Drainage system sa Isla ng Boracay hindi pa tapos ayon sa DPWH-Aklan

photo by Boracay Rehabilitation Continues FB

KALIBO, AKLAN - Kahapon ay naranasan ang pagbaha sa ilang bahagi ng Isla ng Boracay kabilang na ang mainroad sa may D'Mall area.

Paliwanag ni Department of Public Works and Highway (DPWH) - Aklan District Engineer Noel Fuentebella ang pagbaha ay dahil aniya hindi pa natatapos ang konstruksyon ng drainage sa Isla.

Ito ang naging pahayag ng district engineer umaga ng Lunes sa panayam ng Energy FM Kalibo.

Gayunman iginiit ni Fuentebella na halos kompleto na ang kanilang drainage system. Aniya Drainage sa mainroad lamang umano ang in-charge sa kanila.

Hinihintay na lang umano nila na mai-tap ang  drainage sa mainroad sa drainage na maglalabas ng tubig sa dagat na nakatuka umano sa Tourism Infrastructure and Enterprise Zone Authority (TIEZA).

Aniya hindi pa nakokompleto ng TIEZA ang kanilang drainage kaya umano nagkakaroon ng pag-apaw ng tubig nang bumuhos ang malakas na ulan kahapon sa Isla dahil limitado pa ang lumalabas na tubig-baha sa dagat.

Isa pa sa itinuturo niyang dahilan ng pagbaha ay ang mga basura na nakabara sa mga drainage. Nakikipag-ugnayan na umano ang kaniyang tanggapan sa pamahalaang lokal para malutas ang suliraning ito.

Sa kabila nito "okay" lang sa opisyal ng DPWH-Aklan na umulan para makita umano nila at ng iba pang ahensiya ng gobyerno kung ano pa ang mga dapat ayusin.

Samantala, sa regular session ngayong Lunes napagkasunduan ng mga miyembro ng Sangguniang Panlalawigan na magsagawa ng isang legislative inquiry para alamin ang progreso ng ginagawang kalsada sa Isla.##

- Kasimanwang Darwin Tapayan, Energy FM Kalibo

DPWH constructs Aklan Tourism Center

ILOILO City – The Department of Public Works and Highways (DPWH), Aklan District Engineering Office is currently undertaking the construction of Tourism and Trade Investment and Promotion Center in the province of Aklan.

According to District Engineer Noel L. Fuentebella, an initial amount of P20.0 million from District’s FY 2018 General Appropriations Act (GAA), released to commence the construction.

Fuentebella also said that the groundbreaking was conducted recently, graced by Senator Loren Legarda, along with Aklan Provincial Government headed by Governor Florencio T. Miraflores, and DPWH Aklan District Engineering Office, represented by Assistant District Engineer Leo P. Bionat
During the groundbreaking, Legarda said that the initial amount of P20.0 million will not be enough for the completion of the project, adding that she will find ways to look for additional funding to finish the project.

The project, which is expected to be completed in July next year, involves the construction of 3-Storey building with roof deck, including removal of structures and obstructions, excavation, embankment, concrete and masonry works, and cement plaster finishing work.

Also included in the project are fabrication and installation of doors and windows, tiles and sewer line works, as well as installation of storm drainage and downspout, conduit, boxes and fittings, and panel board.

When completed, the building will serve as venue for seminars, trainings and product presentations. It will also house various offices, catering tourism and trade investment sectors.

The project is expected to boost tourism in the province and provide livelihood to the Akeanons, adding to tourism development brought about by the reopening of the world renowned Boracay Island. – dpwhr6

TULINGON ROAD SA NABAS BUBUKSAN NA SA LAHAT NG MGA SASAKYAN

BUBUKSAN NA sa lahat ng mga sasakyan ang Tulingon road sa bayan ng Nabas sa darating na Setyembre 15.

Ito ang kinumpirma ni Department of Public Works and Highway - Aklan District Engr. Noel Fuentibilla sa Energy FM Kalibo umaga ng Lunes.

Pero nilinaw niya na kalahating bahagi lamang ng kalsada ang pwedeng daanan.

Binubuhusan pa umano ang kabilang bahagi ng kalsada at nagdadagdag pa ng mga suporta sa ilalim para maging matibay ito.

Posible aniyang matapos nila ang buong rehabilitasyon ng kalsada sa huling araw ng Setyembre.

Matatandaan na nagsimulang gumuho ang bahagi ng kalsada rito makaraan ang paghagupit ng bagyong Urduja sa Aklan Disyembre ng nakaraang taon.

Samantala, sa kasalukuyan ay maaaring makadaan ang mga motorsiklo sa ginagawang kalsada anumang oras ayon sa DPWH.

