LGU Kalibo naglabas ng pahayag kaugnay ng pagsisiga kontra dengue

Naglabas ng pahayag ngayong araw ng Miyerkules ang pamahalaang lokal ng Kalibo kaugnay sa isyu ng "open burning" o pagsisiga pangotra sa lamok.

Sa press statement, binigyang-diin ang mga batas na nagbabawal sa pagsisiga ng mga basura kabilang na ang mga dahon. Binanggit rito ang masamang epekto ng pagsisiga lalo na sa kalusugan.

Nagpaalala ang munisipyo na ang sinomang lalabag sa mga batas na ito ay maaaring pagmultahin at makulong.

Ang nasabing press statement ay nilagdaan ni Frizi Ann Rillo, Information Officer I. Basahin ang buong pahayag sa ibaba:

Pagsisiga kontra dengue? Alamin ang sagot ng munisipyo ng Kalibo

ISINISISI NG ilang tao sa bayan ng Kalibo na ang pagtaas ng kaso ng dengue ay dahil sa pagbabawal ng munisipyo sa mga tao na magsiga sa kanilang paligid.

Sa panayam ng Energy FM Kalibo, sinabi ni Adorada Reynaldo, head ng Solid Waste Managenent Services ng munisipyo, wala umanong sayantepikong batayan ito.

Dahil rito patuloy umano nilang ipinatutupad ang Municipal Ordinance No. 2004-009 o Ecological Solid Waste Management Code ng Kalibo.

Iginiit ni Reynaldo na ang lokal na ordinansa ay batay sa umiiral na mga batas sa bansa. Aniya ang pagsisiga ng basura o open-burning ay nagdudulot ng polusyon sa hangin.

Pero nilinaw niya na ang pagpapausok gamit ang mga dahon o mga kahoy kontra lamok ay hindi ipinagbabawal gaya ng bunot ng niyog, mosquito tree o kakawati.

Nanawagan siya sa taumbayan na panatilihing malinis ang paligid, linisin o alisin ang mga bagay na maaring pamuguran ng mga lamok.

Sa kabilang banda, sa Brgy. Briones sinabi ni Punong Barangay Rafael Briones na pinahihintulutan niya ang kanyang mga tao na magsiga.

Giit niya, nakakaalarma na ang kaso at para sa kapakanan ng kanyang mga nasasakupan ay handa umano siyang makulong dahil dito.##

- Kasimanwang Darwin Tapayan (with report from Kasimanwang Joel Nadura), Energy Fm 107.7 Kalibo

Bag-ong set in Sangguniang Bayan naghiwat it inaugural session

Naghiwat it inaugural session ro Kalibo Sangguniang Bayan sa rayang adlaw nga Huwebes petsa 4 it Hulyo sa Kalibo SB hall.

Si Kalibo Mayor Emerson Lachica hay nagpresentar it ana nga mga plano ag mga programa. Ro sambilog kara hay ro ana nga mabahoe nga handum nga magpatindog it central market sa Kalibo.

Ro mga SB members man hay nagtao it andang mga mensahe sa pagsuporta sa bag-o nga administrasyon.

Gin amendar man ro portion it internal rules: sambilog kara hay pagsaylo it adlaw it sesyon halin it Huwebes nga maging Lunes eon.

Gintaw-an man it chairmaships ro mga miembro it SB sa mga sari-saring mga kometiba.

photos and text: Kasimanwang Joel Nadura / Energy FM Kalibo

LGU Kalibo: kaso ng dengue hindi "alarming"; hindi magdi-deklara ng State of Calamity

KALIBO, AKLAN - Hindi umano alarming ang kaso ng dengue sa bayan ng Kalibo ayon kay Dr. Makarius Dela Cruz, Municipal Health Officer.

Sinabi niya sa isang press conference nitong Martes na "increasing" lamang at hindi "alarming" ang kaso ng dengue sa kabiserang bayan.

Ipinahiwatig rin niya na may deskrepansiya sa ulat ng Provincial Health Office (PHO). Kailangan rin aniya na dumaan sa confirmatory test ang mga pasyente na sinasabing may dengue.

Mababatid na batay sa ulat ng surveillance unit ng PHO, ang Kalibo ang may pinakamataas na kaso ng dengue sa Aklan na may 394 kaso.

