"Zero major incident" sa selebrasyon ng Ati-atihan Festival 2019 - PCSupt. Bulalacao

NAGING GENERALLY peaceful ang katatapos lang na sanglinggong pagdiriwang ng Ati-atihan Festival sa bayan ng Kalibo na walang anumang malaking sakuna na naitala ayon sa kapulisan.

Lunes ng umaga sa flag raising ceremony sa Camp Pastor Martelino ay binigyang pugay at parangal ni PCSupt. John Bulalacao, regional director ng Police Regional Office 6, ang mga kapulisan na itinalaga sa festival.

Ayon kay General Bulalacao, "zero major incident" ang selebrasyon ngayong taon. Bumaba rin aniya ng husto ang mga street incidents. Kumpara noong 2018 na may sampung kaso ng physical injury, ngayong taon ay dalawa lamang aniya.

Kung may ilan man aniyang insidente ay maliliit lamang o hindi na naiulat sa kapulisan. Ang iba aniya ay nagkaayos nalang at hindi na nagsampa ng kaso.

Sinabi pa ni Bulalacao na ang matagumpay na pagpapatupad ng seguridad sa selebrasyong ito ay gagayahin rin nila sa iba pang selebrasyon gaya nalang ng nalalapit na Dinagyang Festival sa Iloilo.

Pinarangalan niya rin ang ilang miyembro ng PNP dahil sa mga accomplishment gaya nalang ng pagkakaaresto sa isang snatcher, at mga drug personalities sa kasagsagan ng selebrasyon.

Pinsalamatan rin niya at binigyan ng parangal ang ilang stakeholders gaya ng media, mga emergency support unit, at ang pamahalaang lokal ng Kalibo at ang event organizer sa pagsuporta sa kapulisan.

Samantala, sa kanyang mensahe naging emosyonal si Kalibo Mayor William Lachica sa ipinamalas na kagitingan at tiyaga ng kapulisan para sa aniya isang "very, very successful event."

Pagkatapos ng seremonya ay babalik na sa kani-kanilang mga unit ang kapulisan. Matatandaan na kabuuang mahigit 1,600 kapulisan, sundalo at emergency response team ang itinalaga sa festival bilang bahagi ng Site Task Group Ati Fest 2019.##

- ulat ni Kasimanwang Darwin Tapayan, Energy FM Kalibo

Listahan ng mga nanalo sa "Sadsad Ati-atihan 2019"

Narito ang listahan ng mga nanalo sa "Sadsad Ati-atihan 2019"

TRIBAL BIG
Grand Winner - Black Beauty Boys (Linabuan Norte, Kalibo)
2nd place - Vikings (Dumga, Makato)
3rd place - Libtong Boys (Estancia, Kalibo)

TRIBAL SMALL
Winner - Kabog (Estancia, Kalibo)
2nd place - Tribu Niñolitos (Tigayon, Kalibo)
3rd place - Tribu Bukid Tigayon (Tigayon, Kalibo)

MODERN GROUP
Winner - Aeang-aeang (Laguinbanwa West, Numancia)
2nd place - Atras Abante (Mga Inapo ni Datu Kalantiaw) (Poblacion, Makato)
3rd place - Roya Scorpio (Poblacion, Kalibo)

BALIK ATI
Winner - Tribu Datu Puti (Rosario, Malinao)
2nd place - Sinikway nga Ati (Dumga, Makato)
3rd place - Malipayong Ati (San Roque, Malinao)

MODERN TRIBAL - INDIVIDUAL
Best 1 - Jess Magpusao (Pagaspas) (Albasan, Numancia)
Best 2 - Junnel Palmani (Goddess of Terra Matter) (Old Buswang, Kalibo)
Best 3 - Milmar Soguilon (Tul-ang, Ibajay)

ORIGINAL ATI TRIBAL - INDIVIDUAL
Best 1 - Terry Ebiel (Negra La Viva) (Dumaguit, New Washington)
Best 2 - Jomel Patricio (Tul-ang, Ibajay)
Best 3 - Noel Trance (Catriona Fauna) (Tagas, Tangalan)

Bishop Talaoc: tulungan ang mga mahihirap, pansinin ang mga Ati, iba pang katutubo

BINIGYANG DIIN ni Most Rev. Jose Talaoc, Bishop ng Diocese of Kalibo, sa kanyang homiliya sa kapyestahan ng Señor Santo Niño de Kalibo ang pagpapakumbaba at pagtulong sa mga mahihirap.

