Batang babae na tinangay ng agos sa Aklan River hindi parin natatagpuan ayon sa mga rescuer

MDRRMO-Numancia

HINDI PARIN natatagpuan ang batang babae na tinangay ng agos ng tubig-baha sa Aklan River araw ng Sabado.

Umaga ng Miyerkules, sinabi ni Rowen Lachica, team leader ng MDRRMO-Kalibo na simula Sabado hanggang araw ng Miyerkules ay nagsagawa sila ng search and rescue operation.

Mababatid na si Feona Obamos, anim na taon-gulang, ayon sa lola na kasama niya ay nadulas at nahulog sa revetment wall sa Brgy. Bulwang, Numancia ay mabilis na tinangay ng rumaragasang tubig sa ilog.

Kasama nila sa operation ang mga tauhan ng MDRRMO-Numancia at ng PDRRMO. Ginalugad nila ang ilang bahagi ng Aklan River at mga tabing baybayin na posibleng dagsain ang bata.

Hinanap narin nila ang bata sa mga tabing baybayin ng Camanci Norte sa Numancia, Bakhaw Norte at Mabilo sa Kalibo subalit negatibo ang resulta.

Nahirapan umano ang mga rescuer sa paghahanap sa ilog sapagkat malabo at malalim parin ang tubig at maraming mga basura dala ng baha.

Hindi nila matiyak kung saan talaga maaring napadpad ang bata. Posible aniyang nasabit lamang ito sa ilalim ng ilog o posible ring dinala na sa dagat.

Sa kabila nito, magpapatuloy parin sa kanilang paghahanap ang mga rescuer.##

- Ulat ni Kasimanwang Darwin Tapaya, Energy FM Kalibo

Korte pabor kay Mayor na ipahinto ang dredging ng STL Panay sa Aklan river

photo by Google

PINABURAN NG korte ang petisyon na inihain ni dating board member Rodson Mayor para pansamantalang ipahinto ang dredging operation ng STL Panay Resources Co. Ltd. sa Aklan river.

Ito ang naging desisyon ng Branch 2 ng Regional Trial Court Sixt Judicial Region na inilabas ni Bienvenido Barrios Jr., acting presiding judge nitong Nobyembre 12.

Matatandaan na Abril 17 nang maghain si Mayor ng “Petition for Injunction with Prayer for issuance of Temporary Restraining Order (TRO) and or Writ of Preliminary Injunction to restrain STL Panay Resources Co. Ltd from dredging the Aklan River and to declare SP Resolution No. 2012-340.”

Ang SP Resolution no. 2012-340 ay nagbigay otoridad sa dating gobernador ng Aklan at ngayon ay Congreesman na si Marquez para sa isang kasunduan sa nabanggit na kompaniya para sa dredging ng Aklan river bahagi ng disaster risk reduction and management program ng probinsiya.

Kasama sa inirereklamo ni Mayor ay ang mga kasalukuyang opisyal na sina Cong. Carlito Marquez, Gov. Florencio Mirafores, at ang mga miyembro ng Sangguniang Panlalawigan sa pangunguna ni Vice Gov. Reynaldo Quimpo dahil sa umano’y kawalan ng tugon na ipahinto ang dredging operation.

Mababatid na tutol ang ilang residente sa Brgy. Bakhaw, Kalibo at ang mga opisyal ng bayan sa gagawin ng STL sa pangambang magdudulot ito ng pagguho ng lupa sa mga tabing ilog. Nakitaan rin ng ilang kakulangan at paglabag ang STL Panay sa mga inisyal nilang operasyon.

Inaatasan ng korte ang STL Panay ihinto ang operasyon habang ipinaayos ang ilang gusot sa kanilang kontrata, at para tugunan ang ilang environmental concerns at maipaliwanag ng maigi sa stakeholders ang mga technical procedures ng proyekto.

