Agud nga mas mayad-ayad pa nga maserbisyuhan ro publiko, ro Philippine Statistics Authority-Aklan hay magasaylo sa bag-ong opisina umpisa sa harang buean it Agosto.
Halinsa N. Roldan St, Poblacion, Kalibo, ro PSA-Aklan hay magahalin sa mas maeapad nga opisina sa Redepermavic Bldg, nahamtang sa likod it Ten Commandments Bldg nga maeapit sa Capitol Site.
Mga 1.5 kilometers ro distansya it nasambitan nga bag-ong opisina sa existing nga bilding.
Angot kara, ginpaabot it taeatapan ku PSA nga temporary nga pagasarhan ro Serbilis Center umpisa Agosto 31 (Huwebes) hasta Setyembre 1 (Byernes), 2017 para mataw-an it hugada ro paghalin it mga pasilidad.
Owa it pagabatunon nga mga requests sa birth, death, ag marriage certificates eakip man ro certificate of no marriage record sa nasambitan nga mga petsa.
Magabalikro normal nga operasyon it PSA Serbilis Center sa Setyembre 4 (Lunes), 2017 sa nasambitan nga bag-ong lugar.
Ro PSA hay naga apela sa mga pumueoyo nga may plano nga magbuoe it mga civil registry documents nga magadto it mas temprano sa andangopisina para malikawan ro inconvenience nga matuga it dayang relocation.
ANTONET B. CATUBUAN
Chief Statistical Specialist
No comments:
Post a Comment