Dengue patient pwede nang maadmit sa mga pribadong ospital sagot ng gobyerno

Pwede nang maadmit ang mga dengue patient sa mga pribadong hospital sa Aklan na hindi kayang i-admit sa government hospital dahil sa kakulangan ng pasilidad.

Ito ay kapag nalagdaan na ang isang Memorandum of Agreement sa pagitan ng gobyerno probinsiyal ng Aklan at mga pribadong pagamutan.

Ito ang sinabi ni Dr. Cornelio Cuachon ng Provincial Health Office (PHO)-Aklan sa panayam ng Energy FM Kalibo Biyernes ng umaga. Katunayan, minamadali na aniya ang paglagda rito.

Paliwanag ng provincial health official, ang hakbang na ito ay kasunod narin ng aniya "very alarming" na bilang ng kaso ng dengue sa probinsiya at sa pagdami ng mga pasyente sa Aklan Provincial Hospital.

Sinabi niya na ang St. Gabriel Memorial Medical Center, Panay Medical Health Care, at ang Aklan Cooperative Mission Hospital ay nagpahiwatig na ng kanilang kagustuhan na makipatulungan sa gobyerno probinsiyal.

Dagdag pa ng opisyal, maglalaan umano ng pondo ang gobyerno probinsiyal sa mga ospital na ito para masagot ang pagpapagamot ng mga pasyente rito.

Samantala, humingi narin ng tulong sa Department of Health (DOH) ang probinsiya na maglaan ng karagdagang mga nurses sa probinsiya.

Nagrequest na ng mga karagdagang dengue testing kit ang PHO-Aklan sa DOH, mga karagdagang dextrose, paracetamol, at iba pang mga gamot.##

- Kasimanwang Darwin Tapayan (with report from Kasimanwang Jodel Rentillo), Energy Fm 107.7 Kalibo

Dengue outbreak sa Aklan posibleng ideklara ng gobyerno probinsiyal

IMUMUNGKAHI NG Provincial Health Office (PHO)-Aklan sa Provincial Dengue Task Force ang pagdideklara ng dengue outbreak sa probinsiya dahil sa patuloy na pagtaas ng kaso ng dengue dito.

Ito ang kinumpirma ni Dr. Cornelio Cuachon ng PHO-Aklan sa panayam ng Energy FM Kalibo Biyernes ng umaga. Sinabi ng local health official na "very alarming" na ang kaso ng dengue sa Aklan.

Kapansin-pansin aniya ang mabilis na pagtaas ng kaso ng dengue nitong mga nakalipas na linggo. Sa tala ng surveillance unit ng PHO-Aklan nitong Hulyo 6, umabot na sa 2,171 ang kaso at 15 ang patay.

Nilinaw naman ni Cuachon na kalakip sa bilang na ito ang nasa 50 dengue patient mula sa mga karatig lugar sa probinsiya ng Antique at Capiz na isinugod sa mga ospital dito sa Aklan.

Batayan umano ng pagdideklara ng outbreak ang mataas na rekord ng kaso ng dengue kompara sa inaasahan. Pagbabatayan rin aniya ang entomological, laboratory at environmental investigation.

Sinabi pa ni Cuachon na ang pagdideklara ng outbreak ay kailangan kung sakaling isailalim sa state of calamity ang lalawigan para magamit ang limang porsyento ng calamity fund.

Sa kabila nito nanawagan ang opisyal na huwag magpanik at sa halip ay sumunod sa 4S kontra dengue.

Inaasahan na sa darating na Lunes ay magpupulong ang Task Force sa pangunguna ni Governor Joeben Miraflores para pag-usapan ang pormal na deklarasyon ng dengue outbreak sa Aklan.##

- Kasimanwang Darwin Tapayan (with report from Kasimanwang Jodel Rentillo), Energy FM Kalibo

ALARMING: Kaso ng dengue sa Aklan tumaas ng 51%; 9 patay

NAKAKABAHALA NA ang pagtaas ng kaso ng dengue sa lalawigan ng Aklan ayon sa Provincial Health Office (PHO) kung saan siyam na ang naitalang patay ngayong taon.

Batay sa tala ng PHO umabot na sa 1,043 ang kaso ng dengue sa probinsiya mula Enero 1 hanggang Hunyo 1 nitong taon. Nabatid na mas mataas ito ng 50 porsyento kumpara sa parehong peryod noong nakaraang taon.

Pinakamataas ang kasong naitala sa bayan ng Kalibo na may 300; Banga na may 107 na kaso; at Numancia na may 94. Mababatid rin na lahat ng bayan ay may rekord ng kaso ng dengue.

