19-ANYOS NA LALAKI TINAGA NG MENOR DE EDAD NA KABARKADA

ulat ni Darwin Tapayan, Energy FM 107.7 Kalibo

Sa hospital na sasalubungin ng isang 19-anyos na lalaki ang Bagong Taon ito ay makaraang tagain siya ng kanyang kabarkada sa Brgy. Poblacion, Libacao dakong alas-7:00 kagabi.

Kinilala ang nasabing biktima na si Jennil Zaspa, residente ng Brgy. Sebalew, Libacao.

Ayon sa imbestigador ng Libacao municipal police station na si PO3 Marloue Avilar magkasama umanong nag-iinuman ang biktima at ang suspek na 16-anyos kasama ang iba pang mga kabarkada.

Nagsimula umano ang kanilang inuman dakong alas-4:00 ng hapon na kalaunan ay nauwi sa mainitang pagtatalo ng suspek na kakauwi lang galing Maynila at ng biktima.

Dito na umuwi ng bahay ang suspek malapit sa pinag-iinuman nilang istaka at pinagtataga ang biktima. Nagtumo ito ng sugat sa kaliwang bahagi ng ulo at sa kanang kama

y matapos subukang salagin ang sugar cane cutter (spading) na gamit ng suspek.

Nasakote naman ng mga awtoridad ang suspek at nakapiit ngayon sa Libacao police station. Ayon pa sa imbestigador posible anyang maharap ang menor de edad sa kasong frustrated homicide.

NASA 29 FOREIGNER NAARESTO SA PAGTUTULAK NG DROGA SA BORACAY

photo by JAG

Ilang mga dayuhan ang naaresto sa isla ng Boracay sa mga buy-bust operation sa iligal na droga mula Hulyo hanggang Disyembre nitong taon.

Nabatid sa ulat ng Aklan Provincial Police Office na nahuli ng mga awtoridad ang nasa 20 Taiwanese, pitong Chinese, at dalawang British.

Matatandaan na pinaigting ng Philippine National Police ang kanilang kampanya laban sa iligal na droga alinsunod sa pangako ni pangulong Rodrigo Duterte na masugpo ang iligal na droga sa bansa sa ilang buwan.

Gayunman, ayon kay Flosemer Gonzales ng Provincial Prosecutor’s Office, pinahintulutan anya ng korte ang 15 Taiwanese at Chinese national na naaresto na makapagpiyansa.

Samantal, sa isang panayam, pinaabot naman ni Sangguniang Panlalawigan member Nemesio Neron ang kanyang pasasalamat sa administrasyong Duterte sa kabila nito pinahayag niya na hindi naging malinaw ang mga pulisya sa kanyang kampanya at hindi perpekto.

Nanawagan rin siya sa PNP na bigyang tugon ang mga isyu na inuugnay sa iligal na droga sa bansa. 

Si Neron ay naglingkod na police commander sa Aklan at Valenzuela city bago sumabak sa politika.

PNP: TARGET ANG ZERO FIRE-CRACKER RELATED INCIDENT

ulat ni Darwin Tapayan, Energy FM 107.7 Kalibo

Aklan PPO by Panoramio

Target ng Philippine National Police (PNP) sa pakikipagtulungan sa iba pang mga ahensya ng pamahalaan na magkaroon ng zero fire-cracker incident sa pagsalubong ng Bagong Taon.

Sa pahayag ni Aklan Provincial Police Office (APPO) chief Public Information Officer SPO1 Nida Gregas sa Energy FM Kallibo, sinabi nito na mayroong dagdag na dalawang kautusan ang mga kapulisan kaugnay ng indiscriminate firing sa pagdiriwang na ito.

“11th Commandment: Thou shall not fire thy guns indiscriminately as it may hit, kill and injure thy neighbor,” ayon kay Gregas.

“12th Commandment: If thy neighbor fires his gun indiscriminately, though shall make sure to take photos and videos to be reported to the PNP and uploaded,” dagdag pa ng chief PIO.

Kaugnay ng pagdiriwang ng Bagong Taon ay pinaigting anya ng kapulisan ang kanilang pagbabantaya sa mga matataong lugar kabilang Sinabi rin nito na kung may mga kahina-hinalang bagahe na matagpuan sa mga mataong lugar ay ipagbigay-alam agad ito sa mga awtoridad.

Nabanggit rin ni Gregas na may nakumpiska na silang ilang mga iligal na paputok kahapon sa San Lorenzo drive, Kalibo.

Samantala, nabatid sa report ng Provincial Health Offfice na isang 22-anyos na residente ng Brgy. Pagsanjan, Banga ang una nang nabiktima ng paputok.

31-ANYOS NA LALAKI BINARIL NG PULIS SA BORACAY

ni Darwin Tapayan, Energy FM 107.7 Kalibo

Sugatan ang isang 31-anyos na lalaki makaraang paputukan ng baril ng isang police officer ng Boracay Tourist Assistance Center (BTAC) dakong alas-11 ng gabi sa Brgy. Yapak, Isla ng Boracay.

Sa report ng Boracay police station, kinilala ang biktima na si Dennis Venus, 31-anyos at residente ng nasabing lugar.

Ayon sa opisyal na salaysay ni PO1 Christian Kenneth Senon, napadaan umano siya sa lugar sakay ng motorsiklo nang mapansin na nagwawala ang lalaki at may bitbit na itak. Sinubukan umano niyang patahanin ang biktima at para usisain ang nangyari pero nilapitan siya nito.

Hinamon umano siya ng biktima na nasa ilalim ng kalasingan na ilabas ang kanyang baril makaraang magpakilala siyang pulis. Dahil nilapitan umano siya ng biktima at sa pangamba na may gawing masama ay agad niya itong pinaputukan ng tatlong beses.

Nagtamo ng tama sa kanang hita at kaliwang pigi ang biktima at isinugod sa isang pribadong hospital dito sa bayan ng Kalibo.

Nasa kustodiya ngayon ng mga kapulisan si Senon habang ang imbestigasyon sa kaso ay umuusad pa.

AKLAN NAKAHANDA NA SA PAGSALUBONG NG BAGONG TAON

ulat ni Darwin Tapayan, Energy FM Kalibo

 

Nakaalerto ngayon ang mga awtoridad sa buong lalawigan ng Aklan sa pagsalubong ng Bagong Taon.

Sa panayam ng Energy FM Kalibo, sinabi ni Aklan Provicnial Police Office acting director PSSupt. John Mitchell Jamili na pabor ito sa kagustuhan ni PNP General Ronald Dela Rosa na kahit hindi na lagyan ng tape ang mga baril ng pulis.

Pahayag pa ng provincial director na disiplina lamang ang kailangan sa mga kapulisan. Posible anyang matanggal sila sa serbisyo kapag napag-alamang nagpapu

tok sila ng kanilang baril sa Bagong Taon.

Samantala, sa panayam kay Dr. Paul Macahilas, chief of Dr. Rafael S. Tumbokon Memorial Hospital, hindi na pwedeng mag-leave o magbakasyon ang lahat ng hospital staff particular na ang nakatalaga sa emergency room, surgeons at mga bihasa sa ‘trauma and injuries’.

Ito ay kaugnay nang nationwide implementation ng code white alert sa lahat ng mga pampubliko at mga pribadong hospital na magtatagal hanggang Enero 5, 2017.

Bumili narin umano ng mga bagong gamot ang provincial hospital. Nakahanda narin anya ang kanilang mga apparatus na gagamitin sa mga posibleng mabiktima ng mga firecraker-related at stray bullet injuries.

Nabatid na naka-'Red-alert' staus naman ang Bureau of Fire Protection sa lalawigan sa mga banta ng sunog sa nasabing pagdiriwang.

