Mga kwarto sa Estancia Elementary School ginpangsueod ag ginmalitan

GINPANGSUEOD AG ginpangmalitan it wa pa makilaea nga suspek ro ap-at ka mga kwarto it Estancia Elementary School.

contributed photos for Energy FM Kalibo

Do mga ginpangsueod nga kwarto hay Grade 2 hasta Grade 5. Makita sa mga litrato nga nagkaeawas-ag ro mga pagkabutang sa sueod.

Di pa matumod kon ano ro motibo it may kahimuan sa insidente bangod owa man it may mga naduea ukon tinakaw sa mga gamit ag bisan kwarta.

Natueupangdan man nga nakasarado ro mga pwertahan it mga nasambit nga mga kwarto ag wa man it mga palatandaan sa lugar nga pwersahan nga sinueod.

Natueupangdan raya it mga maestra ku nagtaliwan pa nga Enero 3 pero paealigban pa kanda kon sin-o ro may kahimuan kara.

Una nga ginparekord it mga maestra ro raya nga insidente sa Brgy. Hall it Estancia ag ngarang adlaw eang nagdeside nga iparekord man sa Kalibo PNP.

Ginaimbestigahan eon it intelligence section it Kalibo PNP ro insidente.##

- report ni Kasimanwang Darwin Tapayan, Energy FM Kalibo