Nagreklamo ang misis na ito at kanyang mister sa kapulisan matapos umano siyang pagbintangang nagnakaw sa isang establisyemento dito sa Kalibo.Sumbong ni Ruby Daniel, pinagbintangan umano siyang nagnakaw ng isang electrical adopter sa halagang Php90.
Ito ay matapos tumunog ang detector nang papalabas siya kasama ang mister sa FUS Merchandising.
Agad umano siyang sinita ng gwardiya at nakitang hindi kasama sa kanyang resibo ang nasabing item.
Dahil dito siningil siya ng kahera ng multa na Php400 bagay na binayaran naman niya para wala nang gulo.
Giit kasi ng misis, kasama sa kanyang mga pinamiling kitchen ware ang nasabing item nang bayaran niya ito sa kahera.
Posible anyang hindi napansin ng kahera ang item na ito dahil nakikipagbiruan umano siya sa isang kasama habang nag-aasikaso sa kanilang mga pinamili.
Wala pang pahayag ang FUS Merchandise hinggil sa insidente pero ibinalik na nila ang multa na siningil nila sa misis.
Matatandaan na sunud-sunod rin ang reklamo sa establisyemento ring ito dahil sa palyado nilang detector.
Desidido naman ang misis at mister na dalhin ang reklamong ito sa Department of Trade and Industry.
No comments:
Post a Comment