Pinakambaba naman ang bayan ng Madalag na mayroon lamang na 10 kaso.

Nabatid na karamihan sa mga natamaan ng kaso ay mga batang nasa edad 1 taon-gulang hanggang 10 taon-gulang na may 385 kaso o 37 porsyento ng kabuuang bilang.

Kaugnay rito nagpaalala si Dr. Victor Santamaria ng PHO-Aklan sa mga mamamayan na panatilihing malinis ang paligid. Magpakunsulta rin aniya ng maaga kapag nakakaranas ng lagnat.

Aniya inaasahan ang pagtaas ng bilang ng dengue ngayong tag-ulan simula sa buwan ng Hunyo.

Sinabi ni Santamaria na nagsasagawa rin sila ng misting sa mga lugar na may mataas na kaso ng dengue.

Hinikayat naman niya ang mga opisyal ng barangay na maging aktibo sa kampanya kontra dengue kabilang na ang pagkakaroon ng information dissemination sa mga kabarangayan.

Samantala, sa buong rehiyon ng Western Visayas, nakapagtala ang Iloilo ng pinakamataas na kaso na 2516; Negros Occidental ng 2,277; at Capiz na may 1,245.##

- Kasimanwang Darwin Tapayan, Energy FM Kalibo

Malay, Kalibo may pinakamaabu nga kaso it tipdas sa bilog nga Akean

NAG-ABOT EON sa 60 ro kaso it tipdas sa bilog nga probinsiya it Akean as of March 4 makarong dag-on base sa rekord it Provincial Health Office (PHO) - Aklan.

Do banwang Malay hay nakalista it 22 nga kaso it tipdas ginasundan it Kalibo nga may 12 eon ka kaso ag Balete nga may an-om.

Owa pa it may mga nailista nga kaso it makamaeatay ngara nga sakit sa mga banwa it Altavas, Buruanga, Lezo, Madalag ag Makato.

Ginamonitor sigun it PHO ro mga lugar nga may mga kaso it tipdas para malikawan nga magtapon raya. Gin-ubrahan man nanda it mga separar nga lane ag kwarto ro mga pasyente sa mga ospital.

Dugan kara nagaapila ro PHO sa mga ginikanan nga pabakunahan ro mga inunga kontra sa makahaeawa nga sakit. Libre sigon ro bueong ngara sa mga health center.

Sa makaron owa paman it nailista nga namatay bangod sa tipdas iya sa Akean.##

Kaso ng tigdas sa Aklan umabot na sa 35 ayon sa Provincial Health Office

UMABOT NA sa 35 ang kaso ng tigdas ang naitala ng Epidemiological and Surveillance Reporting Unit ng Provincial Health Office (PHO) sa taong ito as of February 20.

Batay pa sa ulat ng PHO, sa kasong ito ay 43 porsyento ang walang makitang rekord ng bakuna at 34 porsyento ang napag-alamang hindi nabakunahan.

Karamihan umano sa mga pasyente ay edad limang taon pababa. Kaugnay rito hinihikayat ng mga otoridad sa mga magulang na pabukanahan ang kanilang mga anak.

Nabatid na bumisita sa Aklan ang mga tauhan ng Department of Health Immunization Program para magbigay ng kaukulang tulong para masugpo ang pagdami ng tigdas aa probinsiya.

Samantala, sa buong Western Visayas umabot na sa 566 kaso na ang naitala as of February 19. Mababatid na kabilang ang rehiyon na may outbreak ng ganitong virus sa buong bansa.

Ang impiksiyon ng tipdas ay maaaring magsresulta sa malalang komplekasyon gaya ng pneumonia, dehydration, pagkabulag, impiksyon sa tinga, encephalitis at posible pang ikamatay.##

Tigdas sa Aklan patuloy ang pagtaas ayon sa Provicial Health Office

PATULOY SA pagtaas ang kaso ng tipdas sa lalawigan ng Aklan ngayong 2019.

Ayon sa tala ng Provincial Health Office (PHO) Epidemiology Surveillance & Response Unit (APESRU) nitong Pebrero 14 ay umabot na sa 18 kaso sa buong lalawigan.

Sa buong Western Visayas, ay naitala ang kabuuang 395 kaso. Kabilang ang Western Visayas sa isinailalim sa measle outbreak sa buong Pilipinas.

Dahil sa tumataas na kaso ng tigdas, ang PHO ay nagsagawa ng emergency orientation sa lahat ng mga municipal health offices, mga government at private hospital para masawata ang paglaganap ng nakamamatay na virus.