28-ANYOS NA BABAE, NASAKOTE NG MGA AWTORIDAD SA KASONG SHOPLIFTING

ulat ni Darwin Tapayan, Energy FM 107.7 Kalibo

Nasakote ang isang 28-anyos na single mother matapos na iturong nag-shoplift sa Gaisano mall dakong alas-4:15 ng hapon dito sa bayan ng Kalibo.

Kinilala  sa report ng Kalibo municipal police station ang babae na si Janelyn Garcia y Gadot, residente ng Brgy. Bantud, Lapaz, Iloilo. 

Ayon kay Jomar Geronimo, nahuli umano niya kasama ang iba pang merchandiser ang nasabing babae sa loob ng kanilang hardware store na tangkang nakawin ang ilang mga gamit roon kasama ang apat na iba pa.

Agad naman nilang nahabol at nahuli ang babae at nakuha sa kanyang posisyon at kontrol ang mga branded beauty products na pagmamay-ari ng mall at walang maipakitang resibo.

Agad namang inaresto ang babae matapos makahingi ng tulong sa mga pulisya ang security guard sa nasabing establisyemento.

Nakapiit ngayon ang babae sa Kalibo police station para sa kaukulang disposiyon. Samantalang ang kasong ito ay patuloy pang iniimbestigahan ng mga awtoridad.

PAGDREDGE SA AKLAN RIVER NAGSIMULA NA SA KABILA NG MGA PAGTUTOL

ulat ni Darwin Tapayan, Energy FM 107.7 Kalibo

Nagsimula na umano ang dredging ng Santarli (STL) corp. sa baybayin malapit sa So. Libuton, Brgy. Bakhaw Norte. Ito ang salaysay ng isa sa mga council member ng nasabing barangay sa Kalibo municipal police station.

Energy FM Kalibo file photo

Ayon kay kagawad Duvill Duran, noong Disyembre 26 umano ng alas-7:00 ng gabi ay nagsimulang mag-dredge ang barko ng STL.  Sinubukan anyang pigilan ng mga taong barangay ang nasabing operasyon gayunman ay nagpatuloy parin sila.

Dagdag pa ng opisyal na dakong alas-6:00 ng gabi naman ng Disyembre ay nagsagawa rin sila ng parehong operasyon sa nasabing lugar. Dahil rito, nabahala umano sila sa aksiyon na ito samantalang huli na anya nagpaabot ng sulat ang STL sa kanilang barangay hinggil sa operasyon.

Sa isang panayam ng Energy FM Kalibo, sinabi ni STL project engineer Roger Vergara na dry-run lamang anya ang nasabing operasyon at may pahintulot ito mula sa Department of Public Works and Highway (DPWH).

Sa kabilang dako, pinabulaan ni Engr. Roger Esto, tagapagsalita ng Management Monitoring Team, na may kaukulang permiso ang ginawang pagkilos ng dredging vessel ng STL. Katwiran anya ng STL ay kailangan nilang itabi ang barko dahil sa inaasahang sama ng panahon at para magawa ito ay kailangan nilang magdredge.

Ikinababahala ng mga taga-Bakhaw Norte, isa sa mga apektadong lugar ng isasagawang dredging project sa Aklan River ang posibilidad na pagguho ng kanilang lupa. Ang kanilang hiling ay mabigyan muna sila ng proteksyon kabilang na ang pagsasagawa ng revetment wall bago ang simula ng proyekto.

NO. 2 HIGH VALUE TARGET SA AKLAN SA KASONG PAGTUTULAK NG DROGA, ARESTADO

ulat ni Darwin Tapayan, Energy FM 107.7 Kalibo

Kalaboso ang isang local government security guard at kinikilalang no. 2 high value target sa Aklan ang naaresto ng mga awtoridad sa isinagawang buy bust operation sa isla ng Boracay dakong alas-4:00 ng madaling araw kanina.

Sa report ng Boracay Tourist Assistance Center (BTAC), kinilala ang naaresto na si Dodgie Manuel y Fernando, 36 anyos at residente ng Brgy. Balabag, Malay.

Nakuha sa operasyon ang Php3,000 na halaga ng pera sa suspek na sinasabing kapalit ng isang sachet ng pinaghihinalaang shabu na nakuha naman sa poseur buyer. 

Sa eksklusibong panayam ng Energy FM Kalibo sa lalaki, mariin niyang itinanggi na nagtutulak siya ng iligal na droga. Samantala, sinabi ng kanyang misis na una nang nagsurender sa mga awtoridad ang suspek.

Pansamantalang nakapiit ang lalaki sa Kalibo police station at nahaharap sa kasong paglabag sa Republic Act 9165 o Comprehensive Dangerous Drugs Act of 2002 laban sa kanya.

Ang operasyon ay isinagawa ng pinagsanib na lakas ng mga tauhan ng BTAC, Aklan PAIDSOTG, APPSC, PNP Maritime Group, at 12IB TIU and MIG6.

TARGET NA 1.7M TOURIST ARRIVAL NAABOT NA NG BORACAY

ulat ni Darwin Tapayan, Energy FM 107.7 Kalibo

Naabot na at nahigitan pa ng Isla ng Boracay ang target na tourist arrival ngayong taon.

Ito ang ibinalita ni Caticlan Jetty Port administrator Nieven Maquirang sa panayam ng Energy FM Kalibo.

Sinabi ng port administrator na nakapagtala na sila ng 1,700,759 kabuuang bilang ng turista as of January to December 27 report.

Sa bilang na ito ay halos pantay na ang bilang ng foreign at domestic na aabot sa 857,201 at 801,073 ayon sa pagkakasunod.

Sa bilang din na iyon ay 42, 485 ang bilang ng mga Overseas Filipino Workers (OFW).

Sa buwan lamang ng Disyembre as of yesterday ay nakapagtala ang kanilang tanggapan ng kabuuang bilang na 114, 938. Sa bilang na ito ang foreigner ay 55, 245 at ang domestic ay 114, 938. Ang bilang na ito ay halos pantay anya kumpara sa nakalipas na buwan na nasa 70/30 ang porsyento. Ang natitirang bilang ay OFW na 4,392.

Matatandaan na sa nakalipas na taon nakapagtala lamang ng 1,560,106 kabuuang bilang ang mga turista sa Boracay. 769,560 rito ay foreigner, 748, 017 ay domestic at 42,529 mga balikbayan.

Nabatid mula kay Maquirang na sa taong ito ay may dumating na 13 cruise ship sa isla. Inaasahan nila na mas marami pang mga cruise ship ang bibisita sa Boracay sa susunod na taon.

MISTER NA NAGBIGTI DAHIL SA PROBLEMA SA PAMILYA, PATAY!

ulat ni Darwin Tapayan, Energy FM 107.7 Kalibo

Patay ang isang 38-anyos na mister matapos magbigti sa balkonahe ng

kanilang bahay sa Brgy. Poblacion, Altavas kagabi.

Kinilala sa report ng Altavas police station ang biktima na si Richard Feliciano, tubo ng Mambusao, Capiz.

Sa imbestigasyon ng pulisya, nakita nalang umano ng asawang si Lyneth, 37, ang kanyang mister na nakabigti na sa kanilang balkonahe gamit ang lubid dakong 12:30 ng madaling araw.

Una rito nakipag-inuman umano ang lalaki mula alas-7:00 ng gabi kasama ang iba pa at pag-sapit ng alas-9:00 kagabi makaraang nakauwi na ang kainuman ay nagkaroon umano ng pagtatalo ang mag-asawa. Hinayaan na lamang ng misis ang biktima sa labas ng bahay at natulog ito.

Nakaulinig umano ang misis ng pag-uga sa sahig ng bahay banda alas-9:30 ng gabi pero hindi umano niya ito pinansin at nagpatuloy sa pagtulog. Banda alas-12:30 ng madaling araw na nang nagtaka ito na wala pa sa tabi niya ang mister kaya niya ito hinanap.