Ibinahagi niya ang halimbawa ng Panginoong Jesus Cristo na naglingkod sa mga nangangailangan bilang pagtupad sa gawain ng Ama. "Daya man do challenge katon tanan, kakon, sa mga pari, sa mga lider it nasyon, sa atong probinsiya ag mga banwa."

Nagpaalala siya sa lahat na maging mapagpakumbaba. "I'm always reminding myself and our leaders that we can only emulate great leader nga simple, mapinainubuson para masabat ro mga kinahangeanon it mga pobre." Aniya ang mga napapabayaan ay ang mga mahihirap.

Binanggit rin niya ang pagbibigay pansin sa mga Ati sa Boracay, sa mainland Malay, sa Bulwang, Numancia, at sa Altavas ganoon rin ang mga katutubo sa mga bayan ng Madalag at Libacao.

Ang misa ay dinaluhan ng libu-libong deboto na pumuno sa Pastrana Park. Kasunod nito ay pinangunahan naman ni Kalibo Mayor William Lachica ang pagtataas ng imahe ng Sto. Niño at pagsigaw ng "Viva kay Sr. Sto. Niño!"

Sinundan ito ng procession ng mga Sto. Niño images at sadsad ng mga tribu at grupo na kalahok sa patimpalak ng selebrasyon ng Ati-atihan Festival.

Ang kultural at relihiyosong selebrasyon ng Kalibo Sto. Nino Ati-atihan Festival ay nagsimula noong Enero 2 at magtatapos ngayong araw ng Linggo, Enero 20.##

3 arestado sa pagtutulak umano ng droga sa Kalibo Ati-atihan festival

ARESTADO ANG dalawang drug surenderee at isa pa sa ikinasang buy bust operation sa kaarawan ng kapyestahan ng Kalibo Ati-atihan Festival.

Kinilala ang mga suspek na sina Michael Adrias alyas "Pads", 32-anyos, isang tatoo artist, residente ng Roxas City, Capiz; Jamaica Cill, 19, residente ng Panay, Capiz; at Angelica Aranza, 26, residente ng Roxas City, Capiz.

Nasabat sa kanila ang dalawang sachet ng pinaghihinalaang shabu kapalit ng Php5,000 buy bust money.

Batay sa ulat ng kapulisan, sina Adrias at Aranza ay mga drug surenderee sa Roxas Capiz. Kinumpirma naman ito Adrias subalit tumangging magbigay iba pang pahayag sa panayam ng Energy FM Kalibo.

Inaresto ang tatlo sa kanto ng Acevedo St. at Regalado St. sa Poblacion, Kalibo madaling araw ng Linggo.

Ang operasyon ay ikinasa ng Aklan Provincial Drug Enforcement Unit kasama ang Philippine Drug Enforcement Agency at ng Kalibo PNP.

Pansamantalang ikinulong ang tatlo sa Kalibo PNP Station at nakatakdang sampaham ng kasong paglabag sa Republic Act 9165 o Comprehensive Dangerous Drugs Act of 2002.##

Lalaki arestado sa pagdadala ng baril sa Ati-atihan festival sa Kalibo

ARESTADO ANG isang lalaki sa Brgy. Poblacion, Kalibo umaga ng Sabado dahil sa pagdadala ng baril sa kasagsagan ng Ati-atihan festival.

Kinilala ng kapulisan ang suspek na si Edison Nemis, 60-anyos, ng Brgy. Janlud, Libacao. Nasabat sa kanya ang isang 9mm na baril laman ang limang bala.

Si Nemis ay miyembro ng Kalibo Auxiliary Police.

Una rito pumalag umano ang suspek nang hilingin sa kanya ng kapulisan sa sector 1-A na usisain ang dala niyang bag bago makapasok sa festival area.

Pero naharang ito ng kapulisan at tiningnan ang kanyang bag. Dito tumambad sa mga nagbabantay na mga pulis ang dala niyang baril.