Sinasabing nasa tatlo na ang namatay sa nasabing sakit sa bayan ng Kalibo.

Sa buong Aklan, umabot na sa 1,603 ang kaso. Una nang sinabi ni Dr. Cornelio Cuachon ng PHO na sobrang nakakaalarma na ang nasabing kaso.

Pinuna rin niya at ni Basil Tabernilla, Executive Assistant to the Mayor, ang aniya ay mga maling ulat ng media tungkol sa kaso ng dengue sa Aklan na nagdudulot umano ng panic sa mga tao.

Ayon pa sa health officer, hindi umano nagkulang ang kanyang tanggapan at ang lokal na pamahalaan sa pagpapaalala sa mga tao sa pagsugpo ng dengue.

Iginiit pa niya na trabaho umano ng bawat-isa ang maglinis ng kapaligiran para maiwasan ang pamamahay ng mga lamok.

Sa kabilang banda sinabi ni Terence Toriano, MDRR Officer, na hindi pwedeng ideklara ang bayan ng Kalibo kung pagbabatayan ang bagong guidlines ng NDRRMC Memorandum Order No. 60 series of 2019.

Ang memorandum ay nagsasaad ng mga pamantayan sa pagdedeklara ng State of Calamity.##

- Kasimanwang Darwin Tapayan (with report from Kasimanwang Joel Nadura), Energy FM Kalibo

Tatlong araw na street party idaraos sa Kalibo kaugnay ng pyesta ng San Juan

MAGDARAOS NG tatlong araw na street party ang pamahalaang lokal ng Kalibo kaugnay ng selebrasyon ng kapyestahan ni San Juan de Bautista.

Ang aktibidad ay tinaguriang "KKK Street Party" na gaganapin sa Kalye Kulinarya sa Kalibo food strip sa kahabaan ng Veterans Avenue mula Hunyo 21 hanggang Hunyo 23.

Ayon sa Tourism Office ng Kalibo ito umano ang pumalit sa taunan noong "Food Fest" ng pamahalaang lokal sa Magsasaysay Park tuwing San Juan.

Nabatid na gabi-gabi ay may mga banda na magpapasaya o mag-aaliw-aliw sa mga bisita habang kumakain o nag-iinuman sa KKK food strip.

Kaugnay rito, isang maiksing programa ang isasagawa sa pagbubukas ng aktibidad na pangungunahan ni Kalibo Mayor William Lachica.

Samantala, naglabas ng Executive Order No. 018 series of 2019 ang alkalde na nagsasaad ng pagsasara ng bahagi ng United Veterans Avenue mula kanto ng D. Maagma St. hanggang kanto ng F. Quimpo St.

Ang operasyon ng KKK o Kalye Kulinarya sa Kalibo ay isinabatas sa bisa ng Municipal Ordinance No. 24, series of 2017 na naglalayong makatulong sa turismo sa kabiserang bayang ito.##

- Kasimanwang Darwin Tapayan, Energy FM Kalibo

Press Release: DSWD sa Kalibo nagpanupod it food packs sa mga miyembro it 4Ps

Ginbaton eon ku mga benipisaryo it Pantawid Pamilyang Pilipino Program 4Ps ro andang bayad sa ginhimo nanda nga pagpang-limpyo sa mga Kabaranggayan it Kalibo matapos nga ro Probinsya hay naka-rekord it mataas nga numero it measles. Suno kay Ms. Lolly Espino, MSWD Officer it Kalibo, ro DSWD hay naghimo it Food For Work Activity agud magpang-limpyo sa mga Kabarangayan agud matapna man pagtaas ku numero it Dengue Cases.

Tig 200 ka mga 4Ps ro ginlista sa Programa sa kada mga Brgy. nga gin-identify it mga Brgy. Officials. Ro andang pagpanarabaho hay sa sueod it 2 adlaw ag Food Pack nga nagabalor it tig P360.00 ro nagiging sweldo.

