Arestado ang isang 60-anyos na lalaki sa kasong murder sa bayan ng Libacao ngayong araw (Oct. 13).
Kinilala ang akusado na si Porferio Asiong y Baet, residente ng sitio Karaityan, Brgy. Loctuga sa nasabing bayan.
Naaresto ng mga tauhan ng Libacao municipal police station ang lalaki sa Brgy. Poblacion dakong ala-una ng hapon.
Nabatid na ang kanyang warrant of arrest ay inalabas noon pang Disyembre 23, 1993. Nilagdaan ito ni judge Rowena Valencia ng Regional Trial Court dito sa bayan ng Kalibo.
Walang itinakdang pyansa ang korte para sa kanyang pansamantalang kalayaan.
Pansamantalang ikinulong ang lalaki sa Libacao police station habang inihahandang dalhin sa korte.
No comments:
Post a Comment