Motorsiklo bumangga sa sangka elf truck; angkas patay

PATAY RO sangka eaki matapos bumangga ro ana nga ginasakyan nga motorsiklo sa sangka elf truck sa Brgy. Laguinbanwa West, Numancia kabii.

Ginkilaea ro biktima nga si Jerold Ituriaga, 27-anyos, residente it Brgy. Bogasongan, Lezo.

Imaw hay angkas sa motorsiklo nga ginamaneho ni Romeo Cuare, 38, taga-Bugasongan, tag matabu ro insidente banda alas-10:00 it gabii.

Suno sa imbestigasyon it Numancia PNP, umagaw it linya ro motorsiklo tag bumunggo sa kasubeang nga elf truck nga genamaneho ni Edmund Dela Cruz, 40.

Insigida man nga gindaea sa Provincial Hospital ro mga sakay it motorsiklo pero matapos ro pilang minuto hay ginbawian man it kabuhi ro angkas.

Nasayuran nga si Jerold hay nakaangkon it grabe nga lastro sa ueo samtang nabilian man it siki ro driver it motor nga si Romeo.

Padayon pa ro imbestigasyon it kapulisan sa natabu.##

- Kasimanwang Darwin Tapayan, Energy Fm 107.7 Kalibo