Nakakulong ngayon sa Kalibo police station ang suspek at nakatakdang sampahan ng kasong paglabag sa Comelec gu ban.##

- ulat ni Kasimanwang Darwin Tapayan, Energy FM Kalibo

Mahigit 1,600 kapulisan, force multiplier pormal nang itinalaga sa Kalibo Ati-atihan festival

photos Aklan PPO / Kalibo PNP

PORMAL NANG itinalaga ngayong araw ng Biyernes ang 1,668 mga tauhan ng Site Task Group (STG) Ati Feast 2019 para sa besperas at kaarawan ng Ati-atihan Festival sa Kalibo.

Isinagawa ang send off ceremony sa Camp Pastor Martelino na pinangunahan ni PCSupt. John Bulalacao, regional director ng Police Regional Office 6, task group commander.

"We are gathered here today to show our support to make Ati-atihan celebration this year a success. We have done this before and we can still do better this time," sabi niya sa kanyang mensahe sa STG Ati Feast 2019 personnel.

Sa buong Task Group, 1,419 dito ang PNP personnel, 44 ang Armed Forces of the Philippine personnel, at ang 205 ay mga emergency response team gaya ng PDRRMO at Bureau of Fire Protection.

"This is not just a show of force but an expression of our commitment to ensure that the community will be safe and secure for everyone. Thus Akeanons, tourists, and pilgrims need not worry, the police are here - we will help you," pahayag ni CSupt. Bulalacao.

Paalala niya sa mga kapulisan na maging alerto, maging confident at maging courteous o magalang sa mga bisita. Binawalan niya ang mga kapulisan na gumamit ng cellphone at matulog habang nasa duty.

Sa kabila ng malaking bilang ng kapulisan at iba pang law enforcers, sinabi ni Bulalacao na ang kanilang tagumpay ay nakasasalay rin sa pakikipagtulungan ng taumbayan.

Kabuuang naman 167 communication equipment at 73 mobility equipment gaya ng mga patrol car at motorcycle ng kapulisan, ambulansiya, at firetrucks ang gagamitin para sa seguridad ng festival.

Ang mga task group personnel at ang mga equipment ay binasbasan ng pari sa nasabing send off ceremony.

Layunin ng task group ang magkaroon ng zero major incident sa festival, at mapalakas pa ang tiwala ng taumbayan sa kapulisan at sa pang pwersa ng gobyerno.##

- ulat ni Kasimanwang Darwin Tapayan, Energy FM Kalibo

Schedule ng Simbahan sa bisperas, kaarawan ng kapyestahan ng Sr. Sto. Niño de Kalibo

Narito ang schedule ng Diocese of Kalibo sa bisperas at kaarawan ng Sr. Sto. Niño de Kalibo ngayong taong 2019:

JANUARY 19, 2019 Saturday
4:00 am Dawn Penitential Procession
Blessing of Caro
5:00 am Devotees’ Mass (Hiligaynon)
7:00 am Mass (English)
7:30 am Mass (English)
9:30 am (English)
10:00 am Blessing of Tribes/Pilgrims
11:00 am Blessing of Children
12:00 nn Hornada
3:00 pm Novena
4:00 pm Mass (English)
5:00 pm Vesper Mass (English)

JANUARY 20, 2019
Feast Day
4:00 am Mass (Hiligaynon)
5:00 am Mass (Hiligaynon)
6:30 am Transfer of Sto. Niño de Kalibo
Image from the Shrine for Enthronement
for Pilgrim’s Mass
7:00 am PILGRIMS’ Mass (English)
Cathedral Front Yard
9:00 am GRAND Procession
10:00 am Mass (English)
11:00 am Mass (English)
12:00 noon Mass (English)
3:00 pm Religious and Torch Parade of Sto. Niño Images
4:00 pm Mass (English)
5:00 pm Mass (English)
6:00 pm Mass (English)
7:00 pm Mass (English)

SCHEDULE OF BAPTISM
January 19, 2019 (Saturday)
8:00 am to 11:00 am – Baptism (Chapel of the Saints)
January 20, 2019 (Sunday)
9:00 am to 11:00 am – Baptism (Chapel of the Saints)

SCHEDULE OF PAEAPAK
January 19, 2019 (Saturday)
6:00 am to 11:30 am
2:00 pm to 6:30 pm
January 20, 2019 (Sunday)
5:00 am to 8:00 pm

Simulation exercise isasagawa kaugnay ng Kalibo Ati-atihan Festival 2019

photo Kalibo PNP / file, Ati Fest 2016

MAGSASAGAWA NG simulation exercise ang mga tauhan ng Philippine National Police kaugnay ng nagpapatuloy na selebrasyon ng Ati-atihan festival sa bayan ng Kalibo.

