Kinagulat ng pamahalaang lokal ng Malay ang tinatayong pribadong pier na ito malapit sa Ati Village sa Bulabog beach sa Brgy. Manocmanoc, Boracay.
Ayon kay Sangguniang Bayan member at committee chairperson on environment Nenette Aguirre Graf, pinatigil na ito ng pamahalaang lokal pero bumalik rin pagkalipas ng ilang araw.
Nang usisain umano niya ang mga nagtratrabaho rito upang ipakita ang mga kaukulang dokumento ay wala silang maipakita. Wala rin umanong kaalam-alam ang konseho ng barangay ukol rito.
Ayon kay Graf, pagmamay-ari umano ito ng isang resort sa nasabing isla.
Samantala, kinumpirma ni Rowen Aguirre sa office of the mayor, na ngayong araw ay ipapatibag agad nila ang nasabing konstruksyon at paiimbestigahan ang nasabing kaso.
No comments:
Post a Comment