May mga nag-aantay rin na mga sasakyan sa magkabilang bahagi para sa mga bumibiyahe patungong Caticlan o Kalibo.##

- - Darwin Tapayan, Energy FM Kalibo

BAHAGI NG NATIONAL HIGHWAY SA TULINGON, NABAS ISASARA NA SA LAHAT NG BEHIKULO

Isasara na sa lahat ng uri ng sasakyan ang bahagi ng national highway sa Tulingon, Nabas simula Miyerkules, Agosto 15.

Ito ang inanunsiyo ni Department of Public Works and Highway (DPWH) - Aklan District Engr. Noel Fuentibella sa Energy FM Kalibo umaga ngayong Lunes.

Aniya, lubhang mapanganib na sa mga motorista ang dumaan pa sa nasabing lugar dahil sa patuloy na pagguho ng lupa rito.

Ilang materyales ang dinala na umano sa lugar at sa pagsasara ay sisimulan na ang pagtratrabaho upang ayusin ang kalsada.

Kaugnay rito ang lahat ng mga sasakyan na patungong Caticlan ay dito na dadaan sa Pandan, Antique, palabas ng Buruanga patungong Malay at vice versa.

Maging ang mga motorsiklo ay di na rin umano pwedeng dumaan. Pwede umanong makatawid ang mga tao bago mag-alas-8:00 ng umaga, 12:00-1:00 ng tanghali at pagkatapos ng alas-5:00 ng hapon.

Posible aniyang matapos ang rehabilitasyon ng kalsada sa Setyembre. | EFM Kalibo

MGA HEAVY VEHICLE HINDI NA PWEDENG DUMAAN SA BAHAGI NG NATIONAL HIGHWAY SA NABAS AYON SA DPWH

Isasara na simula Lunes sa mga heavy vehicles ang bahaging ito ng national highway sa Brgy. Tulingon, Nabas.

Kasunod ito ng patuloy na pagguho ng lupa sa bahaging ito ng kalsada dahil sa mga pag-ulan sa lugar. Mapapansin na halos kalahati na ng kalsada ang gumuho.

Inanunsiyo ito ni Department of Public Works and Highway (DPWH) - Aklan District Engr. Noel Fuentebella sa Energy FM Kalibo umaga ngayong Byernes.

Kaugnay rito, sa Lunes ay magbabantay na ang kapulisan para abisuhan ang mga heavy vehicle na papuntang Malay na sa Pandan, Antique na sila dadaan palabas ng Buruanga, Aklan. Ito rin ang daraanan pabalik.

Pwede pa rin anyang makadaan ang mga light vehicles sa lugar samantalang pagdating ng Agosto 15 ay posibleng tuluyan nang isasara ang kalsada sa lahat ng mga motorista.

Siyam na milyon ang inilaang badyet ng Kagawaran para sa rehabilitasyon ng naturang kalsada. Humingi naman ng pag-unawa sa mga motorista ang district engineer.

Aniya bagaman magdudulot ito ng inconvenience sa mga motorista, pansamantala lamang anya ito para maayos ang kalsada para sa kaligtasan ng lahat. | Darwin Tapayan, EFM Kalibo

BAHAGI NG NATIONAL HIGHWAY SA NABAS, AKLAN PANSAMANTALANG IPASASARA NG DPWH

Ipasasara ng Department of Public Works and Highway (DPWH) ang bahagi ng national highway na ito sa Brgy. Tulingon, Nabas dahil sa pagguho ng lupa.

Ito ang sinabi ni DPWH-Aklan District Engr. Noel Fuentebella sa panayam ng Energy FM Kalibo umaga ng Miyerkules. Dahil umano ito sa pagguho ng kalahating bahagi ng kalsada.

Sinabi ni Engr. Fuentebella na magsisimula ang konstruksyon sa ikatlong linggo ng Agosto. Nasa 80 metro anya ang lalim ng aayusing kalsada.

Kaugnay rito ang mga motorista na patungo sa bayan ng Malay ay dadaan muna sa Pandan sa Antique, palabas ng Buruanga, Aklan habang ang manggagaling Kalibo papuntang Nabas proper ay pwede pang makadaan.

Siyam na milyon ang inilaang badyet ng Kagawaran para sa rehabilitasyon ng naturang kalsada. Humingi naman ng pag-unawa sa mga motorista ang district engineer.

Aniya bagaman magdudulot ito ng inconvenience sa mga motorista, pansamantala lamang anya ito para maayos ang kalsada para sa kaligtasan ng lahat. | Darwin Tapayan, EFM Kalibo