Ayon kay PO2 Jane Vega, tagapagsalita ng Aklan Police Provincial Office, gaganapin ang aktibidad anumang oras araw ng Biyernes sa loob ng festival zone.

Susubukin umano rito ang kahandaan ng kapulisan at ng iba pang ahensiya sa pagresponde sa mga malalaking sakuna gaya ng bombing, mass shooting, at stampede.

Kaugnay rito, nagpaalala ang kapulisan sa mga bisita at publiko na huwag magpanic sa halip ay mag-cooperate sa mga owtoridad.

Araw ng Huwebes ay nakafull swing na ang pwersa ng kapulisan para sa pagbantay ng seguridad sa malaking selebrasyong ito lalo na sa bisperas at kaarawan ng festival o sa Sabado at Linggo.

Sa araw rin ng Biyernes, ay isasagawa ang send-off ceremony ng mga itatalagang kapulisan na pangungunahan ni PCSupt. John Bulalacao, regional director ng PNP.

Una nang ibinalita na nasa 1,500 kapulisan ang itatalaga sa festival. Malaking bilang nito ang mula sa regional office ng PNP.

Target ng kapulisan ang zero major incident para sa selebrasyon ng Ati-atihan sa Kalibo ngayong taon.##

- ulat ni Kasimawang Darwin Tapayan, Energy FM Kalibo

Snatcher sa Kalibo Ati-atihan Festival, arestado

Ang suspek at ang biktima.

ARESTADO ANG isang lalaki sa selebrasyon ng Ati-atihan Festivl sa Kalibo makaraang nakawan ang isang lolo tanghali araw ng Huwebes.

Kinilala ang suspek na si Robert Fugura, 36-anyos, tubong Calumpang, Iloilo City. Habang ang biktima ay kinilala namag si Gil Silvederio, 67, residente ng Brg. Tabangka, Numancia.

Batay sa pagsisiyasat ng Kalibo PNP, bumibili umano ang biktima sa isang stall sa kahabaan ng F. Quimpo St. sa Brgy. Poblacion nang mapansin niyang nakabukas na ang zipper ng kanyang bag.

Bago ito naalala niya na may isang lalaking lumapit sa kanya. Hinanap niya ito at natagpuan sa kalapit na stall. Dito kinumpronta ng biktima ang suspek pero bigla itong tumakbo.

Agad na humingi ng saklolo ang biktima at agad na hinabol ng mga negosyanteng Muslim at kapulisan ang lalaki dahilan para mahuli ito.

Nasabat sa kanya ang ninakaw na pera mula sa biktim. Ikinulong ang suspek sa police station at nakatakdang sampahan ng kasong theft.

Sa panayam ng Energy FM Kalibo, sinabi ng suspek na kalalaya lang niya mula sa kulungan dahil rin sa kasong pagnanakaw. Inamin rin niya na ninakawan niya ang biktima.

Samantala, nagpapasalamat naman si PO2 Erick John Delemos, imbestigador, dahil sa pagiging alerto ng biktima at ng mga Muslim brothers kaya nahuli ang snatcher.##

- ulat ni Kasimanwang Darwin  Tapayan, Energy FM Kalibo

Balete panalo na naman sa Higante Contest ngayong Kalibo Ati-atihan 2019

PANALO NA naman ang munisipyo ng Balete sa katatapos lang na Higante Contest sa Kalibo Ati-atihan Festival 2019.

Ang mga nanalo ay mga munisipyo ng Balete (Champion); Nabas (1st runner up); Batan (2nd runner up); Ibajay (3rd runner up); at Kalibo (4th runner up).

Ang champion ay tatanggap ng Php45,000, habang ang mga runner-up ay tatanggap ng Php40,000, Php35,000, Php30,00 at Php25,000 ayon sa pagkakasunod-sunod.

