PATAY RO sangka eaeaki sa Brgy. Agbalogo sa banwa it Makato matapos eab-on it panugangan Sabado it gabii.
Ginkilaea ro biktima sa report it Makato PNP nga si Marjulie Tropa, 49-anyos, residente it nasambit nga lugar. Grabe nga tama it pageabo ro anang naangkaan sa likod ag sa leog.
Samtang ginkilaea man t-a ro suspek nga si Felomino Torrefiel y Tordillos, 54, mangunguma ag residente man parehong barangay.
Suno sa imbestigasyon ni PO2 Ruel Montuya, alas-10:00 it gabii umadto kuno ro biktima sa baeay ku ana nga panagungan para usuyon ro anang asawa ag mga unga ugaling owa sanda idto.
Humalin kuno ro biktima ag samtang nagapauli binantayan kuno imaw ra it suspek sa madueom nga lugar ag einabu it makaywang beses sa likod ag sa leog kabangdanan nga ginkamatay eagi it biktima.
Suno sa live-in partner it biktima, bag-o ro insidente ro anang tatay ag do biktima hay parehas nga una sa impluwensiya it makahieilong nga ilimnon tag inayat it suspek ro biktima it paeatyan.
Matapos ro insidente hay eagi nga pumaeagyo ro suspek. Naaresto ra imaw pagkaaga eon ta paagi sa sigidas nga manhunt operation it kapulisan.
Temporaryo nga ginkulong sa lock-up cell it Makato PNP ro suspek ag makaron nga agahon hay pagapasakaan it kaso nga murder.##
- Kasimanwang Darwin Tapayan, Energy FM Kalibo
No comments:
Post a Comment