REDISTRICTING NG AKLAN PIRMADO NA NI PANGULONG DUTERTE

PINIRMAHAN NA ni Pangulong Rodrigo Duterte ang batas na naghahati sa lalawigan ng Aklan sa dalawang distrito.

Ito ang malugod na inanunsiyo ni Aklan lone district representative Cong. Carlito Marquez sa panayam ng Energy FM Kalibo umaga ng Sabado.

Mismong ang kongresista ang nag-akda ng House Bill no. 7522 o An Act Reapportioning the Province of Aklan into Two Legislative Districts.

Sa nasabing batas, ang unang distrito ay binubuo ng mga bayan ng Altavas, Batan, Balete, Banga, Kalibo, New Washington, Libacao, at Madalag.

Ang ikalawang distrito naman ay binubuo ng mga bayan ng Buruanga, Ibajay, Lezo, Makato, Malay, Malinao, Nabas, Numancia, at Tangalan.

Ang pagkakaron ng dalawang distrito sa Aklan ay magdodoble ng Priority Development Assistance Fund (PDAF) bawat taon para sa probinsiya.##

REDISTRICTING NG AKLAN APRUBADO NA SA THIRD READING SA SENADO

APRUBADO NA sa ikatlomg pagbasa ng Senado sa ngayong araw ang paghati sa dalawang distrito ng probinsiya ng Aklan.

Ito ang malugod na inanunsiyo ni Aklan lone district representative Cong. Carlito Marquez.

Mismong ang kongresista ang nag-akda ng House Bill no. 7522 o An Act Reapportioning the Province of Aklan into Two Legislative Districts.

Sa nasabing panukalang batas na, ang unang distrito ay binubuo ng mga bayan ng Altavas, Batan, Balete, Banga, Kalibo, New Washington, Libacao, at Madalag.

Ang ikalawang distrito naman ay binubuo ng mga bayan ng Buruanga, Ibajay, Lezo, Makato, Malay, Malinao, Nabas, Numancia, at Tangalan.

Lalagdaan pa ni Pangulong Rodrigo Duterte ang nasabing House Bill bago maging ganap na batas.

Kumpyansa si Marquez na magiging ganap na batas ang redistricting ng Aklan bago ang paghahain ng kandidatura ng mga tatakbo sa eleksiyon sa Oktubre.

Ang pagkakaron ng dalawang distrito sa Aklan ay magdodoble ng Priority Development Assistance Fund (PDAF) bawat taon para sa aprobinsiya.##

- Darwin Tapayan, Energy FM Kalibo

CONSTRUCTION NG LTO OFFICE SA MALAY TATAPUSIN BAGO MAGBUKAS ANG ISLA NG BORACAY

Sa susunod na linggo ay sisimulan na ang konstruksiyon ng gusali ng bagong Land Transportation Office sa Sitio Bacolod, Brgy. Caticlan, Malay.

Ngayong araw ng Sabado ay isang ground breaking ceremony ang isinagawa sa lugar at posibleng matapos bago magbukas ang Isla ng Boracay.

Sa kanyang mensahe sinabi ni LTO asst. regional director Gaudioso Geduspan na ang bagong LTO office ay tugon ng gobyerno sa dumaraming nangangailangan ng kanilang serbisyo.

"We are bringing government services malapit sa tao... Closer to the people of Malay, closer to the people of Nabas, closer to the people of Aklan, and closer to the people also of Antique and Boracay," sabi ni Geduspan.

Ayon naman kay Cong. Carlito Marquez, ang proyekto ay bunga ng pagsisikap ng kanyang administrasyon noon na makahanap ng loteng pagtatayuan ng LTO.

Ang 1,200 sq meters ng lupa ay idinonate ng TPW (Traje-Panado-Wacan) Group Inc. at sila narin ang magpapatayo ng gusali na uupahan ng gobyerno.

Sinabi ni Atty. Rey Traje ng TPW na posibleng matapos ang konstrukyson bago magbukas ang Boracay sa October 26.

Pareho umano ang serbisyong ilalaan ng bagong LTO office sa LTO office sa Kalibo. Ang pribadong grupo ay magtatayo rin umano ng smoke immission test center sa lugar. | Darwin Tapayan, EFM Kalibo

PAGHATI SA AKLAN SA DALAWANG DISTRITO APRUBADO NA SA SENATE COMMITTEE

Binalita ni Aklan lone district representative Carlito Marquez araw ng Miyerkules na inaprubahan na ng senate committee ang paghati sa Aklan sa dalawang distrito.

Sa pangunguna ni Sen. Sonny Angara, inaprubahan ng Senate Committee on Local Government ang House Bill no. 7522 or An Act Reapportioning the Province of Aklan into Two (2) Legislative Districts na inihain ni Cong. Marquez.

Mababid sa nasabing panukalang batas, ang unang distrito ay binubuo ng mga bayan ng Altavas, Batan, Balete, Banga, Kalibo, New Washington, Libacao, at Madalag.

Ang ikalawang distrito naman ay binubuo ng mga bayan ng Buruanga, Ibajay, Lezo, Makato, Malay, Malinao, Nabas, Numancia, at Tangalan.

Sa kabilang banda, sinabi ni Aklan board member Nolly Sodusta, isa sa mga dumalo sa pagdinig ng Senate Committee, nangako umano si Sen. Angara na mamadaliin ang pag-apruba nito para maging ganap na batas.
Ayon pa sa SP member, hindi umano tutol sina Sen. Tito Sotto, Panfilo Lacson at Miguel Zubiri sa nasabing panukala.