Laking gulat nito na makita na nakabitin na ang asawa sa kanilang balkonahe. Agad itong humingi ng tulong sa mga kapitbahay at inaalis ang lalaki sa pagkakabitin. Isinugod pa ito sa Altavas District Hospital pero idineklara ring dead on arrival.

Nabatid na hiwalay umano ang magulang ng lalaki ayon sa kanyang misis. Dati narin anya na nagtangka itong magpakamatay sa pamamagitan ng paglaslas.

Sa resulta ng post-mortem examination, ay hindi naman nakitaan ng foul-play sa nasabing kaso.

NAAGNAS NA BANGKAY NG LALAKI NATAGPUAN SA BRGY. POLO, BANGA

ulat ni Darwin Tapayan, Energy FM 107.7 Kalibo

Isang naaagnas na bangkay sa tabing ilog ng Brgy. Polo, Banga ang natagpuan ng mga residente dakong alas-7:00 ng umaga.

Sa ngayon, ay hindi pa natutukoy ng mga awtoridad ang pagkakakilalan ng nasabing bangkay lalu at nasa state of decomposition na ito.

Ayon kay PO3 Mario Zesturias, imbestigador ng Banga PNP station, ang nasabing b

angkay ng lalaki ay tinatayang mahigit 60 anyos, may maiksing buhok at unti-unting napapanot, kayumanggi ang kulay ng balat, nakasuot ng t-shirt na kulay abo at naka-underwear nalang ng light blue. May taas na limang talampakan at may bigat na 50 kilo.

Sa isinagawang post-mortem examination ni Dr. Samuel Teodosio ng Banga Rural Health Unit, nasa tatlong araw na ng mamatay ang nasabing lalaki. Hirap naman ang mga awtoridad na makitaan ng foul play ang pagkamatay ng nasabing bangkay. Sa resulta ng eksaminasyon ay lumalabas na nalunod ang nasabing lalaki.

Ipinaabot na ng Banga police station ang kaso sa mga bayan ng Libacao at Madalag sa posibleng pagtukoy sa nasabing bangkay gayunman ay negatibo.

Sa ngayon ay patuloy pang iniimbestigahan ng Banga PNP station ang nasabing kaso.

MMT: WALA PANG HUDYAT PARA SA AKLAN RIVER DREDGING

ulat ni Darwin Tapayan, Energy FM 107.7 Kalibo

Nilinaw ni Engr. Roger Esto, tagapagsalita ng Management Monitoring Team sa Energy FM Kalibo na sa ngayon ay wala pang hudyat ang kanilang grupo sa Santarli (STL) Inc. para mag-dredge sa Aklan river.

Sa ngayon ay hindi pa umano kompleto ang kanilang a-stake survey na

isa sa mga pangunahing kailangan sa pagbuo ng desinyo at plano ng proyekto saka ito ipapasa sa Department of Public Works and Highway (DPWH).

Sinabi rin niya na hindi umano binibenta ang mga bato at buhangin. Ang dahilan kung bakit anya ipapadala sa Singapore ang mga ito ay para hindi magbara kung itatambak lang sa gilid kagaya umano ng mga una nang nangyari.

Iginiit rin niya na nakahanda umano ang lokal na pamahalaan ng Aklan upang panagutin ang STL kung sakaling malagay sa panganib ang mga apektadong lugar lalu na ang bayan ng Kalibo. May inilaan na rin anya na 2 milyon pesong pondo para sa mga maaapektuhan.

Samantala, dapat anya na bago magsimula ang proyekto ay mabigyang tugon ang mga reklamo at mga pangamba ng taumbayan. Kailangan umano nilang timbangin ang mga pag-aaral na isinagawa ng mga eksperto at environmentalist at ang mga opinyon ng mga mamamayan.

PANADERO TINAGA NG KAPITBAHAY SA ALTAVAS, AKLAN

ulat ni Darwin Tapayan, Energy FM 107.7 Kalibo

Kasalukuyan pang nagpapagaling ngayon sa provincial hospital ang isang 34-anyos na panadero makaraang tagain ng kanyang kapitbahay sa araw mismo ng Pasko sa Brgy. Dalipdip, Altavas.

Sa report ng Altavas municipal police station, kinilala ang biktima na si Judy Dela Cruz, residente ng nasabing lugar.

Dakong alas-4:00 ng hapon umano ng dumating ang suspek sa bahay ng biktima na may dalang itak. Ang suspek na kinilalang si Edgar Flaviano, 44, ay nagtratrabaho bilang tagasibak ng kahoy para sa biktima.

Nang makita ng biktima ay niyaya niya itong kumain gayunman, ang suspek na nasa ilalim ng kalasingan ay agad na tinaga ang biktima na tinamaan sa kaliwang kamay at dumeretso sa dibdib. Sa ikalawang pagtaga ay maswerte namang nakailag ang biktima at nakatakas.

Humingi ito ng tulong sa kanyang tiyuhin na isa ring kagawad na siya namang nagreport sa pulisya. At sa pagresponde ng mga awtoridad ay naaresto ang lalaki at nakapiit na ngayon sa Altavas police station.

Nahaharap ngayon ang suspek sa kasong frustrated homicide.

KASO NG DENGUE SA AKLAN PATULOY SA PAGTAAS

ulat ni Darwin Tapayan, Energy FM 107.7 Kalibo

Tumaas ng 52 porysento ang mga kaso ng dengue sa lalawigan ng Aklan ayon sa report ng Aklan Provincial Epidemiology Surveillance and Response Unit.

Nasa kabuuang 1,689 na mga kaso ng dengue ang naitala sa lalawigan mula Enero 1 hanggangn Disyembre 19 at isa rito ang naitalang patay.

Ang bayan parin ng Kalibo ang may pinakamataas na numero ng mga biktima sa nasabing peryod na bilang na 344 na kaso. Sinundan ito ng mga bayan ng Malay na may 1

69 kaso; Numancia na may 138; Banga na may 132 at; Ibajay na may kasong 110.

Samantala, pinakamababa naman ang Lezo na nakapagtala lamang ng 25 kaso, sinundan ng mga bayan ng Batan sa bilang na 40; Balete, 41; Malinao, 44; at Buruanga, 48.

Napag-alaman na karamihan sa mga biktima ay nasa edad 11 hanggang 20 anyos na may 572 na mga kaso. Ang buwan naman ng Agosto naman ay may pinakamataas na naitalang kaso na umabot sa 331 bilang.

Patuloy naman na nagpapaalala ang provincial health office na sundin ang 4s campaign – search and destroy mosquito breeding places; use self-protection measures; seek early consultation for fever lasting more than two days; ag say no to indiscriminate fogging.

LOTE NG DATING OPISYAL NG AKLAN SA ISLA NG BORACAY PINASOK NG MGA ARMADONG GRUPO

ulat ni Darwin Tapayan, Energy FM 107.7 Kalibo

Pinasok ng 15 armadong grupo ang lote ni dating Sangguniang Panlalawigan member Rodson Mayor sa So. Sinagpa, Brgy. Balabag sa Isla ng Boracay noong Biyernes.

Sa report ng Malay municipal police station, dumulog umano sAa kanilang himpilan ang bantay ng lupa na si Andy Edward Cuales upang iulat ang nangyaring pangha-harass sa kanila roon. 

Dakong alas-tres umano ng hapon habang siya ay nasa Kalibo ng makatanggap siya ng tawag galing sa kanyang anak na pinasok na sila sa lugar ng mga armadong grupo.

Salaysay ng nagrereklamo, binakuran umano ang kanilang lote gamit ang yero. Dagdag pa niya na kinakasahan umano sila ng armas ng mga security guard na ito at pinupwersang pinaaalis.

