NASUNOG RO kabukiran nga sakop it mga barangay Dumatad, Afga ag Tagas kahapon it hapon.
Suno sa report it Bureau of Fire Protection (BFP) - Tangalan, nag-umpisa ro sunog alas-12:00 pa it udto ro adlaw ag gindiklara nga fire-out mga 4:30 eon it hapon.
Suno kay Emelith Pascual, kagawad it Brgy. Dumatad, ginabana-bana 30 hektaryas gid ron gineamon it kaeayo.
Nagbueuligan ro mga bombero halin sa Kalibo BFP ag Ibajay BFP gamit ro tatlo ka mga firetrucks para mapaeong ro kaeayo. Nagbulig man ro kapulisan, mga tanod ag opisyal it barangay, MDRRMO, ag mga pumueoyo.
Nasayuran man nga temprano ginbuhian ro mga estudyante it Dumatad Elementary School maeapit eamang sa nasunog nga bukid.
Owa man it may naireport nga naninahan sa nasambit nga insidente. Samtang nagapadayon pa ro imbestigasyon it BFP-Tangalan sa nasambit nga insidente.##
- Kasimanwang Darwin Tapayan, Energy FM Kalibo
No comments:
Post a Comment