Diniklara naman ng korte na balido parin ang SP Resolution no. 2012-340.##

Feature: The Kali-ugyon Festival in Libacao, Aklan

photo Libacao, Aklan FB

With the yearly “Baesa Parada” Festival held every November of each year, is the Kali-Ugyon Festival, a coined word which means kalipay (happiness) and hili-ugyon (unity), held every December 31 - January 1 of each year where local folks, foreign and local tourists clad with customized native apparel dancing on the streets in merry-making to drive away evil spirits as the new year comes.

Originally, the street-dancing was started sometime in 1987 as conceptualized and initiated through the craftsmanship and artistry of creative and dynamic youth groups of Poblacion.

Bearing the spirit of unity, amity, solidarity and happiness in their minds and hearts, those youths grouped and organized themselves to assemble at the town plaza at dusk and started to beat drums and whatever noise-producing materials just to create noise and lively sounds, then begun to move out the streets chanting and yelling to express contentment, pleasure, cheerfulness and to drive away the evil spirit believed to poison the minds and bring bad omen to mankind.

Street dancers swaying to the tune of drum beats were also carting with them improvised torches to light up their way moving from one street corner to another around the Poblacion area. Participants come from all-walks of life, both young and old from well-off and less fortunate families and never minding of rains during inclement weather but rather felt the resounding joy, cheerfulness and solidarity that street-dancing brings them.

Later on, a group of local professionals advocating the tenacity of the purpose for joyfulness and unitysignified to openly support the street-dancing activity and unanimously resolved to name the festivity as KALI-UGYON, an acronym that means KALIPAY (happiness) and HILIUGYON (unity).

The created name does not only carry with it the literal meanings of the coined words, but rather transcends to its verbatim connotation.

The street-dancing does not only emphasize merry-making but rather exemplifies the Libacaonons’ strong faith and genuine gratitude to the Lord for bringing them His precious gifts as another year is about to peacefully end and yet here they are, still receiving the bounteous blessings of love for their family and mankind, and more significantly is the gift of life and good health.

Meaningfully, the event also demonstrates the sense of belongingness and ownership and social participation among the Libacaonon folks. Engaging in such a big activity entails much effort, patience and financial considerations. Participation is very important as a key to make this activity alive, successful and sustainable. It is understood that this festival is held annually to involve the whole municipality of 24 barangays. United effort must be inculcated in the hearts and minds of each participating group to emerge as a team to beat in the contest that will only fall should UNITY is not the name of the game.

Part also of the celebration is to accord the highest honor to Dr. Jose P. Rizal, the country’s national hero when he was shot to death by the Spanish authorities at the Bagumbayan (now Luneta) last December 30, 1896. A flower wreath is offered by each participating groups to his historical monument found in the town plaza of Libacao that has been preserved and protected by the Local Government in cooperation with the Department of Education.
Proof to this joint endeavour was the Certificate of Honor endowed to the Department of Education (DepEd), District of Libacao in 1998 by the Order of the Knights of Rizal, Supreme Council, Manila as a result of the Search for the Most Beautiful Monument and Park of the National Hero during the Centennial Year of his martyrdom.

The prestigious award shows the constant devotion of the district of Libacao and its people to the hero, its unerring eye to beauty, unique aesthetic sense, passion for cleanliness and orderliness and love for green growing things. It also gave importance to the noble desire to build a niche, a blessed spot, a lovely shrine worthy of a hero; hence a reflection of the love of country, nationalism and patriotism par excellence of the residents of Libacao.##

Rey Z. Orbista, Secretary to the Sangguniang Bayan of Libacao, Aklan
December 27, 2017; Updated: November 13, 2018

DREDGING SA AKLAN RIVER BALAK ITULOY NG STL PANAY SA KABILA NG MGA UNANG OPOSISYON

ITUTULOY PARIN ng STL Panay ang planong pag-dredge sa Aklan River sa kabila ng mga oposisyon ng mga ilang residente at maging pamahalaang lokal ng Kalibo.

