25-anyos na lalaki nagbigti patay sa bayan ng Altavas

ALTAVAS, AKLAN - Patay ang isang 25-anyos na lalaki matapos magbigti patay sa kanyang bahay sa Brgy. Cabangila, Altavas.

Kinilala ang nasabing lalaki na si Raffy Clarite, residente ng nasabing lugar.

Ayon sa kanyang ama na si Ricky, ginigising nila pasado ala-1:00 ng hapon ngayong araw ang lalaki pero hindi umano sumasagot.

Pwersahan umano nilang sinira ang pinto ng bahay at tumambad sa kanila ang nakabulugta sa sahig at wala nang buhay na lalaki.

Nakatali ang kanyang leeg ng lubid na napatid.

Ayon sa panayam sa kanyang tiya na si Dayma, nasa dalawang linggo nang hindi niya nakakausap ang nobya na bagong abroad dahil sa nasira ang kanyang cellphone.

Gusto umano niyang makabili nang bagong cellphone pero wala umano siyang pambili.

Wala namang nakikitang ibang dahilan ang kanyang pamilya sa insidente. Kumbinsido rin sila na purong pagbigti ang nangyari.

Iniimbestigahan narin ng Altavas PNP ang insidente.##

- Kasimanwang Darwin Tapayan, Energy FM Kalibo

Attorney arestado sa kasong murder sa bayan ng Altavas

ARESTADO ANG isang prosecutor sa salang murder o pagpatay sa Brgy. Man-up, Altavas tanghali ng Huwebes.

Kinilala sa ulat ng Altavas PNP ang akusado na si Atty. Freddie Alayon Ofialda, 54-anyos, residente ng nasabing lugar.

Si Ofialda ay dinakip ng kapulisan sa bisa ng warrant of arrest na inilabas Regional Trial Court sa Kalibo nito lang Hunyo 20, 2019.

Walang piyansang itinakda ang korte para sa pansamantalang kalayaan ng suspek.

Nabatid na matapos arestuhin ang attorney ay isinugod ito sa isang ospital sa Capiz dahil sumama umano ang pakiramdam niya rason na naka-ospital arrest ang akusado.

Siya ay nakatalaga bilang prosecutor sa Mambusao Municipal Circuit Trial Court sa Capiz. Naglingkod din siya bilang prosecutor sa Aklan ng ilang taon.

Napag-alaman na si Ofialda kasama ang noo'y isang retiradong pulis na namatay na ay inaakusahan sa salang pagpatay sa noon ay kapitan ng Brgy. Cabangila, Altavas.##

- Kasimanwang Darwin Tapayan, Energy Fm 107.7 Kalibo

Lalaki arestado matapos mambuso sa asawa ng pulis sa bayan ng Altavas

ARESTADO ANG isang lalaki sa Brgy. Poblacion, Altavas matapos umanong mahuling nambubuso sa asawa ng pulis.

Ang suspek ay kinilalang sa ulat ng Altavas PNP na si Erwin Estiquita y Bolivar, nasa legal na edad, at residente ng Brgy. Man-up sa parehong bayan.

Ang biktima ay isa ring nurse attendant at nangungupahan lamang sa isang bahay sa nasabing lugar.

Batay sa ulat ng Altavas PNP, nasa loob umano ng kuwarto ang biktima nang mapansin niy ang suspek na nambubuso sa kanya sa kanilang bintana pasado alas-10:00 kagabi.

Agad humingi ng saklolo ang babae at hinuli ng mga residente ang lalaki bago ito tinurn-over sa pulis na asawa ng biktima.

Rumesponde naman ang mga tauhan ng Altavas PNP sa lugar at dinala ang suspek sa kanilang himpilan para pansamantalang ikulong.

Ayon Altavas PNP, batay sa ilang mga residente nakakaranas umano ng sakit sa pag-iisip ang suspek at naglalasing umano.

Ipinalabas rin ang suspek sa kostudiya ng kapulisan at inirefer nalang ang kaso sa Barangay Justice System.##

- Kasimanwang Darwin Tapayan, Energy Fm 107.7 Kalibo

Eaki patay matapos mahueog ro ginaoperate nga payloader sa bangin sa Altavas

PATAY RO sangka eaki matapos mahueog ro ginaoperate nga pay loader sa Brgy. Catmon, Altavas banda ala-1:00 it hapon kaina.

Ginkilaea sa report it Altavas PNP ro namatay nga si Eric Rebaño y Zapico, 50-anyos, tubong Brgy. Sigcay, Banga pero presenteng nagaistar sa Brgy. Linayasan, Altavas.

Nasayuran nga pabalik eon sa banwa ro operator kaibahan ro anang pahenante nga si Arnel Bonifacio matapos nga magclearing sa nagguho nga karsada sa nasambit nga barangay tag mahueog ro ginaoperate nga pay loader.