Tinalakay sa nasabing pagpupulong ang pagbibigay diin sa mahalagang tungkulin ng mga Rural Health Unit sa pagsugpo sa tipdas.

Ayon sa PHO ang tigdas ay mabilis makahawa at kumalat, sa pamamagitan lamang ng pag-ubo, paghinga at paghatsing.

Ang impiksiyon ng tipdas ay maaaring magsresulta sa malalang komplekasyon gaya ng pneumonia, dehydration, pagkabulag, impiksyon sa tinga, encephalitis at posible pang ikamatay.

Ang mga bagong silang, hindi nabukunahang mga bata at matatanda ay madaling kapitan ng ganitong virus.##

- ulat ni Kasimanwang Darwin Tapayan, Energy FM Kalibo

Provincial Health Office sa Akean nagapanawagan magpabakuna kontra tipdas

akoaypilipino.eu

NAGAPANAWAGAN MAKARON ro Provincial Health Office (PHO) sa Akean sa mga pumueoyo nga magpabakuna kontra tipdas.

Kasunod raya it outbreak it nasambit nga masakit nga nairekord sa pila ka mga rehiyon sa bilog nga Pilipinas. Bisan owa naiba ro Western Visayas sa outbreak kinahangean gihapon sigon nga magtagam ro mga pumueyo.

Umpisa Enero 1 hasta Pebrero 3 sa rayang dag-on nakarekord ro Aklan Provincial Epidemiology Surveillance and Response Unit it sangka kaso manubo raya it 88 porsyento kumpara ku 2018 nga may siyam.

Sa bilog nga dag-on 2018 nairekord ro 50 ka kaso nga may tatlo nga nagpositibo. Manubo ra it 68 porsyento kumpara ku 2017 nga may 157 kaso nga may sambilog nga nagpositibo.

Sa 157 kaso ku 2017 eakip kara ro mga kaso it German measle nga nasayuran naagihan it mga staff sa Gaisano Mall.

Angot kara nagapanawagan si Dr. Vic Santamaria, opisyal it PHO, sa mga pumueyo nga magpabakuna. Libre sigon ra sa mga rural health center sa mga banwa. May mass vaccination man sa mga eskwelahan sa Grade 1 ag Grade 7.

Aminado si Dr. Santamaria nga nagnubo it haeos katunga ro mga nagpabakuna para sa tipdas ku nagtaliwan nga dag-on. Posible suno kana nga kasunod man raya it kontrobersyal nga Dengvaxia vaccine para sa dengue.

Ginklaro na nga ro bakuna sa tipdas nga ginagamit it gobyerno hay euwas ag wa it dapat nga kabaeak-an. Daya sigon ro ginagamit man sa bilog nga kalibutan.##

- Kasimanwang Darwin Tapayan, Energy FM Kalibo

Kaso it dengue sa Akean nagsaka it 100% sa unang ap-at nga dominggo it 2019

NAG-ABOT EON sa 176 ro kaso it dengue nga nairekord sa probinsiya it Akean halin Enero 1 hasta Pebrero 3 it dayang dag-on.

Base sa report it Aklan Provincial Epidemiology Surveillance and Response Unit nagsaka sigun it 109 porsyento ro kaso makaron kumpara ku 2018 nga may 84 eang nga ka kaso sa parehas nga peryod.

Ro banwa it Kalibo gihapon ro nagapanguna nga may pinakamaabu nga kaso it dengue nga may 60. Sumunod kara ro Banga nga may 18 ag Malay nga may 14.

Kaabuan sa mga pasyente nga natamaan ku rayang kaso hay nagaedad 1 hasta 10 dag-on. Sangkiri eamang ro deperensiya sa mga numero it pasyente nga eaki kumpara sa baye.

Suno pagid sa datus, sa kada barangay sa Akean may kapin sa tatlo o masobra ka kaso nga nairekord sa nagtaliwan nga apat nga sunod nga dominggo.

Nahisayuran man nga ku nagtaliwan nga dag-on nakarekord Provincial Health Office it 2015 kaso it dengue sa probinsiya mataas it 85 porsyento kumpara ku 2017 nga may 1088 eang.

Pito ro nairekord nga patay umpisa 2017 hasta 2018 bangod sa kaso it dengue iya sa Akean.

Nagapudomdom ro PHO sa tanan nga ipabilin ro kalimpyo it palibot ag panimaeay agud indi pangistaran it namok ag protektahan ro sarili sa namok gamit ro pagsuksok it mahaba ag magbutang it mosquito repellant sa eawas.##

- Kasimanwang Darwin Tapayan, Energy FM Kalibo

Bilang ng mga naputukan ng firecracker sa Aklan umabot na sa 12 - PHO

UMABOT NA sa isang dosena ang bilang ng mga naputukan ng firecracker sa probinsiya ng Aklan ayon sa tala ng Provincial Health Office (PHO) as of January 3.