Dumalo rin sa pagdinig sa Senado si Aklan Gov. Florencio Miraflores. | Darwin Tapayan, EFM Kalibo

PAGHATI SA AKLAN SA DALAWANG DISTRITO, APRUBADO NA SA HOUSE OF REPRESENRTATIVES

Aprubado na sa ikatlo at huling pagbasa ng House of Representatives ang pagsasadalawang distrito ng Aklan.

Kinumpirma ito ni Aklan lone district representative Cong. Carlito Marquez sa panayam ng Energy FM Kalibo. Alinsunod ito sa inakdaan niyang House Bill 7522.

Sa nasabing bill, ang unang distrito ay binubuo ng mga bayan ng Altavas, Batan, Balete, Banga, Kalibo, New Washington, Libacao, at Madalag.

Ang ikalawang distrito naman ay binubuo ng mga bayan ng Buruanga, Ibajay, Lezo, Makato, Malay, Malinao, Nabas, Numancia, at Tangalan.

Kailangan pa umanong dumaan sa Senado ang nasabing batas at kay Pangulong Rodrigo Duterte.

1,090 AGRICULTURAL PATENTS IGINAWAD NG DENR SA AKLAN; 11 PAARALAN NAKATANGGAP RIN NG SPECIAL PATENT

ulat ni Darwin Tapayan, Energy FM 107.7 Kalibo

Ginawaran Department of Environment and Natural Resources (DENR) ang 1,090 benepisaryo ng libreng agricultural patent sa lahat bayan sa Aklan Biyernes ng umaga.

Pinagkalooban rin ng special patent ang 11 paaralan:

1) Bay-ang Elementary School, Bay-ang, Batan;

2) Bubog ES, Bubog, Numancia;

3) Dumaguit ES, Dumaguit, New Washington;

4) Estancia ES, Estancia, Kalibo; 

5) Linayasan National High School, Linayasan, Altavas;

6) Madalag ES, Poblacion, Madalag;

7) Numancia National School of Fishiries, Albasan, Numancia;

8) Polo ES, Polo, New Washington;

9) Union ES, Union, Nabas;

10) Union NHS, Union, Nabas; at

11) Laserna ES, Laserna, Nabas.

Tumanggap rin ng special patent ang Provincial Environment and Natural Resources sa Bliss Site, Bakhaw Sur, Kalibo.

Pinangunahan nina DENR regional director Jim Sampulna, PENRO Ivene Reyes, Congressman Carlito Marquez, board member Jose Miguel Miraflores at iba pang opisyal ng pamahalaang lokal ang paggawad ng nasabing mga titulo.

Una nang nainanusyo na darating sa Aklan si DENR secretary Roy Cimatu upang pangunahan ang paggawad. Pero dahil sa hectic schedule ay hindi na nakarating si Cimatu.

BAKHAWAN ECO PARK, ISINUSULONG BILANG RESPONSIBLE COMMUNITY – BASED ECO TOURISM ZONE

Isinusulong ngayon sa kongreso ang pagdedeklara sa Bakhawan Eco Park sa New Buswang, Kalibo bilang Responsible Community – Based Eco Tourism Zone.

Ang house bill 3233 ay inihain ni congressman Carlito Marquez sa layuning makahikayat pa ng mga investors sa bayan ng Kalibo.

Nabatid na ang house bill 3233 ay nakalinya na para sa unang pagbasa.

Kaugnay rito, naghain ng resolusyon ng pagsuporta ang Sangguniang Bayan ng Kalibo.

Nakatakda ring magpasa ng mapa ang Department of Enviroment and Natural Resources kung saan ipinapakita ang eco-tourism zone sa nasabing lugar.

MARQUEZ NAKIPAGPULONG SA MGA OPISYAL NG PNP AT DILG KAUGNAY SA SEGURIDAD SA AKLAN

ulat ni Darwin Tapayan, Energy FM 107.7 Kalibo

photo (c) DILG-Aklan

Pinatawag ni Aklan Congressman Carlito Marquez ang mga opisyal ng Philippine National Police para sa isang peace and order briefing.

Kasama ni Marquez sa nasabing pagpupulong sina PNP Regional Director PCSupt. Cesar Howthorne Binag, PNP Aklan Provincial Director PSSupt. Lope Manlapaz, at Department of Interior ang Local Government (DILG) - Aklan Provincial Director John Ace Azarcon.

Sa panayam ng Energy FM Kalibo, sinabi ni Marquez layunin nito na masiguro ang kahandaan ng mga awtoridad sa probinsiya kasunod sa mga banta ng terorismo sa ibang lugar.

Sinabi pa ng kongresista na naka-alerto ang mga kapulisan sa mga posibleng pag-atake ng terorista sa probinsiya lalu na sa isla ng Boracay.

Paliwanag ni Marquez, nabahala umano siya dahil narin sa mga bilang ng bakwit mula sa Marawi City o sa Lanao del Sur sa narito ngayon sa Aklan.

Pinasiguro naman anya ng mga kapulisan sa kanya na sumasailalim sa profiling at imbestigasyon ng mga awtoridad. Sa ngayon anya, ang mga salta sa Aklan ay walang direktang ugnayan sa mga terorista o sa mga Maute group.

Ayon pa kay Marquez, walang dapat ikabahala ang mga Aklano pero dapat anya ay manatili paring mapagmatyag at makipagtulungan sa mga kapulisan.