Inaayos na ng Aklan Police Provincial Office ang pagbuo sa task force na tututok sa kaso ni Chrisha Nobleza.
Ito ang kinumpirma ni PCInsp. Bernard Ufano ng Intillegence Branch sa panayam ng Energy FM Kalibo Martes ng umaga (Nov. 7).
Ayon kay Ufano, kabilang sa bubuo sa task force na ito ang mga tauhan ng Intelligence Branch, Investigation, at ng Libaco municipal police station.
Sa kabila nang hakbang na ito, binigyang diin ni Ufano na malaki parin ang ginagampanan ng komunidad sa paglutas ng kaso.
Si Nobleza ay natagpuang patay sa Brgy. Guadalupe, Libacao na pugot ang ulo, at napag-alamang ginahasa ng hindi pa nakikilalang suspek.
Lunes (Nov. 6) ay inihatid na sa huling hantungan ang nasabing 8-anyos na bata. Sigaw parin ng pamilya ang hustiya sa kalunos-lunos na pagpatay sa batang babae.
No comments:
Post a Comment