Ang limang iba pa na mga munisipyo na lunahok - Tangalan, New Washington, Madalag, Numancia, at Malinao. Sila ay tatanggap ng Php15,000 consolation.

Lahat ng mga lumahok sa contest ay may subsidy mula sa provincial goverment na Php30,000. Ang Higante Contest ay inoorganisa taon-taon ng Provincial Tourism Office.

Ang tema ng contest ngayong taon ay Aklan festivals. Matatandaan na noong nakaraang taon ay panalo din ang Balete sa tema na professional ati.

Ang criteria for judging ay relevance (30%), creativity (30%); artistry (30%); audience impact and appeal (10%).##

- ulat ni Kasimanwang Darwim Tapayan, Energy FM Kalibo

Lyreman nagproposed ng marriage sa nobya sa gitna ng sadsad sa Kalibo Ati-atihan

WALANG MAPAGSIDLAN ang saya ng isang lyreman matapos matanggap ang matamis na "oo" sa babaeng nais niyang asawahin.

Kasama ang kanyang banda sinorpresa ni Reginaldo Panagsagan ang nobya sa harap ng St. John the Baptist Cathedral kung saan siya nagpropose ng marriage.

Ang buong akala ni Mary Jorelly Egol ay magsasadsad lamang siya kasama ang nobyo ang banda niya na Kamicouzins.

Laking gulat ng babae na biglang nahinto ang tugtog ng banda, medyo nagkagulo at biglang lumuhod ang lalaki at nagladlad ng banner ang grupo nakalagay "Will you marry me?"

Nagregalo ng isang lyre stick na mayroong pulang ribbon ang lalaki at syempre singsing at sinundan ng mahigpit na yakap.

Nangontratra rin ng isang drone operator ang lalaki para i-kober ang para sa kanya ay hindi makakalimutang sandali ng kanyang buhay.

Si Reg at si Jorelly ay apat na taon nang magnobyo. Una silang nagkakilala sa high school at naging matalik na magkaibigan pagdating ng kolehiyo.

Head barista ang 23-anyos na babae sa isang kilalang hotel sa Kalibo habang billing personnel naman sa isang cable company ang 24-anyos na lalaki.##

34 mga tribu at grupo kalahok sa “Sadsad Ati-Atihan 2019”

Official List of Registered Ati-atihan Tribes and Groups:

BALIK ATI
1. APO NI INDAY - Calangcang Makato
2. KINANTUN-ING - San Roque Malinao
3. TRIBU ANONO-O - Briones Kalibo
4. TRIBU MANINIKOP - Caano, Kalibo
5. TA-EA AGILA - Calangcang, Makato
6. MALIPAYONG ATI - San Roque, Malinao
7. KABUTUNGAN TRIBE - Bulabod, Malinao
8. TRIBU DATU PUTI - Rosario, Malinao
9. TRIBU ILAYANHON NGA INAPO NI GENERAL CANDIDO IBAN - Lilo-an, Malinao
10. SINIKWAY NGA ATI - Dumga, Makato

TRIBAL SMALL
1. IWA IWA TRIBE - Estancia, Kalibo
2. TRIBU NINOLITOS - Tigayon, Kalibo
3. TRIBU BUKID TIGAYON -  Tigayon, Kalibo
4. LEZO TRIBE - Ibao, Lezo
5. PAROLA TRIBE - Daja Norte, Banga
6. TRIPLE J TRIBE - Estancia, Kalibo
7. TRIBU RESPONDE - New Buswang, Kalibo
8. KABOG - Estancia, Kalibo

MODERN GROUP
1. BAE-OT BAE-OT - Pusiw, Numancia
2. ROAD SIDE - Linabuan Sur, Banga
3. AEANG-AEANG  - Laguinbanwa West, Numancia
4. D’EMAGINE  - Crossing Buswang, Kalibo
5. ATRAS ABANTE  -  (Mga Inapo ni Datu Kalantiaw) Poblacion, Makato
6. ROYAL SCORPIO  - Poblacion, Kalibo
7. UNITED LINABUANON - Linabuan Sur, Banga
8. ANTS PAEA - New Buswang, Kalibo

TRIBAL BIG
1. PANGAWASAN TRIBE - Cayangwan, Makato
2. TRIBU TIIS TIIS - New Buswang, Kalibo
3. TRIBU ALIBANGBANG - Linabuan Norte, Kalibo
4. VIKINGS - Dumga, Makato
5. LIBTONG BOYS  - Estancia, Kalibo
6. D’KAMANGGAHAN - Poblacion, Makato
7. BLACK BEAUTY BOYS - Linabuan Norte, Kalibo
8. MAHARLIKA - Dumga, Makato

Sa Sabado, Bisperas ng festival, gaganapin ang contest alas-8:00 ng umaga.