Sa kanyang salaysay sa pulisya, nagbigay ng siyam na pangalan ng mga posibleng nasa likod ng nasabing pangha-harass sa kanila. Nilinaw rin niya na wala silang mga kaukulang dokumento ukol sa operasyon.

Samantala, kinumpirma ni Mayor sa panayam ng Energy FM ang nasabing insidente. At bagaman may tatlong naaresto ang pulisya, siya mismo ang humiling na palayain ang mga ito. Paliwanag ng dating opisyal na ginagawa lamang nila ang kanilang trabaho at pinatawad anya niya sila sa ngalan ng Pasko.

MASAHISTA SA BORACAY, NATAGPUANG NAAAGNAS NA BANGKAY

ulat ni Darwin Tapayan, Energy FM 107.7 Kalibo

Naaagnas na bangkay na ng matagpuan ang isang masahista sa Isla ng Boracay sa kanyang inuupuhang kuwarto.

Sa report ng Boracay Tourist Assistance Center (BTAC) dakong alas-9:30 ng gabi ng makatanggap sila ng impormasyon hinggil rito.

Sa salaysay ng unang nakakita at may-ari ng boardin

g house na si John Joseph, ipinagtaka niya ang mabahong amoy na nanggagaling sa isang kuwarto. Nang usisain ay nakita niya ang inuuod na na bangkay ng kanyang boarder.

Kinilala ng pulisya ang nasabing lalaki na si John Rammy Eugenio, 22 anyos, at residente ng Brgy. Duyong, Pandan, Antique.

Sa unang pag-usisa ng SOCO, inatake umano sa puso ang nasabing lalaki dahilang ng kanyang kamatayan. Pinaniniwalaan na nasa 3 o 4 na araw na ng bawian ng buhay ang masahista at nabatid na nag-iisa lang sa kuwarto.

MOTORSIKLO VS. MULTICAB, 3 MIYEMBRO NG PAMILYA SUGATAN

ulat ni Darwin Tapayan, Energy FM 107.7 Kalibo

Sa provincial hospital na sasalubungin ng tatlong miyembro ng pamilya ang kanilang Pasko makaraang maaksidente sa sinasakyang motorsiklo kaninang hapon sa Brgy. Caiyang, Batan.

Ang mga biktima ay ang mag-asawang sina Lorielen, 37 anyos, at Ronie dela Cruz, 36, kasama ang kanilang 6 anyos na anak na babae.

Papauwi na ang pamilya sa kanilang bahay sa Brgy. Mabilo, New Washington galing sa Brgy. Fulgencio, Balete sakay ng motorsiklo na menamaneho ng padre de familia nang aksidente silang mabundol ng rumaragsa umanong multicab sa kurbadang bahagi ng kalsada.

Lumihis umano ng linya ang multicab na menamaneho ng hindi pa nakikilalang driver. Dahil rito tumilapon sa sementadong kalsada ang tatlo at lahat ay nabalian ng kaliwang paa at nagtamo ng sugat sa iba-ibang bahagi ng katawan.

Agad namang tumakas ang nasabing nakabangga. Confine naman sa ospital ang tatlong mga biktima.

Nagpapatuloy ngayon ang imbestigasyon ng Batan PNP station hinggil sa nangyaring aksidente.

PATAY NA PAWIKAN NAPADPAD SA BAYBAYIN NG TAMBAK, NEW WASHINGTON

ulat ni Darwin Tapayan, Energy FM 107.7 Kalibo

Not an actual photo. Lifted from the net.

Pinagkaguluhan ng mga residente ang isang pawikan na natagpuang palutang-lutang sa baybayin ng Brgy. Tambak, New Washington noong isang araw at naagnas na.

Sa ulat ng New Washington PNP station, nakatanggap sila ng tawag mula sa isang konsehal ng barangay sa lugar hinggil rito dakong alas-4:45 ng hapon.

Agad namang nagtungo sa lugar ang pulisya at humingi ng tulong ng Municipal Agriculture Office upang madokumento ang pangyayari.

Nabatid na ang pawikan ay may bigat na nasa 25 kilos at posible umanong nasa isang linggo nang patay. Samantala, posible umanong namatay ang pawikan dahil sa katandaan.

Ang hayop ay inilibing sa tabing-baybayin upang maayos na mai-dispose. 

Napag-alaman na ang pawikan ay isang uri ng hayop-dagat na nanganganib nang maubos.

2 TRICYCLE NAGKASAGIAN; DRIVER HINABOL NG ITAK NG KAPWA DRIVER

ulat ni Darwin Tapayan, Energy FM 107.7 Kalibo

Ang tinagang sasakyan at kargang yero.

Nabangga ang tricycle, sinuntok, hinabol ng itak, pinagtataga ang tricycle at ang kargang yero saka tinakbuhan ng hindi pa nakikilalang suspek.

Ito ang reklamo ng tricycle driver na si Regie Natabio, 35 anyos at residente ng Brgy. Mamba, Madalag sa Kalibo police station makaraang nabangga umano ng isa pang tricycle driver ang harapang gulong ng menamehong pampasahero tricycle.

Sinabihan umano ng biktima ang suspek na mag-ingat gayunman ay nagalit ito at sinuntok siya ng makalawang beses sa mukha. Gumanti naman ang biktima sa hindi pa nakikilalang suspek gayunman hindi niya inaasahan na kukuha ito ng dalang itak at hinabol ang biktima.

Dahil hindi naabutan ang biktima, ang tricycle nito ang napag-initan ng suspek kaya niya ito tinaga dahilan para mabasag ang salamin sa harapan nito maging ang yerong karga sa itaas ng sasakyan ay tinaga rin. Saka mabilis na tumakas ang suspek sakay ng tricycle patungo sa hindi na nalamang direksyon.

Maswerte namang nakunan ng litrato ng mag-inang pasahero at may-ari ng nasirang yero ang plate number ng sasakyan na QT-3787.

Iniimbestigahan na ng traffic investigation section ng Kalibo PNP station ang nasabing insidente.

ALITAN NG PUROK 2 AT 6 SA C. LASERNA, KALIBO, MULING SUMIKLAB; 1 BINARIL

ulat ni Darwin Tapayan, Energy FM 107.7 Kalibo

Peace covenant signing. Energy File Photo.

Muling sumiklab ang alitan ng matagal nang nag-aaway na mga grupo sa C. Laserna, Poblacion, Kalibo makaraang sinugod ng Purok 6 ang Purok 2 kagabi kung saan isang menor de edad ang biktima ng panunutok ng kutsilyo at isa ang tahasang binaril.

Sugatan ang 16-anyos na si Wendell Dela Cruz, residente ng Purok 2 nang nilapitan ito ng suspek na kinilala ng biktima na si Gilbert at tinutukan ng baril sa ulo. Maswerteng nakayuko ang biktima bago tuluyang ipinutok ng suspek ang baril. Nagtamo ng tama ng baril sa kanang balikat ang biktima.

Samantala, isa pang 16-anyos na lalaki nagreklamo rin sa Kalibo PNP station makaraang tutukan siya ng  kutsilyo ng isang 20-anyos na suspek na kalaunan ay sumuko sa pulisya at ikinulong. Ang suspek na ito ay kinilala namang si Gerald Panagsagan alyas “Bulag”.

Ang mga suspek ay pawang mga residente ng sais samantalang ang biktima ay residente naman ng dos. Naglalaro umano ng basketbol ang mga biktima nang magakakasamang dumating ang mga suspek saka ginawa ang pagtutok ng kutsilyo at pagbaril sa mga biktima.

Nagpapatuloy naman ang imbestigasyon ng mga awtoridad hinggil sa insidente at sa agarang pagdakip sa suspek sa pagbaril.

