‘SAVE BORACAY’ CAMPAIGN ISINUSULONG NG MGA KABATAAN AT NG DENR

Nakikipagtulungan ngayon ang Department of Environmet and Natural Resources (DENR) sa kanilang kampanya na protektahan ang isla ng Boracay.

Ang kampanya na #saveboracay ay inilunsad sa unang Youth Environment Summit na dinaluhan ng nasa 100 mga youth leader mula sa Boracay, Iloilo, Dumaguete, Cebu, Samar at Bohol.

Layunin ng kampanyang ito maipalaganap ang mga tamang impormasyon patungkol sa kalikasan sa pamamagitan ng social media.

Isinagawa ang summit sa Boracay dahil narin sa mga environmental concerns na kinakaharap nito. 

Hinikayat naman ng Environmental Bureau ng DENR ang mga kabataan na protektahan ang kalikasab sa pamamagitan ng social media.

TOPOGRAPHIC SURVEY SA KALIBO ISASAGAWA PARA MATUKOY ANG MGA SINKHOLES

Isinusulong ngayon ng lokal na pamahalaan ng Kalibo ang pagsasagawa ng topographic survey sa baying ito para matukoy ang mga sinkholes.

Isasagawa ito ng Mines and Geosciences Bureau of the Department of Environment and Natural Resources (DENR).

Ayon kay Sangguniang Bayan member Cynthia Dela Cruz, gagamitin ang resulta nito para sa land planning, at pagbibigay ng construction permit.

Isinulong umano ng konsehal ang resolusyon kaugay rito kasunod ng mga ulat ng lindol, baha at iba pang mga kalamidad na nangyayari sa bansa.

Ang Kalibo ay malapit lamang sa dagat, sa ilog at halos kalahati nito ay diklaradong flood prone area bagay na pagmumulan ng sinkholes na magdudulot  ng pagguho ng mga gusali at mga kalsada kahit na walang lindol.

Malaking bagay anya ang pag-aaral na ito para magsilbing babala at maiwasan ang posibleng panganib na dulot nito sa taumbayan.

TRICYCLE DRIVER BINARIL SA BAYAN NG NUMANCIA PATAY

ulat ni Joefel Magpusao, Energy FM 107.7 Kalibo

Dead on the spot ang isang 39 anyos na tricycle driver matapos itong pagbabarilin sa brgy. Bulwang, Numancia.

Sa inisyal na report ng pulisya, naganap ang nasabing insidente dakong alas-6:20 ng umaga kanina.

Kinilala ng Numancia municipal police station ang biktima na si Edwin Dela Cruz, 39, tubong Andagao, Kalibo.

Unang inakala ng nakarinig ng putok na gulong ng tricycle ang sumabok. 

Nang kanilang usisain ay bumulagta ang wala nang buhay na lalaki na nakadapa sa manibela ng kanyang tricycle at may mga tama ng bala sa likod at duguan.

Ayon sa Scene of the Crime Opperatives (SOCO), nakita sa crime scene ang anim na fired cartridge ng di nakikilalang kalibre. Nakitaan rin ng 11 sugat sa katawan ang biktima.

Napag-alaman na naghatid pa ng pasahero ang biktima sa brgy. Bulwang nang pagbalik ay doon na ito pinagbabaril ng mga hindi pa nakikilalang mga suspek.

Inaalam pa ng mga awtoridad ang motibo ng insidente at ang pagkakakilalan ng suspek.