Nasa 60 istraktura nasunog sa Boracay; nag-iwan ng Php22.5 million halaga ng pinsala

photo RB Bachiller

KALIBO, AKLAN - Nasa 60 istraktura ang natupok ng sunog sa Brgy. Balabag, Isla ng Boracay kaninang hapon batay sa ulat ng hepe ng Bureau of Fire Protection Malay.

Sinabi ni FSInsp. Lorna Parcellano, hepe ng BFP-Malay, na sa inisyal na pagsisiyasat tinatayang nasa Php22.5 milyon umano ang pinsalang iniwan ng sunog.

Tulong-tulong naman ang mga bombero ng BFP-Malay, BFRAV, Savoy Hotel, at ilang volunteers para maapula ang apoy. Tumagal umano ng nasa dalawang oras ang sunog bago tuluyang naapula.

Natupok ng apoy ang ilang mga commercial establishment at kabahayan. Tinatayang nasa 1,500 squate meters ang nasakop ng sunog.

Dalawa aniya ang naiulat na nasugatan kabilang ang isang kagawad ng barangay.

Samantala matapos ang sunog, may isa umanong nagpapakilalang may-ari ng lupa ang sinubukang magtayo o bakuran ang lugar na pinangyarihan ng sunog subalit pinigilan ito ng BFP para hindi makapinsala sa nagpapatuloy nilang imbestigasyon.

Ayon kay SInsp. Parcellano, isa ang nag-overheat na electric fan sa isang istraktura ang pinaniniwalaang dahilan ng sunog.

Patuloy pa ang imbestigasyon ng BFP-Malay sa nasabing sakuna.

Ito na ang ikatlong malaking sunog na naganap sa Isla sa taong ito.##

kaugnay na balita

27 kabahayan, 5 business establishment nasunog sa Boracay

12 bahay naabo sa sunog sa Isla ng Boracay

- Kasimanwang Darwin Tapayan, Energy FM Kalibo

BAHAY SA NEW WASHINGTON NASUNOG

Nasunog ang bahagi ng bahay na ito sa boundary ng Brgy. Polo-Cawayan, New Washington ngayong gabi.

Ang bahay na ito ay pagmamay-ari ni Geraldine Francisco Oliveros.

Salaysay niya, nakipanood umano sila ng TV sa kapitbahay ilang metro ang layo nang masunog ang kanilang bahay.

Paniwala niya, naiwang baga sa kanilang kalan ang sanhi ng sunog.

Naagapan naman agad ito matapos pagtulungan ng pamilya at ng mga kapitbahay na apulahin ang apoy.
Nasunog ang kanilang kusina na gawa sa mga light materials.

Samantala, simula bukas, Marso 1 ay ipagdiriwang ang National Fire Prevention Month.

SUNOG SUMIKLAB SA ISLA NG BORACAY, ISANG BAHAY NAABU

ulat ni Darwin Tapayan, Energy FM 107.7 Kalibo

filler only

Sa kabila ng kaliwa’t kanang kampanya ng mga bombero laban sa sunog kaugnay ng pagdiriwang ng national fire prevention month ngayong buwan ng Marso, isang na namang sunog ang sumiklab sa isla ng Boracay.

Sa report ng Bureau of Fire Protection (BFP) – Boracay naganap ang sunog Byernes dakong alas-3:30 ng madaling araw sa So. Bung-aw, brgy. Manocmanoc sa nasabing isla.

Nabatid na totally burn ang bahay ni Rony Panagsagan na yari lamang sa mga light materials matapos lamunin nang apoy sa loob ng halos kalahating oras.

Sa inisyal na imbestigasyon, tinatayang aabot sa Php50, 000 ang halaga ng pinsalang dulot ng nasabing sunog.

Patuloy pang inaalam ng BFP-Boracay ang dahilan ng sunog at wala namang naiulat na nasugatan sa nasabing pangyayari.

Sa report ng BFP-Aklan, nabatid na ito na pangatlong kaso ng sunog na naitala sa Isla ng Boracay at ikapitong sunog sa buong probinsya ng Aklan sa buwan ng Marso.