EXCLUSIVE: Mga kabarangayan sa Balete, puspusan ang pagsugpo sa dengue

photo: Imie Dominguez

BALETE, AKLAN - Puspusan ang ginagawang  mga aktibidad ng mga opisyal at maging mga residente para masugpo ang tumataas na kaso ng dengue sa bayang ito.

Kabilang na rito ang pagbuo ng Balete Mosquito Borne Task Force na naglilibot sa mga kabarangayan.

Pang-apat ang Balete sa buong Aklan na may pinakamataas na kaso ng dengue. Sa pinakahuling tala ng Department of Health Region 6, umabot na sa 140 ang kaso sa bayang ito ngayong taon.

Pinakamalaking bilang ng kaso ng dengue ang mga naitala sa mga kabarangayan ng Poblacion (29), Aranas (26), Feleciano (19), at Arcanghel (18).

Sa sampong barangay sa bayang ito, ang Brgy. Oquendo lamang ang walang rekord ng kaso ng dengue.

Napag-alaman ng Energy FM Kalibo na sa Sitio Kanyugan sa Brgy. Feleciano, dalawa ang naiulat na namatay dahil sa dengue.

Kaugnay rito, inutusan na ni Punong Barangay Deoro Barrera Sr. ang mga residente na maglinis sa kanilang mga bahay at sa kapaligaran. Nagsagawa na rin ng malawakang misting rito.

Samantala, kasalukuyang nagsagawa ng imbestigasyon ang kinatawan ng DOH 6 sa mga kabarangayan ng Balete na may matataas na kaso ng dengue.

Ayon kay Maria Lourdes Monegro, Entomologist III at Dengue Program Coordinator ng DOH 6, isa umano sa nakita nilang problema sa Balete ay ang pangingitlog ng mga lamok sa mga imbikan ng tubig.

Nabatid na pahirapan ang suplay ng tubig sa bayang ito kaya nag-iimbak ng tubig ang mga residente.

Payo naman niya sa mga residente na magpakunsulta ng maaga kapag nakakaranas na ng mga sintomas ng dengue; hanapin at sirain ang mga lugar na pwedeng pamahayan ng mga lamok; at proteksyunan ang sarili.##

- Kasimanwang Darwin Tapayan, Energy FM Kalibo

Baeay it sangka 76-anyos nga baye sa banwa it Balete naugdaw sa sunog

 

NAUGDAW GID ro baeay it sangka magueang nga baye matapos nga masunog kaina it hapon sa Sitio Binaklingan, Brgy. Arcanghel Norte, Balete.

Ro baeay nga human sa light materials hay ginapanag-iyahan ni Anne Rago Ignacio, residente it nasambit nga lugar.

Suno kay FO1 Monbian Amancio, imbestigador it Balete Fire Station, nageaha kuno ro magueang sa andang daeapugan bag-o nagpanaw para magsag-ob it tubi.

Makapilang minuto ro nagtaliwan pagbalik it magueang hay haeos katunga eon it anang baeay ro nagakasunog. Wa eon sigun it nasalbar nga mga pagkabutang ro magueang.

Owa eon it nahimo ro magueang kundi pamantawon ro nagakasunog nga ilistaran. Pati sigon ro tiyo hay natusta sa nasambit nga sunog.

Suno kay FO1 Amancio nagaisaeahanon ro magueang sa andang baeay. Ro ana sigun nga mga unga hay sa Kalibo.

Ginahisayod pa it BFP kon nano ro kabangdanan it sunog. Sambilog sa ginapanan-aw ro napabay-an nga kaeayo sa andang daeapugan.##

- Kasimanwang Darwin Tapayan, Energy FM Kalibo

Pari, 88-anyos na babae sugatan sa disgrasya sa bayan ng Balete

MALUBHA ANG lagay ng isang 88-anyos na babae makaraang mabundol ng motorsiklo na menamaneho ng isang pari sa Brgy. Calizo, Balete.

Kinilala sa ulat ng Balete PNP ang babae na si Fredizwenda Perez y Zabala, residente ng Sitio Doedoemon sa nabanggit na lugar.

Kinilala naman ang pari na si Fr. Rafael Delfin y Yeban, 44, residente ng Navitas, Numancia, at pari sa bayan ng Balete.

