Eaki patay matapos mahueog ro ginaoperate nga payloader sa bangin sa Altavas

PATAY RO sangka eaki matapos mahueog ro ginaoperate nga pay loader sa Brgy. Catmon, Altavas banda ala-1:00 it hapon kaina.

Ginkilaea sa report it Altavas PNP ro namatay nga si Eric Rebaño y Zapico, 50-anyos, tubong Brgy. Sigcay, Banga pero presenteng nagaistar sa Brgy. Linayasan, Altavas.

Nasayuran nga pabalik eon sa banwa ro operator kaibahan ro anang pahenante nga si Arnel Bonifacio matapos nga magclearing sa nagguho nga karsada sa nasambit nga barangay tag mahueog ro ginaoperate nga pay loader.

Paubuson ro lugar tag madueaan sigon it preno ro ginaoperate nga pay loader. Nakaeumpat eagi ro pahenante bag-o nahueog ro loader sa bangin sa taas nga may kapin sa 100ft.

Gindaea ro daywa sa Altavas District Hospital pero wa gid makahingabot nga buhi ro operator samtang out-patient man t-a ro pahenante.

Ro pay loader hay ginapanag-iyahan it munisipyo.##

- Kasimanwang Darwin Tapayan, Energy FM Kalibo