ulat ni Darwin Tapayan, Energy FM 107.7 Kalibo
Patay ang isang 23 anyos na lalaki makaraang tangayin ng malakas na alon habang naliligo sa baybayin ng so. Punta, brgy. Mambuquioa, Batan pasado alas-6:00 ng gabi.
Maswerte namang nakaligtas ang dalawa pa. Samantalang pinaghahanap pa ang isa nilang kasama.
Ayon sa inisyal na report ng pulisya, naligo umano ang apat nang biglang humampas ang malakas na alon.
Dinala pa sa district hospital ng Altavas ang biktimang si Jayve Bolivar, residente ng nanggit na lugar, pero dineklara ring dead on arrival.
Nailigtas naman ng nagpatrolyang bangka ang dalawa na kinilalang sina Renz Nabuab y Salvador, 12-anyos, at Reniel Bolivar y Gallardo, 7, pawang mga estudyante at residente rin ng parehong lugar.
Pinaghahanap pa ngayon ng mga rescuer si Renebi Nabuab y Salvador, 13, at isa ring estudyante.
No comments:
Post a Comment