Paubuson ro lugar tag madueaan sigon it preno ro ginaoperate nga pay loader. Nakaeumpat eagi ro pahenante bag-o nahueog ro loader sa bangin sa taas nga may kapin sa 100ft.

Gindaea ro daywa sa Altavas District Hospital pero wa gid makahingabot nga buhi ro operator samtang out-patient man t-a ro pahenante.

Ro pay loader hay ginapanag-iyahan it munisipyo.##

- Kasimanwang Darwin Tapayan, Energy FM Kalibo

Lalaki nadaganan ng tricycle sa Altavas, patay

hindi namin pagmamay-ari ang larawan / credit to the owner

PATAY ANG isang lalaki matapos madaganan ng natumbang tricycle sa Brgy. Linayasan, Altavas dakong alas-8:00 ng umaga ngayong araw ng Martes.

Kinilala sa ulat ng Altavas Municipal Police Station ang lalaki na si Rey June Igos y Inamarga, 24-anyos, residente ng Brgy. Cabugao, Altavas.

Ayon sa tagapagsalita ng Altavas PNP na si PO3 Niel Alejandro, sakay umano ng tricycle ang nasabing lalaki papuntang bayan nang mawalan ng kontrol ang driver at natumba ito.

Nabatid na backrider ang biktima. Nahulog ito at nadaganan ng atip ng tricycle sapul sa kanyang ulo.

Kinilala ang driver ng pampasaherong tricycle na si Eljino Francisco y Idao, 44, ng Brgy. Cabugao.

Ayon kay PO3 Alejandro lumalabas sa inisyal na pagsisiyasat na inatake umano ng high blood ang driver. Naglamay rin umano ito kagabi.

Sugatan rin ang apat na iba pang mga pasahero na pawang mga estudyante. Dinala sila sa Altavas District Hospital para gamutin.

Nagtamo naman ng kaunting sugat sa katawan ang driver na nasa pangangalaga na ngayon ng kapulisan aat nakatakdang sampahan ng kasong Reckless Imprudence Resulting to Homecide.##

NEGOSYANTE SA ALTAVAS BINUGBOG AT NINAKAWAN

ISANG BAHAY sa Altavas ang nilooban ng mga di pa nakikilalang mga suspek madaling araw ng Lunes.

Natangay ng mga suspek ang pera na nasa 30 dollars, mga alahas na tinatayang aabot ng Php20,000 at cellphone.

Ang mga ito ay pagmamay-ari ng negosyanteng si Refugium David, 55-anyos ng Brgy. Poblacion sa naturang bayan.

Nakarinig umano ng ingay sa sala ang biktima habang natutulog sa kuwarto. Nang usisain, nasa apat umano na kalalakihan ang kanyang nakita.

Binugbog umano siya. Nagkunwari siyang nawalan ng malay at hinintay na makaalis ang mga suspek. Nagtamo siya ng mga pasa sa katawan.

Hindi niya namukhaan ang mga suspek dahil nakatakip umano ng mga damit ang kanilang mga mukha. Dumaan umano ang mga ito sa bintana.

Nabatid na siya lang ang mag-isa sa bahay. Ang kanyang asawa ay nasa abroad umano.

Ang insidenteng ito ay inireport na niya sa kapulisan. Patuloy naman ang isinasagawa nilang imbestigasyon sa kaso.##

- Kasimanwang Darwin Tapayan, Energy FM Kalibo

LALAKI NATAGPUANG PATAY SA BAYAN NG ALTAVAS

ISANG LALAKI ang natagpuang patay sa isang sapa sa Brgy. Tibiao, Altavas umaga ngayong Lunes.

Kinilala sa report ng Altavas PNP ang biktima na si Ronaldo Perez, 58 anyos, residente ng nasabing lugar.

Ayon kay PO3 Tonidey Laos, wala umanong palatandaan ng foul play sa pagkamatay ng biktima batay sa inisyal nilang imbestigasyon.

Sinasabing nahulog ang lalaki sa bangin na may taas na 15 talampakan. Posible umanong nawalan ito ng malay at nalunod.

Nakagawian na umano ng lalaking ito na sa pagitan ng alas-4:00 at ng alas-5:00 ng madaling araw ang magpastol ng baka o maghanap ng gulay.

Kumbinsido naman ang pamilya na walang foul play sa pagkamatay ng biktima.##

- Darwin Tapayan, Energy FM Kalibo

16-ANYOS NA DALAGA NAGBIGTI PATAY SA ALTAVAS

Isang dalagita ang naabutan ng pamilya na nakabigti at wala nang buhay sa Brgy. Talon, Altavas ngayong araw ng Sabado.

Kinilala sa report ng Altavas PNP ang biktima na si Jahaziel Donguines Catalan, 16-anyos, residente ng nasabing lugar.