Sa sulat na ipinadala sa Sangguniang Bayan ng Kalibo nitong Nobyembre 8, sinabi ni Patrick Lim, Managing Director ng STL, pinahayag niya na nakompleto na nila ang mga dokumento para sa proyekto.

Matatandaan na una nang nagpasa ang Sanggunian ng Resolution No. 2018-460 na nagpapahayag ng pagtutol sa pagsisimula ng proyekto dahil sa kakulangan umano ng mga kaukulang dokumento.

Kaugnay rito, sinabi ni Lim na nais ng kanilang grupo na muling makipagpulong sa Sanggunian. Hiniling niya na isantabi ang nabanggit na resolusyon at magpasa ng panibago na pumapayag sa pagsisimula ng parehong proyekto.

Idinagdag pa ng managing director na base sa Department of Public Works and Highway matatapos na sa Disyembre ang revetment wall sa ilog sa Bakhaw Norte, Kalibo bilang proteksyon sa mga residente roon.

Mababatid na marami sa mga residente ng Brgy. Bakhaw Norte ang tumutol sa proyektong ito at hiniling na maproteksyunan sila sa pamamagitan ng revetment wall.

Napagkasunduan ng Sanggunian sa kanilang regular session na sa susunod na linggo ay makikipagpulong sila sa STL Panay kaugnay ng flood mitigation project ng gobyerno probinsiyal ng Aklan.##

VICE GOVERNOR QUIMPO SA STL PANAY: MAGSAMPA NG KASO KONTRA KAY MAYOR LACHICA

Iminungkahi ni vice governor Reynaldo Quimpo sa isang kinatawan ng STL Panay Resources Co. Ltd na magsampa ng kaukulang kaso laban kay Kalibo mayor William Lachica.

Ito ang sagot ng bise gobernador sa sulat-reklamo ni Pablo Ocampo na inirefer ng Presidential Complaint Center sa Sangguniang Panlalawigan para sa kaukulang aksiyon.

Matatandaan na sumulat si Ocampo kay pangulong Rodrigo Duterte na humihingi ng tulong sa umano’y panggigipit ng alkalde sa kanilang dredging project sa Aklan river.

Kinuwestiyon niya kung mayroon bang jurisdiction ang mayor na maglabas ng “cease and desit order” para pahintuin ang sinasabing flood mitigation project ng gobyerno probinsiyal.

Gusto rin ni Ocampo na maipaliwanag sa Sangguniang Bayan ng Kalibo na makakatulong sa mamamayan ng Aklan ang kanilang proyekto at hindi umano para sa STL.

Tugon ni Quimpo, maaring magsampa ng kaso administratibo o kriminal sa Ombudsman, sa Sangguniang Panlalawigan o sa regular courts ang STL laban kay Lachica.

Binanggit din ni Quimpo sa kanyang sulat-tugon na kasalukuyan pang dinidinig sa Regional Trial Court ang hiling ni dating Sangguniang Panlalawigan member Rodson Mayor na pahintuin ang dredging project ng STL./ Darwin Tapayan, EFM Kalibo

STL PANAY GINIGIPIT UMANO NG LGU KALIBO SA KANILANG DREDGING PROJECT

Ginigipit umano ng pamahalaang lokal ng Kalibo ang STL Panay Resources Ltd sa kanilang dredging project ayon sa isang kinatawan nito.

Ito ang reklamong ipinadala ni Pablo Ocampo sa tanggapan ni Pangulong Rodrigo Duterte sa pamamagitan ng Presidential Complaint Center.

"Kami po ay ginigipit ng mayor ng Kalibo, bagama't kumpleto po ang aming mga documents upang makapag-umpisa ng dredging," bahagi ng kanyang sulat-reklamo.

Kaugnay rito, humihingi ng agarang solusyon ang kanilang kompanya kay Duterte upang matuloy anila ang kanilang pag-dredge sa Aklan river.

Kinuwestiyon naman sa isa pang sulat ng STL ang jurisdiction ni mayor William Lachica sa pagpapahinto ng kanilang proyekto base sa inilabas niyang executive order.