Matatandaan na noong Sabado ay nagsagawa ng kasunduang pangkapayapaan ang mga nag-aalitang grupo sa mga nabanggit na lugar sa harapan ng mga opisyal ng LGU Kalibo at Kalibo PNP station.

KAPULISAN NAGPAALALA SA MAMIMILI NGAYONG PASKO

ulat ni Darwin Tapayan, Energy FM 107.7 Kalibo

Siksikan sa isang establisyemento komersyal sa Kalibo.

Nagpaalala ang mga kapulisan sa mga taumbayan na daragsa ngayon sa bayan ng Kalibo sa bisperas ng Pasko upang mamili sa mga mall at palengke na maging mapagmatyag. 

Sa panayam ng Energy FM Kalibo kay Kalibo PNP deputy chief PSInsp. HoneyMae Ruiz, sinabi nito na nakaalerto na ngayon ang kanilang himpilan para sa mga posibilidad ng aksidente at aksidente sa pagsalubong sa Pasko.

Ayon kay Ruiz, nakipagtulungan na sila sa mga Philippine Army upang magmanman at magbantay sa mga terminal at maging sa mga mall at palengke.

Ayon kasi sa deputy chief, kadalasan anyang nagaganap ang maraming mga kaso ng nakawan at iba pang mga aksidente at insidente sa panahon ng Kapaskuhan. Nilinaw naman niya na sa ngayon ay wala pa silang naitatalang malaking kaso kaugnay sa pagdiriwang na ito.

Sinabi niya na iwasan ang magpost sa mga social media na nagbibigay impormasyon sa mga may masasamang balak kung nasaan sila. High-tech narin anya ang mga criminal ngayon dahil binabantayan rin nila ang galaw ng posible nilang mabiktima.

Iwasan rin anya ang mga pagpapadeliver ng kung ano man. Gayundin, sa mga matataong lugar, iwasan na ilagay ang wallet o cellphone sa bulsa ng pantalon sa likuran. Mainam rin anya na gumamit ng sling bag at ilagay sa harapan. 

Sigaruduhin ring nakakandadong maigi ang bahay o di kaya ay itagubilin sa mapagkakatiwalaan kapitbahay kung hindi maiiwasang walang magbabantay.

Samantala, kung may ano mang mga reklamo o mga kahina-hinalang nakikita sa kanilang paligid ay agad anyang ireport agad sa kanilang himpilan.

MGA AKOMODASYON SA KALIBO HALOS PUNO NA SA NALALAPIT NA ATI-ATIHAN FESTIVAL

Nasa 70 porsyento na ang booking sa ngayon sa mga akomodasyon para sa taunang pagdiriwang ng Kalibo Sto. Nino Ati-atihan Festival sa susunod na taon base sa Kalibo Ati-atihan Accommodation Association.

Sa isang panayam, sinabi ng president ng asosasyon na si Gerwin Garcia na inaasahan nila na magiging fully book na ang mga kuwarto na nakareserba sa highlight ng Ati-atihan.

Ang highlight ng Kalibo Ati-atihan ay magsisimula sa Enero 9 at magtatapos sa Enero 15 sa susunod na taon. Sinabi pa ni Kalibo Sto. Nino Ati-atihan Festival Inc. chairman Albert Menez na magiging mas maganda at makulay ang pagdiriwang ngayong taon.

Sa Enero 9, ang highlight ay ang parade of Aklan festival showdown; sa Enero 10 ay parada ng mga estudyante at guro ng Department of Education; sa Enero 11 ay contest ng DepEd, “Sinaot sa Calle”; sa Enero 12 ay higante parade; sa Enero 13 ay parade of thanksgiving.

Samantalang sa Enero 14 ay ati-atihan contest at car show at street party, at sa Enero 15 naman ay ang religious procession at misa.

Sinabi rin ni Menez na bibisita rin ang ilang artista mula sa malaking TV network para sa isang konsyerto sa Enero 6.

AKELCO NASA RED ALERT STATUS NGAYONG KAPASKUHAN

Naka-red alert ngayon ang Aklan Elecrtric Cooperative (AKELCO) sa panahon ng kapaskuhan upang masiguro na ang suplay ng kuryente ay maging sapat para sa buong lalawigan, lalu na sa Isla ng Boracay.

Sa isang panayam, sinabi ni AKELCO assistant general manager for engineering Engr. Joel Martinez na nagtalaga na sila ng 25 mga tauhan sa isla na magtratrabaho sa loob ng 24/7 upang seguraduhin ang power reliability.

Sinabi pa ni Martinez na sila ay inabisuhan na na maging alerto upang rumesponde sa ano mang kaso ng major power failure.

Matatandaan na sa mga nakalipas na buwan, ang AKELCO ay binabatikos dahil sa mga sunud-sunod na kaso ng mga power failures. Ilang mga resort ang nagrereklam

o na nawalan ng milyon-milyong halaga ng pera dahil sa pagkasira ng kanilang mga appliances dala ng palyadong kuryente.

Pinasiguro naman ni Martinez na ginagawa nila ang lahat ng makakaya upang masiguro ang maayos na suplay at daloy ng kuryengte. Giniit rin niya na isa umano sa dahilan ng pagpalya ng kuryente ay dahil sa malakas na ihip ng hangin sa isla.

Hinikayat rin niya ang mga member-consumers na kung maaari ay iulat kaagad ang mga problema sa kanilang lugar upang maaksyunan ng kanilang tanggapan. Ngayon kasing Pasko at Bagong Taon ay inaasahan ang mataas na demand ng elektrisidad.

MANGROVE PARK, STATE UNIVERSITY IPAPANGALAN SA YUMAONG SI ATTY. QUIMPO

ulat ni Darwin Tapayan, Energy FM 107.7 Kalibo

Maaaring ipangalan ang multi-awarded Bakhawan Eco-Park at Aklan State University sa yumaong si Atty. Allen Salas Quimpo.

Ito ang proposal ni Aklan Press Club chairman emeritus Juan “Johnny” Dayang sa kanyang naging mensahe sa isinagawang necrological service ng nabanggit na organisasyon para kay Atty. Quimpo kahapon ng umaga sa ABL Sport Complex.

Si Atty Quimpo ang nagpasimula ng pagtatanim ng bakhawan sa maputik na tabing-dagat sa Brgy. New Buswang noong 1990. Sa ngayon ay isa na itong reforestation site para makapigil sa pagbaha at storm surge sa komunidad.

Ang mangrove park na ito ay isa na sa mga matagumpay na reforestation project at nakatanggap ng ilang mga pagkilala sa UN.

Samantala, si Quimpo rin ang naging daan upang maitatag ang Aklan State University (ASU)  noong siya ay naglilingkod pa bilang kongresista. Ito rin ang dahilan kung bakit siya tinaguriang “Ama” ng nasabing eskwelahan (RA 9055).

Nabanggit rin ni Dayang ang kanyang proposal na ipangalan rin ang School of Mass Communication sa dating presidente ng Northwestern Visayan Colleges.

Paliwanag ni Dayag, ito ay isang paraan upang bigyang parangal at alalahanin ang mga nagawa ni Quimpo sa lalawigan.

Matatandaan na si Quimpo ay binawian ng buhay sa edad na 71 noong Disyembre 14 habang ginagamot sa sakit na pancreatic cancer sa isang ospital sa Manila. 

PAKIKIRAMAY SA NAIWANG PAMILYA NI ATTY QUIMPO, BUMUHOS

ulat ni Darwin Tapayan, Energy FM 107.7 Kalibo

Bumuhos ang pakikiramay sa naiwang pamilya ni dating kongresista at alkalde ng Kalibo na si Atty. Allen S. Quimpo bago siya inihatid sa kanyang huling huntungan ngayon araw.