Ayon kay PO3 Steve Ian Bautista, imbestigador, papasok na sa kumbento ang pari sakay sa kanyang motorsiklo nang bigla umanong tumawid ang matanda.

Sinabi pa ng imbestigador na sinigawan pa ng pari ang matanda subalit posibleng hindi umano niya ito narinig at tumuloy parin sa pagtawid.

Sinubukan pa umano ng driver na ilagan ang matanda subalit nahagip parin ito ng manibila ng motorsiklo. Parehong natumba sa kalsada ang dalawa.

Nagtamo ng sugat sa ulo at iba pang bahagi ng katawan at naratay ngayon sa Dr. Rafael S. Tumbukon Memorial Hospital ang matanda. Nagtamo lamang ng kaunting sugat sa katawan ang pari.

Handa naman umanong tumulong ang pari sa babae.##

- Kasimanwang Darwin Tapayan, Energy FM Kalibo

PAGTSI-TSIMIS SA BAYAN NG BALETE MAY KAUKULANG PENALIDAD NA

MAY KAUKULANG penalidad na ang mga nagtsi-tsimis sa bayan ng Balete kasunod ng ordinansa na inaprubahan ng pamahalaang lokal.

Ayon sa Municipal Ordinance no. 080 series of 2018, ang pagtsi-tsimis ay pagpapakalat ng mga maling kuwento o ulat patungkol sa pribado at personal na bagay sa iba ng walang pahintulot.

Paliwanag ng "Anti-Tsimis Ordinance of Balete" na ang pagtsitsimis ay sumisira sa relasyon ng pamilya at sa kapayapaan ng komunidad.

Pinaliwanag rin sa ordinansa na naging pabigat na sa mga opisyal ng barangay ang mga kasong inihahain sa kanila laban sa miyembro rin ng pamilya o kapitbahay dahil sa tsimis.

Sa probisyon ng ordinansa, ang nagpapakalat ng tsimis o maling balita at impormasyon, tradisyonal man o sa social media ay pagmumultahin ng hindi bababa sa Php2,000 o 24 oras na community service.

Inaatasan naman ng ordinansa ang mga Punong Barangay sa sampung Barangay ng bayan na magsagawa ng kaukulang rules and regulations ng nasabing ordinansa.

Ang mga opisyal ng barangay at ang mga tanod ang itatalagang mga ordinance officers para sa pagpapatupad nito.

Sumailalim na sa pagdinig ng Committee on Laws and Ordinances ng Sangguniang Panlalawigan ang Municipal Ordinance na ito araw ng Lunes at inaprubahan.##

-Kasimanwang Darwin Tapayan, Energy Fm 107.7 Kalibo

DALAWANG LALAKI ARESTADO SA BALETE SA PAG-OOPERATE NG SAKLA SA ISANG LAMAY

not actual photo, from web

ARESTADO ANG dalawang lalaki sa Brgy. Aranas, Balete madaling araw ng Huwebes dahil sa operasyon ng sakla sa isang lamay doon.

Kinilala ang mga suspek na sina Auxil Fernandez, 35-anyos, ng Tigayon, Kalibo na siya umanong "bangka" at ang kanyang " kabidor" na si Harley Chris Bonifacio, 37, ng Linabuan Norte, Kalibo.

Ang operasyon ay ikinasa ng Anti Illegal Gambling Task Force at Balete PNP. Huli umano sa akto ang dalawa sa iligal na sugal.

Narekober ng mga otoridad ang pera na nasa Php1,910, tatlong set ng baraha, money box at isang improvised game board.

Sinampahan ng kasong paglabag sa Presidential Decree 1602 as Amended by Republic Act 9287 o Illegal Number Games.

Pansamantalang nakalaya ang dalawa makaraang makapiyansa ng Php18,000 bawat isa.##

KASO LABAN SA MGA SUSPEK SA PANGHUHOLD-UP SA BALETE INIHAHANDA NA NG KAPULISAN

INIHAHANDA NA ng kapulisan ang kasong isasampa sa mga suspek sa panghuhold-up sa Brgy. Feleciano, Balete hapon ng Miyerkules.

