CONFINE SA Dr. Rafael S. Tumbokon Memorial Hospital ro sangka baye matapos nga imaw ra hay mag-inom it chlorine sa andang baeay sa Brgy. Tambak, New Washington makaron nga gabii.
Suno sa recorded statement it tiya sa Energy FM Kalibo napan-uhan eon lang sigon nanda nga nagapaeanuka eon ta ro 17-anyos nga baye ag nagsugid kanda nga imaw ra hay nag-inom it chlorine.
Dugang kara ginpahayag it tiya nga pinanisgan it nanay ro Grade 10 student bangud nagab-ihan it pag-uli halin sa eskwelahan. Ginpabuoe sigon ro anang cellphone kana ag einampos ku anang magueang.
Nagpahayag pagid ro tiya nga ku mga nagtaliwan nga buean nagkahambae eon kuno ro unga ngara nga maga-inom it bleach bangod permi imaw ginapanisgan sa anda.
Nalipong pa ro unga samtang ginadaea sa hospital.##
No comments:
Post a Comment