Kahapon ay inilipat ang labi ni Atty. Quimpo sa ABL Sports Complex sa kapitolyo mula sa kanilang ancestral house. Dito ay sunud-sunod ang mga idinaos na necrological service ng iba-ibang grupo kabilang na ang lokal na pamahalaan ng probinsiya. Nagbigay-daan ito sa lahat na masilayan ang kanyang labi bago siya ilibing.

Kabilang sa mga dumalaw ay ang malapit na kaibigan na si Atty. Salvador Panelo, presedintial legal counsel adviser at dating kaklase sa University of the Philippines, sa isinagawang necrological service ng Aklan Press Club sa kanilang yumaong legal adviser.

Nagsagawa rin ng hiwalay na necrological service ay munisipyo ng Kalibo, at Joycees club.

Nagpaabot rin ng kani-kanilang resolusyon ng pakikiramay sa pamilya ang mga opisyal ng mga lokal na pamahalaan. 

Sa kanya namang mensahe, malaki ang pasasalamat ni governor Florencio Miraflores sa itinuturing na niyang kapatid na aniya marahil ay wala siya sa politika kung wala si Atty. Quimpo.

Si Atty. Quimpo ay inilibing ngayong araw sa Medalla Milagrosa cemetery makaraan ang huling mesa para sa kanya na idinaos sa St. John the Baptist Cathedral.

MAG-ASAWA NAKURYENTE SA BALETE, AKLAN; ISA PATAY

ulat ni Darwin Tapayan, Energy FM 107.7 Kalibo

Patay ang isang magsasaka matapos makuryente sa Brgy. Arcanghel, Balete kahapon ng hapon. Nakuryente rin ang kanyang asawang babae makaraang subukan siyang hilahin sa pagkakadikit sa live wire.

Ayon kay PO2 Jameo Mondia, imbestigador ng Balete PNP station, nakatanggap sila ng tawag mula sa lineman ng Aklan Electric Cooperative (AKELCO) na kasalukuyang nag-aayos ng linya sa naturang lugar na nagbigay-alam sa kanila hinggil sa nasabing insidente.

Nabatid sa imbestigasyon ng pulisya, dakong alas-4:00 ng hapon nang pumutol ng puno ng saging ang biktimang si Rafael Lumio, 71 anyos at residente ng nasabing lugar, sa kanilang bakuran. Natumba ang puno sa live wire ng AKELCO at sa kanyang pag-lilinis sa lugar ay aksidente siyang nakuryente.

Naabutan na lamang siya ng kanyang asawang si Marissa, 54, na nakahiga na sa lugar. Sinubukan pang hilahin ng babae ang asawa gayunman ay nakuryente rin siya at halos kalahating oras umano bago nakabitaw sa pagkakadikit.

Agad na humingi ng tulong ang asawang babae sa mga kapitbahay upang maalis ang kanyang asawa at bagaman naisugod pa ito sa provincial hospital ay diniklara rin itong dead on arrival.

NUMANCIA INTEGRATED SCHOOL NILOOBAN; P20,000 HALAGA NG PERA NATANGAY

ulat ni Darwin Tapayan, Energy FM 107.7 Kalibo

Numancia IS file photo by Panoramio

Nilooban ng hindi pa nakikilalang magnanakaw ang Numancia Integrated School sa Poblacion, Numancia kaninang madaling araw kung saan natangay ng di pa nakikilalang suspek ang nasa mahigit Php20,000.00 na pera.

Ayon sa imbestigador ng Numancia PNP station na si PO3 Eric Lachica, natanggap nila ang impormasyon dakong alas-8:00 ng umaga kanina.

Sa paunang imbestigasyon, napag-alaman na inakyat ng suspek ang gusali at pwersahang sinira ang bubungan ng restroom. At habang nasa loob ng administrative building, sinira ng suspek ang kabinet na yari sa hardiflex at nabuksan ang kaha de yero at natangay ang nabanggit na halaga ng pera mula sa loob nito.

Nabatid na ang perang ito ay nasa pangangalaga ng cash disbursing officer ng paaralan na si Jean Salvador, 37 anyos.

Sinabi pa ng imbestigador na bagaman may guwardiya sa nasabing eskwelahan, hindi umano namalayan ng guwardiya ng mga pangyayari. Nabatid na malakas ang buhos ng ulan ng gabing iyon.

Sa ngayon ay iniimbestigahan na ng Numancia PNP station ang nasabing insidente.

ATLETANG AKLANON NAG-UWI NG 7 MEDALYA MULA SA SWIMMING COMPETITION SA DUBAI

ulat ni Darwin Tapayan, Energy FM 107.7 Kalibo

PSL Kyla Soguilon kasama si
Olympic Gold medalist Adam Peaty.
photo (c) Kyla Soguilon FB

Nagdala ng karangalan sa bansa at sa lalawigan ng Aklan si Kyla Soguilon matapos mag-uwi ng pitong medalya sa kakatapos lang na 2016 Hamilton Aquatics Winter Long Course Swimming Championship sa Dubai, United Arab Emirates.

Si Soguilon ay itinanghal na Most Outstanding Swimmer sa 12-and-under division sa nasabing international competition matapos makuha ang isang ginto, isang bronze, at limang silver medal. 

Nanguna ang 12-anyos na swimmer mula Kalibo, Aklan sa 12-and-over 100 meter freestyle event sa oras na 1:05.37.

Nasungkit rin niya ang limang silver medal sa 12-and-over 400 meter individual medley, 50m freestyle, 50m backstroke, 200m backstroke at 100m backstroke. 

Samantala nakuha naman niya ang bronze medal mula sa 100 meter butterfly.

BAHAY SA MABILO, AKLAN NILAMON NG APOY

ulat ni Darwin Tapayan, Energy FM 107.7 Kalibo

Nilamon ng apoy ang isang buong bahay sa So. Pudlon, Brgy. Mabilo, Kalibo kahapon ng tanghali.

Sa report ng Bureau of Fire-Kalibo sa pamamagitan ng imbestigador na si FO3 Josepg Dapitillo, nangyari umano ang sunog dakong alas-12:30 ng tanghali.

Ang nasabing bahay na yari sa mga konkretong materyales ay pinagmamay-arian ng yumaong si Lucia Yasa at binabantayan ni Belly Patricio, 54 anyos at residente ng nasabing lugar. Maswerte namang nakaligtas ang babae sa nasusunog na bahay.

Naapula ang sunog matapos ang isang oras.

Tinatayang nasa Php100,000 ang dulot na pinsala ng nasabing sunog.

Samantalang inaalam pa ng mga awtoridad ang naging sanhi ng nasabing sunog.

26-ANYOS NA LALAKI NALUNOD, PATAY

ulat nina Darwin Tapayan / Archie Hilario, Energy FM 107.7 Kalibo

photo by PDRRMO-Aklan

Patay na nang matagpuan ng mga rescuer ang isang 26-anyos na lalaki matapos malunod at inanod ng malakas na alon kahapon ng umaga sa Brgy. Bakhaw Norte.

Ang biktima ay kinilalang si Rafael Tacas, 26 anyos at residente ng Brgy. Pook, Kalibo.

Ayon sa salaysay ng kanyang bayaw na si Deo Salabante na nagtungo umano sila kasama ang biktima sa baybayin ng Bakhaw Norte upang manguha ng kabebe dakong alas-9:30 ng umaga.

Habang nasa kasagsagan ng pangunguha ng kabebe ay nalunod ang biktima at tinangay ng malakas na alon . Maswerte namang nakaligtas si Deo pero hindi nya na natulungan ang biktima dahil sa bilis ng pangyayari.