Ayon kay PInsp. Lizel Goboy, hepe ng Balete Municipal Police Station, sa ilalim parin ng 72 oras na hot pursuit operation ang mga suspek.

Kinilala ang mga biktima na sina Almer Emblarinag, 34-anyos na taga-Antique, at Jonard Pacheco, 41, na taga-Iloilo.

Bagaman nakikilala ng mga biktima ang mga suspek, tumanggi muna ang hepe ng kapulisan na pangalanan ang mga ito habang tinutugis pa nila.

Tinutukan umano ng baril ng isa sa mga tatlong suspek ang dalawang biktima habang nasa loob ng van at pinagpapalo ng isa pa ang mga biktima gamit ang maso.

Natangay ng mga suspek ang Php228,000 halaga ng pera habang nagtamo ng malubhang sugat sa ulo ang mga biktima at patuloy na ginagamot sa pribadong ospital.

Kasong roberry hold-up ang ihahain laban sa tatlong suspek at dagdag kaso oras na lumabas na ang mga mediko legal ng mga biktima.

Nakipag-ugnayan na umano ang kapulisan sa pamilya ng mga suspek maliban sa mga pamamaraan nila para mahuli ang mga ito.

Humihingi naman ng kooperasyon ang hepe sa taumbayan na ipaalam sa kanila ang anumang impormasyon sa mabilis na ikadarakip ng mga suspek.

Samantala, ipinangako ni PInsp Goboy na maglalabas na sila ng mga pangalan at mga larawan ng mga suspek sa publiko kapag natapos na ang reglamentary period.##

- Darwin Tapayan, Energy FM Kalibo

BALETE RECORDS ROBBERY HOLD UP

A CASE of robbery hold up transpires along National Highway of Barangay Feliciano, Balete Aklan yesterday afternoon, August 29. Almer Emblarinag, 34 years old of Antique Province and Jonard Pacheco, 41 years old of Iloilo City are the victims of the said case.

Balete PNP responded in the area of incident upon the information received from a concerned citizen. Investigation reveals that Emblarinag and Pacheco were both on board in a white foton close van with temporary plate number GC1876 traversing from Numancia, Aklan going to Iloilo City together with one (1) of the unidentified suspects.

Upon reaching the area, a tricycle with two (2) unidentified personalities was already parked at the side of national highway. The person whom they are with then tapped them to stop at the said parked tricycle. From there, one of the waiting unidentified suspects stood up, approached the van and drew a firearm to the victims declaring a scenario of hold up. Then the suspect on board armed with a hammer struck the victims on their heads.

The suspects took the clutch bag with cash money amounting to more or less P228,000.00 of the victims and fled away heading Banga, Aklan. By chance, one of the victims was able to drive the vehicle to Poblacion Balete, Aklan to seek for help and immediate response. Residents in the area made it possible by bringing the victims to its Rural Health Unit (RHU) and then later on referred to a private hospital in Kalibo Aklan.

As to the statement of Balete PNP spearheaded by Police Inspector Lizel Goboy, COP Balete, the station is doing its best to mark this case as SOLVED. PI Goboy appeals to the suspects to surrender the soonest in order to the Balete Police Station and the Aklan PNP in general may help them to make themselves away from risk due to the continuous hot pursuit operation against them. Further she said that the identification of the suspects has already reached their office and were already communicated to other line units for reference.

“Nananawagan po ako sa mga kapamilya at kakilala ng mga suspetsado at maging sa kumunidad na ipagbigay alam ang kinaroroonan nila upang mas mapadali at mapagaan ang kasong ito”. Goboy added. 

Aklan PPO: "We appeal for the public's cooperation and support in the maintenance of a safe and orderly Aklan Province".##

PO2 Ma. Jane C. Vega, Asst. PIO APPO

BARANGAY KAGAWAD SA BALETE, NAGBARIL SA SARILI PATAY

PATAY ANG isang barangay kagawad makaraang magbaril umano ng sarili sa Brgy. Aranas, Balete madaling araw ng Linggo.

Nakilala ang biktima na si Joselito Sison Nicolas, 52-anyos, at residente ng parehong lugar.

Ayon sa inisyal na ulat ng Balete PNP, nagtamo umano ng tama ng bala sa ulo ang biktima, dahilan ng kanyang agarang pagkamatay.

