Bar sa Kalibo sangkiri eang masunog

NASUNOG RO kitchen area it sangka bar sa Brgy. Poblacion, Kalibo rayang hapon.

Suno sa inisyal nga imbestigasyon ni SFO1 Julius Tiongson, nagaeaha it burger ro pila ka mga tawuhan it Mugz and Wheels resto bar tag matabu ro insidente.

Nagdaba-daba ro kusina it daya nga resto bar ag nag-umang ro pila ka mga tawo sa sueod it nasambit nga bar.

Eagi man nga nagkabuligan ro mga tinawo it resto bar, ginbasyaha it tubi, ag ginpapuslitan it fire extinguisher para mapaeong ro kaeayo.

Nagresponde man ro mga tawuhan it Bureau of Fire para magpatigayon it imbestigasyon sa lugar.

Suno kay Tiongson posible nga nagleak nga host it LPG ro kabangdanan it sunog.

Owa man it may nanihan sa insidente. Samtang ro estimated cause of damage hay Php4,000.