Dalawang kolehiyala sa Kalibo binusuhan at vinideohan ng boardmate

INIREKLAMO NG dalawang college student na babae sa kapulisan ang kanilang boardmate na vinideohan sila habang naliligo at nagbibihis.

Ayon sa mga estudyante edad 19-anyos at 20-anyos hindi umano nila namalayan na kinuhanan sila ng video hanggang sa may nakapagsabi sa kanila.

Ang nagsumbong sa dalawa ay kaboardmate rin nila na lalaki na napasahan na pala ng video ng suspek na isang 22-anyos na estudyante.

Nabatid na yari lamang sa light materials ang CR at ang kuwarto ng mga biktima kaya nakagawa ng maliit na butas ang suspek kung saan niya tinutok ang lente ng cellphone camera.

Nagsumbong sa Kalibo PNP ang dalawang babae at nagkaharap sila ng suspek. Ayon sa lalaki "trip" lang daw ang ginawa niya.

Nagkaayos ang mga ito matapos burahin ng suspek ang video na nakasave pa sa kanyang cellphone. Humingi ito ng tawad sa mga biktima.

Iginiit naman ng lalaki na wala siyang ibang pinasahan ng video maliban sa isa at nangakong hindi na uulitin ang ginawa.

Sinabi ni SPO1 Charlene Flores na kapag inulit pa ng lalaki ang parehong gawain ay posible na itong makasuhan ng paglabag sa RA 9995 o Photo and Video Voyeurism Act.##