PATAY RO sangka eaki matapos bunaean it tubo sa ueo sa Brgy. Joyao-joyao kainang hapon.
Ginkilaea sa report it Numancia PNP ro biktima nga si Richard Torres y Cichon, 46-anyos, residente it nasambit nga lugar.
Samtang ginkilaea man t-a ro supek nga si Jessie Naingue y Asiong alyas "Paki", residente man parehos nga barangay.
Sa alegasyon it kaibahan it suspek nga si Lorenze Bisate, ginbantayan kuno sanda it biktima sa daean. Inunahan kuno it biktima nga bunaean ro suspek.
Nakalikaw ro suspek ag naagaw ro tubo dayon binunaean ro biktima nga naigo sa ana nga ueo. Nakatikang pa ro biktima hasta nga natabangan imaw.
Suno kay Rolando Niño nakasugid pa kuno ro biktima kana nga nagdiskuyon sanda it suspek ag binunaean imaw it tubo bago imaw ra namatay sa ospital.
Naaresto man ta ro suspek. Nakakulong imaw makaron sa Numancia PNP ag nakataeana nga pagapasakaan it kaso nga homicide.##
No comments:
Post a Comment