Samtang sa ginpatigayon man nga Monday Flag Raising Ceremony, ginbalita ni Mayor William Lachica ro pagahimuon nga MOA Signing ku Joint Venture Agreement sa tunga ku LGU Kalibo ag Phil. Slaughter House Management Operation PSMO Inc. May pagahimuon pa gid nga Ground Breaking ku Kalibo Meat Plant sa Hunyo 13 ag pagkahapon man hay pagahimuon ro Blessing it Children’s Playground sa Kalibo Pastrana Park. Ginbalita pa gid ku Alkalde ro ginahimo nga may konstruksyon it Drainage System sa may D. Maagma St., paadto sa C. Quimpo St. sige man ro pag-instolar it Traffic Light sa may porsyon it Citymall.

- Donniel Aguirre, LGU Kalibo / RADYO NATIN Kalibo

Isang Bar and Resto sa Kalibo ipinasara ng LGU dahil sa iba-ibang paglabag

IPINASARA NG pamahalaang lokal ng Kalibo ang Boracay Closure Bar and Resto sa Kalye Kulinarya sa Kalibo ngayong gabi sa kahabaan ng Veterans Avenue dahil sa iba-ibang paglabag.

Ayon kay PSupt Richard Mepania, wala umanong Mayor's Permit ang nasabing bar and resto. Maliban rito nakatanggap umano siya ng mga reklamo mula sa mga residente sa lugar na magdamag ang inuman dito at nag-iingay ang kanilang mga kostumer.

Aniya batay sa lokal na ordinansa dapat ay hanggang 11:30 lamang ang pagpapa-inom nila kumpara sa mga ibang bar na pwedeng magdamag dahil nakapinid ang kanilang mga establisyemento.

Napag-alaman na ang Boracay Closure ay nagrerenta lamang sa binakanteng pwesto ng Mugz and Wheel at hindi direktang nagbabayad sa munisipyo. Sa labas lamang ang inuman at malapit sa kabahayan.

Sinabi ni PSupt. Mepania na makailang ulit na umano silang binalaan niya at ng Municipal Economic Enterprise and Development Office (MEEDO) pero hindi parin umano sila sumusunod.

Ngayong araw ay naglabas ng atas si Mayor William Lachica na ipasara ang nasabing establisyemento batay sa rekomendasyon ng Kalibo PNP at ng MEEDO.

Isinerbe ni Supt Mepania ang closure order. Tinanggap naman ito ni Radesa Gelito ang nagmamay-ari ng nasabing bar and resto.

Si Gelito ay taga-Boracay at isa umano sa mga naapektuhan ng pagsasara ng Isla kaya minabuting lumipat dito sa Kalibo para ipagpatuloy ang negosyo at nasa ilang buwan nang nag-ooperate dito.

Ipinaligpit na ng kapulisan ang kanilang mga gamit at isinara ang nasabing pwesto at pinaskilan ng tarpaulin na nagsasabing "this establishment is hereby closed."##

- Kasimanwang Darwin Tapayan, Energy FM Kalibo

MGA TRICYCLE DRIVER SA KALIBO UMALMA SA MUNISIPYO SA PANININGIL SA KANILA NG WALANG RESIBO

Umaalma ngayon ang ilang mga tricycle driver sa Kalibo na pinagbayad ng munisipyo para sa lamination ng bagong fare matrix pero walang resibo.

Nabatid na nasa isang linggo nang nangungolekta ng Php25.00 ang Sangguniang Bayan ng Kalibo sa mga tricycle drivers na kumukuha ng bagong taripa.

Libre umano ang kopya ng taripa at ang babayaran lamang ay ang lamination.

Sinubukan ng Energy FM Kalibo na kunan ng pahayag ang treasurer ng munisipyo umaga ng Biyernes pero abala pa umano ito sa isang pagpupulong.

Ayon sa OIC secretary ng Sanggunian na si Artemio Arrieta, ngayon pa lang umano sila maglalabas ng resibo.

Wala pang impormasyon kung ang mga nakabayad na ng Php25.00 ay bibigyan pa nila ng resibo. | EFM Kalibo

STL PANAY GINIGIPIT UMANO NG LGU KALIBO SA KANILANG DREDGING PROJECT

Ginigipit umano ng pamahalaang lokal ng Kalibo ang STL Panay Resources Ltd sa kanilang dredging project ayon sa isang kinatawan nito.

