Kalibo Police Station pinaigting do Special Motorized Anti-Criminality Response Team

[Press Release] PINAIGTING EON it Kalibo Police Station ro Special Motorized Anti-criminality Response Team (S. M. A. R. T) sa banwa it Kalibo. Suno kay PSUPT Richard Mepania, Chief of Police it Kalibo Municipal Police Station nga ipatupad do rayang programa dahil sa paeapit nga Kapaskwahan ag Bag-ong Dag-on. Kung siin dayang programa hay ginakumponihan it didekadong Police nga magahimo it pag patrolya gamit do motorsiklo sa mga gapangunang daeanon it Kalibo.

Dayang systema hay kaparte ku Comprehensive Patrol Deployment Plan/Oplan Patrol Serenata nga magasilbi sa tanan nga barangay it Kalibo nga kung siin mapadali ro pag responde sa gakatabo nga krimen. Nakataeana nga maga implementar it Brgy. Saturation Drive. May una man nga Oplan Bulabog “Wang Wang Sa Brgy. “ nga kung siin maga himo it sunod-sunod nga paglibot it patrol cars ag motorsiklo nga gamit do pag patunog it sirena ag blinkers sa tanan nga mga barangay. Gapati gid do kapulisan nga mabahoe rayang epekto para matapna do gakatabo nga holdapan ag panakawan sa banwa.

Dugang sa pag implementar it lokal nga ordinansa, magahimo pa gid it patrolya sa mga bars ag club agud mabuhinan ro mga krimen paagi sa "Oplan Bakal" ag "Oplan Sita" sa mga establisimiento. Gina hinyo gid ro mga tag-iya it mga bars nga magbutang it mga CCTV cameras kun sa siin kaparte raya para mapadali do pagsugpo it kriminalidad nga gakatabo sa banwa it Kalibo.

Gapangayo gid it kooperasyon/bulig do Pulis Kalibo sa mga pumueoyo para matapna do mga krimen ag mapa establisyar do kalinong it banwa.##

- P01 Aldren Andrade, Asst. PCR Kalibo Police Station