ulat ni Darwin Tapayan, Energy FM 107.7 Kalibo
Arestado ang isang 19 anyos na lalaki sa isla ng Boracay makaraang magbiro na may bomba sa loob ng isang resort.
Ayon sa report ng Boracay Tourist Assistance Center (Btac), ang suspek ay kinilalang si Suje Negrida, tubo ng brgy Agdugayan, Ibajay.
Pumasok umano nang walang pahintulot ang suspek sa naturang resort sa brgy. Balabag na napag-alamang nasa ilalim ng kalasingan.
Nang sitahin siya ng guwardiya ay nagbiro umano ito na may itinanim siyang bomba sa loob ng resort bagay na ikinaalarma ng mga nasa loob.
Agad namang humingi ng tulong ang guwardiya ng nasabing resort sa mga kapulisan at pagresponde a y inaresto ang nasabing suspek.
Nakakulong na ngayon ang suspek sa Btac at posibleng sampahan ng kasong paglabag sa Presidential Decree No. 1727 o Anti-Bomb Joke Law.
Ipinagbabawal sa batas na ito ang pagpapakalat ng maling impormasyon tungkol sa presensya ng bomba, pampasabog at mga kahalintulad nito.
No comments:
Post a Comment