Ito ang reklamong ipinadala ni Pablo Ocampo sa tanggapan ni Pangulong Rodrigo Duterte sa pamamagitan ng Presidential Complaint Center.

"Kami po ay ginigipit ng mayor ng Kalibo, bagama't kumpleto po ang aming mga documents upang makapag-umpisa ng dredging," bahagi ng kanyang sulat-reklamo.

Kaugnay rito, humihingi ng agarang solusyon ang kanilang kompanya kay Duterte upang matuloy anila ang kanilang pag-dredge sa Aklan river.

Kinuwestiyon naman sa isa pang sulat ng STL ang jurisdiction ni mayor William Lachica sa pagpapahinto ng kanilang proyekto base sa inilabas niyang executive order.

Pirmado naman ni Patrick Lim, managing director ng STL, ang sulat na ito sa Pangulo.

Ipinagtataka rin nila kung ano pang mga dokumento ang hin
ahanap ng LGU Kalibo gayung ibingay na umano nila lahat.

Sa kabilang banda, nanindigan naman si mayor Lachica na hindi siya kontra sa dredging project sa kondisyon na malagyan ng revetment wall ang gilid ng ilog.

Inirefer na ng Presidential Complaint Center ang kaso sa Sangguniang Panlalawigan ng Aklan.

Samantala inihahanda na umano ni mayor Lachica ang kanyang sagot sa reklamo address sa tanggapan ni Duterte./ Darwin Tapayan, EFM Kalibo

PAGIGING CITY NG KALIBO ISINUSULONG NG SANGGUNIANG BAYAN

Isinusulong ngayon ng Sangguniang Bayan ng Kalibo ang pagiging lungsod o city ng kabiserang bayang ito ng Aklan.

Ayon kay SB member Daisy Briones, sa kabila ng kakulangan sa land area at bilang ng populasyon, kwalipikado umano ang Kalibo kung kita ang pag-uusapan.

Base sa inihain niyang resolusyon, ang bayang ito ay kumita ng mahigit Php189 milyon mula sa nakalipas na dalawang taon.

Mas mataas umano ito kesa hinihinging Php100 milyon ng local goverment code. Kaugnay rito naniniwala ang opisyal na mabubuhay ang Kalibo kapag naging lungsod na ito.

Sampung taon na ang nakakalipas nang una ng isinulong ni dating congressman Florencio Miraflores ang House Bill no. 4558 sa layuning ito.

Nabasura ang panukalang batas na ito dahil sa umano'y hindi naabot ng Kalibo ang hinihinging 100-sq. km. land area at 150,000 bilang ng populasyon.

Iginiit ni Briones na dahil sa mabilis na pag-unlad ng bayan, kailangan anyang sabayan ito ng pagpapaigting ng serbisyo na magiging posible lamang kapag naging ciudad na ito.

Sang-ayon naman ang iba pang mga miyembro ng Sanggunian sa kanyang pahayag. Umaasa sila na muling isusulong ito ni Congressman Carlito Marquez sa kongreso.

LIBO-LIBONG PERA NASABAT NG MGA AWTORIDAD SA MGA BAJAO SA KALIBO; MGA BADJAO ISINAILALIM SA PROFILING

Tumambad sa mga kapulisan at mga tauhan ng pamahalaang lokal ang libu-libong pera ng mga Badjao sa bayan ng Kalibo.

Ikinasa ang operasyon kagabi upang ligpitin ang mga Badjao. Pansamantalang dinala sa evacuation center ng munisipyo ang mga nasabing Badjao para isailalim sa profiling.

Sa paghalughog sa kanilang mga gamit nasabat ng mga awtoridad ang libu-libong pera, mga remittance reciept at mga pekeng alahas.

Isang babae na tinuturing na leader ng grupo ang nakuhanan ng nasa Php127,000. May nakuha namang remittance reciept sa isang lalaki na Php49,000 sa isang hulugan lamang.

Ayon sa mga Badjao ang mga naipong pera ay mula sa pangangalimos at mga naibentang mga alahas. Ipinapadala umano nila ang mga perang ito sa kanilang mga kamag-anak sa Mindanao.

Ayon kay Mr. Efren Trinidad, executive assistance sa tanggapan ng alkalde, papauwiin nila ang mga Badjao gamit ang sarili nilang mga pera.