Nabatid na nakabigti na sa loob ng kanilang kubo ang Grade 11 student gamit ang nylon rope nang matagpuan ito ng pamilya.

Ang pamilya rin ang nag-alis sa dalaga sa pagkakabigti.

Ayon sa miyembro ng pamilya, posibleng problema sa pag-aaral at hindi sa pag-ibig ang rason ng kanyang pagpapakamatay.##

- Darwin Tapayan, Energy FM Kalibo

24-ANYOS NA LALAKI SA BAYAN NG ALTAVAS NAGBIGTI, PATAY

Patay ang isang 24-anyos na lalaki matapos umano itong magbigti sa CR ng pinagtratrabahuhan niyang bahay sa Brgy. Poblacion, Altavas bilang houseboy.

Kinilala ang biktima na si Ronel Sarita, 24-anyos, tubong San Joaquin, Iloilo at nabatid na nasa dalawang taon nang nagtratrabaho sa pamilya Isonza.

Kahapon ay ipinagdiwang pa ng pamilya ang kanyang kaarawan. Pero hindi na ito umano nakitang lumabas ng kanyang kuwarto gabi ng Martes para maghapunan.

Umaga ngayong Miyerkules ay kinatok umano ng mag-asawa Isonza ang biktima sa kanyang kuwarto pero hindi umano ito sumasagot dahilan para hanapin nila.

Hanggang sa nadatnan nalang umano ito na nakabitin na sa loob ng CR gamit ang sintas at isa nang malamig na bangkay.

Humingi ng tulong ang pamilya sa kapulisan para magsagawa ng inisyal na pagsisiyasat. Narekober sa kwarto ng biktima ang isang notebook na may mga “hugot notes.”

Nabatid na nag-aaral ang biktima bilang Grade 2 sa Alternative Learning System sa Altavas.

Nakatakdang isailalim sa autopsy examination ang bangkay ng biktima upang matukoy ang sanhi ng kanyang pagkamatay.

Isa sa tinitingnang dahilan ng pagpapakamatay ng lalaki ay dahil sa kabiguan sa pag-ibig. | EFM Kalibo

MOTORISTA SA ALTAVAS NABUNDOL NG VAN PATAY

Patay ang isang lalaki sa bayan ng Altavas matapos mabundol ng van ang menamaneho niyang motorsiklo sa Brgy. Man-up umaga ng Sabado.

Kinilala sa report ng Altavas PNP ang biktima na si Rustico Verano, 45-anyos ng Brgy. Talon sa nasabing bayan.

Ayon sa police report, nagbiglang liko ang driver ng motor sa kahabaan ng national highway nang mabundol siya ng kasunod niyang van.

Kinilala naman ang driver ng van na si Tranquilino Salazar, 57, residente ng Brgy. Andagao, Kalibo.

Dinala naman umano ng driver van ang biktima sa district ospital sa Altavas pero patay na ito nang makarating ayon sa doktor.

Dinala naman sa himpilan ng kapulisan ang driver ng van para pansamantalang ikustodiya. Pero kalaunan ay nagkaayos rin sa pamilya ng biktima./ EFM Kalibo

18 ANYOS NA LALAKI NA MAY KASONG RAPE SA ILOILO, ARESTADO SA BAYAN NG ALTAVAS, AKLAN

Arestado sa bayan ng Altavas, Aklan ang isang 18-anyos na lalaki na may kasong rape sa Iloilo.

Kinilala ang lalaki na si Chill Catuiran y Nanet, residente ng brgy. Lupo, Altavas.

Naaresto ng taga-Altavas PNP ang akusado sa kanilang residensya Sabado ng umaga.

Ang warrant of arrest laban sa akusado ay inilabas ng branch 30 ng Regional Trial Court sa Iloilo nitong Agosto 24.

Nabatid na nagtratrabaho ang lalaki sa Iloilo kung saan niya nagawa ang krimen. Inireklamo umano siya ng rape ng tiyo at tiya ng isang 10-anyos na babae na ayon sa kanya ay kanya ring nobya.

Pansamantalang nakakulong ngayon sa Altavas PNP station ang akusado at nakatakdang dalhin sa kaukulang korte.

32 ANYOS NA LALAKI ARESTADO SA PAGNANAKAW NG MGA ALIMANGO

Arestado ang isang 32-anyos na lalaki matapos maaktuhang nagnakaw ng kalahating sako ng mga alimango at isang lambat sa brgy. Linayasan, Altavas kagabi.

Kinilala ng pulisya ang suspek na si Azor dela Cruz, residente ng brgy. Ginictan sa nasabing bayan.

Ayon kay SPO1 Jose Freginer Decio, imbestigador ng Altavas PNP, naaktuhan umano ng may-ari ng fishpond ang suspek kasama ang dalawang hindi pa nakikilalang mga suspek na nagnanakaw.