Samantala nagsagawa ng rescue operation ang mga MDRRMO-Kalibo kasama ang PDRRMO-Aklan, at natagpuan nila ang bangkay ng biktima sa Brgy. Lambingan beach, Pook dakong alas-5:30 na ng hapon.

OPA-AKLAN NAGBABALA SA PAGLAGANAP NG MGA GULAY NA NILALAGYAN NG PRESERVATIVE

Nagbabala ngayon ang Aklan Office of the Provincial Agriculture (OPA) sa taumbayan kaugnay ng posibleng paglaganap ng mga gulay na nilalagyan ng preservative lalu ngayon panahon ng Kapaskuhan.

Napag-alaman kay Uldarico las Pinas, high value crops coordinator ng OPA, na nakatanggap umano sila ng ilang reklamo mula sa taumbayan kaugnay rito.

Nilinaw naman nito na walang kakayahan ang kanilang tanggapan dito sa lalawigan upang magsagawa ng sayantepekong pagsusuri kung ang mga gulay ay nilagyan ng preservative of gawa sa synthetic materials.

Kaugnay nito, sinabi niya na walang kakayahan ang OPA para matukoy ang mga responsable sa mga gulay na nilagyan ng preservative.

Gayunman, iginiit niya na magbibigay sila ng babala sa mga taumbayan at hikayatin silang maging mapanuri sa mga bibilhing gulay lalu na umano ang mga repolyo. Makakabuti anya na bumili nalang sila ng gulay mula sa bakuran o magtanim ng sarili.

Pinangagambahan kasi ng ilang mga residente na maari silang magkaroon ng cancer sa pagkain ng mga ganitong uri ng gulay.

FUNERAL MASS IDARAOS PARA KAY ATTY. QUIMPO SA BIYERNES

ulat ni Darwin Tapayan, Energy FM 107.7 Kalibo

Nakatakda isagawa ang isang funeral mass sa darating na Biyernes para sa dating kongresista at dating alkalde ng Kalibo na si Atty. Allen S. Quimpo. Gaganapin ito sa St. John the Baptist Cathedral, Poblacion, Kalibo dakong alas-9:00 ng umaga.

Pagkatapos ng misa ay nakatakda siyang ilibing sa Medalla Milagrosa Cemetery sa Kalibo.

Ang labi o abo ng namayapang si Atty. Quimpo ay nakahimlay ngayon sa kanilang ancestral house kalapit ng NVC Carmen hotel.

Samantala, sa araw naman ng Huwebes ay may gaganapin ring Requiem Mass at Necrological Service sa ABL Sports Complex sa kapitolyo banda alas-8:00 ng umaga.

Inaasahan na dadaluhan ito ng mga Northwestern Visayan Colleges (NVC) alumni, faculty and staff at mga estudyante.

Si Atty. Quimpo ay naglingkod na presidente ng NVC bago siya pumanaw sa edad na 71 sa sakit na pancreatic cancer nong Disyembre 14.

Bago paman siya binawian ng buhay ay gumaganap na ang kanyang anak na si Allan Angelo Quimpo, NVC human resource officer, bilang kahalili niya.

PROBINSIYA NG AKLAN NAKATANGGAP NG 5 BAGONG AMBULANSYA MULA SA PCSO

photo by PIA-Aklan

Nakatanggap ng lima na bagong ambulansiya ang lalawigan ng Aklan mula sa Philippine Charity Sweepstakes Office (PCSO).

Ang mga ito ay tinanggap ng mga opisyal at kinatawan ng mga lokal na pamahalaan ng Tangalan, Malinao, Ibajay at Buruanga. Nakatanggap rin ang Aklan Cooperative Mission Hospital.

Ang turn-over ceremony ay isinagawa kahapon sa ABL Sports Complex ay pinangunahan nina PCSO General Manager, Alexander F. Balutan with Atty, Reena Yason at PCSO-Kalibo Manager Mon Alipao.

SP KLAN HANGAD NA MAGAWARAN NG ISO CERTIFICATION

Naghahangad ngayon ang Sangguniang Panlalawigan (SP) ng Aklan na magawaran ng International Standardization Organization (ISO) accreditation.

Ito ang ipinahayag ni vice governor Reynaldo Quimpo sa kasagsagan ng Christmas party ng SP na idinaos sa isang restaurant sa Brgy. Andagao, Kalibo kahapon ng gabi. Sinabi rin niya na ang kanyang asawa at dating vice governor Gabrielle Calizo-Quimpo ay nagkikipag-ugnayan rin para sa ISO certification.

Ayon pa kay Quimpo na nagsasagawa rin sila ng mahigpit na ugnayan sa Anglo Japanese American para sa pag-comply ng mga kinakailangang dokumento para sa sertipikasyon.

Bilang bahagi ng requirement, ang sanggunian ay nakatakdang mag-inagura ng bagong SP building. Inaasahan na ito ay magiging isang modernong legislative office.

Hinikayat rin ni Quimpo ang mga lokal na media na makibahagi sa lahat ng mga gawain ng sanggunian upang magkaroon ng isang transparent na pamamahala at ganoon rin ay matulungan ang taumbayan sa probinsiya.

Ikonokonsidera ni Quimpo ang media bilang kanilang kaibigan sa mga ng pag-unlad.

BAHAY SA BAYAN NG KALIBO NILOOBAN; MGA GADGET AT PERA NATANGAY

ulat ni Darwin Tapayan, Energy FM 107.7 Kalibo

by Ponaramio

Nilooban ng hindi pa nakikilalang magnanakaw ang isang bahay sa Brgy. New Buswang, Kalibo kung saan natangay ng suspek ang mga gadget at pera ng may-ari.

Ayon sa report ng Kalibo police station, nagising umano ang biktimang si Nigie Tumaob, 41 anyos, dakong alas-4:00 ng madaling araw ng mapag-alaman niyang nawawala na ang kanyang mga gadget at pera.

Sinabi ng biktima na nakuha sa kanya ang tatlong yunit ng cellphone, isang tablet, dalawang ATM card, at iba pang mga dokumento at ID. 

Posible umanong dumaan sa sliding window ng bahay ang suspek saka tinangay papalabas ang mga nalimas na mga gamit at pera na nakalagay sa sala ng nasabing bahay.

Nagsasagawa na ngayon ng imbestigasyon ang mga awtoridad upang matukoy ang pagkakalinlan ng suspek at sa agad na pagkadarakip nito.

ENERGY SPECIAL REPORT: KUNG PAANO NAGING DOCTOR SI ATTY. ALLEN S. QUIMPO

ulat ni Darwin Tapayan, Energy FM 107.7 Kalibo

Marami parin ngayon ang nalilito kung bakit tinatawag na doctor si Atty. Allen S. Quimpo. Paano nga ba siya naging doctor?

Dahil sa mga hindi matatawarang naiambag sa taumbayan, si Atty. Quimpo ay ginawaran ng Doctor of Humanities o Honoris Causa ng Aklan State University (ASU) noong nakaraang Marso 31, 2015. Ginawa ito sa kasagsagan ng Commencement Exercise ng ASU Banga Campus sa kanilang Ampi Theatre.

Napag-alaman na sa buong bansa ay dalawa lamang siya na nagawaran ng ganitong pagkilala. Ang isa pa ay ang batikanang brodkaster na si Jessica Soho.

Sa panayam ng tagapagsulat na ito noong nabubuhay pa siya, sinabi ni Atty. Quimpo na malaki ang pasasalamat niya sa mga taong  binibigyang halaga ang kanyang mga ginagawa. Paliwanag niya na marahil malaki ang pagkilala ng ASU sa kanyang mga nagawa bikang Chairman of Education sa kongreso. Sinabi niya na sa pamamgitan niya ay naitatag ang ASU.