Naglalaba umano sa kusina ang misis nang marinig niya ang isang putok ng baril mula sa kanilang kuwarto.

Kaagad umano niya itong inalam at laking gulat na ang duguang mister ang kanyang naabutan na nakadapa sa kama.

Narekober ng mga tauhan ng Scene of the Crime Operatives ang isang 357 na baril, isang fired cartridge, tatlong live ammunition, at isang metal fragment sa pinangyarihan ng insidente.

Isang suicide note ang narekober kung saan nakasulat "Palangga ko kamo Tanan".

Napag-alaman na kakalabas lang ng biktima sa hospital araw ng Sabado dahil sa sakit na diabetes.##

- Darwin Tapayan, Energy FM Kalibo

LALAKI SA BALETE PATAY MATAPOS BUMANGGA ANG MOTORSIKLO SA PADER

Patay ang isang lalaki sa bayan ng Balete matapos bumangga sa pader ang minamaneho niyang motorsiklo.

Kinilala sa report ng kapulisan ang biktima na si Judy Gumban y Villanueva, 51-anyos, residente ng Brgy. Feliciano sa nasabing bayan.

Ayon sa imbestigasyon ng kapulisan, binabaybay ng biktima ang kahabaan ng kalsada sa nasabing barangay nang mawalan ito ng kontrol sa minamanehong motorsiklo.

Bumangga sa pader ang biktima at tumilapon sa kalsada. Nagtamo umano ito ng malubhang sugat sa ulo.

Mabilis na isinugod ng rumespondeng kapulisan ang biktima sa Aklan provincial hospital pero di na umano ito umabot pa ng buhay sa ospital.

Nabatid na na nakainom ang biktima at pauwi na sa kanilang bahay nitong gabi ng Sabado nang maganap ang aksidente. | Darwin Tapayan, EFM Kalibo

ELEMENTARY SCHOOL SA BALETE NILOOBAN NG DI PA NAKIKILALANG SUSPEK

Nilooban ng di pa nakikilalang suspek ang Bangbang Elementary School sa Brgy. Calizo, Balete.

Base sa report ng BALETE PNP, una umanong napansin ng tanod na si Procopio Concepcion na pinasok ang ilang kwarto ng nasabing paaralan umaga ng Huwebes.

Sa imbestigasyon, napag-alaman na sinira ang mga padlock ng mga kuwarto ng Grade 1, 2, 3, computer room at principal's office.

Nabatid na natangay umano ng suspek ang isang laptop sa computer room na nagkakahalaga ng Php16,000. Pagmamay-ari ito ng guro na si Nelie Rasgo.

Nawala rin umano ang nasa Php1,000 halaga ng pera sa opisina naman ng principal na si Gia Guillermo Panganonong.

Patuloy pa ang imbestigasyon ng Balete PNP sa kaso. | EFM Kalibo

MGA MENOR DE EDAD NA NAG-"F-YOU" SIGN SA REBULTO NI RIZAL SA BALETE PINATAWAG NG PNP

(exclusive) Ipinatawag ng kapulisan ang apat na menor de edad na ito na nag-"F-You" sign sa harapan ng rebulto ni Jose Rizal sa plaza ng Balete at ginawang profile picture sa facebook ng isa sa kanila.

Ayon kay PO2 Liezel Remaldora, imbestigador ng Women and Children Protection Desk ng Balete PNP, ipinaubaya na nila ang pagdidisiplana sa Guidance Office ng kani-kanilang mga paaralan.

Aniya posibleng ipa-community service umano ang apat. Kinabahala rin ng tourism office ang ginawang ito ng mga bata.

Panawagan ng kapulisan sa iba pa na maging maingat sa mga ipinopost sa social media. Nais rin nilang maisabuhay ng mga kabataan ang paggalang sa mga bayani at pagmamahal sa bayan.

Matapos umani ng pagbatikos mula sa mga netizen ang fb post ng 17-anyos na menor de edad ay inalis na ng bata ang litrato sa kanyang facebook post. | EFM Kalibo

'POOR WATER SUPPLY' NG MKWD SA BAYAN NG BALETE IIMBESTIGAHAN NG SANGGUNIANG PANLALAWIGAN

Nakatakdang imbestigahan ng Sangguniang Panlalawigan ng Aklan ang reklamong nakarating sa kanila kaugnay ng "poor water supply" ng Metro Kalibo Water District (MKWD) sa bayan ng Balete.