Augmentation force ng kapulisan sa Kalibo Ati-atihan Festival 50% na

NASA KALAHATING porsyento na ang augmentation force ng kapulisan sa nagpapatuloy na pagdiriwang ng Kalibo Ati-atihan Festival.

Ito ang pinahayag ni PSupt. Richard Mepania, help ng Kalibo PNP at ground commander ng event, sa isang media interview hapon ng Martes.

Aniya dumating ang kalahati ng inaasahang bilang ng augmentation force ng kapulisan araw ng Lunes at nagsimula nang italaga sa loob at labas ng festival zone.

Una nang ibinalita na nasa mahigit 1,500 kapulisan ang itatalaga sa malaking selebrasyong ito. Malaking bilang nito ang mula sa regional office ng Philippine National Police.

Dinagdag ni Mepania na sa Huwebes ay makokompleto na ang augmentation ng kapulisan para masiguro ang isang mapayapa at maayos na festival. Target nila ang zero major incident sa event na ito.

Mababatid na 18 police assistance desk ang kanilang itinayo para magbantay sa seguridad. Dadaan din sa pedestrian screening area ang mga festival goer.

Nakatakda namang pansamantalang patayin ang mga telecommunication signal sa festival zone sa bisperas at kaarawan ng pagdiriwang para sa seguridad.

Nanawagan naman ng kooperasyon ng taumbayan at mga bisita ang hepe ng Kalibo PNP sa mga ipinatutupad nilang seguridad at mga ordinansa.##

- ulat ni Kasimanwang Darwin Tapayan, Energy FM Kalibo

‘Hegante’ parade sa Kalibo Ati-atihan Festival, ‘ready na’

Balete, Champion Hegante Contest 2018 / photo Maria Lucel Villaruel

ISA SA mga inaabang ng mga festival goers tuwing Ati-atihan festival sa Kalibo ay ang parada ng mga “hegante” mula sa iba-ibang munisipyo.

Ayon sa Aklan Provincial Tourism Office, organizer ng taunang Hegante Contest, ang tema ng contest ngayong taon ay “Aklan festivals”.

Nakatakda ang naturang aktibidad sa Huwebes, Enero 17, ala-1:00 ng hapon. Magsisimula ang parade sa D. Maagma St. patungong Pastrana Park para sa final judging at awarding ceremony.

Ang mananalo ay tatanggap ng cash at plaque habang ang hindi mapapalad ay tatanggap ng consolation prizes at plaque of participation. May subsidy rin na ibibigay sa lahat ng mga lalahok na munispalidad.

Noong nakaraang taon nanalo ang bayan ng Balete sa kanilang heganteng chef kung saan ang tema ng contest ay professional Ati.

Samantala, pangungunahan rin ng Tourism Office ng probinsiya ang Sangkalibong Tamboe at Aklan Festivals Float Parade sa Enero 14 simula ala-1:00 ng hapon.

May gaganapin rin na “Balikbayan Night” sa Enero 18, alas-7:00 ng gabi sa ABL Sports Complex na may temang “Paradise Regain” kaugnay ng rehabilitasyon at muling pagbubukas ng Isla ng Boracay.##

- ulat ni Kasimanwang Darwin Tapayan, Energy FM Kalibo

Nicole Angela Crescini kinoronahan bilang Mutya it Kalibo Ati-atihan 2019

KINORONAHAN BILANG bagong Mutya it Kalibo Ati-atihan sa taong ito si Nicole Angela Crescini muka sa bayan ng Nabas.