Pirmado naman ni Patrick Lim, managing director ng STL, ang sulat na ito sa Pangulo.

Ipinagtataka rin nila kung ano pang mga dokumento ang hin
ahanap ng LGU Kalibo gayung ibingay na umano nila lahat.

Sa kabilang banda, nanindigan naman si mayor Lachica na hindi siya kontra sa dredging project sa kondisyon na malagyan ng revetment wall ang gilid ng ilog.

Inirefer na ng Presidential Complaint Center ang kaso sa Sangguniang Panlalawigan ng Aklan.

Samantala inihahanda na umano ni mayor Lachica ang kanyang sagot sa reklamo address sa tanggapan ni Duterte./ Darwin Tapayan, EFM Kalibo

DREDGING SA AKLAN RIVER ITUTULOY NG STL SA KABILA NG MGA PAGTUTOL

Itutuloy ng STL Panay Resources Co., Ltd. ang pagdredge sa Aklan river sa gitna ng pagtutol ng ilang mga residente sa Kalibo.

Ito ang kinumpirma ni Engr. Roger Vergara, project engineer ng STL, sa isang press conference Miyerkules ng gabi.

Ayon sa kanya, sa susunod na linggo ay sisimulan na ang operasyon. Miyerkules ng umaga ay dumating na ang dredging vessel at barge ng STL.

Paliwanag niya, lahat umano ng dokumento para sa proyekto ay nacomply na nila. Naalis narin umano ang cease and desist order na ibinaba ng Department of Environment and Natural Resources.

Kinumpirma niya na tanging buhangin lamang ang kukunin at dadalhin sa Singapore para sa reclamation purpose. Pinabulaanan niya na ito ay mining.

Ayon sa Memorandum of Agreement ng STL sa gobyerno probinsiyal, 15 million cubic meter ang kukuning buhangin ng STL sa ilog.

Ang proyekto umano ay libre at kapalit nito ay magbibigay pa ng Php5 bawat cubic meter ang STL sa gobyerno provincial. Daragdagan pa umano ito ng Php2 para sa mga barangay na direktang maaapektuhan nito.

Nabatid na walong barangay sa Kalibo at limang barangay sa Numancia ang direktang maaapektuhan ng proyekto.

Pinasiguro naman ni Vergara na susunod sila sa mga pamatayan ng pamahalaan sa pagpapatupad ng proyekto.

Layunin ng proyekto na maibsan ang pagbaha sa Kalibo at Numancia./ Darwin Tapayan, EFM Kalibo

MAYOR LACHICA AT ILANG RESIDENTE SA KALIBO TUTOL PARIN SA DREDGING NG AKLAN RIVER

Tutol parin si Mayor William Lachica at ilang residente sa bayan ng Kalibo kaugnay ng planong pagbuhay ng dredging project sa Aklan river.

Nanindigan si Mayor Lachica na hindi siya sang-ayon sa dredging project sa Aklan river hanggang walang proteksyon ang ilog.

Ito ang naging pahayag ng alkalde umaga ng Miyerkules sa panayam ng Energy FM Kalibo kaugnay ng balitang sisinulan na ang dredging sa ikalawang linggo ng Abril.

Umaga ngayong araw ay dumating na ang dredging vessel ng STL Panay Resources Co. Ltd. at umaangkorahe sa baybayin ng probinsiya.

Ipinagtataka ni Mayor Lachica kung bakit sa kabila ng pagtutol na ito ng mga residente ay itutuloy parin ng gobyerno provincial at project partner na STL.

Ganito rin ang paninindigan ni Punong Barangay Maribeth Cual ng Bakhaw Norte, Kalibo at ilang residente sa nasabing barangay na direktang apektado ng proyekto.

Matatandaan na naunsyami ang operation matapos na mismong si dating DENR Secretary Gena Lopez ang nag-utos na itigil ang dredging buwan ng Enero ng nakaraang taon.