Posible rin umanong maharap sa mga kaukulang kaso o penalidad ang mga Badjao dahil sa pagbebenta ng mga alahas ng walang permit mula sa munisipyo.

Paiimbestigahan rin niya sa mga kapulisan ang mga transaksyon ng Badjao kung ito ay may kinalaman sa sindikatong grupo.

Sinabi ni Trinidad na ang operasyon ay ikinasa kasunod ng reklamo ng munisipyo na ginawa nang tirahan ng mga Badjao ang ginagawang gusali ng Rural Health Unit.

FOOD TOURISM SITE PLANONG ITAYO SA BAYAN NG KALIBO

Ulat ni Darwin Tapayan, Energy FM 107 .7 Kalibo

Plano ngayon ng pamahalaang lokal ng Kalibo ang pagtatayo ng food tourism site sa kabiserang bayang ito.

Sinabi ni Rhea Meren, tourism officer ng Kalibo, sa pagharap sa regular session ng Sanggunian, itatayo ito sa kahabaan ng Veterans Avenue at tatawaging “Kalye Kulinarya sa Kalibo” (KKK).

Paliwanag ni Meren, ito ay resulta ng kahilingan ng iba-ibang tourism establishment para magbigay-sigla sa bayan ng Kalibo lalu na paggabi.

Nagsagawa narin umano ng ilang konsultasyon at pagpupulong ang pamahalaang lokal sa ilang mga negosyante at mga residente. Positibo umano ang kanilang mga reaksiyon rito.

Kaugnay rito, isinusulong ngayon ni committee chairman on tourism Sangguniang Bayan member Philip Kimpo Jr. ang pagsasabatas ng KKK.

Nakatakda itong sumailalim sa pagdinig sa Oktubre 30 para pag-usapan ang mga hinaing ng mga apektado kabilang na ang kalinisan, kaayusan ng lugar, at iba pa.

Sa Nobyembre 3, magkakaroon ng soft opening ang KKK sa kasagsagan ng founding anniversary ng Kalibo.

FOOD TOURISM SITE PLANONG ITAYO SA BAYAN NG KALIBO

Ulat ni Darwin Tapayan, Energy FM 107 .7 Kalibo

Plano ngayon ng pamahalaang lokal ng Kalibo ang pagtatayo ng food tourism site sa kabiserang bayang ito.

Sinabi ni Rhea Meren, tourism officer ng Kalibo, sa pagharap sa regular session ng Sanggunian, itatayo ito sa kahabaan ng Veterans Avenue at tatawaging “Kalye Kulinarya sa Kalibo” (KKK).

Paliwanag ni Meren, ito ay resulta ng kahilingan ng iba-ibang tourism establishment para magbigay-sigla sa bayan ng Kalibo lalu na paggabi.

Nagsagawa narin umano ng ilang konsultasyon at pagpupulong ang pamahalaang lokal sa ilang mga negosyante at mga residente. Positibo umano ang kanilang mga reaksiyon rito.

Kaugnay rito, isinusulong ngayon ni committee chairman on tourism Sangguniang Bayan member Philip Kimpo Jr. ang pagsasabatas ng KKK.

Nakatakda itong sumailalim sa pagdinig sa Oktubre 30 para pag-usapan ang mga hinaing ng mga apektado kabilang na ang kalinisan, kaayusan ng lugar, at iba pa.

Sa Nobyembre 3, magkakaroon ng soft opening ang KKK sa kasagsagan ng founding anniversary ng Kalibo.

MALABONG STREET LIGHTS SA MGA HIGHWAY SA KALIBO PINUNA SA SANGGUNIANG BAYAN

Ulat ni Darwin Tapayan, Energy FM 107.7 Kalibo

Pinuna ng isang opisyal ang anya ay malabong street lights sa kahabaan ng Mabini St., D. Maagma St. at Cardinal Sin avenue patungong Kalibo International Airport.

Sa regular session ng Sangguniang Bayan, sinabi ni SB member Buen Joy French, isa umano ang malabong mga ilaw sa mga dahilan ng nangyayaring aksidente at insidente sa mga kalsadang ito.