4th - #1 Mary Anne Lopez
3rd - #15 Jamaica Venturillo
2nd - #13 Francesca Beatriz Abalajon
1st - #5 Faye Beltran

Koronasyon ng Mutya it Kalibo Ati-Atihan 2019 ngayong gabi na

NGAYONG GABI na ang koronasyon ng tatanghaling bagong Mutya it Kalibo Ati-Atihan 2019 sa ABL Sports Complex.

Narito ang 16 mga kandidata:

1. Mary Anne Lopez
2. Sofia Claire Inocentes
3. Gina May Curises
4. Pearly Ann S. Libuton
5. Faye Beltran
6. Shenna Ellica Retiro
7. Princess Shemiah Filomeno
8. Aubrey Denielle Sy
9. Jamella Jane Remaneses
10. Yana Nieto
11. Philiana Hedy Zante
12. Cuty Ann Guzman
13. Francesca Beatriz Abalajon
14. Nicole Angela Crescini
15. Jamaica Venturillo
16. Shenna Adrien Pador



Magiging bisita sa event na ito sina Jason Abalos, Christian Bautista, Kenneth Earl Medrano, Maureen Wroblewitz at Daryl Ong.

Sasalain ang mga kandidata sa sampung finalist matapos ang preliminaries sa Ati-Atihan festival costume, production number, evening gown and swimwear.

Mula sa sampu ay pipiliin ang lima na magkakaroon ng tsansa namakamit ang korona para sa Mutya.

Itatanghal din sa pageant night ang mga koleksyon ng gawa ng mga nangungunang lokal at internasyonal na mga fashion designer pati na ang 13 panel of hjudges.##

Bagong health center, common terminal sa Kalibo bubuksan na ngayong Ati-Atihan Festival

BINALITA NI Kalibo Mayor William Lachica na bubuksan na ng pamahalaang lokal ng munisipyo ang bagong tayong health center at common terminal building.


Bago ito sinabi niya sa panayam ng Energy FM Kalibo na isang blessing ceremony ang isasagawa sa Enero 18 sa kasagsagan ng Ati-Atihan Festival.

Eastern Terminal / Energy FM Kalibo photo

Ang health center na bubuksan ay makikita sa kahabaan ng N. Roldan St. kung saan magsisilbi rin umano itong birthing facility.

Ang common terminal naman ay sa kahabaan ng San Lorenzo Drive kung saan magsisilbi ito sa mga jeep na bumibiyahe sa eastern side ng probinsiya.

May cutting ribbon rin umano para sa bagong gawa na Bakhaw Norte bridge sa Enero 17 na una nang binasbasan kamakailan.

Habang pinag-aaralan pa aniya ang petsa ng blessing at inagurasyon ng bagong Evacuation Center sa Brgy. Tigayon.

Health and Birthing Center
Energy FM Kalibo photo

Kaugnay rito sinabi ng alkalde na nag-imbita ito ng ilang mga politiko sa nasyonal para maging bahagi ng mga nasabing aktibidad.

Ilan lamang ito sa mga proyektong ipinagmalaki ng alkalde na bunga ng mga binabayad na buwis ng taumbayan at hindi galing sa utang.

Samantala, idinagdag ng alkalde na nagpapatuloy ngayon ang pag-aaspalto ng ilang mga kalye sa Kalibo bilang paghahanda narin sa Ati-Atihan.##

- ulat ni Kasimanwang Darwin Tapayan, Energy FM Kalibo

Synchronize na pagtugtog sa Ati-atihan balak gawin, gustong ipasok sa world record

photo Kas Darwin Tapayan / Energy FM Kalibo

BALAK NGAYON ng Parish Church of Kalibo na sabayang pagtugtog ng iba-ibang grupo o tribu ng iisang kanta sa Kalibo Ati-Atihan Festival at ipasok sa world record.

Binanggit ito ni Fr. Jose Tudd Belandres, moderator ng Parish Team Ministry sa kanyang committee report sa Kalibo Sto. Ñino Ati-Atihan Festival Inc. bahagi ng paglalahad niya ng mga aktibidad ng Simbahan.

Sinabi niya na napag-usapan umano ng parokya na pagkatapos ng pagsigaw ng "Viva kay Sr. Sto. Niño" ay susunod ay sabayang pagtugtog sa harap ng Simbahan Linggo ng umaga.