Naniniwala siya na ang “Pilipino ay magaling na lahi, mamtalinong lahi”. Ang bansa anyang ito ay isa sa mga pinakamayaman bansa sa buong mundo. “Kung hindi man naging maganda ang kalagayan natin ngayon, it was due to depicts in policies, hindi sa nature o character natin,” paliwanag pa niya.

Sa kung anong dapat itawag, sinabi niya na maaari siya tawaging doctor sa akademikong katungkulan niya pero pwede siyang tawaging attorney sa kakayahan niyang maglingkod sa mga tao. Sinabi pa nito na wala namang problema kung sa kung ano ang itawag sa kanya.

Si Quimpo ay nagtapos sa University of the Philippines kung saan niya nakamit ang degre sa abogasiya.

2 LALAKI HINOLD-UP SA KALIBO, AKLAN

ulat ni Darwin Tapayan, Energy FM 107.7 Kalibo

Hinold-up ang dalawang lalaki habang naglalakad sa madilim na bahagi ng Calachuchi Road, Brgy. Andagao, Kalibo dakong alas-9:25 kagabi.

Sa report ng Kalibo PNP station, nakatanggap umano sila ng tawag mula sa isang tauhan ng Bureau of Fire Kalibo na nagsabing may nangyaring insidente ng pangho-hold-up sa nabanggit na lugar.

Sa imbestigasyon, kinilala ang mga biktima na sina Niño Ricky y Iban, 32 anyos, residente ng Oliveros Place, Kalibo at Val Evangelista y Felizardo, isang menor de edad, residente ng N. Roldan St., Kalibo.

May lumapit umanong dalawang hindi pa nakikilalang mga lalaki saka hinold-up. Nakuha ng mga suspek ang Php3,500.00 at isang yunit ng cellphone.

Ang kasong ito ay iniimbestigahan na ngayon ng Kalibo PNP station.

MGB: WALANG MINERAL NA ILULUWAS NA SAND AND GRAVEL MULA SA AKLAN RIVER

ulat ni Darwin Tapayan, Energy FM 107.7 Kalibo

Walang anumang kasamang mineral ang kukuning sand and gravel mula Aklan river kaugnay ng nakatakdang pag-dredge ng ilog. Ito ang nilinaw ng mga kinatawan ng Mines and Geosciences Bureau (MGB) sa nakaraang pagtitipon ng Multi-partite Team (MMT) kasama ang mga opisyal at ilang residente ng mga apektakdong barangay ng nasabing proyekto.

Sinabi rin ng MGB na hindi nila pahihintulutan na may makalabas na anumang uri ng mamahaling mineral na makakasama sa iku-quarry na sand and gravel sa isasagawang dredging ng Santarli company sa Aklan river kaugnay ng flood mitigation project ng gobyerno.

Nanindigan rin ang MGB na ang pagsusuring ginawa nila sa sand and gravel mula sa ilog ang lehitimo at opisyal. Kinatigan naman ito ng mga miyembro at opisyal ng MMT makaraang kuwestiyon ng ilan ang pagsusuri ng naturang ahensiya. Nagdududa kasi ang ilang residente ng mga apektadong barangay na baka may yaman sa iluluwas na mga buhangin at bato patungong Singapore.

Samantala, napagkasunduan sa nasabi ring pagpupulong na maging bahagi na ng MMT ang mga kinatawan ng walong apektadong barangay at makakasama sa isasagawang a-stake survey ng Santarli company sa ilog. Ang a-stake survey ay kakailanganin upang makapagbuo ng desinyo at plano ng dredging project na siyang isusumete sa DENR at DPHW.

Ang MMT ang siyang magbibigay ng signal kung pwede ng magsimula ang proyekto.

Matatandaan na dumating na ang barko dito sa probinsiya mula Singapore na siyang gagamitin sa pagdredge ng ilog.

2 CONSTRUCTION WORKER SINAKSAK SA X-MAS PARTY; SUSPEK KALABOSO

ulat ni Darwin Tapayan, Energy FM 107.7 Kalibo

Dalawang construction worker ang sinaksak sa kasagsagsagan ng Christmas party kagabi ng kanilang kapwa trabahante sa ginagawang extension ng provincial hospital.

Kinilala ang mga biktima na sina Vic Suniega, 27 anyos, at Angel Dela Cruz, 41, pawang mga residente ng Pook, Kalibo. Samantalang ang suspek ay kinilalang si Jerry Valde, 31, ng Libang Makato.

Sa report ng pulisya, dakong alas-6:30 ng magkaroon ng mainitang pagtatalo sa mga biktima at sa suspek. Pinagtulungan umano ng mga biktima kasama ang hindi pa nakikilalang lalaki ang suspek. Dahil rito napilitan ang suspek na depensahan ang sarili at sinaksak ang dalawa.

Nagtamo ng saksak si Vic sa dibdib, samantalang si Angel ay nagtamo ng saksak sa dibdib. Ang mga biktima ay naka-confine ngayon sa provincial hospital para malapatan ng kaukulang lunas. 

Agad namang naaresto ng mga rumespondeng pulis ang suspek at nakapiit ngayon sa Kalibo police station. Narekober naman ang ginamit na swish knife.

TIYUHIN BINARIL NG 28 ANYOS NA LALAKI; SUSPEK KALABOSO

ulat ni Darwin Tapayan, Energy FM 107.7 Kalibo

Arestado ang isang 28 anyos na lalaki matapos niyang barilin ang sariling tiyuhin sa So. Binitinan, Brgy. Oquendo, Balete, Aklan banda alas-10:00 ng gabi.

Sa report ng Balete police station, nag-iinuman umano ang biktima na si Johnny Zolina, 60 anyos, kasama ang suspek ni si Zaldy Zemato, 28
, pawang mga residente ng nasabing lugar kasama ang kanilang mga kamag-anak nang mangyari ang nasabing insidente.

Nagkaroon umano ng mainitan pagtatalo sa dalawa dahil sa kalasingan at hindi nakapagpigil ang suspek at kumuha ito ng homemade shotgun at binaril ang biktima na natamaan sa kanyang paa.

Agad na isinugod ang biktima sa provincial hospital at naka-confine pa ngayon sa surgical intensive care unit ng pagamutan. Samantalang ang suspek ay naaresto naman ng mga rumespondeng kapulisan at nakapiit ngayon sa Balete PNP station.

MGA FRAT AT GANG SA KALIBO NANGAKONG TITIGIL NA SA KANILANG ALITAN

ulat ni Darwin Tapayan, Energy FM 107.7 Kalibo

Nangako ang mga nag-aalitang mga fraternity at gangs sa Brgy. Poblacion, Kalibo na titigil na sa kanilang mga alitan at paggawa ng mga iligal na aktibidad.

Ito ay makaraang naglagda ang mga grupong ito ng peace covenant noong araw ng Sabado sa presensiya ni mayor William Lachica, at ni Kalibo PNP Chief Inspector Terence Paul Sta. Ana, ilan pang mga opisyal ng bayan at barangay at kapulisan.

Ayon kay Sta. Ana, ang paraang ito ay naglalayong mapagkasundo ang mga nag-aalitang grupo, magkaroon ng maayos na samahan at mapanatili ang katahimikan at kaayusan sa komunidad.

Nakasaad sa peace covenant na kanilang nilagdaan ang pagtigil sa paggawa ng mga frat wars, paghinto sa mga iligal na aktibidad at paggawa ng mga petty crimes.

Nangako naman ang pulisya na patuloy silang magbibigay ng edukasyon sa mga kabataang sangkot at magsasagawa ng mga programa na makakatulong sa kanilang mapaunlad at mapabuti ang kanilang mga sarili.

Pagkatapos ng nasabing covenant signing, ang mga frat at gang members at mga opisyal ay nagkaroon ng isang boodle fight sagisag ng pagkakaisa at paggalang.