Arestado ang isang 31-anyos na lalaki sa Isla ng Boracay sa pagtutulak umano ng iligal na droga.
Kinilala ang suspek na si Ericson Tolentino y Villanueva, tubong Brgy. Andagao, Kalibo at kasalukuyang nakatira sa Brgy. Manocmanoc sa nasabing isla.
Sa isinagawang buybust operation Lunes ng madaling araw (Oct. 9) nasabat sa suspek ang isang sachet ng pinaghihinalaang shabu kapalit ang Php1,000 buy bust money.
Maliban rito, nakuha rin sa kanyang posesyon at kontrol ang dalawa pang sachet ng shabu.
Ginawa ang nasabing operasyon sa Brgy. Manocmanoc ng pinagsamang pwersa ng Aklan PPO PDEU, BTAC, Malay MPS, PDEA 6, APPSC at Task Group Noah.
Mariin namang itinanggi ng suspek sa panayam ng Energy FM Kalibo ang pagkakasangkot niya sa iligal na droga.
Posibleng maharap sa kasong paglabag sa section 5 at 11 ng Article II of Republic Act 9165 o Comprehensive Dangerous Drugs Act ang nasabing suspek.
No comments:
Post a Comment