wild" ito.

Nasa labas umano siya ng paandarin niya ito sa motorpool. Nagsasagawa umano siya ng maintenance nang maganap ang aksidente. Paniwala ng driver nakaneutral ito nang paandarin niya.

Tinataya ng imbestigador na nakatakbo ng nasa 30 metros ang nasabing sasakyan bago tuluyang mahulog sa kanal sa gilid ng kalsada.

Nagtamo ng malubhang sugat sa ulo ang bata dahilan ng agaran niyang kamatayan.

Nasa pangangalaga na ngayon ng kapulisan ang suspek at habang hinihintay pa ang desisyon ng pamilya kung magsasampa ng kaso kontra sa driver. | EFM Kalibo

MAY-ARI NG MGA BARIL NA NAREKOBER SA KOTSE NA NADISGRASYA SA IBAJAY PATULOY NA TINUTUKOY

(update) Patuloy na inaalam ng kapulisan kung sino ang nagmamay-ari ng dalawang baril na narekober sa loob ng nadisgrasyang kotse sa Brgy. Colong-colong, Ibajay gabi ng Linggo.

Ang mga baril na ito ay isang 9mm at 45 caliber. Ayon kay PCInsp. Ariel Nacar, hepe ng Ibajay PNP, wala umanong mga bala ang mga baril na ito nang marekober ng kapulisan.

Sinabi pa ni Nacar na isang retiradong sundalo na hindi na pinangalanan pa ang dumulog umano sa kanilang tanggapan kinabukasan matapos ang insidente at inaangkin ang mga baril na nagpakita rin ng mga dokumento.

Beberipikahin parin umano ang mga ipinakita niyang dokumento. Sa ngayon ay hinihintay pa ng Ibajay PNP ang sagot ng Firearms and Explosive Division ng PNP sa Campo Crame para mapatunayan kung sino ang nag-mamay-ari ng mga ito.

Iginiit rin niya sa panayam ng Energy FM Kalibo hapon ng Miyerkules na hindi pwedeng makasuhan ang driver at isa pang sakay ng kotse dahil hindi narekober ang mga baril sa kanilang posisyon.

Matatandaan na sumalpok sa pader ang kotseng ito na menamaneho ni Adrian Alag kasama ang sakay na si Randy Fernandez, parehong taga-Brgy. Laguinbanwa, Ibajay, at nasa impluwensiya ng nakalalasing na inumin ng maganap ang insidente.

Parehong nagtamo ng mga sugat sa katawan ang dalawa at mabilis na isinugod sa ospital ng rumespondeng mga tauhan ng Municipal Disaster Risk Reduction Management Office (MDRRMO).

Base sa ulat ng Ibajay PNP, hindi kasama sa aksidente ang naturang retiradong army. Itinatanggi naman ng driver at ng sakay nito ang mga nasabing baril. Inaalam rin kung sibo ang nagmamay-ari ng kotse.

Nabatid na ang driver ng kotse ay anak ni dating SB member Ariel Alag at ngayon ay MDRRMO officer sa nasabing bayan. | Darwin Tapayan, EFM Kalibo

KOTSE BUMANGGA SA PADER SA BAYAN NG IBAJAY, DALAWA SUGATAN

Bumangga ang kotse na ito sa isang konkretong pader sa Brgy Colong-colong, Ibajay gabi ng Linggo.

Sugatan si Adrian Alag, driver, 25-anyos at kasama niyang si Randy Fernandez, 24, parehong mga taga-Brgy. Laguinbanwa sa nasabing bayan.

Ayon sa report ng Ibajay PNP, binabaybay umano ng dalawa ang kahabaan ng national highway nang pagdating sa kurbadang bahagi sa Brgy. Colong-colong ay lumagpas ito sa kalsada at bumangga sa pader.

Isinugod naman agad ang dalawa sa ospital para malapatan ng kaukulang paggamot.

Sinabi ng imbestigador na nakainom umano ang driver.

Samantala, kinumpirma ng kapulisan na nasabat nila ang dalawang baril mula sa mga sakay ng kotse. Biniberipeka pa umano kung rehistrado ang mga ito. | Darwin Tapayan, EFM Kalibo