Ayon kay Dr. Cornelio Cuachon, opisyal ng PHO, simula Disyembre 21, nakapagtala sila ng isa sa Disyembre 30, lima sa Disyembre 31, at anim sa Enero 1. Magtatapos ang bilangan sa Enero 5.

Sinabi ni Dr. Cuachon na mababa umano ito ng 37 porsyento kumpara sa nakaraang taon kung saan nakapagtala sila ng 19 firecracker-related injuries.

Sa nasabing bilang tatlo ang naitalang naputukan ng five stars, tatlo ang kwetes, dalawang libentador. May naitala ring nabiktima ng luces, camara at w. bomb.

Pinakamarami ang dinala sa Provincial Hospital na may walo, isa sa Ibajay District Hospital, isa sa Buruanga Municipal Hospital, at dalawang ang sa Altavas District Hospital.

Sa mga ito, anim ang taga-Kalibo, dalawa ang sa Altavas, isa sa Nabas, isa sa Numancia, Tangalan at isa sa Buruanga. Pinakabata sa mga naputukan ay edad sais anyos habang ang pinakamatanda ay 45.

Umaasa naman si Cuachon na sa susunod na taon ay mas bababa pa ang bilang na ito kung hindi man ma-zero.##

Dengue cases in Aklan increased by 74% according to Health Office

AKLAN PROVINCIAL Epidemiology and Surveillance Unit (APESRU) reported during their regular updating with RHUs and hospitals that the province was able to record a total of 1,623 cases of Dengue from January 1 to November 11, 2018.

This accounts to 74 percent increase compared to last year.

Top municipalities with high cases of Dengue include Kalibo with 437 cases, Batan 115, Numancia 109, Banga 104 and Altavas 103.

The PHO recommends the "4S strategies" for dengue management. (1) Search and Destroy the breeding sites of mosquitos, (2) Self-protective measures like insect repellants, mosquito nets etc. (3) Seek early medical treatment for signs and symptoms like fever, rash and joint pains (4) Say Yes to fogging to prevent dengue outbreaks.##

- Aklan PHO

AKLAN AWARDED BY DOH6 AS BEST PERFORMING PROVINCIAL HEALTH OFFICE (PHO) IN THE IMPLEMENTATION OF TOBACCO AND SUBSTANCE ABUSE PROGRAMS

Mr. John Richard Lapascua, DOH regional coordinator presented several awards bagged by Aklan Provincial Health Office in the implementatiom of Non-Communicable Lifestyle-related Diseases control program.

* BEST IN TOBACCO CONTROL PROGRAM

With 10 of 17 municipalities who were able to pass anti-smoking ordinances (8 are WHO FCTC ordinance compliant), Aklan outweighed other provinces in the region as to policy implementation, technical assistance provision and multi-sectoral engagement.

* BEST IN SUBSTANCE ABUSE PROGRAM

With the greater number of persons who used drugs that were assesed, managed and graduated, Aklan was recognized as one of the best implementers in the region.

Over-all, Aklan PHO was recognized as one of the best provincial health office in the implementation of Lifestyle-related Non-Communicable Disease Program.

- PHO-Aklan

BATANG NAMATAY UMANO SA BAKUNA SA ESKWELAHAN SA MAKATO NAKATAKDANG I-OTOPSIYA

photo © Energy File

NAKATAKDANG I-OTOPSIYA ang bangkay ni Kent Nadal para malaman kung ito ba ay nabakunahan.

Mababatid na humihingi ng hustiya ang pamilya ng Grade 7 student sa paniniwalang namatay ito dahil sa bakuna.

Naninindigan ang mga magulang ng bata na mismong si Kent umano ang nagsabi sa kanila na siya ay nabukunahan noong Agosto 13.

Ito ay sa kasagsagan umano ng school-based immunization program ng gobyerno kung saan binabakunahan ng MR at TD ang mga bata.

Nilagnat umano ang bata at naconfine sa ospital at pagdating ng Agosto 19 ay binawian ito ng buhay.

Sa isang pulong balitaan araw ng Martes, nanindigan ang Provincial Health Office na base sa kanilang imbestigasyon hindi nabakunahan ang bata.

Giit ni Dr. Cornelio Cuachon ng PHO wala umano sa listahan ng batang nabakunahan sa Makato Integrated School si Kent.