Kaugnay rito, naghain ng resolusyon ang opisyal na humihiling sa Department of Public Works and Highway at sa governor’s office na i-upgrade ang mga nasabing ilaw.

Paliwanag ni French, makakatulong umano ang maayos na lighting facilities sa mga highway na ito para maiwasan ang mga aksidente at insidente.

Sang-ayon naman ang iba pang miyembro ng Sanggunian sa resolusyon ni French.

INSENTIBO PARA SA MGA TRICYCLE DRIVERS NA NAGHAHATID NG MGA PASAHERO SA MGA VAN TERMINAL PLANONG IPAGBAWAL NG LGU KALIBO

ulat ni Darwin Tapayan, Energy FM 107.7 Kalibo

file photo

Plano ngayon ng Municipal Economic Enterprise and Development Office sa bayan ng Kalibo na i-regulate ang natatanggap na insentibo ng mga tricycle driver sa pagdadala ng mga pasahero sa mga van terminal.

Ito ay base sa sulat na ipinadala ni MEEDO head Jesse Fegarido sa Sangguniang Bayan.

Sinabi ng MEEDO head na nasa Php40-50 ang tinatanggap ng mga tricycle driver. Ang pagtanggap at pagbibigay umano  ng ganitong uri ng insentibo ay nagpapahina sa maayos na kompetisyon sa transport sector.

Kaugnay nito, nais ipatawag ng Sangguniang Bayan ang mga presidente ng iba-ibang Tricycle Operator at Driver’s Association, mga van operators at drivers, at iba pang mga kinauukulan para sa isang pagdinig.

Samantala, sa panayam ng Energy FM Kalibo sa mga van drivers, pabor sila na alisin na ang pagbibigay ng komisyon sa mga tricycle driver para sila nalang ang makinabang nito.

Hindi naman sang-ayon ang ilang mga tricycle driver na ipagbawal ito dahil malaking tulong umano ito sa kanilang araw-araw na pagkakayod.

Sa personal na opinion nama ni Johnny Damian, presidente ng Federation of Kalibo Tricycle Operators and Drivers’ Association na pabor siya na alisin na ito para hindi na pamulan pa ng away o samaan ng loob.

MGA TRICYCLE DRIVER AT OPERATOR PABOR SA BAGONG TRAFFIC SCHEME SA KALIBO

Pabor ang Federation of Kalibo Tricycle’s Operators and Drivers Association Inc. (FOKTODAI) sa dryrun ng bagong traffic scheme sa kabiserang ito ng probinsiya.

Ayon kay federation president Johnny Damian, noon pa man ay ito na ang kanilang kagustuhan na maging maayos at malinis ang mga pangunahing kalsada sa Kalibo.

Umaasa umano ang pederasyon na hindi magiging ‘ningas kogon’ ang pagpapatupad ng panibagong traffic scheme. 

Nanawagan naman siya sa mga kasama niyang mga tricycle driver at mga operator na maging disiplinado at sumunod sa ipinapatupad na batas trapiko.

Mapapansin na ang mga pangunahing kalsada sa bayang ito ang maraming signages na ‘no parking’, ‘no entry’ at iba pa dahil sa dry run ng traffic scheme na nasa pangatlong linggo ngayon.

Matatandaan na sinabi ni Traffic and Transport Management Unit head Mary Gay Quimpo-Joel na magpapatuloy ang dryrun hanggang sa maisabatas na ito.

PANIBAGONG TRAFFIC SCHEME IPAPATUPAD NA SA SUSUNOD NA LINGGO

Ipapatupad na sa kabiserang bayan ng Kalibo ang panibagong traffic scheme sa susunod na linggo.

Ito ang kinumpirma ni Traffic and Transport Management Unit (TTMU) head Mary Gay Joel sa Energy FM Kalibo.

Ayon sa kanya, ngayong weeked ay maglalagay na sila ng mga signages sa mga lansangan na maapektuhan ng panibagong eskema. 

Paliwanag ni Joel, ang implementasyong ito ay alinsunod sa umiiral na traffic code ng munusipyo.

Plano ng TTMU na sa Lunes ay magsisimula na sila para sa dryrun nito pero kung aalanganin anya ay pwede rin na sa Miyerkules.