Salaysay ng biktima na si Nonie De Jesus, 43 anyos ng brgy. Linayasan, matapos maaktuhan ang tatlo ay hinabol niya ang mga ito at nahuli ang isa saka humingi ng tulong sa pulisya.

Nakuha sa suspek ang mga ninakaw na kalahating sako ng alimango at lambat na tinatayang nagkakahalaga ng Php20,000. Maliban rito, narekober din sa kanya ang dalawang itak at isang improvised hook.

Nakakulong na ngayon sa Altavas PNP ang suspek na ayon sa imbestigador ay nakatakdang sampagan ng kasong qualified theft.

PULIS BINUGBOG NG 2 KATAO SA BAYAN NG ALTAVAS

ulat ni Archie Hilario, Energy FM 107.7 Kalibo

Binugbog at tinangkang saksakin pa ng dalawang suspek ang pulis na si P02 Junnard Gervacio, 30 anyos na residente ng brgy. Lumaynay, Altavas, Aklan alas-onse ng umaga.

Bumibili lang raw ng pagkain ang nakasibilyang pulis na kalong-kalong pa ang 2-year old na anak sa Altavas public market. Sinadya umanong tapakan ng lasing na suspek na si Rene Ismael y Quadrante ang paa ng pulis.

Sinabihan ng pulis ang naunang suspek kung bakit siya tinapakan ngunit sa halip na humingi ng pasensiya ay nagalit pa ito saka pinagsusuntok ang biktima.

Maya-maya dumating raw ang isa pang suspek na kinilala sa pangalang Agusto De Pedro y Deci, 30 anyos na taga-Cabugao, Altavas at may bitbit itong kotsilyo at akmang sasksakin ang biktima.

Dito na bumunot ng baril ang biktima saka humingi ng tulong sa kapwa pulis.

Naaresto na ang dalawang suspek at nakulong ang mga ito sa Altavas PNP Station.

KAGAWAD AT ISA PA NAARESTO SA CHECKPOINT SA ALTAVAS MATAPOS MAHULIHAN NG BARIL

file photo (c) Altavas PNP

Arestado sa checkpoint sa bayan ng Altavas ang isang barangay kagawad at isa pang lalaki matapos mahulihan ng mga baril.

Kinilala ng pulisya ang mga naaresto na sina barangay kagawad Rolly Asiong ng Rizal Norte, Tapaz, Capiz at Nolito Dimas ng Aglobocan, Tapaz.

Una rito pinarahan ng mga kapulisan ang tatlong motorsiklo para i-verify dahil wala umano itong mga plate number at para kilalani ang mga sakay.

Sa panayam kay PCInsp. Rogelio Tomagtang Jr., hepe ng Altavas PNP, nang parahan ang nasabing mga motorsiklo, kapansin-pansin umano na hindi mapakali at naging kahina-hinala ang kilos ng iba.

Nakatakbo pa papalayo ang isang suspek pero nahuli rin ng mga kapulisan.

Nang usisain ng mga awtoridad, nahulihan ng caliber 45 na baril si Asiong samantalang si Dimas ay nakunan naman ng improvised shot gun.

Inaresto rin ng mga kapulisan ang pito pa nilang mga kasama na nabatid galing lahat sa Libacao para umattend ng libing at papauwi na sana ng Tapaz, Capiz.

Ayon kay CInsp. Tumagtang, inaalam pa nila kung ang mga ito ay kaanib ng makakaliwang grupo o NPA matapos makatanggap ng mga ulat na nauugnay ang mga ito.

Nakakulong ang mga suspek sa Altavas PNP at nakatakdang sampahan ng kaukulang kaso.

GALON-GALONG MGA GASOLINA NAKUMPISKA SA BAYAN NG ALTAVAS; SUSPEK SINAMPAHAN NA NG KASO

Sinampahan na ng kaukulang kaso ang mga suspek na nagtangkang magbiyahe ng iligal na galon-galong mga gasoline sa lalawigan ng Aklan.

Naharang ng mga kapulisan ang kanilang sinasakyang van sa checkpoint sa brgy. Poblacion, Altavas kamakalawa ng gabi.

Kinilala ang mga suspek na sina Revencio Pioquinto, 23 anyos, driver ng van at pahenante niyang si Lorenzo Russ Bagalyon, 21-anyos, pawang mga taga-Dao, Capiz.

Narekober ng mga awtoridad ang 340 mga galon na naglalaman ng kabuuang 6,600 litro ng gasoline na dadalhin sana nila sa bayan ng Malay mula sa Capiz.

Nang usisain ng mga kapulisan, walang maipakitang dokumento ang mga suspek mula sa Department of Energy.

Sinampahan na kahapon ng kasong paglabag sa Presidential Decree 1865 o iligal na pagbebenta ng petrolyong produkto ang mga suspek.