Tricycle nahueog sa kanae matapos banggaan it motor sa Kalibo

photo ctto

NAHUEOG RO sangka tricycle sa kanae matapos mabanggaan it nagasunod nga motorsiklo sa highway it Brgy. Caano, Kalibo kainang hapon.

Ginkilaea sa report it kapulisan ro driver it tricycle nga si Bella Alfaro, 51-anyos, residente it nasambit nga lugar.

Samtang ro motor hay ginamaneho man t-a ni Warlito Concepcion Jr, 26, taga-New Buswang sa parehas nga banwa.

Nasayuran sa report it taffic section it Kalibo PNP nagaliko pawaea ro tricycle tag matabu ro aksidente. Madasig sigon ro padaeagan it nagasunod nga motor ag nabangga imaw sa crankcase cover it tricycle.

Bangud kara nahueog ro tricycle sa kanae. Ro driver ag anang pasahero nga si Jancie Correjado, 40, taga-Caano, hay nakaangkon it lastro ag kasakitan sa nagkaeain-eain nga parte it eawas.

Gindaea ro daywa sa Provincial Hospital agud mabueong samtang ro mga eakot nga saeakyan hay temporaryo anay nga gin-impound it kapulisan.

Nagapadayon pa ro imbestigasyon it kapulisan.##

- Kasimanwang Darwin Tapayan, Energy FM Kalibo