Tricycle nahueog sa bangin sa Ibajay, ap-at ka pasahero naninahan

photo Jay-r Sabino

APAT KA pasahero ro nanihan matapos mahueog sa bangin ro ginasakyan nanda nga tricycle sa paduehugon nga parte it karsada sa Brgy. Tul-ang, Ibajay kainang agahon.

Suno sa report it Ibajay PNP, halin ro pampasahero nga tricycle ngara sa Brgy. Poblacion paadto kunta it Brgy. San Jose sa parehong banwa tag matabu ro aksidente.

Nadueaan sigun it kontrol sa ginamaneho nga tricycle ro driver rason nga eumagpas raya sa concrete barrier ag nahueog sa bangin.

Ginpadaea ro ap-at ka mga pasahero sa Ibajay District Hospital para mabueong ag gindeklara nga mga outpatient matapos nga makaangkon eamang it sangkiri nga lastro sa eawas.

Nag-ayu ro mga eakot sa aksidente nga indi eon sanda paghingaeanan. Posible man nga pagahusayan lang it driver at ku mga pasahero sa andang dugalingon ro aksidente.##

- Kasimanwang Darwin Tapayan, Energy FM Kalibo