Lalaki at menor de edad na live-in partner huli sa pagtutulak ng marijuana

INARESTO NG kapulisan ang isang lalaki at ang menor de edad na live-in partner sa bayan ng Numancia dahil sa pagtutulak ng paniniwalaang marijuana.

Kinilala ang mga suspek na si Rolando Egaña y Jesalva, 20-anyos at ang 17-anyos na live-in partner, pawang mga residente ng Brgy. Navitas sa nasabing bayan.

Ayon sa ulat ng kapulisan, si Rolando ay nabilhan ng operatiba ng isang sachet ng pinaniniwalaang marijuana kapalit ng Php1000 marked money.

Nasabat din sa pagrikisa sa lalaki ang isa pang sachet ng umano'y marijuana.

Nabatid na parehong newly identified lang ng kapulisan ang maglive-in.

Pansamantalang ikinulong ang dalawa sa Numancia Municipal Police Station.

Isasailalim sa mandatory drug test ang dalawa at posibleng maharap sa kasong paglabag sa Republic Act 9165 o Comprehensive Dangerous Drugs Act of 2002.

Ikinasa ng pinagsamang pwersa ng Numancia PNP at ng Provincial Drug Enforcement Unit ang operasyon gabi ng Martes sa Brgy. Albasan.##

- Kasimanwang Darwin Tapayan, Energy FM Kalibo

DepEd 6 sa reklamo ng mga guro sa Estancia, Kalibo: sufficient in form, content

IBINALIK NG Department of Education (DepEd) regional office ang pag-iimbestiga sa reklamo ng mga guro laban sa kanilang principal sa Estancia Elementary School.

Mababatid na ipinadala ni DepEd-Aklan Division Supt. Salvador Ochavo sa regional office ang reklamo ng 14 mga guro para sa pagdesisyon.

Inirereklamo ng mga guro ang hindi mabuting pakikitungo ng punong-guro na si Ms. Mary Ann Alcedo sa kanila at anila'y pagpapahiya sa kanila sa harap pa ng kanilang mag-aaral.

Tugon ni Dir. Ma. Gemma Ledesma, DepEd 6 Officer-in-Charge, na ang sulat-reklamo ng mga guro ay "sufficient in form and content pursuant to the Revised Rules of Procedures of the Department of Education in Administrative Cases".

Kaugnay rito inatasan niya ang Division Superintendent ng Aklan na magsagawa ng fact-finding o preliminary investigation sa reklamo.

Matatandaan na maging ang mga magulang ng mga mag-aaral sa nasabing paaralan ay nagpetisyon at nagkilos-protesta sa DepEd-Aklan na paalisin ang nasabing guro dahil ayaw nila ang pamamalakad nito.

Sa kabila nito sinabi ni Dr. Ochavo na sa kanilang pag-iimbestiga ay wala silang makitang batayan sa reklamo kaya hindi niya maaaring ilipat mula sa eskwelahan ang principal.##

Kalibo humakot ng parangal mula sa DILG 6

HUMAKOT NG parangal ang bayan ng Kalibo sa katatapos lang na 2018 Excellence in Local Governance Award ng Department of Interior and Local Governance (DILG) region 6.

Mismong si Mayor William Lachica ang tumanggap ng nasabing parangal sa awarding ceremony sa Iloilo.

• Champion - Excellence in Economic Governance (1st - 3rd Class Municipality)
• Champion - Excellence in Local Legislation (1st - 3rd Class Municipality)
• 1st Runner-up - Best Performing 1st - 3rd Class Municipality
• 1st Runner-up - Excellence in Administrative Governance (1st - 3rd Class Municipality)
• 2nd Runner-up - Excellence in Social Governance (1st - 3rd Class Municipality)

Nagkamit rin ng parangal ang pamahalaang lokal ng lalawigan ng Aklan:
• 1st Runner-Up - Excellence in Local Legislation
• 2nd Runner-Up - Excellence in Admin. Governance
• Champion - Excellence in Social Governance

Ganoon rin ang munisipyo ng bayan ng Malinao:
• 2nd Rnunner-up - Ecellence in Local Legislation
• 2nd Runner-up - Excellence in Admin Governance

"Excellence In Local Governance Or Excell is DILG's awards program for LGUs to recognize municipalities, cities and provinces commendable for their efforts in instituting good governance in their respective constituencies.

"It is conceptualized as a continuing project of the DILG VI for best managed local governments in the region showcasing their achievements in governance, administration, social services, economic development and environmental management initiatives."