ulat ni Joefel Magpusao/ Darwin Tapayan, Energy FM 107.7 Kalibo
Kalaboso ang isang barangay kagawad makaraang saksakin ang isang 34-anyos na lalaki sa brgy. Cogon, Malinao dakong alas-11 ng gabi.
Ayon sa blotter report ng Malinao PNP station, nag-iinuman umano ang biktima nang dumating ang suspek at biglang sinaksak sa kanyang tiyan.
Kinilala ang suspek na si William Patricio y Puod, 40 anyos, residente ng nasabing lugar.
Ang biktima ay kinilala namang si Ramer Tabing y Tacsay, 34 anyos, residente rin ng brgy. Cogon.
Agad na isinugod sa provincial hospital ang biktima samantalang naaresto naman ng mga rumespondeng pulis ang suspek.
Sa ngayon ay nagpapatuloy pa ang imbestigasyon ng pulisya hinggil sa kasong ito.
No comments:
Post a Comment