Gusto umano ng parokya na tugtugin ng mga tribu, grupo at mga caro owners ang sikat noon na kanta na "Happy Days are Here Again".

Iimbitahan umano nila ang Guinness World Records para mag-obserba para sa may pinakamaraming sabayan nagtutugtog ng nabanggit na kanta.

Sinabi ni Fr. Belandres na mainam umano ito kaysa iba-iba ang tinutugtog na sa halip makalikha ng musika ay ingay.

Katunayan sinabi niya na nakahanda na ang recording ng kanta para magamit ng mga kalahok pero maaaring sa susunod na taon pa umano ito uumpisahang gawin.##

- ulat ni Kasimanwang Darwin Tapayan, Energy FM Kalibo

Jak Roberto at Barbie Forteza, iba pang mga artista sa Kalibo Ati-atihan Festival

MALIBAN SA mga grupo at mga tribu na gustong masaksihan ng mga tao sa pagdiriwang ng Kalibo Sto. Niño Ati-atihan Festival ay ang pagbisita rin ng iba-ibang mga artista.

Sa Enero 11 sa Pageant at Coronation Night ng “Mutya it Kalibo Ati-atihan 2019” ay magiging bisita ang mga singer na sina Daryl Ong at Christian Bautista para haranahin ang mga kandidata.

Bisita rin sa parehong okasyon na gaganapin sa sa ABL Sports Complex, alas-7:00 ng gabi ang model-actor na si Jason Abalos, “That’s My Bae” grand winner Kenneth Earl Medrano at Asia’s Next Top Model Cycle Grand 5 Grand Winner Maurren Wroblewitz.

Sa Enero 16 naman sa Pastrana Park ay magpapakilig at magpapasaya ang magkasintahan na sina Barbie Fortez at Jak Roberto na usap-usapan ngayon sa social media. Ganoon din ang magkasintahan na sina Paul Santos at Mika Dela Cruz.

Maliban rito magpapasaya rin ang ilang mga kilalang banda kabilang na ang Callalily sa “Hala Bira Nights” sa Magsaysay Park simula Enero 14 hanggang 20.

Ang selebrasyon ay nagsimula na nitong Enero 2 kasunod ng unang novena at opening liturgy para kay Sr. Sto. Niño de Kalibo.##

- ulat ni Kasimanwang Darwin Tapayan, Energy FM Kalibo

Zero major incident sa Kalibo Ati-atihan Festival target ng kapulisan

TARGET NG kapulisan ang zero major incident sa selebrasyon ng Ati-atihan Festival sa Enero 14 hangang Enero 20 sa Kalibo.

Ito ang sinabi ni PCInsp. Kenneth Paniza, deputy chief of police ng Kalibo PNP, sa panayam ng Energy FM Kalibo gabi ng Huwebes.

Kaugnay rito 1,506 kapulisan umano ang itatalaga sa Kalibo para sa pagdiriwang. 400 dito ang sa Aklan at ang natitira ay mula sa regional office ng kapulisan.

Magiging katuwang rin ng kapulisan ang Philippine Army, Bureau of Fire, MDRRMO, Auxiliary Police, mga tanod at iba pang ahensiya.

Sinabi pa niya na 18 Police Assistance Desk ang itatayo sa loob at labas ng festival zone kung saan nakabatantay ang mga kapulisan.

Magkakaroon din umano sila ng entrance area sa festival zone kung saan dadaan sa pagbusisi ang mga dalang gamit ng mga pumapasok. Payo niya, iwasan nalang ang pagdala ng backpack sa loob ng festival zone.

Bago ang sanglinggong pagdiriwang ay magsasagawa umano ng walkthrough at dry run ng seguridad.

Bagaman wala umano silang namonitor na banta sa seguridad nakaalerto parin umano ang kapulisan para seguraduhin na magiging payapa at maayos ang pagdiriwang na ito.

Hapon ng Huwebes ay nagtipon ang iba-ibang ahensiya para sa Inter-Agency Coordinating Conference ng binuong Site Task Group AtiFest 2019.

Nanawagan naman siya sa taumbayan at mga bisita ng kooperasyon sa mga ipinatutupad nilang seguridad.##

- ulat ni Kasimanwang Darwin  Tapayan, Energy FM Kalibo