PULIS INALOK MAG-SHABU NG NAKAINUMANG LALAKI SA ISANG BAR

Ulat ni Arhie Hilario, Energy FM 107.7 Kalibo

Inalok raw gumamit ng illegal na droga ang pulis na si SP01 Clemente Magtanum habang nasa loob ng isang bar sa Kalibo.

Sa imbestigasyon ng pulisya, nagkakilala si Magtanum at suspek na si Reynato Pamintuan Jr. sa loob ng bar alas-2:00 pasado ng umaga. Hindi umano alam ng suspek na pulis ang kanyang kausap kaya inalok siya nito na gumamit ng droga. Nang matunugan na pulis pala ito. Dito na nagwala ang suspek at sinabing binunutan umano siya ng baril ng pulis.

Kaya agad tumawag sa PNP Kalibo ang ilan sa mga concern citizen. Rumesponde agad sa lugar ang mga pulis. Dahil sa unang reklamo ng suspek agad na nirekisa at kinapkapan ng kapwa pulis si SP01 Magtanum ngunit walang baril na nakuha dito.

Nagpatuloy ang imbestigasyon ng pulisya at batay sa mga nakalap nilang witness at sa may-ari raw ng bar hindi nanutok at naglabas ng baril ang pulis.

Pinaliwanag ng imbestigador sa suspek na walang batayan ang kanyang alegasyon. Dito na nagalit si Pamintuan at pinagsisigawan raw ang imbestigador na si P02 J Mar Moises. Kaya inaresto nila ito dahil sa kasong disobedience upon an agent of person in authority.

Pagdating sa Kalibo PNP Station pinagsisigawan pa raw doon si SP02 Rolly Sabado at iba pang pulis.

Nakakulong na ang suspek sa kalibo PNP Station.