Isinaad ito sa petisyon ng 160 bagong elected officials ng mga barangay sa nasabing bayan laban sa MKWD.

Anila mahina ang suplay ng tubig sa kanilang lugar lalu na sa mga kritikal na
oras gaya ng tanghalian at hapunan. Minsan pa anila ay malabo ang tubig na lumalabas sa kanilang gripo.

Nagsimula umano ito nang magprotesta ang ilang municipal officials sa proyekto ng MKWD sa kanilang lugar dahil sa kawalan umano ng konsultasyon at pagbayad sa road-right-of-way.

Reklamo pa nila, ilang residente umano ang tinanggihan ng water provider na ito na makakonekta para masuplayan ng tubig. Rason umano ng public utility ay dahil sa umiiral na kaso sa pagitan ng pamahalaang lokal at ng MKWD. Pero ayon sa grupo ang kasong ito ay na-dismiss na.

Lumalabas anya na simula ng maupo si Edmund Peralta bilang chairman of the board ng MKWD, tila naging pribado na ang MKWD.

Oktubre rin umano ng nakaraang taon ay inalis umano ng MKWD ang kanilang paying office sa munisipyo bagaman gumagamit ito ng pasilidad ng libre.

Isa umanong panghaharas ang ginagawa ng MKWD. Kaugnay rito, hiniling ng grupo kay Gov. Joeben Miraflores na bigyan ng kaukulang atensyon ang reklamong ito bilang appointing authority ng MKWD.

Bagaman ang kaso ay nakaadres sa gobernador, nais ng Sanggunian na imbestigahan ang reklamo dahil ito umano ay para sa interes ng publiko./ Darwin Tapayan, EFM Kalibo

BAHAY SA BALETE NASUNOG; 2 PATAY, 2 SUGATAN

Dalawa ang patay samantalang dalawa ang sugatan sa nangyaring sunog sa isang bahay sa Brgy. Arcanghel Sur, Balete Sabado ng gabi, Dec. 30.

Kinilala ng Bureau of Fire Protection ng Balete ang mga namatay na sina Andrea Mae, tinatayang 18 anyos at Aaron Lachica, 12, magkakapatid.

Sugatan naman ang ama nila na si Mang Angel at isa nilang kapatid na si Angela na kasalukuyang ginagamot ngayon sa ospital.

Ang asawa ni Mang Angel ay nasa trabaho sa Kalibo nang maganap ang insidente.

Sa inisyal na impormasyon, posibleng gasera na nagsisilbing ilaw ng bahay ang pinagmulan ng sunog. Nabatid na may kapansanan ang ama at mga anak nito.

Mabilis na nilamon ng apoy ang bahay na yari lamang sa mga lights materials bago naireport sa mga awtoridad.

Patuloy pang iniimbestigahan ng BFP-Balete ang naturang insidente.

63 ANYOS NA BABAE NABUNDOL NG VAN SA BALETE, PATAY

Patay ang isang 63-anyos na babae nang mabundol ng van sa bayan ng Balete Lunes ng umaga.

Kinilala ang biktima na si Hebe Salabante, residente ng brgy. Fulgencio, Balete at midwife sa rural health unit ng nasabing bayan.

Ayon sa report ng Balete PNP, dakong alas-6:00 ng umaga naglalakad umano ang biktima sa gilid ng kalsada nang mabundol ito nang van.

Menamaneho ang van na ito ni Keith Philip Garcia, 33-anyos, tubong Davao at kasalukuyang nakatira sa Iloilo at nagtratrabaho bilang project manager. Bumibiyahe siya mula Iloilo patungong Kalibo.

Isinugod pa sa provincial hospital ang biktima pero dineklara ring dead on arrival.

Dahilan ng driver, nakaidlip umano ito kaya nawalan siya ng kontrol sa kanyang menamanehong van dahilan para mabangga niya ang babae.

Ikinulong ang driver ng van sa Balete police station at posibleng maharap sa kaukulang kaso.