Motorsiklo bumangga sa sangka saeakyan sa Numancia; driver ninahon

photo Marcelino Tanghian to Energy FM Kalibo

NINAHON RO sangka eaki matapos nga bumangga ro ana nga ginasakyan nga motorsiklo sa sangka pajero sa Brgy. Laguinbanwa East, Numancia rayang gabii.

Ginkilaea ro driver it motorsiklo nga si Danilo Serino, 54-anyos, taga-Brgy. Laguinbanwa East, Numancia.

Samtang ro driver man t-a it pajero nga anang nabanggaan hay nakilaea nga si Jenerson Magallanes, taga-Linabuan Norte, Kalibo.

Ginapahayag suno sa inisyal nga imbestigasyon ni PO3 Felizardo Navarra Jr. nga ro motorsiklo ro bumangga sa likod it ginasundan na nga awto nga paadto sa Kalibo.

Nasayuran nga una sa impluwensiya it makahieilong nga ilimnon ro driver it motor tag matabu ro insidente.

Nag-angkon it lastro sa ueo ag iba pa nga parte it eawas ro driver it motor ag gin-admit sa Dr. Rafael S. Tumbukon Memorial Hospital.

Samtang una man sa pagtatap it Numancia PNP ro driver it pajero.

Padayon pa nga ginaimbestigahan ro insidente.##

- Kasimanwang Darwin Tapayan, Energy FM Kalibo