NAUGDAW GID ro baeay it sangka magueang nga baye matapos nga masunog kaina it hapon sa Sitio Binaklingan, Brgy. Arcanghel Norte, Balete.
Ro baeay nga human sa light materials hay ginapanag-iyahan ni Anne Rago Ignacio, residente it nasambit nga lugar.
Suno kay FO1 Monbian Amancio, imbestigador it Balete Fire Station, nageaha kuno ro magueang sa andang daeapugan bag-o nagpanaw para magsag-ob it tubi.
Makapilang minuto ro nagtaliwan pagbalik it magueang hay haeos katunga eon it anang baeay ro nagakasunog. Wa eon sigun it nasalbar nga mga pagkabutang ro magueang.
Owa eon it nahimo ro magueang kundi pamantawon ro nagakasunog nga ilistaran. Pati sigon ro tiyo hay natusta sa nasambit nga sunog.
Suno kay FO1 Amancio nagaisaeahanon ro magueang sa andang baeay. Ro ana sigun nga mga unga hay sa Kalibo.
Ginahisayod pa it BFP kon nano ro kabangdanan it sunog. Sambilog sa ginapanan-aw ro napabay-an nga kaeayo sa andang daeapugan.##
- Kasimanwang Darwin Tapayan, Energy FM Kalibo
No comments:
Post a Comment