Kasunod iyon ng mga pangamba ng ilan lalu na ng mga taga-Brgy. Bakhaw Norte, Kalibo na ang nasabing proyekto ay magdudulot ng pagguho ng lupa sa mga tabing-ilog./ Darwin Tapayan, EFM Kalibo

GOBYERNO PROBINSYAL AT STL PANAY PLANONG ITULOY ANG NAUNSYAMING DREDGING PROJECT

Plano ngayon ng lokal na pamahalaan ng Aklan na ituloy ang naunsyaming Flood Mitigation and Risk Reduction Project o ang pag-dredge sa Aklan river.

Kaugnay rito, pinapatawag ni Gobernador Florencio Miraflores ang mga opisyal ng mga apektadong barangay at iba pa para sa isang pagpupulong.

Gaganapin ito sa provincial governor’s office sa kapitolyo sa darating na Nobyembre 9.

Dadalo sa nasabing pagpupulong ang mga kinatawan ng STL Panay Resources Co., Ltd na siyang kinontrata ng gobyerno lokal para sa pagdredge ng ilog.

Matatandaan na naunsyami ang operation matapos na mismong si dating DENR Secretary Gena Lopez ang nag-utos na itigil ang dredging buwan ng Enero ngayong taon.

Kasunod iyon ng mga pangamba ng ilan lalu na ng mga taga-Brgy. Bakhaw Norte, Kalibo na ang nasabing proyekto ay magdudulot ng pagguho ng lupa sa mga tabing-ilog.

Samantala, sinusubukan naman ng himpilang ito na iberepeka sa DENR kung handa na ang mga kaukulang dokumento ng kompanya para magdredge sa Aklan river.

PHP250M PONDO PARA SA REVETMENT WALL NG KALIBO APRUBADO NA NI PRESIDENNTE DUTERTE

Aprubado na ng tanggapan ni Pangulong Rodrigo Duterte ang Php250 milyong pondo para sa revetment wall ng Kalibo.

Ito ang masayang ibinalita ni Kalibo mayor William Lachica sa kanyang mensahe sa flag raising ceremony ng lokal na pamahalaan.

Ayon sa alkalde, nitong Hulyo 10 ay isanama na sa proyoridad at inaprubahan na ang nasabing proyekto.

Bagaman anya may revetment wall na sa bahagi ng Rizal St. at sa brgy. Tinigaw pero hindi anya tuluy-tuloy.

Napag-alaman na layunin nito na maibsan ang tubig-baha na dumidiretso sa sementeryo at Toting Reyes St., Mabini St.

Ang pondong ito ay gagamitin anya para sa revetment wall mula sa Purok 2 patungong brgy. Bakhaw Norte.

Ipinaabot naman ng alkalde ang kanyang pasasalamat sa Sangguniang Bayan sa pagpasa ng resoluyson kaugnay rito.

PHP250 MILYON PARA SA REVETMENT WALL NG AKLAN RIVER, HILING KAY DUTERTE

flickr

Malaki ang posibilidad na mabigayan ang lokal na pamahalaan ng Kalibo ng Php250,000,000 na pondo mula sa tanggapan ni pangulong Rodrigo Duterte.

Gagamitin ang nasabing pondo para sa paggawa ng river control o revetment wall sa riverbank ng Aklan river mula sa brgy. Bakhaw Norte patungong brgy. Poblacion.

Ayo kay SB member Rodillo Policarpio, ang resolusyon na inihain niya kaugnay rito sa Sangguniang Bayan ay kasunod ng kahilingan sa kanya ng alkalde.

Dagdag pa ni SB Policarpio, handa na ang budget allocation at ang project program na lang ang kanilang hinihintay para malaman kung gaano kalayo ang posibleng masaklaw ng nasabing pondo.

Napag-alaman na ang pamahalaang lokal ay nagpadala narin ng resolusyon sa iba’t ibang senador para sa konstruksyon naman ng revetment wall sa brgy. Tigayon at so. Libtong.