Sa kabila nito sumisimpatiya umano ang Health Office sa pamilya. Umaasa rin siya na ang resulta ng otopsiya ay magbibigay ng linaw sa insidente.

Ang paaralan at ang mga Health Office ng munisipyo at ng probinsiya ay naghahanap ng paraan na makatulong sa paraan na hindi ito mamimis-interpret.##

- Darwin Tapayan, Energy FM Kalibo

2 NAITALANG PATAY SA AKLAN DAHIL SA DENGUE AYON SA PHO

Umabot na sa 269 bilang ang kaso ng dengue sa probinsiya ng Aklan mula Enero 1 hanggang Mayo 16 kung saan dalawa na rito ang naitalang patay.

Ayo sa report ng Aklan Provincial Epidemiology Surveillance and Response Unit (APESRU) mas mababa ang bilang na ito ng 24 porsyento kumpara sa nakaraang taon sa parehong period na may 356 kaso.

Lahat ng 17 bayan sa Aklan ay nakapagtala ng mga dengue cases. Pinakamataas rito ang bayan ng Kalibo na mayroon nang 56 bilang; Numancia na may 33; at Malinao na may 24.

Ang bayan ng Malay ay nakapagtala ng 20 kaso ng dengue kung saan dalawa rito ang naitalang patay – mga batang nagkakaedad tatlo at lima.

Lumalabas rin sa report ng Apesru, karamihan sa mga natatamaan ng sakit ay nasa age group 1 to 10 na nakapagtala ng 84 bilang.

Hinikayat naman ng health office ang publiko na sundin ang 4S strategy – search and destroy of breeding places, seek early consultation, observe self-protection, at say no to indiscriminate fogging, para maiwasan ang dengue.

NO.6 DRUG PERSONALITY SA AKLAN ARESTADO SA BAYAN NG NUMANCIA

Arestado ang isang 36 anyos na mister sa brgy. Laguinbanwa East, Numancia sa pagtutulak ng iligal na droga.

Kinilala ang suspek na si John Alex Nabor y De Miguel at itinuturing na ika-anim sa druglist ng Aklan Police Provincial Office.

Sa inisyal na report ng Aklan Police Provincial Office, nabilhan ng isang sachet ng pinaghinalang shabu kapalit ng Php1,100 kabilang ng Php500 buy bust money.

Isinagawa ang operasyon ng pinagsamang pwersa ng Aklan Provincial Drug Enforement Unit, Philippine Drug Enforcement Unit 6, Numancia muncipal police station, 12 Infantry Battalion at MIG 6.

Sa live interview sa suspek, mariing pinabulaanan niya ang akusasyong tulak siya ng droga.

Aminado siya na gumagamit ng ipinagbabawal na droga pero matagal nang tumigil matapos sumuko sa Numancia PNP kasunod ng paglulunsad ng oplan tokhang.

Hindi naman makapaniwala ang kanyang ina at asawa sa nangyari.

May nakuha pang mga sachet ng sinasabing iligal na droga sa isinagawang body search.

Sa ngayon ay nagpapatuloy pa ang inventory ng mga awtoridad sa nasabing operasyon.

PHO MULING NAGPAALALA SA TAUMBAYAN KAUGNAY NG MATINDING INIT NA NARARANASAN SA PROBINSIYA

ulat ni Darwin Tapayan, Energy FM 107.7 Kalibo

Pinag-iingat ng Provincial Health Office (PHO) ang taumbayan sa mga posibleng dulot ng matinding init ngayong summer season.

Ayon kay provincial health officer II Dr. Victor Santamaria, kabilang umano sa mga sakit na posibleng makuha ngayong tag-init ay ang pagkadehydrate at mga skin disease kagaya ng sunburn.

Sa mga ganitong panahon rin anya ay nagiging uso ang LBM o pananakit ng tiyan dahil narin sa mabilis mapanis ang mga pagkain.

Nagpaalala siya na kung maaari ay uminom ng maraming tubig at magdala ng panangalang sa init. Iwasan rin anyang lumabas sa katanghalian kung saan matindi ang sikat ng araw.

Samantala, pinabulaanan ni Santamaria ang paniniwalang marami ang nagiging asong ulol sa panahon ng tag-init. Nito nakalipas na buwan ng Abril isang lalaki ang namatay sa provincial hospital dahil umano nakagat ng asong ulol.

Sa ngayon ay nagsasagawa na ng validation ang PHO kaugnay sa nasabing insidente. Kung mapatunayan ito umano ang unang kaso ng rabies mortality sa probinsiya ngayong taon.