PATAY RO sangka eaeaki matapos nga bun-on it anang manak sa Brgy. Pinamuk-an, New Washington kaina it hapon.
Ginkilae sa report it kapulisan ro biktima nga si Elisio Barlas, 62-anyos, samtang ro hay ginkilaea nga si Arjon Kenji Abella, 27, parehong mga residente it nasambit nga lugar.
Sa paunang imbestigasgon it New Washington PNP, napan-uhan eamang it mga pumueoyo ro suspek sa guwa ku andang baeay nga may bitbit nga siyaw ag dimos it dugo.
Napan-uhan ku ulihi it mga tawo ro ana kara nga stepfather nga nagapaligos sa dugalingon nga dugo ag owa eon it kabuhi. Nag-angkon ra it grabeng lastro it pagbuno sa tiyan.
Nasayuran nga nagabatyag it nervous breakdown ro suspek.
Sa paghinakop eon it kapulisan ro suspek samtang nagapadayon pa ro imbestigasyon sa kaso.##
- Kasimanwang Darwin Tapayan, Energy FM Kalibo
No comments:
Post a Comment