Sinabi pa niya na matagal narin umanong ipinaalam ang panibagong sistemang ito sa iba-ibang toda sa bayan ng Kalibo.

Kabilang sa panibagong traffic scheme na ito ang one way street with one side parking with pay, two way street, overnight parking, no parking, no left turn, no uturn at no entry.

Sa ngayon ay puspusan na ang ginagawang clearing operation ng binuong ‘Task Force Hawan’ sa mga kalsada at lansangan sa bayang ito.

Ang ‘Oplan Hawan’ na ngayon ay nasa ikatlong araw na ay preparasyon ng munisipyo para sa implementasyon ng panibagong traffic scheme.

PAGSUSUOT NG HELMET SA POBLACION, KALIBO PLANONG IPAGBAWAL

photo (c) Kalibo PNP file

Isinusulong ngayon ng Kalibo PNP ang pagbabawal ng pagsusuot ng helmet sa loob ng brgy. Poblacion, Kalibo para maiwasan ang kaso ng riding in tandem.

Ito ang iminungkahi ni SPO4 Renie Armenio, deputy chief ng Kalibo muinicipal police station, sa Municipal Peace and Order Council ng munisipyo.

Pwede naman umano ang half face na helmet.

Ayon kay Armenio, pwede magsuot ng helmet sa labas na ng Poblacion lalo na sa crossing D. Maagma, Toting Reyes at sa may Kalibo bridge para sa kaligtasan ng mga motorista.

Dapat rin umanong obserbahan ang 30 kilometers per hour speed limit sa mga pangunahing lansangan kagaya ng D. Maagma, Mabini, at Roxas Avenue at 20 kph sa loob ng Poblacion.

Sa kabilang banda, napag-alaman na karamihan sa mga aksidenteng motorsiklo ay nangyayari sa labas ng Poblacion dahil sa mga nakainom na mga driver.

‘OPLAN HAWAN’ NG PAMAHALAANG LOKAL NG KALIBO UMAARANGKADA

Pangalawang araw na ngayon ang ginagawang clearing operation ng ‘Task Force Hawan’ na binuo ng pamahalaang lokal ng Kalibo.

Sa operasyong ito, ilang kalsada na ang nilibot ng task force kabilang na ang Roxas Avenue, shooping center at ilang mga pangunahing lansangan.

Nabatid na karamihan sa mga obstraksiyong ito ay ang mga extension ng mga establisyemento komersyal, illegal parking, at extended terminal ng ilang sasakyan.

Ang mga permanenteng istraktura sa side-walk ng kalsada ay binigyan ng munisipyo ng dalawang araw para alisin ang mga ito.

May mga ilang nakikipagsagutan sa task force pero karamihan naman ay nangakong aayusin ang kanilang paglabag.

Napag-alaman na ilan sa mga ito ay pinadalhan narin ng notice ng munisipyo pero hindi parin sumusunod.

Pinanguhan ito nina Mary Gay Quimpo-Joel, chairman ng task force at Efren Trinidad, executive assistant II sa tanggapan ng alkalde.

Kasama rin sa mga naglibot ang ilang miyembro ng Kalibo PNP, Municipal Health Office, Municipal Planning and Development Office, at Engineering Office.

Ang operasyon ay preparasyon ng munisipyo para sa implementasyon ng bagong traffic scheme ng pamahalaang lokal sa susunod na linggo.

BAKHAWAN ECO PARK, ISINUSULONG BILANG RESPONSIBLE COMMUNITY – BASED ECO TOURISM ZONE

Isinusulong ngayon sa kongreso ang pagdedeklara sa Bakhawan Eco Park sa New Buswang, Kalibo bilang Responsible Community – Based Eco Tourism Zone.

Ang house bill 3233 ay inihain ni congressman Carlito Marquez sa layuning makahikayat pa ng mga investors sa bayan ng Kalibo.

Nabatid na ang house bill 3233 ay nakalinya na para sa unang pagbasa.

Kaugnay rito, naghain ng resolusyon ng pagsuporta ang Sangguniang Bayan ng Kalibo.

Nakatakda ring magpasa ng mapa ang Department of Enviroment and Natural Resources kung saan ipinapakita ang eco-tourism zone sa nasabing lugar.